ضحايا بلادي

السابع والاربعون

ضحايا بلادي
"مجزرة العشاق"
بقلم يحيى إدريس
البارت "السابع والاربعون "
لم يخطئ دوستويفسكي
حين قال :
من الطبيعي أن تكون البدايات جميلة !!
فلا يعقل ان يأتي احدهم ويقول لك
     "مرحبا انا حقير"

واقفه انيقه تشرب فنجال قهوتها انفتح الباب
استاذه نجلاء في وحده برا قالت انها من طرف
استاذ غيث من قبل ماتجي ترجى فيك ندخلها ..
نجلاء رفعت حواجبها وقالت خليها تخش ..
طلعت السكرتيره وقفت قدامها تفضلي نرجى فيك ..
ناضت شهد لحقت السكرتيره خشت وراها ..
شهد . السلام عليكم
نجلاء . وعليكم سلام
شهد مدت يدها انا شهد مساعده استاذ غيث
نجلاء ابتسمت اهلا وسهلا شن تشربي ..
شهد . شكرا ..
نجلاء . اثنين قهوة وسط وقعمزت  ..
طلعت سكرتيره وصكرت الباب ..
نجلاء تفضلي بشن نقدر نساعدك ..
شهد . اختي الكبيرة زوجها متوفي شهيد من حاجه 5 شهور
نجلاء . البقاء لله عظم الله اجركم ..
شهد . اجرك واجرنا على الله المهم ..
نجلاء.تسمعلها مره ترفع حاجبها وملامح وجها يتغيرو ..
شهد . لذلك بنرفعو قضية حضانه ..
نجلاء . مش مشكله وبعدين اختك ليش ماجت اكيد رمت العده ..
شهد . هي حامل
نجلاء . تمام خلاص هنبقى ع تواصل معاك ودام من طرف غيث كوني هانيه القضية رابحينها ان شاء الله
شهد . بارك الله فيك ..
نجلاء . خلاص سيبي رقم تليفونك مع سكرتيره وهنتواصلو معاك ..
شهد . عن اذنك وطلعت ..
...
خشت بتول شافت ارويدا مقعمزه ف درج ومعاها وحده ..
بتول حطت يدها ع درج من سمحلك تقعدي وحده مكاني ..
ارويدا . معش نبي نقعد معاك ..
بتول . عنك ماقعدتي هذ درجي مش عاجبك دوري مكان اخرى ..
ارويدا . لا حبيبتي درج مش جايبته من حوشكم
بتول . متخلينيش نفقد اعصابي حولي هذ درجي نا
البنت . تعرفي ان خالي استاذ هنا وهو حطني نقعد ف مكان هذ لو قلتله يطردوك من المدرسه ..
بتول  . طزززز
ارويدا . مانبوكيش هنا كنك لصقه انتي ..
بتول . خذت القلم من درج وكسراته ومشت خذت كرسي لاورا لان الابله خشت للفصل وبتول قعمزت
وحدها قريب تبكي من الموقف ..
الابله هي كل وحده وكراستها قدامها نبي نفتش
بتول . شقلبت عيونها ..
...
الجو خريفي نحنا حاليا ف شهر 10 ..
واقفه لافه شال ع نفسها من بروده جو ..
ف وذانها سماعات ..
فقدتك يا أعز الناس فقدت الحب والطيبة
وأنا من لي بها الدنيا سواك إن طالت الغيبة
أنا من لي بها الدنيا سواك إن طالت الغيبة
رحلت ومن بقى وياي يحس بضحكتي وبكاي
وحتى الجرح في بعدك يخزيني وهلي با
أنا من لي في هالدنيا سواك إن طالت الغيبة
تصدق قد ما حنيت أشوفك في زوايا البيت
وأسولف معاك عن حزني وأحس أن أنت تدري با
أنا من لي بها الدنيا سواك إن طالت الغيبة
تصدق قد ما حنيت أشوفك في زوايا البيت
وأسولف معاك عن حزني وأحس أن أنت تدري با
أنا من لي بها الدنيا سواك إن طالت الغيبة
شسوي بالألم والآه ولكن البقاء لله يصبرني على بعدك وإذا حظي وراضي با
أنا من لي في هالدنيا سواك إن طالت الغيبة
تغني بصوت باكي وترجف رجف لدرجه حاسه شي
زي الحنضل ف حنجرتها ورقبتها سخنت وقلبها
كأنه بيطلع من مكانه وهي تشوف لورق الشجر
اللي يتساقط تذكرت حالها كيف حال ه الورق ..
