ضحايا بلادي

التاسع والخمسون "59" والستون "60"

ضحايا بلادي
"مجزرة العشاق"
بقلم يحيى ادريس
البارت التاسع والخمسون "59"

انت شن جابك هنا ياللي ماتحشم ..

اسلام . انا جاي لعمي جمعه ..
محمد . اقلب وجهك ولا نخليه خريطه ..
اسلام . ياعمي جمعه ياعمي جمعه ..
طلع جمعه وقال محمد سيب راجل ..
شاف اسلام لمحمد وقال شفت ..
جمعه . تفضل شن جاي تبي ...
اسلام . شهد ياعمي جمعه ..
محمد . لا هكي زودتها وقرب بيضربه ..
جمعه . محمد ركح روحك وانت كنها شهد ..
تنهد اسلام وبدا يحكيلهم ..

في طريق ..
يغني مع المسجل ..
في عيونك كلام وحق الله ذوبني الغرام ..
شهد تشوفله بحقد وقهر كيف يستفز فيها ..
برمت وجهها لروشن وهي مشمئزه منه ..
غيث . شن حبيبة قلبي امتى موعد الفرح ..
شهد . ماردتش عليه واكتفت بصمت ..
خبط ع دومان نحكي مع دين امك جاوبيني ..
شهد . متغلطش واحترم نفسك ..
غيث . ابتسملها امتى الفرح ياقليبي ..
شهد . مافيش فرح من قالك ان بنتزوج ..
غمض عيونه بنفاذ صبر ومره وحده درس
ف مكان يبعد عن المدينة 60 كيلو ..
مكان مقطوع فاضي لا فيه ناس ولا حد يعلم عنك ..
بلعت ريقها عليش جبتني هنا ..
غيث . نزل من سيارة وقعمز ع الكوفني ..
حط سبسي ففمه ويولع فيه نزلت هي ..
تشوفله انت شن قاعد ادير لوين بتوصل..
غيث . ابتسم بنوصل لنهاية سبسي فيه متعه..
شهد . انا بنروح اقعد بروحك هنا ..
غيث . حياتك وحياة عيلتك ف خطر ..
شهد . انت مستحيل تكون بني ادم ..
مط شواربه لاسفل وهو يشوفلها وهز راسه ..
شهد . انت شيطان مش بشر ..
واستمر غيث يهز ف راسه ..
شهد . انت شنو انت من بزبط ..
فتح يديه وقال انا غيث وهو مبتسم ..
شهد . مطت شواربها ب إزدراء انت بايخ ..

..
اسلام . نعرفه الراجل مش مزبوط بكل ..
محمد . كيفك يعني ..
اسلام . دار روحه مايسمعش ف محمد
جمعه . الراجل ماشفنا منه الا كل خير
اسلام . ماهو هك منافق مايبانش عليه
محمد . كيفك
اسلام . اللهم طولك ياروح
جمعه . منقدروش نصدقو كلامك هذ يبقى نسيبنا
اسلام . مزال ماقعد رسمي تهمني مصلحتكم
محمد . مش شورك انت
اسلام . لو مش مصدقني زيد انشد عنه
جمعه . هنشوف
..
مقعمزه ع سريرها فاتحه الفيس ..
شافت منشور صديقتها او اللي كانت صديقتها ..
طالعه من الاوائل انصمتت شافت تهنئات ..
دمعو عيونها حتى هي لو ما زواجها كانت ناجحه ..
شافت مباركات ع صفحات صحباتها كلهن ناجحات
شن معنى نا الوحيده اللي ماكملتش دمعو عيونها
ومطت شفافها للاسفل مسحت دموعها فتح وليد
الباب . خش وحط راسه ع كترها ..
هي كانت مقعمزه بطولها ع سرير ..
حطت يديها ع شعره كنك حبيبي ..
وليد.الحوش كئيب وامي من موت تقوى مش كيف قبل ..
ارويدا . كنت بنقولها لك عميمه تحتاج لعلاج نفسي
وليد . حاس كأنه لعنه وصابتنا ..
ارويدا . ازمه وتمر مافيش حوش ماذاقه الفقد .
وليد . امي وتقوى متعلقات بعضهن ديما مع بعض .
