🍒الفصل الثاني :إعتذاري منكي لن ينسيكي
أما صفاء ناضت هاربة من الصداع والضجيج بغات غير تبعد شوية . حيت ماحاساش براسها مرتاحة. . تمشات جيهة الجردة لورانية كتشوف فالشجر والورد .
حتى وقفها صوت هذاك لي من قبيلة وهو حاضيها وحاضي تحركاتها
فهد : هيييييي نتي
صفاء دارت مخلوعة غير شافتو بتاسمات: خووويا معايا
فهد شاف فيها مخنزر:كاين شيحد منغيرك هنااا
صفاء شافت قدامها وبتاسمات ببلاهة حيت بصح مكاين حد منغيرها: ههه ماراديتش البال
فهد بحدة: اممم ماراديتيش الباال. وشنو كديري هنا
صفاء: ءء مافهمتش
فهد: الحفلة كااينة لقداام ونتي لااش جاية لهنا
صفاء رجعات حمرة وتحشمت: احم سمح ليا والله حسابلي عادي نتمشي . والله كنعتاذر هاني غادي نرجع
يالاه بغات تمشي وهو يوقفها تاني
فهد:وعلاااش جااية لقصر أصلا. شكون عيط عليك
صفاء: ءء جيت غير على الخدمة
فهد بتاسم جنب: شفتك جيتي هازة الصنادق على ضهرك. شكون طلب منك تجيبيهم
صفاء: غير الشاف حمد مالقاش لي يوصل السلعة وطلبني نجييبها
فهد: وهادي كلها صدفة
صفاء بتاسمات: شفتيي سبحان الله على صدفة جيت على لخدمة لقيتكم نتوما
فهد: اممم شفت على صدفة. وملي كملتي خدمتك علاش مامشيتيش
صفاء: أحم. بغيت نمشي ولكن سلمان ماخلانيش قال ليا جلسي حضري لعرس بنت خالي
فهد: ونتي عجبك الحال تجلسي . جااتك عادية
صفاء بتوتر: ء ع علاش
فهد: شوفي على حالة نتي فيها ولبسك كيفاش داير وجالسة فحفل فيه أغنياء البلاد والصحافة . شنو بغيتي تديري لينا الشوهة
صفاء قلبها ضرب وهدرتو فحلا موس ودخل لسها فقلبها . هبطات عينيها لحوايجها لمسخين وعضات على شنوفتها وشافت فيه: والله عندك الحق شوف حوايجي كيف مسخين ونتوما تبارك الله ناس لاباس عليكم. حشومة نجلس هكا كان ماخصنيش نجلس فالحقيقة
فهد علا حاجبو: واااش زعما كتفلاااي عليا ولا كتستهزئي مني
صفاء عينيها دمعو: علااش أخويا والله منيتي. عاد رضيت البال لحوايجي وهبطات عينيها لسبرديلة. شووف حتى سبرديلتي مقطعة . لمهم كنعتاذر
