بسم الله الرحمن الرحيم
" إن الطريق إلى الحقيقة يمر من القلب، لا من الرأس ؛ فإجعل قلبك، لا عقلك، دليلك الرئيسي، و تغلب في نهاية المطاف على النفس بقلبِك "
قد تكون الحقيقة صعبة، مؤلمة، صادمة، لكننا لا يجب أن نجحب أعيننا عنها، فهي تُشبه الجرح المؤلم الذي إذا تغاضينا عن ألمه أودى بحياتنا ...
- تساعد مين يا يوسف ؟؟ إنت شايفني خارجة من عند دكتور نفساني، يعني أنا دلوقتي بالنسبالك مريضة نفسيًا
هذا ما قالته ميرال بصراخٍ ليوسف الماثل أمامها يحاول نفي إعتقادها
- ميرال الكلام دا مش حقيقي، إنتي مش مريضة نفسيًا _
كاد يتفوٌه بالمزيد لكنها قطعت حديثه بدموع تشدقت بوجنتيها
- لأ مريضة نفسيًا، و بشوف ناس مش موجودين
رفعت قلادتها و آرته إياها مسترسلة بألم
- شايف السلسلة دي ؟؟
أخفضتها ثم أكملت
- السلسلة دي بتاعة صاحبتي، صاحبتي إللي ماتت قدامي بأسوأ طريقة ممكن تتخيلها
تراجعت خطوتين لتُكمل بنبرة أهدأ يزداد فيها النحيب
- من ساعتها و هي بتطلعلي في كل حتة، أنا بقيت مجنونة بسببها، و إنت مش مُضطر تتكلم مع واحدة مجنونة
تذكر عندما نعتها ذات مرة بكونها مجنونة، أدرك الآن كم أن هذه الكلمة تؤثر عليها، شعر ببعض الخزي إتجاهها لذلك إستوقف حديثها بإعتراضٍ
- لأ يا ميرال، إنتي مش مجنونة، عشان مش كل إللي بيمرو بظروف صعبة يبقو مجانين
تقدم خطوتين ناحيتها و آشار على ذاته
- عشان لو إنتي مُقتنعة بكدة، يبقى أنا كمان مجنون
عقصت حاجبيها في حيرة تتسآل بشك عن معنى ما يقول حتى فسر لها
- أنا كمان كنت بتعالج عند دكتور نفساني
تنهد ثم أبعد ناظريه عنها كي لا تستشعر الحزن البادي على وجهه
- فاكرة لما قولتلِك إن مامتي و بابايا ماتو ؟؟
أومأت له فأكمل
- مامتي و بابايا مامتوش موتة ربنا، هما إتقتلو
صمت برهة يحاول كتم دموعه التي بدأت تفر من مقلتاه
- كنت وقتها لسة صغير، لقيت حرامية فجأة بيدخلو البيت و بيسرقو كل حاجة بعدها بيقتلوهم، معرفش هما ليه قتلوهم، بس أنا كنت موجود، و شوفت كل حاجة، شوفتهم و هما بيموتو ... و فقدت النطق بعدها، فضلت خمس سنين أتعالج عشان أرجع أتكلم تاني، عشان كدة مكنش عندي صحاب كتير
أنت تقرأ
قلب محظور ( مكتملة )
Romanceهناك قلوب تحيا لتكتنفها نفحات العشق و الحنان ، و هناك آخرى تسعى لنيل المجد و المكانة بين الناس ، لكنني تركتهم جميعهم و إخترت أن أحكي عن تلك القلوب المشتتة التي لا تعرف ذاك الممر الوعر الذي ألقيت به ، فلا هي قادرة على إكماله و لا هي قادرة على العودة...
