ضحايا بلادي

#ضحايا_بلادي "مجزرة العشاق"
#الحلقة_الثانية
طلعت تجري وصوت شهقاتها واضح كل شوي تلفت
وهيا خايفه لما شافت طريق فرحت الحمدلله الحمدلله قعدت تشير لسيارة مشت وماعدلتش عليها شيرت سيارة اللي بعدها رغم انه خاف
لكن مرته قالتله وقف كانو كبار ف العمر
الوليه . حرام وقفلها
الراجل . فكينا ياوليه من مشاكل
الوليه . شكلها مسكينه
الراجل . درس سيارة
منى جت تجري وهيا تبكي ساعدوني ساعدوني يرحم والديكم وصوت بكاها قطع قلب الوليه ..
الراجل . شن قصتك ماتركبيش سيارتي ونا مش عارف قصتك
منى مش عارفه كيف تقوللهم قررت تكذب
منى . راجلي يضرب فيا ونا هاربه منه شيلني لهلي
مرته . عطه كسره اركبي اركبي
راجل. اركبي يابنتي اركبي
منى . شكرا بارك الله فيكم ركبت سيارة وتنهدت براحه الحمدلله ياربي الحمدلله ودموعها ينزلو من تحت الخمار
الوليه فتحتلها شيشة ل اميه تفضلي يابنتي
منى رفعت الخمار وشربت ل اميه دفعة وحده
صكرت شيشة شكرا بارك الله فيكم ف ميزان حسناتكم
الراجل . ان شاء الله غير متورطيناش معاك
الوليه . انتي من وين
ومتى بدت تحكي قالتلهم عنوان الحوش
الوليه . وراجلك لعيت من
منى قعدت تفكر خافت لو يكونو من نفس المنطقة  . الله لا تربحه لا هو لا امه حقراء ياريتني سمعت كلامك يابابا الله يرحمك ..
الوليه تعاطفت معاها الله يرحمه
منى تذكرت كيف تروح لحوش بوها شن يصير فيها
غمضت عيونها ودموعها طاحو وصلوها عند بداية شارع
منى شكرا بارك الله فيكم نزلت تجري وصلت
عند العماره فتحت باب شقة وهيا تردد يارب
سامحني يارب ساعدني شافت بوها مقعمز
ف صاله حط راسه بين يديه رفع عيونه شافها
هيا بلعت ريقها معش تقدر لازم تواجه لا مفر من الهرب
جمعة وقف قدامها شافلها بهدوء
منى . بابًا ما دارلي شي والله نا هربت منه وقبل ماتكمل كلامها ضربها كف ع وجهها ..
جمعة . يابنت الكلب يابنت الكلب ويضرب فيها بكل قوته ويضرب فيها من عند راسها لعند خمار انفك ويكر ف شعرها بكل قوة وهيا تبكي وخلاص
طاحت ع الارض ويضرب فيها كارشوات ع جنابها
وع وجههها وف كل مكان ضربها ساعة كامله لا تعب
ولا دهش توا تمشي معاي ديري فحص نشوفو كان ماقربكش صح ولا ..
منى مسكت ف كرعيه لا يابوي لا والله مالمسني لا يبوي مديرش فيا هك لا كرها من عند شعرها بكل
قوته انتي درتي فروحك مش نا يامسخه ياساقطه
تحركو وصلو ودارو الفحص وتأكد انها سليمه
جمعة . تنسي حاجه اسمها جامعة ياكلبه
منى تبكي وخلاص طول طريق وهيا تبكي مش قادرة ترفض ولا تعاند
جمعة . خلقتك معش بنشوفها لين تزوجي يابتاع العار وتليفون معش تحلمي بيه كلبه وسخه خزي
تزوجي تنسينا فاهمه تنسينا بكل
كي مافكرتي تهربي وتوطي روسنا تنسي ان عندك هل
مسخه خزي خزي وتفي ع خلقتك لمعفنه (حشاكم )
منى تبكي وخلاص لعند وصلو العماره نزلو طول
خشت منى ..
صالحه . وين كنتي يابنت من صبح ربي
منى . ماردتش عليها وخشت لدارها تبكي
جمعة . سلام عليكم
صالحه . انت جيت مع منى
جمعة . كانت معاي شلتها جامعة توقف قيدها عشان راجلها ميبيهاش تقرا
صالحه . كيف وهيا وافقت قصدك
جمعة . ليش قصدك تقدر ترفض توافق وكرعيها فوق راسها
صالحه . عليش ياجمعة ماامس حكيت معاك ف الليل قتلك فوتها منى بتقرا متبيش تزوج وانت قلت باهي
جمعة . غيرت راييي والبنت تبي امشي انشديها بروحك
صالحه . رد بالك ياجمعة تبقى مهددها
جمعة . بيش نهددها
صالحه . نا تنازلت وتحملت عيشتي معاك لكن الا ظلم بناتي
جمعة . عدي ملحي وغمس ف جبنه المالحه
صالحه . فتحت دار البنات قعدت تحرك ف منى
منى ناضت شافت لاامها مسحت دموعها
صالحه . كنك يابنتي حكيت لبوك وقتله بنتي ماتغصبهش ع حاجه ماتبيهاش وهو قال تمام
شن صار وغير رايك مش كنتي رافضه الموضوع
منى حضنت امها وبكت بكاء ..
صالحه . واللهي مايصير الا اللي تبيه
منى . نا موافقه ياامي ماعنديش عليش نرفض
صالحه . شن توافقي شن جد عليك بس قوليلي بوك هدا شن قالك ولعب ف عقلك
منى مسحت دموعها نا ياامي مش بوي مش انتي بتفرحي بيا اهو جا اليوم اللي تفرحي بيا خلاص
صالحه . وقرايتك يابنتي انتي هذا حلمك كيف تفرطي فيها
منى . هذا مكتوبلي يمي لو مكتوبلي نكملها هنكملها
صالحه . ديري اللي تريحك على كيفك وطلعت وسيبتها
شهد . نطت من سريرها مقعمزه كيف صار اوافقتي
منى . هذا اللي صار هيا وقت على محاضراتك نوضي
شهد . اوففف ودفنت راسها ف المخده

