ضحايا بلادي

سبعون "70"

ضحايا بلادي
بقلم يحيى ادريس
البارت سبعون "70"
في المستشفى ..
فتحت عيونها رؤية ضبابيه شافت دكتورة
شهد . حطت يدها ع راسها شن صار
الدكتورة . حادث بسيط زوجك خاف عليك قلب علينا دنيا
شهد . شافت لقاته واقف فوق راسها قلبت وجهها
الدكتورة . زي ماسمعت انك حامل
هزت شهد راسها بضيق ..
الدكتورة تلبس ف قفازات خلينا نطمنو على وضعه
وشافت الوضع وقالت تمام بس ماتحركيش واجد
وهذين ڤيتامين حافظي عليهن ومعش تسوق ب تهور وشافت ل اسلام اللي ضحك وشهد مش عاجبها
الدكتورة رعشنا ع وقت الفطور وانتي مارضيتي توعي
شهد . قبل نحسب روحي الا ودعت
الدكتورة . بعد عمر طويل
خذت شهد روشيتا وشكرتها وطلعت واسلام يقوللها كويسه انتي وينشد فيها وهي تمشي ماتردش عليه
لعند طلعو برا المستشفى شافتله كيف بنمشو توا
اسلام . خذيت سيارة من واحد صاحب ومشا شورها
هي ركبت وهي ساكته لعند درس بيها عند الكورنيش ..
نزلت قعمزت تشوف لمنظر البحر حطت يديها
ع بعض وتشوف لبحر وهي مضيقه عيونها
اسلام . انا اسف ..
شهد . شافتله كان صارت حاجه للعيل اسفك شن ينفع
اسلام . الحمدلله ماصار شي
شهد . لا صار وصار كبير كيف تعيط عليا قدام امك
اسلام . انتي غلطتي كيف تقولي ل امي كلام هك تعايري فيها
شهد. امك بدت معاي تعاير بخوي وتقول عنه مجرم
اسلام . ترضي نغلط في امك
شهد . ماضربت بوي ولا عيطت ولا نقولك حاجه خليك مع امك ونا حطني عند هلي دور وحده ترضى
اسلام . غمض عيونه بنفاذ صبر خذاها ف حضنه
شهد . بدت تبكي بقهر
اسلام . اسف ياعمري اسف ويبوس فيها من عند راسها حقك عليا
شهد بصوت باكي . جيعانه
اسلام قعد يضحك وهي ضحكت معاه ..
ومشو لمطعم خذالها وجبة فطرو ع واللي زاد روحو بيه لسحور
...
اسماء . ماشاء الله يامنى بوريكك سمح
ماجده . صح طعام منى فيه بنه الله يبارك
منى ابتسمت . صحتين ع قلوبكم
بتول . وكيكتي محد شكرها ..
ماجده . انتي شن ماديري سمح
بتول . بعتتلها بوسه ف الهواء
فارس . فراوله والباقي كله دهان تجامل فيك مرت خالي
بتول . خزي عليك يابارد
فارس . واقع كله كريمه وفراولة كيكتك
بتول . توا نشوفو ست رحمه تاكل منها كيف الألف
فارس رقص حواجبه . صقع عليك رحمه
اسماء . صفقت بضحكه اووووووووو
بتول . مطت شواربها ب إزدراء
ماجده . امتى الفرح
صالحه . غير يكمل شقته قبل
فارس . هرمنا 33 سنة معدناش صغار لازم نتزوج
صالحه . باهي باهي امسك يدك توا تلقى الامور ميسره وانت غير تبعزق في قطاب فاضي
عموري . حتى نا بنزوز
وبدو يضاحكو كلهم وفارس يقول عريس مع خالو انت
عموري . اها نزوز ماء اسماء
وزاد ضحك ومحمد مبتسم
اسماء . تغسل ف عوايز
خش محمد انتي درتي لمحلبيه
اسماء . اها عجباتك
محمد . حتى سم من يديك حلو
اسماء . ابتسمت
منى . تؤتؤتؤ ف رمضان ف رمضان استحو استحو
محمد .. لليل توا
منى . لا يامحمد باشا حرام في نهار حرام في الليل حرام في رمضان حرام طول سنة دير خطوة ع حالك وخليها حلالك خير ماتلقاها حلال غيرك وانت تفرج
محمد . شنو شنو
اسماء . طلعت متزلطه من كلام منى تجري
محمد . من امتى تدعدشتي
منى . حشاني بس الحق حق متجيش
محمد . وجك
...
