ضحايا بلادي

75

ضحايا بلادي 2 (حب في زمن كورونا)
بقلم يحيى ادريس
خذاها ف حضنه وطلع يجري وهو يبكي ماتسيبنيش
رحمه رد بالك ديريها فيا مانتحملش نا هاه
خذاها لمستشفى
دكتورة اطلع برا ..
قعدو حوالي ساعتين ونصف
يشوفلهم من قزاز ..
الممرضه هذ حجر
فارس . لا جيبوها لي نروح بيها
الدكاتره والممرضين من ورا العازل ممنوع امشي من هنا
فارس . مانيش مسيبها مانيش مسيبها
...
اسلام . هذي شن ادير هنا ..
شهد . اسلام عيب
اسلام . مش قتلك اقطعي علاقتك بيها دجاله هذ
سهر . نا ماشيه يا شهد وطلعت
شهد . عيب راك راجل تحشم ع وجهك كيف تهزب وليه
اسلام . كنك تعاندي في دين امي بنفهم بس كنك 
شهد . متعليش صوتك نا حره نخشش حوشي الي نبيه وهي مش دجاله تقرا ف الكف
اسلام . اما يبقى حوشك بفلوسك
شهد . عقدت حواجبها كيف كيف
اسلام . استغفر الله العظيم
شهد . ابتسمت بصدمه صار هذ مش حوشي لا تمام
اسلام . انتي اللي نرفزتيني
شهد . شافتله برود سمعت عياط جوري مشت تسكت فيها صكرت باب دار الاطفال واسلام
مسح جبينه وقعمز ع صالون صاله ونفخ بغضب
شهد . حاضنه بنتها وتذرف ف دموعها هي هي هي
..:
منى تسوق وتحكي بتليفون مش عارفه من بدري تلحق فيا  خايفه ..
فجأة سيارة درست قدامها ونزل منها
فتحت باب وقالت نعم شن تبي را نلم دنيا عليك
احمد . ابتسم لا غير رايفنا عليك من يوم تخرجتي معش شفناك ..
منى . احترم نفسك انا متزوجة
احمد . ارمله
منى . اسمع يااستاذ مش عشان نجحتني دير حركات هذين مش عليا نا نجحت بمجهودي
ابتسم احمد وقال واضح !
منى . خطاني والا نحرش فيك خوتي ركبت سيارتها
احمد . عصبيه عصبيه حلوه بس تستاهل
..
زياد . حط يده ع مكان الكف
بتول . انت نذل وحقير وتافه
طارق . في الاصل مليحه انتي ك شرقاوية !
قنينه ودمك خفيف ودكيه !
ضغط ع خدودها زوجتي القنينه ام لسان ملوي
حولت يده وهي معصبه مشت شافت قدامها
ريماس يديها ع بعض وتشوفلها من فوق لتحت
بتول تحركت لجهة ثانية جت قدامها ..
ريماس . شني الوقاحه هادي خوك قا***ت*ل
بتول . عيونها مليانات دموع وتشوفلها
ريماس . ضغطت ع ذراع بتول خوك مجرم خدا روح ولدي وهناخد حقي منك
طارق خش ف نص بينهم خيرك مع مرتي ..
ريماس . تشوفله هادي مجرمه
طارق . مرتي وع اسمي وبنسبة لخوها خدا جازاته ياريت محد يتعرضلها مسك يدها وقال يلا يا روحي
وهي تشوفله ومصدومه
ريماس . شبحتي بعيونك ياليلاي ولدك يحبها
لميس . ياغبارتي
..
صالحه . رحمه جتها كورونا
شهد قعمزت ع كرسي بهده وهي تبكي
صالحه . خوك منهار ع الاخر معاه محمد وبوك ميبيش يروح قاعد ف مستشفى
شهد . ياحبيبتي تمسح ف دموعها ربي يشفيها
صالحه . يارب
شهد . شخبار بتول
صالحه . مبتش تروح قالت تبيه
شهد . كيف هكي بس
صالحه. معش تجيبي سيرتها
شهد . ياامي بس
صالحه . انتهى الكلام
شهد . صكرت تليفون وتبكي ع حالها وحال خوتها
منى . طلعت كنتي تحكي مع شهد
صالحه . حكيتلها
منى . نرن ع فارس مايردش
صالحه . انظر من داعي علينا نحنا
منى . ربي يشفيها يارب فراق الحبيب واعر ربي مايذوقه حتى للعدو
صالحه . امين يارب
منى . الاء نوضي ارقدي وراك روضه بكرة
الاء . ابيش
منى . شوفي عموري راقد من بدري
الاء . دارت روحها ماتسمعش ف امها
..
