🍒الفصل الثالت:صفاء روحك أذابت فؤادي
♣️الجزء :747
صفاء بقات واقفة كتشوف فيه وماكترمشش وتمتمات بصوتها
صفاء: ك كيفاش
فهد علا حاجبو:شنو لي كيفاش
صفاء: زعمة معامن تشاورتي باش تجيب ليا الخيمارات واش انا قلت ليك غادي نلبسهم
فهد: علاش نتي الالة ماباغاش تلبسيهم
صفاء: ماشي هاكاك، باغا ولكن ماشي بهاد الطريقة كان خاصني انا نقتانع ونوافق
فهد : وشنو لي يخليك ماتقتانعيش وماتلبسيهش
صفاء شافت فيه ورمشات بعينيها وتكلمات واخا عارفة جوابو لكن عندها امل كلامها يستفزو ويخرج داكشي لي مخبي
صفاء: احم حيت خدمتي ماكتسمحليش
فهد تنهد بعصبية : يااااك قلت ليك الخدمة نسايهاااا
صفاء بهدوء: علاش (فنفسها كتقول، قولها افهد نطقها)
فهد: حيت بغيت
صفاء: شنو مبررك علاش مانخدمش
فهد: كلاااامي قلتووووووووو ماتبقايش تجادليني
صفاء بخوف: حتى انا كلامي غادي نقولو وماغاديش نلبسو
فهد بتاسم: اذن ماكاين خروج هنا غادي تبقاي
دار خارج غادي لصالون شعل التلفازة وتكى فالفوتوي كيتفرج
صفاء بقات جالسة فوق السرير شادة فيديها الخيمار هي ماشي مابغاتش تستر، حيت هي فالأصل من صغرها وهي مستورة وتفاصيل جسمها عمرهم ضهرو لكن باش يجبرها تلبسو بلا مايشاورها ماعجبهاش الحال هي عارفاه داير هادشي حيت كيبغيها وغاير عليها هي عاجبها الحال هههه (تناقض)، ولكن بغاتو يعتارف واخا غادي تقمعو وتوقفو عند حدو وتقول ليه لااا لكن المهم يعتارف ليها
رضات الخمار فالساشي وخرجت من البيت كتقلب عليه لقاتو متكي فالصالون ومخنزر عرفات راسها عصباتو
فهد بصوت روجولي : صيبيلي قهوة
صفاء كانت واقفة شادة فيديداتها غير سمعاتو قفزات: احم واخا
دخلات كتجري لكوزينة صيبات ليه قهوة وجابتها فالصينية حطاتها قدامو وهو مخنزر ماداهاش فيها،قلبات شنايفها ماعجبهاش الحال موالف كيبقى حاضيها بعينيه وكيبتاسم ليها دابا ماشافش فيها فمرة