ثاني يوم
في صاله حوش الحاج اعمر
كانو كامله وهند يحكن في صالة ع العصر مع برنامج قمرة لأحمد الشقيري وفي الكوجينة ..
كانت ارويدا تعاني دير في الفطور بين طنجرة
رز وغسل دواوير وتخريط وباقي الموالح والحلو
ورحاب كانت في دوامها وهند طبعا ادق ف الحنك
مع امها مستحيل تساعد وهند تنوض تشوفها وتأمر
عليها ..
كامله . عادل خذاته البنغازي عند هلها خطفت وليدي
هند . ماهو يمي انتي ديما هكي شوفي كيف تعامل ف ارويدا نحمر عيني فيها لعند قاعده تحت طوعي
وتسمع كلامي لكن انتي تضحكي ومش مفنصه عشان هك خوتي ما يخافو ويتبعو ف صباياهم من خالد الله يرحمه وتوا عادل واسماعيل ف طريق حتى هو ..
كامله . بختي شن ندير
هند . لا تعلمي يمي خلي عندك شخصية
كامله . ان شاء الله
ارويدا . اللي كانت طالعه تصلي العصر سمعت كلام وضايقها بس سكتت ..
بعد الفطور ..
كامله . شن رايكم ف الفطور كله من يديا نا وهند
لا ماشاء الله ويشكرو وارويدا قاعده ساكته ..
وليد . ارويدا شن دارت ..
هند . لا ارويدا تعبانه قلنالها تريحي امي حلفتلها
ارويدا . عيونها دموع مش قادرة تقول شي
كله هي دارته بيديها هن حتى رشه ملح ماحطن
وليد . شافلها وهز راسه كي مشو يغسلو يديهم
شافها ماشيه قال تغسلي عوايز كلهن فاهمه ....
ارويدا . قريب تبكي من كلامه ..
وقعدت تغسل ف العوايز كلهن وتنظف في كوجينه
حست بألم ف اسفل بطنها ..
هند . حطي القهوة وحلو ..
ارويدا . تألم عزقت الليفه ف رغوه وتعصر ع يدها
هند . هيييه نحكي معاك
ارويدا . خلاص خطينيي خطينييي
هند . انصدمت
وليد . شدها من يدها انتي كيف تحكي مع امي هك
ارويدا . من الم حاسه بدوخه وتشوف فيهم مشوشين ورؤية جانبيه لعند طاحت ع الارض ع صوت عياطهم ...
...
بتول واقفه روشن دارها دور في تغطية شافت الحسن مقعمز يحكي مع صاحبه وولده ماسك
ف يده يمشي جنبه قلبها انعصر عصر وهي تشوف فيه وهو رفع عيونه بلمحه عابره شافها شاف لعيونها اللي كلهم عتاب والم وجعاته
بين ضحكته وبين حبه لها لكن اللي داراته شي لا يغتفر عفس ع قلبه وقسى وارمقها بنظرة استحقار
لعند هي اختفت عنه اما ردت ستاره ع روشن وطاحت ع الارض تبكي بقهر وهو خذا ولده باسه وخش لمرته وامه ..
...
حولي غادي فيش ديري
شهد . نصور فيك ياارنوبي ..
اسلام . فكيني من تصوير بعدين هذا تليفوني متصوريش بيه  ...
شهد . شن فيها كان صورت بيه
اسلام . اخرى طالعه ف الفيديو
شهد . رقصت حواجبها كانت لابسه ماليه توته كتفها طايح لونها رصاصي وسروال استرتش بنفس لون وشعرها مديور من فوق كعكه واللي تحت مطلوق ع طوله منظرها سمح تي هييي متصوريش تليفوني ديما مع شباب ف زرادي هاتي هنا وصبا بياخذه منها هو لابس توته ماليه نص كم بلون الاسود
وسروال توته بلون الاسود بياخذه لعند طاح فوق منها
شهد . هييه العيل العيل
اسلام . يضحك بدا يبوس فيها
شهد . طرمت شفافها خربت الفيديو هاك امسك تليفونك اللي خايف عليه اصلا تصويره شين تقوله مصورة ب الة حاسبه
اسلام . صقع عليك تليفوني ب 4500
شهد شافتله ب إزدراء ماهو لو جايبلي تليفون كويس ماكنت استحقيتلك
اسلام . رفع حواجبه طلعت عطيب توا
شهد هزت راسها بتأكيد . وقالت ايوا "ايون"😂هك تنطق فيها بالنون
اسلام . حبي انتي شن نديرلك سحور قولي ..
