ضحايا بلادي

المقدمة

#ضحايا_بلادي
#الكاتب_يحيى_إدريس
الرواية من وحي الخيال
المقدمة
2012 ..
القصة بين الاب اللي يضحي ببناته مقابل لفلوس
وراحته والام اللي شخصيتها ضعيفة سلبية ..
احمد م 1979
منى م 1987
منى عندها 3 خوت واختين محمد م 1991
وزياد م 2002
وخواتها شهد م 1992
وبتول م 1999
خالد . بوي سكنلي يبيني نتزوج ونا مش فاضي لزواج لو بناخذها ناخذها تقعد مع امي عشان بنات كلهن
متزوجات نجيبها تساعدها لكن نا مانبي شي نا حلمي بنفني عمري للوطن
جمعة ابتسم وهو يشوف لخالد خالد ضابط ومعبي
استغل فرصة وقال عندي بنت ماشاء الله عليها
وعلى رأي المثل اخطب لبنتك ولا تخطب لابنك
خالد . بنتك كم عمرها
جمعة . تعال تعال طلع تليفون من جيبه وخلاه
يشوف صورة منى وهيا ف الاعدادي طبعا انت
مش براني هتبقى راجلها اكيد ..
خالد ابتسم عجباته ع الاخر سلبت منه عقله
منى طالعه من جامعة تقرا سنة ثالثة هندسة
احمد شافها ابتسم حول نظاراته وقدملها
احمد . ‏ صباح المشماش والمرتب مهناش
منى . مسكت ابتسامتها
احمد . نعلي من ضحكة عسل ياناس عسل
منى . محمد جا هيا اوكي
احمد . اوكي توصلي رني عليا
منى . التفتله ومشت بسرعة ركبت ف سيارة خوها
محمد . ساعة ساعة
منى . معلش محاضره مهمة
روحت فكت محرمتها وطلعت تشوف لأمها تحط ف الغداء وقعدت تساعد فيها
جمعة . وهو ياكل بش تنظفو الحوش الراجل اللي نظفله ف المكتب بتاعه يبي يخطب بنتك
منى بلعت ريقها ..
صالحه . بنتي من
جمعة . يعني من منى قال نبي ناسبك وبنتك وقتها لزواج
منى . نا مزال مانبيش نتزوج لكن
جمعة طلق فيها الكاشيك فزي تحركي نا قلت كلمة خلاص هيا اقلبي خلقتك
منى مشت تجري لدارها صكرت الباب خذت تليفونها من تحت المخده تتصل ب احمد
منى . رد يااحمد رد
احمد اللي كان يتفرج ع مبارة طلع تليفونه من جيبه
اياااح مش وقتك ودار مشغول
منى عاودت عليه من جديد
احمد . الو شن في
منى . احمد حي عليا يااحمد
احمد . بلع طرف بكلاوة وناض كنك شن في
منى .جايني عريس اليوم بيخطبوني بوي وافق يااحمد
احمد . مبروك ربي يسعدك
منى . شن اللي مبروك احمد انت تبصر صح
احمد . شن تبيني نقولك نتزوجك نا ماعنديش بيش اسمحيلي منقدرش وتوا انتي تعتبري مخطوبة معش
تتصلي وارعي انك متسمية ع راجل واللي مانرضاش
ف روحي مانرضاش ع غيري
منى . نهرب معاك
احمد ابتسم بخبث ورفع حواجبه
منى نعيش معاك حتى ف براكه
احمد . قده كلامك هذا
منى . اها
يتبع
طبعا هذي مقدمة وهيبدا تصاعد ف الاحداث
والابطال مزالو واجد وكل مرحلة لها ابطالها