🍒الفصل الثالت:صفاء روحك أذابت فؤادي
♣️الجزء :643
كملو فطورهم فجو زويين فهد شاف فطبسيل صفاء لقاها كلات غير شوية خنزر ومابغاش يحكر وقف غادي لخدمتو
فهد:هاني غادي ادا بغيتو شي حاجة صونيو عليا ، الوااليدة بلا منعاود هدرتي قلت ليك البارح شنو كاين
ذكرى: الله يهديك خلينا نخرجو ناخد ليها شي حاجة
فهد شاف فصفاء قارن حاجبو: شنو بغيتي نتي
صفاء شافت فيه وشافت فالعائلة لي كلهم ساقو ليهم الخبار وجهها حمر وتمتمات:و واالو
فهد شاف فذكرى:قالت ليك واالو ،لمهم انا مشيت الخرووج لاا ،خرج ومشى لخدمتو
وكدالك عصام وقف وجر معاه سحر حتى لباب
عصام بتاسم وتلمس ليها خدودها: طلعي لبيتك ونعسي بلاصتك ورتاحي ليوم ، ماتهزيش هم لخدمة كلشي غادي نهتم بيه أنا
سحر حركات راسها بواخا: احم واخا اصلا انا حاسة براسي عيانة
عصام: غير تدوز الخطوبة غادي نبداو العلاج وغادي ناخدك عند طبيب نفسي
سحر تنهدات :عصام بلاااش انا ممريضاش
عصام خنزر:ماغاديش نبقى نطلب فيك قلت كلمتي ونتي غادي تسمعي الهدرة غادي تسمعيها
سحر بقات واقفة كتشوف فيه وهو قرب وباسها من جبهتها
عصام: يالاه طلعي ورتاحي وبقاي تسمعي الهدرة الله يرضي عليك باش مانتقلقش منك
سحر ماجاوباتوش عطاتو بضهر ودخلات خلاتو كيتنهد عاارفها مرييضة ومأزمة عاارف نفسيتها مزفتة عاارفها ماقادراش تتحمل حتى نفسها، سحر الوقت لي كانت كتضن أنها كتعالج نفسها فالغربة بإكتساب القوة هي بالعكس كانت كتضمر راسها بيديها واخا كانت كتكتاسب الصفات لي بغات لكن فنفس الوقت كانت كتمرض نفسها بالضغط والسكات وكبت المشاعر لي كانت كتكبتهم
كل ضربة بوكس كانت كتضربها فالتمارين وهي عااضة على سنانها بقوة ، كانت نفس الضربة كتدخل لأعماقها وكتخرب نفسها
وكل نقطة عرق كانت كتنزل من جبهتها وهي كتتصاع مع المصارعين او المتطرفين الأمريكان كانت كتغرص داخلها مجمووعة من المشااعر الشاادة لي مخصش تتبناهم الأنتى
ضروفها والمشاكل لي عاشت والطريقة لي حلات بيهم هاد المشاكل ضمرو نفسيتها خلاوها تتيق أنها قوية أنها رااجل أنها مايقدر عليها حد عندها الحق تكمي وتشرب وتخسر الهدرة تتقاتل مع الذياب وبزاااف دالصفات الرجالية
