🍒الفصل الثالت:صفاء روحك أذابت فؤادي
عند صفااء تمشاات بخطوات بطيئة شادة غير فالحيط باش ماتطيحش طريق كااملة وهي كتبكي حتى وصلات لبراكتها ماهضرات مع حد ومابغات تتكلم لحد واخا كيعيطو ليها الدراري دارت راسها ماسمعاتش ، حلا الباب ودخلات سداتها من داخل وهي كتشهق قلعات سبرديتها ومشات نيشان هزات المانطة ونعسات فالسداري وتغمغماات مابدلات حتى حوايجها لي توسخو بالدم كتبكي فصمت و دمعوها كيسقيو مخدتها
فهد كان جالس فكرسي دالجردة لي فالكلينيك، حااس براسو مخنووق وشيحاجة ماشي هي هاديييك أول مرة يجيه إحساس بالندم أول مرة يتعصب على الكلام لي خرج من فمو أول مرة يندم حيت خلا خوه ضربها ويندم حيت قال ليها ديك الكلام لي يمكن جرحها
علا راسو لفوووق فسماء وتنهد مخرج معاه الدخان ديال الكارو عاد هبط راسو باش ينوض وهو يسمع الصوت ديال التيلي ،جبدو من جيمو لقاها سحر جاوب بسرعة
فهد:ألوو
سحر بخوف:فههد وااش عارف يوسف وماما ذكرى فينهم جيت من الخدمة قالو ليا خرجو كيجرييوو قلبي غاادي يسكت داابا
فهد:حنى فلوبيطال
سحر:شمن أوبيييطاال وعلااااش مالكوووم
فهد:ليلياان طاح ليها البيبي
سحر:أوييييييييلي كييفاش طرااااا ليهااا وشمن أوبييطال كاينين
فهد: كلينيك الفرح جاء فطريق دالمارشي الكبير
سحر:هااااني جاااية
فهد:وسوووكي غير بشوية عليك
سحر قطعات وفهد دار التيليفون فجيمو وبقى جالس كيساينها
وسط غرفة ليليان بدأت كتحل عينيها وكتتحرك غادي تفيق بدأت كترمش بعويناتها الفيروزيين وكتخسر سيفتها بسباب الألم لي كتحس بيه فكرشها حطات يديها على كرشها وأنات بصوت المشيشة
ليليان:انننن
ذكرى كانت جالسة قدامها قربات ليها بسرعة شدات فيها: حبيييبة بنتييي الغزاالة
ليليان رمشات فيها بعويناتها وتمتماات:مااميي
ذكرى باستها من خذها:هاااني أمااامي هااني
ليليان:شنو كندير هناا وفين يوسف
ذكرى: هاهو جااي أحبيبة نزل غير يجيب قهوة ويجي .نتي بااش كتحسيي أحبييبة
ليليان عينيها دمعو وعضات فمها : اممم كتضرني كرشي أهئ
ذكرى:صاافي أحبييبة صاافي مااتبكيييش أنا نعيط لفرملية تديرليك شي مسكن
خرجات كتجري جابت معاها الممرضة شادة فيديها إبرة دالمسكن دخلات نيشان دكاتها ليها فالسيروم لي موصول بيديها وشافت فيها وبتاسمات
الممرضة: حبيبة كيف بقيتي
ليليان عضات على فمها وحركات ليها راسها :بيخير
الممرضة :الحمد لله على سلامتك والله يعوضكم مامكتابش يتزااد ماشي من أهل الدنيا
ليليان كانت ناعسة غير سماعتها حلات عينيها وتجلسات واخا توجعات ماهتامااتش كلمة وحدة كتضور ليها فوذنها (ربي يعوضكم) عينيها غشاوهم الدموع وتمتماات بصوت مرعوود كتحاول ماتيقش داكشي لي جاء لبالها
ليليان:ش شششنو غ غادي يعوضنا