ياريته كان كابوس حلم بس توعى تلقاه معاها
ومعاهم ولدهم راضيه مايكون معاها حد الا هو ..
هو وبس ماتبي حد غيرهم ف العالم من اللي يضحك وين يشوف ضحكتي من اللي يحن عليا بعدك من اللي يبكي لما يشوف دموعي انا معش
ليا حد انا يتيمه من غيرك يتيمه حضنت نفسها
وبدت تبكي بعبرتها ماحست الا بحضن امها ..
لفت يديها عليها وقالت بقهر ومرار . آاااه ..
صالحه ، سلامتك من الآه يابنتي سلامتك
تمسح ع ضهرها وتقرا ف آية الكرسي ..
...
فتحت الباب وحده عاطيه ب ضهرها للباب ..
لابسه فرو اسود واضح انها من طبقه راقيه ..
استغربت اسماء وهي تشوفلها لعند مالفت عليها
ضيقت عيونها وقالت. اروى ..
ضحكت اروى عليها . سميوه حضنتها بكل قوة
ياااه ع دنيا من باب نتفراقو لسنين هذين كلهن ..
اسماء . تمسح ف دموعها اخييي ع دنيا اخييي ..
اروى . دورت عليك لعند مالقيتك وين تقري توا ..
اسماء . سجلت ف مدرسة خاصه انتساب .
اروى . حنان شخبارها ..
دموع اسماء طاحو ماتت حبيبتي زي موت اختها ..
اروى . لا يااسماء لا قولي تبصري ..
اسماء . بوها ذبحها ..
حطت يدها ع فمها وانهارت بكاء ..
واسماء . تبكي معاها حظنا شين ف ه دنيا
اروى . تمسح ف دموعها الله يرحمها ويسامحها
اسماء . يارب
اروى . ومحمد
اسماء . تنهدت بحرقه واروى مزالو دموعها ع صاحبتها اللي فارقت الحياة وين شافت صحبتها
ثانية شن عاشت هانت عليها مصيبتها واللي صار معاها ..
وتبادلن الهموم بكن مع بعضهن وضحكن ع ايام
وذكريات لا تعود ولا تموت ..
اروى . بنعزمك فرح خوي نهاية شهر ..
اسماء . سامحيني مانقدر نجي عارفه وضعي ..
اروى . حتى بعد اللي داره محمد ..
اسماء . معاه حق مهما دار ومتنسيش شهد مش بس بنت عمتي صاحبتي ..
اروى . لو خوها تزوج غيرك هي هتحضر
اسماء فركت يديها ببعض . ف نهاية بكل خوها
ماجده . خشت عليهن بصفره القهوة انستينا
اروى . الله يانسك عميمه ماجده
حطت ماجده صفره قهوة ع طاوله
....
واقفه ادير ف حلو بكل حب ..
هي فرحانه انها صفت موادها وانتقلت لسنة اللي
بعدها رغم كل صعوبات اللي مرت عليها ..
واستقرار وضع المنطقه اللي هي فيها حاليا ..
كانت رحمه تحكي وتعلق عليها ..
رحمه . مبروك عليك شهوده هانت مهندستنا اخر سنة لك
شهد . عطيني بعين عطيني بعين
رحمه . ماشاء الله عليك ياحنه ان شاء الله تخرجي باامتياز وتقهري كل واحد ..