شهد . مش متعاركين نحنا توا ..
اسلام . نتعارك معاك لكِن م نحمَل فيك حتى بصيره
شهد . " م نتحمل فيك بصيره ، وانتَ كل امرَار اديره "
اسلام . يضحك
مقعمزه ع كرسي اللي ع طاوله كوجينه حاطه كرعيها ع فخذة اسلام هي تشرب ف نسكافي
وهو ياكل في كيكه شافلها بعد قالتله شن رايك
اسلام.امي مزالت زعلانه عشان معش فطرنا عندهم
شهد . نعزمهم هما وهلي عندنا وصراحه معش بنمشي الا ف الاعياد وجمعات لان مشاكل ومانبيش
نطيح القدر ويصير زعل ..
اسلام . صدقتي
شهد . خلاص نكلمهن نعزمهن بكرة نوعيك من صبح تجيبلي حاجات ..
اسلام . تمام
...
فتحت ارويدا عيونها راقده ف سريرها ..
وليد . انتي كويسه ..
ارويدا . عقدت حواجبها ..
وليد . دام فتحتي عيونك معناها كويسه اخر مره تعيطي ع امي
ارويدا . امك وحده كذابه هي وامها
وليد . احترمي نفسك وانتي تحكي ع امي من تحسبي روحك الوليه قريب تخوخمت اما طحتي لكن مافيكش خير
ارويدا . فعلا مافياش خير
وليد . خش للحمام وفاتها ..
ارويدا . حطت يدها ع بطنها لولاك مستحيل نقعد ثانيه معاهم ..
...
صالحه . شهد عزمتنا بكرة عندها ع الفطور
جمعه . ليش ماهي تجينا
صالحه . قالت غيرو جو صح جو درنة ياجمعة وتبيلنا راحه
بتول . واخيرا افراج من كوجينه
منى . اللي يسمعك تقول مقطعه روحك ف كوجينه
بتول . ضربتها ع كراعها
ومنى فنصت فيها وبدن يتنابشن ..
الاء . ماما تحسب روحها صعيره ..
قعدن يضاحكن ..
منى . باهي يالولي هك تخليهم يضحكو عليا ..
الاء . رفعت كتوفها ومطت شفافها للاسفل ..
ويزيدو يضحكو ع تعبيرات وجه الاء ..
..
ثاني يوم
واقفه بين الموالح وحلويات وجايبه وحده تساعدها تنظف الحوش وتغسل عوايز فطور وشهد لاهيه في
تنويع لعند جت ساعة 6 ونص طفت ع طناجر وكوشه والخلاط ومشت تجري لدارها تدوشت
ولبست قميص سمائي وتوب اسود وسروال امريكي
رفعت شعرها كعكه والباقي نازل منظرها سمح
رن جرس فتحت الباب شافت نعيمه واروى
معاهن نوع مالح وحلو سلمت عليهن وخشن معاها لكوجينه
شهد . والله كملت خلاص ..
اروى بضحكه . وفرتي وطلعت برا
نعيمه . شهد بنتي سامحيني ما غلطانه
شهد . قربت باست راسها انتي اللي سامحيني
ابتسمت نعيمه رن جرس
شهد . هلي شكلهم جو وطلعت تفتح الباب
اول وحده بتول عيطت وين شافتها وحضنن بعضهن بعدين منى وصالحه واسماء وماجده
ولصغار
شهد . وين بويا وشباب
صالحه . في جامع كلهم نزلو
شهد . خشو وخشن بدن يحكن
اسماء واروى وبتول ومنى وشهد وصالحه وماجده ونعيمه
ولجامع جمعه ومحمد وفارس مع اسلام وعبد الله
صلو جماعة وفطرو في جامع حليب وتمر بعدين
مشو لشقة اسلام
كانت شهد دايره كل حاجه عصبان بطاطا مبطنه بيتزا رز بالخلطه وكبده ولحم في كوشه ودجاج في كيس وبوريك وشاورما وكيمياء وسلاطات  وشربه ومن نعيمه كباب وطاجين وصالحه خبزة تنور
وكان جو سمح وكلهم ياكلو ويحكو بعد فطور
قهوة وشاهي ومن ه الكلام ..
