🍒الفصل الثالث : صفاء روحكي أذاب فؤادي
صفاء حشماات: لا زعمة واش ندوش كلي
فهد تنهد: واخا هادشي عمرني تناقشت فيه مع شي وحدة . دوشي غير لحمك شعرك بلاااش حيت غادي نجلسو فالجردة وغادي تمرضي
صفاء تقدمات عندو :ممم ونتا علاش داخل نالحمام
فهد علا حاجبو: حيت أنا لي غادي ندوشلك
صفاء وقفات مصدومة حالة فمها : أأ
فهد بحدة: أتحركييييي ألالة خليني نحليك الماء
صفاء عضات على فمها وحكات شعرها بإحرااج على أفكارها ودخلت
فهد قرب نالرشاشة ودغط على الأزرار وتشعلت وبدا كيترش الماء : ها هو الماء صيبتوليك خليه هكا حتى تسالي باش مايخسرش حيت إدا خسر غادي نضطر ندخل علييك نصايبو
صفاء بسرعة: لااا لاا مانقيصووش غادي نخليه هاكا أخويا
فهد: جبد ليها جيل دوش ديالو وحطو قدامها هو الشبكة لي غادي تدوزها على لحمها: هاهوما هادو دوشي بيهم
صفاء شافت فيه وبتاسمات: شكرا أخويا
فهد تنهد وخرج وسد الباب
أول حاجة دارت صفاء قلعات حوايجها كلهم علاقات الحوايج لي مفازكينش وهزات سروالها وكيلوطها حطاتهم تحت الرشاشة فزكو مزيان قلبات على الصابون لي حدا لا فابو واخا غير ديال اليدين لاكن فيه الريحة زوييينة كتحمق دارتو فوق منهم وفركاتهم مزياان صبناتهم تلاتة دالمرات حتى مابقااتش فيهم الريحة، ولاو ريحتهم دالورد كيف الصابون عصراتهم مزياان وعلقاتهم لفوق باش يقطارو شوية
علات شعرها ولوات الضفيرة باش ماتفزكش عاد دخلات تحت الرشاشة دارت الجيل دوش فيديها وشمات فيه ريحتو دالقهوة كتحمممق ماكرهاتش تخرج لسانها وتلحسو مع ماموالفااش هادشي عجبها بزااف ،دهناتو فلحمها كلو وخصوصا نصها التحتاني وبين فخاضها فركات بالشبكة عاد دخلات تاني تحت الرشاشة و تشللات
خرجات من تحتها كتقطرها لحمها لبلق كيتزلق وجهها حمر بالبخاار وريحتها كتعطعط كتبان بحال شي فريزة ولا شي توتة خارجة من الحمام
قربت هكاك لبلاكار لي فلحماام لحمها كلو كيترعد مع تبااارك الله هاازة
حلات لبلاكار كتقلب على شي بينوار مالقاتش كاين غير الفوطات بقات واقفة كتفكر مايمكنش تخرج بالفوطة خصوصا هو غادي يكون برا ماعرفاتش شنو تدير عضات على فمها وتنهدات حلات الباب بشوية كتطل برويسها مابان ليها حد بدأت كتعيط عليه
صفاء: خ خوويا واش كتسمعني
فاهد كان جالس فوق السرير شاد فيديه تيليفونو وحاط قدامو واحد السورفيت كيساينها تخرج غير سمع صوتها دار التيليفون فجيمو ووقف قرب نالحمام
فهد بتاسم جنب: مالك ياكما خسر ليك الماء ندخل نصايبوو؟
