ضحايا بلادي
بقلم يحيى ادريس
البارت الثالث والستون "63"
حوش جمعة ..
من 9 صبح الحركه ف الحوش ..
تقرض في الكبده وجنبها ماجده تجهز ف الحليب
صالحه . البنات مزال ما وعين ..
ماجده . امس طول الليل وهن واعيات ..
صالحه حطت الكبده في طاجين اللي يغلي فيه زيت
ومن الكوجينه لدار البنات ..
منى . كبير انت مفروض تلبس بروحك ..
عمر . لاء دش كبير نا صعير ...
ضحكت منى بدت دغدغ فيه صعير انت صعير ..
بتول . تؤتؤ خلينا نرقدو انتي وولدك ازعاج ..
منى . تمت هكي نا قبل طالعه بس هكي هي عموري
انطلق وعموري عاد مشا يجري هجم ع خالته غطت
وجهها وقالت والله نوريكي يامنى وكانت الاء تشوفله
منى خذت بنتها وطلعت وسيبتهم وهي تضحك ..
وشوي شوي الحوش كله التمو ع صفره الفطور ..
مقعمزات ع صفره يفطرن فيها البنات وصالحه وماجده وصفره فيها منى شهد طلعت صفره فطور
لبوها وخوها وردت خشت تفطر معاهن ..
...
وقت الغداء
صالحه اطلع ف العصبان ..
اسماء الله محمر المنظر ياهو ..
بتول اصبرن بنصور ..
منى . مش وقتك يامصوره جواعه ..
بتول ، اصبروو قلت وبدت تاخذ ف لقطات فوق تحت جنب وتقرب وتبعد ..
صالحه . خلاص صقع ونقع
طلعو صفرتين وكان الجو سمح
تغدو وتريحو شوي وبعدين ناضو للعوايز ..
منى وبتول شورهن العشاء واسماء وشهد الغداء ..
في الكوجينة ..
اسماء تحط العوايز ف الغساله وشهد تنفض
شهد . قالي ماريت كيف عجبها سوا غاضبه ولا اوقات طربها وكملت باقي اللي قاله اسلام ..
اسماء . الله يافرخه باهي شن رديتي عليه ..
شهد . صكرت ف وجهه
اسماء . تبيلك طريحه باهيه انتي ..
شهد . مش قادره مانبيش تصيرله حاجه من وراي
اسماء . كنك ماحكيتيلي امس نسأل فيك
شهد . مقدرتش بتول ومنى معانا
اسماء . تخافي منهن
شهد . مش هكي بس
اسماء . محد له علاقه فيك انتي ناضجه وحره ف قراراتك ..
شهد . هزت راسها بضيق واكتفت بالصمت
ف العشيه طلع بيهم فارس للحديقة رقيه
بتول خذت عموري تلعب فيه وقعمزن اسماء
وشهد وجنبهن صالحه وماجده فرشن ع الارض
ومنى لاهيه ببنتها وتغطي فيها تقول صقع ..
فارس وهو يلعب ف ولد اخته مع بتول وبتول بروحها تلعب 😂
سمع صوت مش غريب عليه دفوني بالقوة
برم شافها وهي تضحك وبنات خالتها صغيرات
يدفن فيها وهي تقول اللي يدف اقوى نعطيه جنيه
ابتسم وهو يقول عليك هبله ..
من قوة الدفه قعدت تصرخ لعند طاحت ..
فارس . بسم الله انتي كويسه ..
رحمه.ناضت بسرعه ومشت وسيباته وهي محرجه ..
صوت ضحكتها جايب اخر مكان ..
رحمه اس فضحتينا خلاص مبردك ..
شهد واااك صارر طحتي قدامه يانعلاي عليك منظر
رحمه . مبردك ياشهد مبردك
شهد . توجع شوي لكن ميه ميه
ومرت الايام وغادرنا سبتمبر ..
بتول كانت فوق سطاح حوشهم ...
تسمع ف زغاريت وسيارات زعمك من تزوج
طلعت معاه شهد في فرح ف الشارع ..
صالحه لا هذ وقت ترويحه الحجاج اكيد عيت رقيه
شهد . حي مرت الحسن حامل ..
منى . كيف سافرت ..
بتول . تشوف وعيونها مليانات دموع
الحسن ماسك ف يد مرته وخشو ع زغاريت
وليد استقبلهم ب العاب ناريه ..
بتول خشت وسيبتهن تجري لدار طاحت ع سريرها
تبكي ..
وارويدا تحضن ف امها رايفت عليك واجد وباست راسها ..
رقيه حتى نا ياقلب امك وباستها من خدودها ..
أنت تقرأ
ضحايا بلادي
Romanceتضحيات الحب الحرب المرض اليأس كل سنة معينة لها ابطالها تتكلم عن جمعة اب بخيل ظالم وعن عائلته وكيف هتكون حياتهم ومواجهتهم مع ظروف الحياة القاسية من 2013 الى 2023
