ضحايا بلادي

الخامس وستون "65"

ضحايا بلادي
بقلم يحيى ادريس
اغسطس 2018 ..
اسبوع ع فرح شهد
لاهيه ف الاسواق وتحضيرات وتجهيزات ..
ومضغوطه وقاعده ع اعصابها ومنى ماسيبتهاش
ورجاله يباتو ف حوش منى اما نقول رجاله نقصد
ع فارس جمعه محمد زياد يبات ف المربوعه ف حوش هله ..
ومن يوم تفريشه جت منيره وعتيقه ورنده وشيماء
وماجده واسماء طبعا ورحمه صديقتها قاعده معاها
منيره . هذا كله بتات ...
صالحه . نصه من منى ونص الاخرى من بوها ..
منيره . سلم خيتها وسلم بوها ..
ابتسمت منى سلمك ..
وشالو تفريش لشقتها ف عمارة بوزيد درنة ..
لانه اسلام شغله كله غادي ..
في احدى ڤلل امبخ " درنة "
انتقلولها حديثا من شهر
كان قدامهن السياق عمات اسلام وخالاته امه واخته
يشتن عليه ويدربكن ويصفقن وطلعو بالسياق ..
7 فجاعي وتندرا وبساط حتى من جمل فيه  ...
وطلعو بالسياق متجهين البيضاء وزفة عالميه
دارو اجواء معاهم مصورين وصلو للبيضاء ..
ساعة 5 ونص
استقبلو رجاله ف الحاجر دايرين نظام ارواق
وصبايا يزغرتن جوا وشهد تشوف للحاجات وهي
فرحانه ب اطير من فرحتها كلها كم يوم وتمشي معاه
حطولهم مثروده ع لحم وطني ولبن وروحو هل العريس واصحابه كان اسلام يرجى فيهم قدام حوش ومعاهم غيطه ياسيد الجياب جيبها حتى من الابعاد جيبها ويرقص معاهم خش ف الجو ..
الشوق قاسي والرياف يذل الشوق قاسي والرياف
يذل والرياف يذل والشوق قاسي واستمر معيلف
ف الاغاني وشباب هايجين وانت تجيبه ياعقل ننهى
فيك وانت تجيبه ياعقيل ننهى فيك وانت تجيبه
مدعى غلا غالي بعيد نصيبه !
ياعقل ننهى فيك
وانتظريني عدي نجوم الليل ❤️
وانتظريني عدي نجوم الليل ✨
وانتظريني على وعدنا خليك❤️‍🔥
ماتنسيني عدي نجوم الليل ❤️‍🩹
واسلام هايج يرقص ويعيط ماهو مدور حد
اما حفلة شهد ..
ناضت رحمه ..
ماملي سمحه في يديهم كل خصايل شينه فيهم
وتكشك معاها بتول وتعيط معاها منى واسماء ادربك
وشهد تشوفلهن وتضحك ...
بتول طول عمري نا نشرب في المر نسامح مانسامح نا حر وقعدو يعيطو معاها وكشك 😂

بتول ايسنا وقلنا ناسينا وقلنا ناسينا خطم شال عيونه فينا وقعدو يعيطو معاها ورحمه تضحك
رحمه . ما واجعني غير علي ياغير علي الا احميدا يمشي ويجي حي حي 😂

يوم الزفه ..
فتحت عيونها شافت ڤيلوها معلق ابتسمت ..
مدت يدها لكوميدينو خذت تليفون شافت اشعار من برا ارنوبي 🐇
خشت ع محتوى رساله هانت كلها 11 ساعة تبقى حلالي ومعاي
وف حوشي يالوز وماشي يبعدني عنك و24 صبح ونتصبح ف وجهك الحلو نحبك ياعروستي ابتسمت من قلبها وقلبها قريب يطلع من مكانه انفتح الباب وخشت بتول ابتسمت بخبث وريني شن دزلك
وريني وريني وشهد دس في تليفون حولي بلا قلة ادب ..
اسماء خشت بالبندير وراها منى تغني النهاردة فرحي ياجدعان عايز كلو يبقى تمام بدن يضحكن ع اغنية منى وكلهن نطن ف سرير
وحضنن شهد هنرايفولك وااااجدددد ..
شهد . خلاص خنقتني
اسماء . تزيد تخنق فيها
ومنى وبتول نفس شي
صالحه . ف يدها صفره الفطور سيبن البنت عنكن
منى . اووو فطور وحركات
صالحه . هي خلني معاها بروحها
بتول . يارب نتزوج بيش ندلع ه دلع
وطلعن منى واسماء يضحكن وراها صكرن باب
صالحه حطت صفره ع سرير وقالت صباح الخير بنتي
شهد  . صباح النور
صالحه . اليوم اخر يوم لك هنا وهتبقي صاحبة مسؤولية عارفه شي هذا
هزت شهد راسها ..
صالحه . يعني بتتحملي معاه الحلو والمر وخليك بنت اصل وماديريش العيبه بيش يقولو سلم من رباها متجيبلنش غلط
منبوش مشاكل مع هله زي ما صار مع اختك حاولي تكوني
محضر خير واي حاجه بينكم خليها بينكم المشاكل ملح زواج
لكن ماطلعيهنش برا ولا تحرجي لآنك مش تستفادي شي غير
شماتة ناس فيك الوليه منا لما تزوج خلاص ماتجي لهلها كان
ف زيارات لانه دامها طلعت معش ترد ولو ردت كل ناس هيحكو عليها
شهد . خوفتيني خلاص معش نبي نتزوج بكل
صالحه . بعيد شر ربي يسعدك ويهنيك يابنتي ننصح فيك بس
ابتسمت شهد نجك ليا وحضنت امها وباستها وهي تغني امي
جنة امي شمعة امي نبضي وكل حياتي واروحلك يايما فدوة
امي قلبي امي روحي وصالحه تضحك عليها قالت هبله ..
طلعت شهد ومعاها رحمه طبعا شهد لابسه نقاب وعبايه ومعاها حاجاتها وهي طالعه وقفها جمعه ..
رحمه ابتسمت نرجى فيك نا ع مهلك ..
بتمشي بدون ماتودعيني رفعت الخمار وباست يديه وراسه
جمعه بوك هيفقدك واجد ياعمري
والله مانسيبك ياغالي كان تبي نلغي كل حاجه ونقعد معاك طول العمر ..
جمعه مسح دمعه دمعته لا افرحي وكوني اسرة حنونه كيفك ..
بس كان صارلك شي حد ضايقك ماعجبكش اي حاجه نرجى فيك حوش بوك مفتوحلك في كل وقت
جمعه عارفك تسكتي وتكمدي ماتجيش على روحك
يابنتي صارتلك حاجه تعاليلي طول حوشنا مفتوح لك وفوق راسي اخرى يابنتي ..
شهد دموعها نزلو وقالت بصوت مخنوق بابا ..
جمعه . ياقلبه ..
حضناته طول وبدت تبكي ف حضنه وهو يبكي معاها ..