ضحايا بلادي

الثامن والثلاثون

ضحايا بلادي
بقلم يحيى إدريس

مراسله بين الاخ واخته ع الواتس اب ..

متصل الآن ..
وين نلقاها بزبط ..
ردت عليه في دولاب فيه سطل تفتحه تلقى سطل
دز سمايل يضحك مافهمت شيييي
ردت عليه اني جاية لو تعرف امي يومنا اسود
هو دز سمايلات يضاحكن
قعمزت بتول من مرقدها وين ماشيه
شهد حطت اصبعها ع فمها وتمشي بروس صوابعها
لحقتها بتول وين وصلت الكوجينه حست بحد خبط
شهد قعدت تنطر وتعيط وبتول تسكت فيها انا انا
شهد . فجعتيني وخشن لكوجينه شافن محمد
يفتش ف دولايب وقالب الحافظات قدمت شهد
وطلعت سطل الللي فيه شوكولاطه اللي دستهاامهم
خذا محمد 3 طروف وشهد خذت طرف بتول طرف
وقعدو واقفين ياكلو في مكانهم ثلاثه جنب بعضهم
شهد ف النص وعلى يمينها محمد ويسارها بتول
شهد غمضت عيونها وتاكل بتلذذ طعمتها خطيره
محمد . بحت فيها بنص عين وقعد يضحك
شهد . رفعت كتفها بمعنى كنك
محمد . من يسكن البحر ويحبه ناس
شهد . سبونج بوب سكوير بانتس
بتول . لونه اصفر مربع حساس
محمد . سبونج بوب سكوير بانتس
وثلاثه بصوت واحد يهزو بكتوفهم ويغنو ف الاغنية
لعند قعمزو ع الارض وهما يضاحكو طلعت طرف
من جيبها تاكل فيه نقوللكم حاجه ..
الاثنين شافوها ردت عليهم وقالت امي عاده شوكولاطه
قالو بصوت واحد كيف !
شهد . حاسبه الطروف اللي فيها
محمد . يلا سلام عليكم
شهد . ي واطي
ومحمد طلع وهو يضحك ..
بتول . نرقد نا مع سلامه
شهد . ايو حطوها ف راسي

