🍒الفصل الثالت:صفاء روحك أذابت فؤادي
♣️الجزء :579
صفاء: انا غادي نوض دابا نتوضا نصلي ونرجع نجلس معاك
ليليان بإبتسامة : حتى أنا غير يمشيو مني ليغيكل غادي نرجع نصلي
دخلات براءة شادة بلاطو ديال لفطور فيديها كانت خلات صفاء معاها ونزلات تجيب ليها الفطور
براءة: حتى أنا بغيت نرجع نصلي ومانقطعهاش، واخا كنصلي لكن كنقطعها
صفاء: غير غادي تولفيها غادي نتي ماتبقايش قادرة اخليها، ادا خليتيها غادي تولي بحالا هازة جبل فوق ضهرك
براءة: غادي نزير راسي الصارحة هادشي ماخدامش وماما عيات تهدر معانا حتى مابقاتش كتجبد هاد الموضوع
صفاء: مادام عندك العزيمة باغية تصلي ربي غادي يوفقك واخا الشيطان غادي يبغي يطيحك كوني قوية
براءة: إنشاء الله
صفاء: عندكم شي حجاب وعباية نصلي بيها، واخا السورفيت طويلة وواسعة لكن ماكنرتاحش خاصني عباية
براءة: أه عندي وحدة جابتها ليا ماما من العمرة انا نجيبهالك
دخلات لدريسينج وهزاتها هي والشال ديالها وخرجاتها ليها بيها
براءة :هاكي اختي
صفاء شداتهم مبتاسمة :وفين القبلة
براءة: هنا فالقنت ديال الحيط،وحتى فالبيت لاخر غادي تلقاي نفس القبلة
صفاء:صافي اختي انا غادي نمشي لبيت لاخر باش نصلي بخاطري ونتي ليليان كولي نجي نلقاك كليتي
ليليان:هههههه واخا
صفاء مشات لبيت الضياف لي سبق ليها نعسات فيه دخلات نالحمام توضات وخرجت كتقلب بعينيها لقات الصلاية فوق الأريكة حيت كل بيت ضاروري يحطو فيه صلاية وقرأن ،فرشاتها فالارض ووقفات كبرات وبدأت الصلاة.
لتحت مازالين جالسين ذكرى وسحر وبلقيس
بلقيس:حلفييي بالله
ذكرى:واش عمرني كذبت عليك
بلقيس:فهد وصفاااء
سحر: علاش مابغيتيهمش أعمتي ياخد صفاء كنتي باغياه ن ألماس
بلقيس تنهدات: الصراحة تمنيتو يكون لبنتي حيت فهد عندو معزة خااصة فقلبي ومدة طويلة وهو كيقلب عليه درت فبالي فهد غادي يكون راجل بنتي، لكن( بتاسمات) حتى صفاء عزيزة عليا ومعزتها خااصة مانفرقهاش من بنتي ،فحال ألماس فحال صفاء بجوجهم بناتي وحدة ولدتها ومشات ووحدة مولدتهاش وجابتها ليا الحياة
♣️الجزء :580
ذكرى تنهدات: إنشاء الله غادي نلقاو حتى ألماس راه قال ليا مراد بلي فهد بدأ كيقلب من جديد وأنا متأكدة غادي نوصلو لشي رأس لخيط