منى . خلاص اخر سيم ونفتك ..
شهد . باهي الحمدلله ان شاء الله بالنجاح
منى . ان شاء الله
الاء . ثقتك ثمحه ثهوده
ضحكت شهد وقرصتها من خدها نجكليا انتي
منى . بنت لسانها مصري بكلل ..
شهد . ربي يحفظها تحسيها عقلها سابق سنها ..
منى . كان تحقي الاخر كل شوي طالعلي نبي نزوز
شهد . ووووه وزوزيه
منى . كان تعرفي من يبي
شهد . وهي تحط طواسي ف صفره من
منى . اسماء
فنصت شهد بضحكه العب يلا ذويق من توا
منى . جيل احرف
شهد . شقلبت عيونها بضحكه ماعنده من وين يجيبها ل امه
منى.مبردك خذت صفره بيتزا وسندوتشات وطلعت
بعدها طلعت شهد صفره لمربوعه طبعا محمد واسلام وفارس مشو بعد تراويح لقهوة صحابة
وعبد الله روح قعد جمعه في مربوعه طلعتله شهد
بويا
ابتسم جمعه وين شافها تعالي ..
شهد . حطتله صفره كان مشيت معاهم غيرت جوك
جمعه . شباب بروحهم ماعندي وين ندك راسي وسطهم
شهد . نفتحلك نت
جمعه . لا تعرفي ان ختمت
شهد . بفرحة صححح
جمعه . هز راسه ب ابتسامه
شهد . كذا اقرالي
وجمعه يسمع عليها ..
وكانت فرحانه كأنه ولدها مش بوها ..
ع ال 1 روحو كلهم قعدت شهد في كوجينه تضم ف حوسه سحور لان المساعده بعد الفطور وغسل عوايز روحت طول وشهد واقفه ترتب ف تباسي
يساعد فيها اسلام يمصمص ف طواسي وحط
ف غساله وصكر باب غساله بكراعه وهو عاطي
ب ضهره وشهد ترتب ف تباسي قرب حضنها وباسها
بسرعه قبل مايأذن الفجر
شهد . مش وقتك توا خليني انضم
اسلام . لا وقتي وشالها بين يديه
...
بعد اسبوع
تؤام ولد وبنت ..
ابتسمت شهد وعيونها دمعو وشافت ل اسلام
اللي ابتسم حتى هو وقرب باس يدها ..
شهد . الله يااسلام تؤام سمعت
اسلام . ابتسم مبروك علينا ياقلبي
طلعو من العيادة يتمشو ع كرعيهم
خذالها كريب وعصير وهي تمضغ ف كريب حطت القصبه ف كباية العصير شافتله وهي تمضغ تبي
قصدها ع العصير ابتسم اسلام وقال لا مش وقته
توا غير انتي خاطرك فيه ضحكت وبدت تشرب
ف العصير ويتمشو ..
شهد . تشوف شارع
شارعنا سمح وكل حاجه فيها بس العماره تخوف ودور عالي بكل يااسلام ..
اسلام . لكن سمحه ..
شهد . ضحكت وهو ضحك معاها ..
شافهم شايب كبير مصوراتي مشهور ف درنة ..
ناخذلكم صورة ..
اسلام غار على شهد لا منور
شهد  . حرام عليك خليه نبي صوره نبي نبي
اسلام . صورة وحده
وقرب خده من خدها وحط يده ع ذراعها ومبتسمين صورهم وطلع صورة ف نفس الوقت
اسلام . بكم
الشايب . 10
مدله اسلام 10 وخذا صورته ومشو لشقتهم
خشو لشقتهم ..
...
ومر العيد وبعده الصيف  ..
مقعمز اسلام يقرا ف كتاب وهي تصفح ع تليفونها
هو مدلها بطانيه خفيفه محطوطه ع صالون خذتها
تغطت بيها واسلام ولع المكيف وهو مقعمز مكانه
وهي ردت تصفح ع الفيس كانت الفترة الاخيرة مكملتها تاكل ونوم ف نفس المكان ...