..
شافها مزالت بقفطانها ومكياجها وتاج على راسها
حط صوابعه ففمه وصفرلها وهي بيديها رفعت قفطانها من جهتين وبدت تبرم وحطت يدها ف
وسطها شرايك في ملكة صح وضحكت بسخريه
خالد . ملكة الملكات ياقلبي
منى  . كنك طولت بكلل
خالد . غيث نفخلي راسي
منى . خشت لدار مكياج وبدت تسلح ف ذهبها
وتحط ف درج وبرمت عليه وقالت امه حاطه عينها
على شهد بتاكلها بعيونها وتفك ف دناديل وتاج وبدت تمسح ف المكياج وتسمع فيه يقول حتى هو
جت تجري قعمزت قدامه كيف حتى هو حاط عينه
خالد . يعرفها يقري عليها
ابتسمت منى بدت تشقلب ف عيونها بتفكير
خالد . اويي راجل ناوي الحلال
منى . مبروك خلاص
خالد ، مش تنشدي اختك الاول
منى  . غصبا عنها توافق خليها عليا بس
خالد.باهي خلينا من غيث ومن اختك شن سماحه هذ
منى . سمحه من يومي
خالد . عض ع شاربه ربعنتي صح
منى . خالد
....
بدت تذكر ف الله و تستغفر
ماجده . خوك جايبلك عريس
اسماء . فنصت ف امها مانبيش خلاص يمي
ماجده .لازم توافقي ما وراك شي اجوزي نتريح عليك
اسماء . وراي قرايتي اللي حرمتوني منها هنردلها
ماجده . بالك تحسبي خوتك يخلوك
اسماء . مش بجوهم
ماجده . اللي عندها قلتها ايمن جايبلك صاحبه
اسماء . صاحبه شنو حي علي داعشي يمي
ماجده . يخاف الله وكويس ايش تبي اكثر من هك
اسماء . لالا وراسك مانبيش يمي مزلت صغيرة
ماجده . صغيرة ع زواج لكن علاقات كبيرة
اسماء . لا علاقه ولا زواج مانبيش نتزوج واحد يديه ملوثات بدم
ماجده.يكذبو عليهم هما مش هك ناس تتبلى عليهم
اسماء . مانبيش مانبيش نتزوج بنقعد هك
ماجده . اللي عندي قلتها وطلعت
واسماء تبكي وهي خايفه بعدين شافت فيديو
لداعية مصطفى حسني كان يقول ايتين في القرآن
وصى بهم العلماء"وافوض امري الى الله ان الله بصير بالعباد" خليها ع سبحه 100 مره ايه اللي
يحصل بقية الاية " ف وقاه الله سيئات مامكر "
طب والاية تانيه " حسبنا الله ونعم الوكيل" ايه هيحصلك ف نقلبو بنعمة الله وفضله لم يمسسهم سوء ف ربنا ياخذ بأيدينا ويرضى عنا كانت اسماء
تشوف الفيديو وهي تردد ورا دعاية ف اللي يقوله
بعدين رفعت راسها فوق ياربي يارب كون معايا ياربي
دمعتها نزلت وهي تستنجد برب الكون اللي خلقها
..
كانن يتمشن في جامعة وتوري لصحبتها ف صورة ..
رحمه . اها حلو بكل
شهد  . نفكر ناخذه ونبدا ف شغل رسمي
رحمه . موفقه
شهد . اول راتب غداك على حسابي
رحمه. حي عليك ماننساش بعدك نا
ضحكت شهد وكان اللي يتبع فيهم وراهم ومبتسم
لحديثهن هي وصلت عند دروج القسم ورحمه قالت
نبي الحمام توا نجي ونزلت شهد نجي معاك وشافت
لدكتورها مشت من حذاه وهو رقا خش لمكتب بتاعه حط راسه ع كرسي وابتسم وهي ترجى ف رحمه لعند جت وطلعن مع بعضهن لمحاضره
..
منى . محاضرتي ساعه 2 انا
خالد . ناخذه لامي مالا
منى . مش عارفه ممكن يضايقها
خالد . هنجي ناخذك ع ساعة 2
منى . تمام شوي رن جرس ناضت تفتح الباب
شهد . مرحبااا
منى . اهلين سلمت عليها بالخد خشيي
شهد . مدت الكيس
منى . شن هذ
شهد . هديه مش قد المقام بس هذ ماعندي
منى . ابتسمت وقالتلها خشي بلا حركات
شهد . وين حبيب خالتو ياعمري انا بدت تبوس فيه
منى . عقبال مانشوف صغارك ونبقى خاله حتى نا
شهد . تلاعب في اعمر وماردتش عليها
منى . تعرفي انه ولد خالة خالد طلع يعرفك
شهد . من وين يعرفني
منى . حزر فزر
شهد . مش وقتك برادتك
منى . راجل يحبك وطايح بوجه ويبي اشارة منك
شهد . هو من وين يعرفني بيش يحبني
منى . ياستي يعطي عليك ف جامعة هذ ما قال لخالد مش قتلك عندهم شركة هندسية هو مهندس والله يابنت انفتحتلك طاقة القدر وتقعدي
اغنى حتى مني انا وناس كلها تمنالك الرضا ترضي
شهد . عقدت حواجبها صكري ع موضوع
منى . ابتسمت تبصري صح راجل بيجيب هله
شهد . ومن قالك اني بنوافق عليه
منى . بلاش غباء وفكري شوي ف مصلحتك
شهد . حياتي شخصية انا حره فيها
منى.من اللي كانت تتمنى تجوز تفتك من وجه جمعه
شهد . الواحد يتغير تفكيره بين امس واليوم
منى .هذي فرصه ع طبق من ذهب الفرصه مره ف العمر انتي حتى متعرفيش شن اسمه
شهد . ومانبيش نعرف
منى . مزلتي تحبي وجه الفقر هذك صح
شهد . منحبش حد انا نحب نفسي ولا نبي هو ولا غيره خلاص صكري ع موضوع را نمشي ،
منى . باهي باهي تقعدي مع عموري عندي محاضره ساعه
شهد . هزت راسها باايجاب
منى . نجكليا