ضحايا بلادي

الثاني والثلاثون

2020..
يدور عليها في كل مكان لعند ماسمع صوت انين
كانت مقعمزه في نهاية الغابه وتبكي مشالها يجري
وقف قدامها قعمز ع روس صوابعه وقال بحنيه خيرك
وهو يسمع ف صوت شهقاتها اللي قطعو قلبه عليها
عليش خذيتني عليش حرمتني من امي من خوتي من مدينتي ومن قرايتي عليش شن درتلك انا ...

ضحايا بلادي
بقلم يحيى إدريس
البارت السابع والثلاثون
احداث الرواية 2013 ... 2023 ..

2014 ...

بتول .طلعت من الحمام وهي لافه المنشف ع راسها
صالحه.حط صبعها ع راس شهد تبي ناس تحكي علينا
شهد . مقعمزه ع سرير ودموعها ينزلو خطيبي راه
صالحه . قاري فيك فاتحه ونا منعرفش عقاب جاب صبايا حتى كلام رجاله مافي
شهد . تبكي وخلاص
صالحه . شهد اعقلي وحطي عقلك ف راسك
شهد . شن فيها لو تلاقينا
صالحه . متنرفزينيش والا والله نطلق محمد عليك
شهد . خشت ف سريرها وتغطت
بتول . كنكم
صالحه . صدق من قال هم البنات للممات
بتول . شهوده شن صار شن في
شهد ، خطيني يابتول
بتول . شافت تليفون شهد اللي معلوق ف شحن تليفونك
شهد . رفعت راسها وشافت ارنوبي يتصل بك مسحت دموعها وردت عليه نعم ..
من مزعل اللوز حقي ..
شهد . انت خليت هلي يهزبوني ع خاطر تلاقى معاي
اسلام . اسف يالوز اسف
شهد . مليت يااسلام امتى تنوي الجد وتقرا فاتحه
اسلام . ان شاء الله ياقلب اسلام انتي هانت
شهد . حسستني طلبت منك فرح كبير قتلك فاتحه بس
اسلام . ياعيوني انتي مستعجله
شهد . احر ماعندي ابرد ماعندك مش عارفه ليش عندي احساس انك عندك البديل وتماطل فيا ترجى فيني انا نسيبك
لوز 🤎..
ها ياسينانو🤍؟
هنختارك انتي خياري الوحيد ماعندي وين نفر حتى ونحنا شخصياتنا مختلفات بس نكملو بعضنا سينانو
بدون لوز مايعيش انت لوزه حبنا ..
ضحكت ..
اسلام قال بصوت مفخم . انتي استثنائية مدهشة ونادرة لا تدعي احدا يهزك ابتسامتك لأن العالم يحتاجها في كل صباح ليشرق ولا تسمحي لأحد اي
كان ان يخبرك بأنك لست كذلك ..
تعرف ياأرنوبي شن اختصار الامان وراحه  ..
ابتسم شن ..
لمًا تبقى قريب مني ومعاي نحس بروحي طايره ..
الو الو اسلام ..
صكر الخط
بعدين سمعت صوت تصفير
بتول . حي هذ هو اللي يصفر
فتحت روشن كان اسلام تحت الحوش ابتسم اما شافها وشيرلها بمعنى انزلي ..
شهد . امشي حد يشوفك
اسلام . قتلك انزلي
بتول . انزليله هيفضحنا هذا
شهد . انتبهي حد يشوفنا
بتول. ماعليك
نزلت شهد تجري وشافاته هذ من سور ليست جاكتها وقالتله شن ادير هنا امي توا هزبتني عليك
اسلام . عليش تخفي ف يديك البيض
شهد تخشش يدها ف الكم جاكتها الحمراء صقعت
اسلام . تصقعي حتى ونا معاك
شهد . بلا سخافه انت مش شاطر غير فيها كان نقولك تقرا فاتحه تقعد تقولي مش فاضي ياشهد
تكلف ياشهد اصبري ياشهد
اسلام . تبيني نقرا الفاتحه
شهد . ربعت يديها وقالتلها اممم
اسلام بدا يقرا ف سورة الفاتحة ضيقت عيونها
وهو بعد كمل قال صدق الله العظيم
شهد . ياسلام
اسلام . بضحكه شافلها كنك
شهد . ماكنيش
اسلام . قرس خدها افرحي ياقلبي فريقك تأهلو لنهائي
شهد . مالا شنو المانيا ياكبدي
اسلام . البرازيل هيفوزو وقولي اسلام قالها
شهد . تراهن
اسلام . نراهن
بدت تمطر
شهد . حي نا لازم نخش
اسلام. تي وين تخشي شوفي ربك يحبنا ف عز صيف نزلت المطر معناها جو رومانسي
شهد . بنخش
اسلام . هي نرقصو بس خاطري نجرب شعور هذ
شهد . لما تقرا الفاتحه جربه
اسلام . لوز
شهد . ياربي خايفه حد ينتبه
اسلام . متخافيش هي وبدو يرقصو تحت المطر
وهي تضحك تقول اتراك قعدنا انتبهو ع جارتهم
اللي تخشش ف دبش شافتهم وقالت خزييي .. وصكرت بلكوني
اسلام . ضحك
شهد. حي عليا
اسلام . قوليلها تخيلي عادي
شهد . كله منك اصلا فاضيه نسمع ف كلامك وجت بتخش
بعتلها بوسه ف الهواء ابتسمت وصكرت باب
...
فاق من النوم مالقهاش جنبه ع سرير ناض يحك ف عيونه اخترقت انفاسه ريحه غريبه حاجه سمحه بدا
يقرب من كوجينه كانت واقفه قدام طاجين وتاكل
خالد . حضنها من الخلف شن اديري
منى . رفعت حواجبها درت بشكوط شوكولاطة والبندق
خالد . في الليل
منى . وعيت من النوم بديت نتبنن فيها ونبلع ف ريقي ماجانيش نوم وهي تاكل من طرف اللي فيدها
خالد . خذا طرف البشكوط اللي من فمها
منى . خالد طاجين مليان
خالد . ماردش عليها وكلا منه نتشه ويمضغ
مد يده اللي فيها بشكوط وحط منه ف فمها
وهي نتشت وهو خذا باقي طرف كلاه وابتسم
هي تشوفله ضحكت لأنه تعرفه يتقرف ياكل وراه حد
لكن منها هي عادي فرحت عيونها لمعو بحب
رفع يده حط يده ع فكها وبصبعه يمسح ع شفافها اللي عليهم حتات بشكوط وهي فرحانه قريب اطير
منى . نحبك
خالد . عض ع شفته سفليه
منى . ضحكت اسمع خليني نحط بشكوط ف حافظه
خالد . توا نساعدك
وهو يساعد فيها مره يخطف بوسه وكل مره حاجه
اخر شي شمرها وطلع بيها وهي تعيط ياخالد البيبي
والببغاء فاق وقال ياخالد