ارويدا . الله يرحمها ويرحم خواتي حتى امي هك ..
وليد . شخبارها ..
ارويدا . خذاها الحسن طلع بيها للحج ..
ابتسم وليد ماشاء الله حتى نحنا تبيلنا طلعه ..
ارويدا . نقعدو حجاج ..
وليد . لا مانقدرش حاليا بس نسافرو لشرم شيخ ..
ارويدا . الله ياما خاطري فيها نمشو لشرم واخرى ع الجونا ونغنو امتى الحب ضاع قلبي ولا ف الخيال ..
ضحك وليد شن هذي ..
ارويدا . لما شفتها قلبي دق 3 دقات ..
وليد مبتسم وهو يشوفلها كيف تغني ..
...
السلام عليكم ..
شقلبت رحمه عيونها انت مش عندكم حفله عليش جاي هنا ..
فارس . جايب قرعتك انتي وشهد ..
رحمه . شهد مش هنا اليوم قالت انها بتقعد ع خاطر اختها ..
فارس.كيف مش انتي كلمتيها وقلتيلها زحمه وتعالي
توترت رحمه هاه اها صح وبعثتها تشيل طلبيه ..
فارس . خدمة توصيل مش كان عندكم واحد ...
رحمه . سيب شغل نفس ماانت سيبت زمان ..
فارس . بلا قطاف حط الحلو وطلع وهو شاك فيها ..
رحمه . حي شن لبزت انا ياحماره يا شهد كان قبل ماتكذبي نبهتيني انظر وين هايمه يستر الله ..
فارس . حط تليفون ف وذنه وركب سيارته مش ف محل ..
جمعه . كيف يعني مش ف المحل ..
فارس . صحبتها قالت توصل ف طلبيه ..
جمعه . من امتى شهد توصل طلبيات ..
فارس . في حاجه غامضه يابوي من وراها ..
جمعه . قعد ساكت
فارس . مافي الاحاجه وحده بنتك مركبتلنا قرون وتهيج مع خطيبها ..
جمعه . احترم نفسك يافارس اختك مديرش العيبه
فارس . ورب العباد لو ف دماغي صح حي عليها حي
جمعه . صكر تليفون بغضب وشاف ل اسلام ..
اسلام . في حاجه عمي ..
جمعه . تقدرو تعرفو مكان شخص من طريق تليفون
اسلام . نقدر اها
جمعه . هي نمشو مالا
وطلعو جمعه واسلام من الحوش بدون علم محمد ..
..
محمد . كان بوي عليش يتعامل مع تافه هذ
صالحه . شن جيبه اصلا ماصدقنا فتكينا منه
منى . اكيد صايره حاجه يستر الله
صالحه . ماعنده مايصير مش تزوج وعاش حياته
بتول . حسبي الله ونعم الوكيل فيه ..
منى . هذ صوت الاء ..
بتول . اها ..
ناضت منى خشت لدارها تشوف لبنتها تبكي
خذتها ف حضنها تسكت فيها فجأة شافت
صورة خالد مبتسم دموعها نزلو وهي تقول ..
رايفتلك ياحبيبي رايفتلك مر ع فراقك عام ..
ونارك ماطفيت الله يرحمك ويسامحك ..
خش عموري ماما تفا ياي "طفا الضي "
ابتسمت منى وقالتله تعال يالجن انت تعال ..
جاها يجري اعيي ثينه هذي "قصده عن الاء "
منى حرام خيتك حبيبي انت تقعد سندها وتحبها
عموري . لالا دث نحبها نا مش نحبها نا ..
منى . حي عليك بعد تكبر تقعد تقول خوي شين ..
عموري . عاتي
ضحكت منى وسط دموعها نجك لي الغيور كيف بوه
وباساته بقوة وهو يقوللها ايب ايب عيب عيب
زادت ضحكات منى ..
..:
شهد . شوف انت رد بيا وافسخ الخطبه ونا ننسى
غيث . ميل راسه وهو مبتسم
بلعت ريقها مش هنقول حاجه والله وعد صدقني
غيث مط شفايفه قدام وهو مبتسم وميل راسه
شهد شن قلت شن رايك تمام مافيش احسن من هك
غيث . No I'm sorry مش هنقدر نحبك نا I love you
شهد . حطت يديها ع عيونها اسمعني بس ..