...
عند ارويدا صارت علاقتها مع وليد نوع من الملل
خذاها وطلع بيها البحر وضحك ولعب حتى هند وكامله معاهم هم يضحكو بس هيا متنكده ومش
عاجبها عزق الكلام ناضت تشوف وليد وين ماشي
شافاته واقف مع وحده يقوللها
وليد . والله ياحبي جيت عشانك لولاك مانجي هنا
وهي اللي تحساب ان طالع يغير ف جوها شافاته
طالع يتلاقى بعشيقته ارويدا كرامتها كل يوم ف لارض حتى ه المره تنازلت وقالت لا كذب اكيد
ملخبطه اكيد سمعت غلط مستحيل وليد ما يديرهاش طول اليوم وهي مضايقه وتحاول تبين
العكس وجا وليد حاول يبصر معاها بس هي تجامل واضح من ابتسامتها روحو
وليد  . حبي كنك في شي مضايقك
ارويدا . لا بس شوية صداع
وليد . باس راسها وخذا دبش وخش للحمام
شافت تليفونه ع شحن طول فكاته بدت تكتب
ف رمز ومن غبائه رمز بتاعه 4 اصفار انفتح تليفون
اللي ماعمرها فتشت وراه ولا لحظة من سذاجتها
تقول عندي ثقه فيه يحبني ومستحيل يشوف لغيري
الواتس اب لا كلمت وحده لا اثنين بيش نقولو نزوه
هي مش ماليه عينه شاف غيره لا كانو 7 بنات في منهم اكبر منه سنا ومتزوجات بعيالهن وفيه اللي
صغار اعمارهن لم يتجاوزن 16 سنة وكلام كبير بينهم حتى بينه وبينها عمره ماصار تسجيلات وصور حطت يدها ع فمها ودموعها ينزلو بغزارة والقلب ينزف من سماع مكالمات المسجله سوا عن صوت
او فيديو حطت يدها ع قلبها وتقول بصوت مخنوق " يارب "
بداية الخريف نهاية صيف ..
اول يوم دراسي لطلاب الحضانه بنسبة لعموري
خذاته منى ع روضه مجرد ماوصلو عند الابله
منى قالتله بيباي ..
شافلها بخلعه ومسك يدها كامل متسيبنيش
منى . حبيبي توا نجي امشي مع الابله انت بس ..
عموري . لا ماما ماما ويجري ف جرتها مسكها من عند بالطوها من تحت وهو يبكي مااما ودموعه
منى قلبها تقطع ورق عاطفه الامومه خلتها تاخذه
بس الابله مخلتهاش وخذاته غصب عنه يبكي ...
ركبت ف سيارة طول لجامعة خشت تجري لمحاضره
احمد . رفع يده ساعه كم
منى . اسفه بس
احمد . محاضره 8 ونص وتوا 9 الا ربع
منى . كنت نوصل ف ولدي لمدرسة و
احمد . مش مشكلتي هذي ولدك ديريله باص
منى.شافتله من فوق لتحت ومشت تمتم خزي يهود
احمد . ابتسم وكمل شرح لباقي الطلبه
...
بتول وهي طالعه الشاب وقف عليها معلش حضرتي محاضره اللي بدري
بتول . اها
الشاب ممكن تحديد
بتول . ابتسمت طبعا وقبل ماتكمل شافت الشاب وخر
طارق . هادي تخصني ياريت مالكش علاقه بيها
الشاب اسمحلنا يارايس
بتول . من انت شتحسب روحك
طارق . خطيبك ياستاذه
بتول . فنصت فيه
...
منى . وهي ماشيه لرئيس القسم ردت بيها الذاكره
8 سنين للوراء اسوء فترة في حياتها تذكرت طيشها
اللي مزالت قاعده تدفع في ثمنه اسم دكتور الماده
بالكامل تغير ف شكل معقول هذاك قاعد استاذ جامعي وهي ماشيه جاحظه البصر شافاته انصدمت والوجه انصفرررر حست دنيا تبرم بيها
فلاش باك
منى طالعه من جامعة تقرا
احمد شافها ابتسم حول نظاراته وقدملها
احمد . ‏ صباح المشماش والمرتب مهناش
منى . مسكت ابتسامتها
احمد . نعلي من ضحكة عسل ياناس عسل