🍒الفصل الثاني :صفاء روحك أذابت فؤادي
دخلات نالبيت بالزربة لبسات غير سورفيت فالموف وسبرديلة بيضة علات شعرها ودارت ليه كعكة لفوق وخرجات كتجري دازت على براءة ونزلو فالدروج يالاه غادي يخرجو وهي توقفهم الخدامة شادة فيديها كأس دالعصير
الخادمة:مدااام ليليان
ليليان دارت مخنزرة: سميتي ليييليااان صاافي
الخادمة: أحم هاادا البروطوكوول أمدام تزوجتي وخاسنا نعيطو ليك هاكا
ليليان: تزوجت ولكن مازاال ماشرفت ماتبقاايش تقوليلي مداام
الخدامة: وااخا مدا احم (مدات ليها كأس دالعصي ) شربي كأس دالعصير ديالك
ليليان:لاا مابغيتوش مامشهيااهش
الخدامة: هادي أوامر موسيو يوسف فهاد الساعة تشربي كأس دالعصير
ليليان تنهدات وشداتو من عندها وشرباتو كلو ومدات ليها الكاس وتبعات براءة لي واقفة كتساينها براءة
ليليان: فشمن طموبيل غادي نمشيو
براءة:وااش نتي حمقة بغيتيهم يعرفونا فين غاديين . غادي نشدو طاكسي
ليليان: والكارد غادي يخليونا نمشيو
براءة: أنا ماعندهم مايقولو ليا شوفي نتي لي موصيهم يوسف علييك
ليلياان: ماعرفتش . أصلا واخا يصونيو ليوسف دابا غادي يلقاوه فإجتماع يالاه هضرت معاه قبل مايبدأ الإجتماع
براءة: وإدا عرفك خرجتي شنو غادي تقولي ليه
ليليان: غادي نقول ليه تخنقت وبغيت نخرج لبحر ومشينا أنا وبراءة غير لبحر لي قدام القصر جلسنا شوية
براءة: ضبريي لراسك أنا ماشي سووقي
خرجو كيتمشاو حتى لقدام الكارد وهوما يوقفوهم
الكارد وعينيه فالأرض: مداام نتي ممنوعة من الخروج بلا أوامر سي يوسف
ليليان: أحم راه هدرت معااه وقال ليا غير خرجي
الكارد: خاسنا نهدرو معاه حنا،
ليليان: ماغاديش يجاوبكم حيت دخل لإجتمااع أنا عاد هدرت معااه وقاال ليا خرجيي
الكارد جبد تيليفونو ودوز مكالمة نيوسف كيساينو يجاوبو، بقى كيصوني حتى تقطع الخط : ماجاوبش أمادام وأنا مانقدرش نخليك تخرجي
ليليان علات حاجبها: وااش بغييييتي ملي يجيي يجريي عليك وااش أنا قلت ليك عطااني الإذن نخرج حيت انا حاملة وتخنقت ونتا كتقول ليا مانخلييكش تخرجييي
الكارد: هاادي أواامر الالة
ليليان: وأنا قلت ليييك هدرت معاااه كتكذبني
الكارد: حاااشااا الالة ( بعد ليها من الطريق) تفضلي
ليليان تنهدات وخرجات دايرة راسها معصبة غير فاتت الكارد وطلقاتها بضحكة
ليليان:هههههههه احم كيف جيتك
براءة:كيف غادي تجينيي كذااابة ،غير الله يخرج هاد النهاار على خيير
ليليان:زييدي زييدي حتى أنا توحشت المغامرات
بعدو على القصر لقاو طاكسي واقف كيساينهم حيت براءة عيطات عليه أما هاد البلاصة قلييل فين كيدوز طاكسي ركبو فيه وقالو ليه سمية الكارياان ونطالقو