فارس طاح ع الارض
دكتور الحاله مافيهش امل
فارس لالاااا وراس امكم ديرو حاجه
جمعه . ولدي صل ع نبي
فارس . حمبيك يادكتور ديرلها حل
الدكتور . انا مش هنقدر نخش المشرف ع حالها جوا هو قالي مافيش امل وكل اللي قاعدين جوا
تحت نفاس اما هي وضعها خطير من بداية
فارس . دبرو حل كيف بتخلوها تموت انتو بشر امتى مش دكاتره وقسمتو تساعدو وتشتغلو بضمير
ساعدوها ولا ناخذها نطلع بيها برا ..
وين بتاخذها ياستاذ شايف وضع بروحك اصلا مفروض حجرتها ف الحوش نحنا شن بنديرو
غير عرضت حياتي الاطبة في خطر وخلاص
فارس صبه ومسكه من ياقته وضربه بوني
محمد وجمعه وفارس يسب ف دكتور
..
شهد طلعت من دار دير ف رضاعه لجوري
اسلام . شهد انا
شهد . رفعت يدها متحكيش معاي انتهى موضوع
اسلام . بس نا في لحظة غضب قلتها
شهد . لحظة غضب طلعت اللي ف القلب كله
اسلام . بتمسكيلي ع كلمه
شهد . وع الحرف
اسلام . انا سينانو انا ارنوبك حط يده ع خدها
شهد . بدت تبكي
اسلام . خلاص حبيبي كنك وحضنها
شهد . رحمه عندها كورونا
اسلام . قعد يطبطب عليها وساكت وهي تبكي
ياصاحبتي والله ماتستاهل واللهي ..
..
بتول . وين واخدني انت
طارق . انزلي
بتول . شني هدا
طارق . مطعم قصر الوالي نحلفلك عمرك ما كليتي ماكله هكا
بتول . ماعنديش نيه
طارق . على راحتك ناكل خروف محشي ولحم مدخن ع كيف كيفك
بتول . شافتله وقالت مانخلوكش بروحك
ضحك طارق ونزلت وصكر سيارة وخشو لمطعم
بتول . قعمزت تشوف لمكان وديكور وبخار حي علينا حريقه حريقه
طارق قعد يضحك لعند حط راسه ع طاوله
بتول . شن يضحك فيك يابارد
طارق . عسل انتي
بتول . عليش دافعت علي قدام مرات خوك
طارق . نردهولك ع صبح دافعتي عليا قدام اماليك
بتول . انت مهددني مش بمزاجي لكن انت شنو
طارق ميل راسه . انا نحبك
بتول .
...
فارس . نبي نشوفها وراسك
مانقدرش هتمرض حتى انت
فارس . خششيني بنشوفها وحتى نا اعزلوني
جمعه . شن تقول ولدي انكلبت انت
فارس . محد يدخل نا كبير وحر ف قراراتي
البنت . لهدرجه تحبها
فارس . ومانحبش حد غيرها
البنت خششاته ياحظها بيك
فارس يمشي وساكت لبساته الحمايه زي الفضائيين
وشاف رحمه وجهها ذابل وعيونها منفخات
دموعه نزلو ويشوفلها رحمتي ياعمري انتي
ياريت فيا ولا فيك ياحبي ..
رحمه فارس ..
فارس ياعيونه
رحمه . انت هنا
فارس . ديما هنا انا وين ماانا وين ماانتي
رحمه . ابتسمت اول مره يكون معاي حد اول مره نحس عندي حد يخاف عليا حتى كان متت نموت فرحانه
فارس . لا فرحانه لا فهمان
ضحكت رحمه وهو ضحك ايوا مانبي شي غير ضحكتك
رحمه . نحبك ياااحلى شي في حياتي
فارس . انتي كل حياتي
حطو يديهم ع قزاز ودموعها تنزل دارت قلب ع قزاز
وهو ابتسم