غيث . هز براسه كملي  نسمعك طول عمري يحياتي
شهد . انت لو كنت اطيب انسان ف العالم مش هنحبك ..
تعصب وعقد حواجبه نظره عيونه شرار دمار ..
شهد خافت وخرت خطوه وهي تشوفله ..
غيث بصوت عالي . وعليش وهو ف شن احسن مني
شهد . من هذا مافيش حد اصلا
غيث.كذابه انتي تغيرتي معاي من لما عرفتي انه طلق
شهد . مانبيش حد انا بنعيش لنفسي بنقعد بروحي
غيث . لالا اللي زيك حرام تقعد بروحها انا اولى بيك
شهد.حرام عليك انا منحبكش مانبيش مافيش كرامه ..
غيث . لكن تحبيه هو اللي باعك ومرمطك وفضحك
شهد . غمضت عيونها بيأس
غيث.انا صبيت معاك ومع هلك بينما هو افترى عليك
شهد . شكرا بارك الله فيك انا مطلبتش منك حاجه
غيث . صح لاني نحبك درت هك وهو شن دارلك ..
شهد . مانبي حد يديرلي حاجه خليني في حالي ..
غيث . منيش مخليك انتي روحي ..
شهد . اسمعني بس مش هنقول لحد حاجه عنك ..
غيث . انت هك دخلتي راسي اكثر خايفه عليا صح ..
شهد . ياربي
غيث . ياحبيبي
شهد . ارجوك خلينا نطلعو بالمعروف زي مادخلنا
غيث . تؤتؤ انتي ليا ونقطة سطر انتهى ..
شهد . انا مش لحد انا نفسي كنك اناني انت ..
غيث . اكبر اناني فيك مع الوقت تحبيني ..
شهد . مستحيل ..
غيث.مستعد نتوب عشانك ندير كل حاجه بش ترضي
شهد . توب لربك مش لي نا ..
غيث . يابنت ناس انا شاريك وبعدين خطبة سنة وتبيعيني هك ..
شهد . بلعت ريقها بمرار ربي يعوضك خير مني ..
غيث.مانبيش خير منك نبيك انتي ابتسم ورفع حواجبه
سمعت صوت سيارة تلفتت سيارة اسلام ..
نزل بوها يعيط شهد بنتي ..
شافت لغيث وشافلها ..
شهد . والله ماقلتلهم حاجه ..
غيث . تسيبيني ترحمي عليهم ..
شهد . امشو من هنا شن جابكم ..
اسلام . شن اديرو ف مكان مقطوع ..
شهد . مدخلكش ورد من وين ما جيت ..
غيث سمعت هي معش تدخل سلم بابا ..
اسلام . شهد راجل هذ مش كويس خطير ..
شهد . امشووو خطوني خلوني ف حالي ..
جمعه . بابا شهد اهدي حط يديه ع خدودها ..
دموع شهد نزلو وحضنت بوها ..
غيث يشوفلها كيف تبكي ..
اسلام . عاجبك اللي دير فيه ياخوان تمرجل ع بنت ..
غيث . خطيبتي وطالعين نغيرو في جو اطلع منها ..
اسلام . تغيرلها ف جو وهي تبكي .. وهنا اخرى جو
غيث . شن فهمك ف رومانسية انت ..
اسلام . مانفهمش فيها بس نفهم ف قانون ..
غيث . شن قصدك ..
اسلام. ساعة زمان وترحل ع قرنادة ياباش مهندس ..
غيث . طلع مسدس وصوب ع اسلام نا محبوس
محبوس ننحبس ع شي يسوى ..
اسلام . عادي اضرب ..
غيث . هذ تبيعيني عشانه نهايته ع يدي ..
شهد . لا ياغيث لالا وراسك لا ماديرهاش ..
غيث . خليه يكلم شرطة ويوقف البلاغ ..
شهد . اسلام امشي من هنا ومعش تدخل فينا امشي
اسلام . هذ بدلتيني بيه ياشهد شوفي بعينك ..
شهد . امشي ياااسلام امشي امشي ..
غيث . خايفه عليه ونا ..
شهد دموعها نزلو وهي تهز ف راسها ف حضن بوها
اللي كان حاضنها بقوة عشان مايصيرلها شي ..
