🍒 الفصل الثاني: إعتذاري منكي لن ينسيكي
سحر رجعات الميكاب أرتيست قادات ليها حالتها . حيت الدموع خسرو ليها الميكاب وطلعو البنات هبطوها بالزغاريت منهم ليليان لي غادي تنقز من الفرحة القلوبة خارجين ليها من عينيها أول مرة تحضر نعرس. وتلبس قفطان وغادي تشطح وتنقش ماشي تحك الماعن والطناجر. ديما كانو حاكرين عليها فالعروبية فينما تكون شي عراسية ولا مناسبة فالدوار. كيجيبوها تعاونهم فالشقى وفالنهاية يضحكو عليها ويجريو عليها.
هبطو سحر حتى لصالون وجلسوها فالمنصة دالحنة وكلشي داير بيها كلشي فرحان ليها و البنات دصحابهم كلهم حاضيين جمالها الملفت .
ومن بعيد واقف عصام فواحد القنيتة داير رجل على رجل وحاضن يديه كيتفرج فأميرتو كتبرز فوق المنصة. من ديما كانت هادي أمنيتو يشووفها عروسة. عرووستو هو. عروسة عصاام. بقا حاضيها بعينيه ملي جلسوها وجلسات قدامها النقاشة شدات ليها فيديها وبدات كتخطط ليها.
ماكرهش يبقا حاضيها ومايغفلش عينيه عليها لكن جاه مساج لي خلاه يخرج كيجري متاجه لطموبيلتو.و تلاقى فهد فالجردة
فهد: ماالك خارج بزربة ياك لاباس
عصام:لاا والو غير واحد الغراض صغير وراجع. نتا ماتخرج دير عينيك على الدار و المنضمين غادي يرجعو يصايبو الضواو وقف معاهم
فهد:صاافي سيير كون هااني. غير ماتعطلش الناس قربو يجيو
عصام:لاا مانتعطلش دابا راجع زاد مكسيري خارج من الباب لقى واحد الهوندا واقفة فباب القصر والكارد كيحققو فمحتواها وكيدوزو لاباراي عليها. هادو هوما القوانين أي حاجة دخلات لقصر خاص تتعرض لتفتيش مكثف عنداك يكون فيها ممنوعات ولا متفجرات
عصام وقف وطل من الشرجم:شنووو كاين هناا
الكارد: واالو أسيدي غادي نخويو الطريق غير الديسير يالاه وصل من المارشي
عصام: هاد الباب خاصة بالضياف وناس دالقصر. . السلعة كتدخل من الباب التاني
الكارد :غير ماعرفوش الطريق. هاني غنردهم يدربو الدورة
عصام:لاا صافي بلا متعذبهم يدخلو غير من هنا. كاين دابا غير المقربين مازال ماجاو الضياف الخاصيين
الكارد:واخا أسيدي غادي ندخلهم
عصام زاد خارج والهوندة دخلات .
صفاء كانت جالسة وسطها كيف الأمانة ماتكلمات ماتحركات. أصلا مصدومة غير من الطريق لي جات منها. فحالا غادا فبلاد تاانية طريق زوييينة ونقية وكلها خضورة وشجر. أما ملي وصلات لباب القصر كبيير بالذهبي ومنقوش فيه {قصر عائلة مرتضى}
واخا شافت النقش والكتابة مافهمتهاش حيت أصلا ماكاتعرفش تقرأ . دخلو وسط الجردة لي كانت كبييرة وزويينة الخضورة من كل جيهة الشجر والخصاات عامرين بالماء . الجردة ماحدتهااش عينيها.
صفاء الإبتسامة فلتات ليها من فمها وعينيها ولاو كيبريو.منضر ديال الجردة سحرها وحمقها ماعمرها دخلات لشي بلاصة بحاالها
وقفات الهوندة وسط الجردة قدام باب الكوزينة بعيدة شوية علي المعازيم باش مايشوفوش السلعة كتدخل.
نزلات وهي كتبتاسم وعينيها كيدورو. كتشوف العمال لي عاد وصلو حتى هوما كيصايبو فالضوء. حتى قفزات من صوت الكارد
الكار: غاادي تبقااا واقف الشرييييف. كمل خدمتك ورووولي من هنا دغياا.
صفاء شافت فيه متوترة: أه أه هي الأولى أخويا حلات باب الهوندا وهزات صندوق فوق كتفها وبدات كتدخل لكوزينة. لي عاااالم تااااني مساااحتها شكلات ليها صدمة كبييييرة بزااف وعااامرة بالخدم كلشي واااقف وكلشي كيجري شي دااخل شيي خاارج. كلشي عندو خدمة خااصو يكملها فالوقت. بقاات شاادة ديك الكرطوونة وكتشووف فيهم ماعارفااش فيين تحطها حتى سمعاات الصوت من ورااها.
****** : حطهاا هنا أولدي
صفاء دارت بسرعة علات عينيها السوداويتين فيها و مزاال هازة الصندووق فوق كتافها
****** غير شافت وجهها عن قرب تصدمات مافهماتش وماعرفاتش كان حسااب ليها ولد حتى كتصدم ببنوتة كتحممق. بتاسمات ليها وهضرات معها بحنان شفقانة على حالتها وخدمتها
بلقيس: حطييها هنا أبنتي..
#يتبع
يالاه تباتو فراحة الله أبناتي نتشاوفو غدا 🙄🙄
بغيتكم تبلبلوها نجمات وتعليقات بغيت . باش البنات يزعمو علي القصة