احمد ناض وهو يتألم شاف شيشة الوسكي مكسوره
وراسه ف بقعة دم اثارها ع يده اااه شوي شوي بدا
يتذكر انه اما حاول يعتدي عليها ضرباته ع راسه
ب شيشة بنت ال *** وناض قعمز بصعوبة حط يده خلف راسه اااه وبدا يمشي يدور عليها عرفها هربت
احسن متخلفة ان شاء الله هلها ي*ق*ت*ل*و*ها

شهد وهيا تفطر كيف منى مش ماشيه
جمعة . كان ماتبطلي ه سيرة انتي بروحك تقعدي
شهد . لا نا ايش دخلني شربت شاهي ف مرة وحده
هيا سلام عليكم خذت شنطتها وطلعت تجري ..
ركبت الحافله وصلت نزلت خشت لجامعه  ...
بطريقها للكشك معلش شيت تاريخ العمارة ..
صاحب الكشك . عندي
شهد . معلش مستعجله
صاحب الكشك تمام ..
شهد مطت شواربها لاسفل ودور بعيونها للمكان
بعد نص ساعة رد عليها صاحب الكشك . تفضلي
شهد فتحت شنطتها وطلع ففلوس بكم
صاحب الكشك . 18
شهد . اوووف معاي 11 ونص تقدر تاخذهم وبكرة نردلك الباقي
صاحب الكشك . اسف
شهد . منقدرش نحضر المحاظره الا بيه
صاحب الكشك . منقدرش
فجأة انمدت يد هذا حساب الانسه ونا نبي واحد
شهد . شافتله ابتسمت شكرا
هو عقله اوتخذ بعيونها اللي لونهم من لون البحر
قعد مسهم فيها لعند اختفت من المكان .
ابتسم وقال . اي حاجه تبيها ع حسابي تم
صاحب كشك . تم ياسينانو
إسلام . رد بالك تقول الاسم هذا قدامها
صاحب كشك ضحك . عيب ياسينانو
اسلام خذا شيت وطلع ..
شهد . انا جيت
بلقيس . محمطتيني يابنتي هذا كله
شهد . صاحب الكشك البارد وقفلي ع 7 جنية مباش يعطيني شيت لين جا واحد وانقذني دفع حق شيت
بلقيس . واحد واو وانتي رضيتي يدفع عنك
شهد ابتسمت . مش عارفه بس قتله شكرا وطلعت
بلقيس. باهي هيا محاضره بدت
شهد . هيا
ومشو خشو القاعة
شهد منتبهه مع الاستاذ وتكتب وتشير ..
وكان وراها بدرج مقعمز اسلام يتأمل ف ملامحها من جنب ابتسم وهو يشوفلها وهيا مركزه مع الاستاذ ..

بعد اسبوع ..
ردو بالموافقة ع خالد
كان خالد مصبي ع ع بتاع تغليف
ويغلفله ف الحاجات اللي بيشيلهن ف الخطبة
وخالد فرحان رن تليفون طلعه من جيبه الو يمي
امه . ياخالد بيش تجيب معاك مشاريب تمام
خالد . تمام
امه . هيا مع سلامه
خالد . تمام وصكر وبدا ياخذ ف الحاجات ويحط فيهم ف سيارة
وعند منى اللي كانو يوتو فيها يديرولها ف ستوك وسمكره وزوارق قعدت طرف ..
خشت شهد تصور فيها بالكاميرا مبروك مبروك
منى . رسمت ابتسامه مزيفه ع وجهها ..
وقرو الفاتحة وكلهم فرحو ماعدا منى
وخالد يلحقو فيه اصحابه بيضربوه ب تورته ومشروب
وهو يجري ويضحك لعند ماتعب من جري
وحصلو وكسدو عليه تخبيط ...
شهد . ماشاء الله ع اسماء ياعمتي
ماجده . خايفه عليها تكبر بسرعة
شهد . عمرها هذا
ماجده . لكن شوفي بتول تبان طفلة رغم ان مابينهن شي سنتين بس
شهد . شوفي نا ومحمد بينا نفس الفرق لكن تشوفينا تقولي محمد اكبر مني ب 10 اسنين
ماجده . تفرق ياشهد محمد راجلي لكن اسماء بنت
واللي يحكو عنها قاعده تلعب مع بتول ع الايباد
محمد طلع من مربوعه يحكي بتليفون مرر نظره
ع المكان شاف اخته لصغيره وجنبها بنت شقراء
ابتسم وعقد حواجبه وقدملهن ..
محمد . بتول خشي صقع
بتول . شوي بس
محمد . من هذي
بتول . اسماء بنت خالي عيسى
محمد . ماشاء الله وضحك امتى كبرت هذي
اسماء شقلبت عيونها . امس لقيت روحي مكسده قلت خليني تكبر
بتول ضحكت وهيا تشوفلهم
محمد . مطول لسانك يافرخه
اسماء . بتول انا بنخش
بتول . ارجي ولحقتها
محمد بعيونه معاهن لعند ماخشن اسماء والله ماتبقى الا عندي ونا نقصلها ه لسان ضحك ومشى
يتبع ..
مع تحياتي ليحيى إدريس ..