غيث . تحبيه هو اكثر مني حتى بعد اللي داره فيك
شهد . دموعها نزلو ..
غيث . مش هنخليك تهني بيه
شهد . لالا لا وراسك لا ماديرله شي ..
اسلام مغمض عيونه وفاتح يديه ..
وشهد تعيط ل اسلام ياغبي امشي امشي امشي
ويطلع صوت رصاصه خلا شهد تعيط بكل قهر
والم اسلااااام لااااااه وهي تعيط ف حضن بوها
وادف فيه وكان بوها بكل قوتها حاضنها خايف عليها
وهي بتفر اما شافت اسلام طايح ع الأرض ..
فجأة انمدت يد هذا حساب الانسه ونا نبي واحد
شهد . شافتله ابتسمت شكرا
هو عقله اوتخذ بعيونها اللي لونهم من لون البحر
قعد مسهم فيها لعند اختفت من المكان .
شهد طالعه من القسم بعد سلمت البحث تخبط ف
عمى ماتشوفش
اسلام وهو ماسك ف يده ورقة كبيرة ملفوفه اسف اسف صارلك شي ..
شهد . توسعو عيونها وهيا تشوفله
اسلام . انتي كويسه
شهد . انا آسفه ومشت تجري
اسلام . ابتسم ابتسامه واسعه وقال بهمس ويلي
شهد . طلعت تخبط ع خدودها ياربي شن قاعد يصير معاي
بلقيس . هوييي يابنتت
شهد . هااً
بلقيس . المحاضره بدت هي
شهد . تمام هي
ولما جت تخش القاعه هو خش حذاها
ومافيش مكان فاضي الا اخر كرسيين بلقيس قعدت
كرسي قدام وقعد كرسيين ف الخلف شهد قعمزت
واسلام قعمز حذاها يشوفلها انتي كويسه بعد اللي صار
شهد . حمدلله ياريت متكثرش دوه بنسمع دكتور
اسلام . هز راسه ويشوفلها ابتسم انا فرحان عشان انتي جنبي اليوم ان شاء الله دوم
شهد . استغفر الله
اسلام . صدق فضل شاكر لما قال جمالك جمال مش عادي
شهد . ياربي
اسلام . ياكريم
شهد . يابياعه حطيتني ف موقف
بلقيس . سموح لوليد شهوده
شهد . عارفه بس تحشمت
اسلام دك راسه وسطهم ماتحشميش
بلقيس ضحكت
شهد . لاااه انت زودتها
اسلام عقد حواجبه  . حتى انتي زودتيها لي واجد نجري وراك انا نحبك مش نلعب ع فكرة واخر كلام عندي يااما توافقي ولا معش تشوفي وجهي بكل
ولا توافقي لاني منقدرش نتحمل بدونك
بلقيس تضحك وتهز مع بعضها وخلاص
اسلام . ندير العار را
شهد ضيقت عيونها  . اعلى مافي خيلك اوكيه
اسلام . تمام اعلنت الحرب تمام
شهد . مريض
بلقيس . بس عسل
شهد . عسل اسود
بلقيس . جيعانه وعطشانه هيا كافيتيريا
شهد . هيا ومشت وراها وصلن لكافيتيريا
كان اسلام مقعمز ياكل ف برجر
شهد . ثقيل
بلقيس . متبيش عطيه لي
شهد . فنصت
بلقيس ضحكت
شهد معلش نبي بيتزا حجم كبير واثنين شاورما وشيش وبيبسي وبرو اناناس ...
بلقيس . شاورما نبي صاروخ دبل جبنه
شهد . طاوله رقم 7 وقعمزن
شهد . رفعت تليفونها وتراقب ف اسلام
شوي ناض اسلام
بلقيس.شخصية ريتي كيف يمشي بسرعه عسل يقطر
شهد . بالك تحشمي
بلقيس . تغاري
شهد . شنوووووو نغار نا وعلى من على هذا
بلقيس . صراحه يدير سنونه بس الا هو عسل
شهد . خلاص صدعتي راسي
بلقيس . تحسيه مش ليبي سوري فلسطيني تركي
شهد . عادي اقل من عادي
بلقيس . امممم مممممم
شهد اهو جا الغداء تسمسمي
وبدن ياكلن وكملن ...