شهد  . مانبيش نقهر حد نا بننجح لنفسي ..
رحمه . ابتسمت ..
شهد . نفكر ف حاجه نغيرو اسم المحل ..
رحمه . عليش
شهد . نحنا مانديروش ف لوز بس ..
رحمه . صدقتي
شهد . نخلوه اسمه عسل  ..
رحمه . اسامي يضحكن تختاري فيهن ..
شهد . ها شن تبي نسموه فارس ..
رحمه . شن دخل فارس ف نص ..
شهد غمزتلها . وضحكت دخله شباك ..
خش عليهن فارس سلام عليكم ..
رحمه . تذكر القط يجيك ينط ..
شهد . وعليكم سلام ..
فارس خذا طرف معمول وكلا ..
رحمه . هييه طلب زبونه هذا ..
فارس . زيديه من جوا
رحمه . بارد نعن سم
فارس . يسمسمك وزاد ف ضحكه
خشت رحمه معصبه ..
شهد . اييه شن سر زيارة الغريبه ..
فارس . مرايف عليك
شهد . فارس اطلع على راس حاجتك ..
فارس . انا عندي رحله  ..
شهد . بتسافر ف ظروف هذين ..
فارس . الله غالب طولت ف الاجازه ..
شهد . باه مطولش ف غيبه ياخيي ..
فارس . جيت نودعك هنا باس راسها ..
شهد . تودعني نا ولا هيا ..
فارس من هيا ..
ضحكت شهد وهو وجهه تلخبط قال مع سلامه ..
وزادت ضحكه شهد وطلعت رحمه قالت عدا ..
شهد بضحكه . اها
رحمه . يبي يسافر
شهد . كنتي تصنتي
رحمه . لا بصدفه صوتكم عالي
ضيقت شهد عيونها وهي تشوفلها ورحمه تهرب منها ع فتحة الباب وتخش بنت طويله جميلة جذابه مبتسمه
ابتسمت . شهد وقالت تفضلي ..
ياسمين . فرحي قريب وبناخذ الحلو من عندكم ..
شهد . شوفي هذين مقترحاتنا وف حتى حلو نازل
جديد تذوقيه تدعيلي مزال ماخش لا ولا مناسبه
نوع هذ
ياسمين . منظره يجنن ممكن نذوق
شهد مدتلها كاشيك والبنت تذوق اممم ..
شهد . ان شاء الله عجبك
ياسمين. يجنن لحظه طلعت تليفون من شنطتها
ها حبيبي انا وصلت من بدري اها هنا انا ..
شهد مبتسمه ربي يخليكم لبعضكم ويسعدكم
ياسمين . تسلمي خلاص انا اعتمدت بس يجي خطيبي ..
شهد . تمام
وثواني معدوده الا وخش اسلام عقدت شهد حواجبها
ياسمين .  هذا خطيبي
وجه شهد انخطف انصفر ورحمه تشوفلها بألم ..
اسلام . شن حبي عجبك شي
ياسمين . انا عجبني هذ
اسلام . كذا ذوقيني
ياسمين خذت كاشيك وحطاته ف فم اسلام
وشهد عيونها غرقو دموع ..
صوت ضحكتهم فرحتهم فعلا عرسان ..
حجزو عندها ..
وانختم لقاء لما ياسمين عزمت شهد ع الفرح ..
وشهد قريب تموت واسلام مبتسم طلعو مع بعض
شهد غمضت عيونها وقعمزت ع كرسي ..
رحمه مدتلها كبايه اميه اشربي ..
شهد . شربت اميه تريحت شوي وناضت ورانا شغل هي سقدي وقعدت تشتغل بسرعه ..
...
فارس خذا خوه محمد وسافر بيه معاهم جمعه
فارس هيكون بين رحلاته وجمعه هيفضى لمحمد
وصالحه كان بخاطرها تمشي مع ولدها بس ماقدرتش تسيب منى ..
