🍒 الفصل الثاني: إعتذاري منكي لن ينسيكي
لداخل العرس بادي الموسيقى مطلوقة والبنات كيشطحو. وسحر جالسة غير كتتنهد ماحاملاش راسها. كيجيها هادشي إهانة فحقها واش وحدة مصارعة تجلس كتنقش وزيد باغين ينقشو ليها حتى رجليها. واخا كانت الحنة كتعجبها فالماضي. لكن دابا ماقادراش تتقبلها. ماشي الحنة لي ماعجبهاش لكن الوضع ككل مشكل ليها إحراج حاسة أن لي شافها غادي يضحك عليها.
ذكرى قربات لسحر وهي كتبتاسم لناس تحنات عند راسها كتهدر فوذنيها باش تسمعها
ذكرى: وااابنتي الله يهديييك خليها تنقش ليك رجليييك . رااك عروووسة
سحر: واااعباد الله. مابغييتش يااك خليتكم درتو ليا هاد التخربيق فيديا. صاافي رجلي لااا
ذكرى:رااه العاداااات هاذو أبنتي. العروسة كتنقش يديها و رجليها. وكتعمرهم مزياان. ماااشي هاد الخط لي داايرالي فيديييك
سحر: شنووو ماعجباتكش نمسحها ونووض
ذكرى: أوييلي غادي تصطيني فييين غاتنوضي...
ذكرى الموسيقى والصداع والعصاب لي معصباها سحر وزييد ليلياان كتجرها من من جنب القفطاان . داارت عندها مغلغلة كتهدر من تحت سنانها باش مايردووش الناس لبال
ذكرى:مااالنااا. ماااالك. ماااال طاصيلتك هاااد النهااار
ليليان: وااا بغيت ننقش
ذكرى: سييري عند النقااشة التانية
ليليان دلات شنوفتها: واا البنات شاادين النووبة بزاااف بيهم ماغاديش توصل ليااا
ذكرى: وشنووو غاندير ليك أنا. ملييي قلت لييك سيرييي شدي بلااصتك بااش تنقشييي. بقييتي كتزريطي
ليليان: واااكانت فيااا البووولة بغيتيني نبوول فحواايجي
ذكرى بعصبية: وشنووووو بغيتيني نديييير دااابا. مالكوم بااغين تصطيوني
ليليان خصرات سيفتها غادي تبكي: والله حتى نقووولها ليووسف
ذكرى خنزرات فيها: سيييري قولي هالو غادي يخلعني أنا يوسف
ليليان: أهئ والله حتى نقوولهاالو ياااالاه
ليليان خارجات كتجري تقلب على يوسف فالجردة و بلقيس داخلة لصالون