شهد . كم الحسبة طاولة 7
الشاب . 55 جنيه
شهد فتحت شنطتها قالت بهمس معاي 20 وبدت تفتش اخرى اوفف حي عليي
بلقيس ، كنك
شهد . معاي 20 وحقهم 55
بلقيس . فتشي كويس بالك تلقي
شهد . مافيش
بلقيس. نمشي نشوف شنطتي وشهد قالت عن اذنك
ومشن لطاوله
شهد . ها شن صار
بلقيس طيحت جزدان وتنفض فيه جنيه جنيهن ثلاثه سبعه
شهد . حي علينا
بلقيس . عضت ع فمها عادي نسلكوه يوم اخرى
شهد . شن نديرو
بلقيس . خلينا نقعمزو لين يجو يسكرو
شهد . هيا واللي تصير تصير سلام
وعليكم سلام
شهد . نحنا طاوله 7 قتلي لحساب 55
طاوله 7 حسابها مدفوع
شهد . عفوا
حسابها مدفوع بالكامل وكان هينزل الحلو توا
شهد . عقدت حواجبها من الي دفع
بلقيس التفت ببطيء وشافت ل اسلام وقالت شهدد
شهد . التفتتلها وشافت اسلام مقعمز ف نص كافيتيريا
ابتسم ابتسامه عريضه وشيرلها
شهد . انت ايش تبي
اسلام . شي بنات دفعتي وحبيت نساعدكن
شهد . مانبوش منك مساعده طلعت ال 20 هاك
اسلام . بس نا دفعت 60
شهد . هنردهن لك غير هذين توا معاي
اسلام. عطيني رقمك وصحيحه عليك وكل يوم غداك وعشاك وفطورك ع حسابي
شهد . شقلبت عيونها هاها تحساب روحك نزيك
اسلام . انتي نزيكه ساد
شهد . انت الكلام معاك عبث
اسلام . من عبث هذا
عيطت شهد بغيظ وجت بتمشي
اسلام . ارجو الحلو
شهد . هيا يابلقيس احسن مانرتكب جريمه
اسلام كان ف المدرج الاخير وشهد وبلقيس ف مدرج ثاني وقاعة فاضيه عيطلها شهد
شهد . هي بلقيس نمشو
اسلام . وقفي كلمتين بس
شهد . شن تبي
اسلام . منقدرش
بلقيس . نرجى فيك برا
شهد . بلقيس بلقيس
بلقيس طلعت وسيبتها
شهد . كنك ايش تبي انت
اسلام . اعترفي
شهد . نعترف بشنو
اسلام . اعترفي انك معجبه فيا
شهد . مش معجبه فيك ياريت تفوتني
اسلام . تكذبي شفتك امبدري ضحكتيلي
شهد. نا ابدا مافيش منه كلام هذ
اسلام . يابنت الحلال انا رايدك بالحلال نتفاهمو ما بينا وعد بعدها نخطبك طوالي
شهد وجهها انحمر وابتسمت
اسلام . عشان خاطر لتويكس طلع من جيبه سنيكرز انت مش انت وانت جيعان
شهد . ضحكت
اسلام . شفتي هتلقي ف حناطتي وين بس
شهد . تمام
اسلام . تمام شنو باهي انتي تكابري وحركات انا نحبك
شهد . اسسس
اسلام . تبيني مانقولهاش تي نقولها نحبك ومكبد فيك ياام عيون زرق
شهد . تمام باهي
اسلام . انا نح
شهد . مش وقته اسكت اسكت
اسلام ابتسم . امتى وقته باهي
شهد . بعدين بعدين
اسلام . دار حركه تليفون ع وذنه رقمي كتبته ف شيت صفحة لتويكس مش تنسي
شهد . ضحكت وطلعت وجهها منحمر
اسلام . يربح
..
عيطت بكل قهر وذكريات يمرو بين عيونها وحده
ورا الاخرى "آاااااه"
جمعه يمسك فيها ودموعه ف عيونه وهي منهاره
ف حضن بوها ..
غيث . تبكي عشانه ونا ..
سمع صوت سيارات الشرطة حط المسدس ع راسه
واطلق نار ع نفسه وهو يقول نحبك ..