..
طلعت غاده من المكتب تمسح ف دموعها ..
شافت لشهد عطتها نظره حاده استغربتها شهد ..
وخشت لمكتب غيث ابتسم وقال برافو ياشهد ..
نهنيك ع شغلك ابتسمت شهد انه ممنون من شغلها ..
غيث . خطرها شخبار محاميه اللي دزيتك لها ..
شهد . بارك الله فيك من غيرك مستحيل نقدر نحصل محاميه ب ه الوقت ..
غيث . مايهمك شي انتي اطلبي بس ..
شهد . عمرها طويل تتصل ..
غيث . ردي عليها
شهد . الو
نجلاء . باش مهندسه لو فاضيه تقدري تجي توا
شهد . الحقيقه انا عندي شغل ..
غيث . ناض من مكتبه وقف
شوي وصكرت شهد ..
غيث . امشي شوفيها شن تبي ..
شهد . بس
غيث . مابسش نا مديرك وعطيتك الاذن
شهد . شكرا وطلعت ..
...
كامله . وشن اخرى ..
هند . صبايا قاعدات وحدهن يام
كامله . طيح سعدهن
هند . مش بس هكي لا البنت هذ شهد تشتغل ف الحلويات وتسوق وماتروح الا ع المغارب ..
كامله . عيله وخالها ميلاد ..
هند . هذول عيلة ميلاد بحد ذاتهم ..
كامله . حوش ولدي يطلعن منه لمسخات ..
هند . شن تفكري ..
كامله . ندز من يلزوهن
هند . زي من
كامله . تعرفي من كان عندنا قبل يومين
..
اسلام نشهد معاكم ..
عادل وب شن تشهد ..
اسلام انهم عائلة متنفعش ..
كامله . فسخت خطبتك منها ليش ..
اسلام . هي مش كويسه وسيبتني وسط جامعه وحطت فيا كلام
كامله . تلف ع ولد خويا الحقيره
اسلام . وهذ اللي خلاني نجيكم راجل هذ كان صاحبي واستاذي مره وحده تشتغل معاه ..
كامله ويساعد فيها هو معرفها ع المحاميه
انظر شن في بينهم ..
..
الحسن . في حاجه بينك وبين ارويدا
بتول . لا بس منبيش ناس تحكي ساد
الحسن . ياعمري انتي مايهموني ناس مهم انتي عندي
بتول   . بس نا يهموني تهمني سمعتي وهلي..
الحسن حتى نا نخاف عليك اكثر ماتخاف على روحي
بتول . لو حق تقدم رسمي بدال كلام الهاتف
الحسن . وايش ودي نا نخطبك اليوم قبل بكرة
بتول . امك رافضه صح ..
الحسن . مش هكي بس كل تأخيره فيها خيره
بتول . الحسن خليك صريح معاي لو واقف زواجنا ع امك من تختار
الحسن . قعد ساكت
..
صالحه ماترقد غير بالمنومات والمهدئات ..
كانت منى تخترف خالد خالد عموري ..
شهد واجعها حال اختها سمعن جرس يرن ..
صالحه من جاي ف ه الوقت ..
طلعت بعد خذت ملايه صلاه فتحت الباب
كامله . استوليتو رسمي ع الحوش ..
شهد . معلش اطلعي مابيناش كلام ..
كامله . انتي يافصعونه ترفعي فينا قضية ..
شهد . شافتلها بتحدي
كامله . لمن دبشكن برا
شهد . مناش طالعين ..
كامله . انتو خليتوها خل
وشافت شهد كلب كبير واثنين رجاله ضخمين
صالحه . حرام عليكي ياللي ماتخافي الله الوليه مزال مارمت عدتها
كامله . برا كلكم برا
شهد . مناش طالعين
صالحه نجاسه الكلب ف الحوش نجاسه ياجاسره
كامله بضحكه . اطلقوه عليهن
وينطلق الكلب
..