ضحايا بلادي

83

ضحايا بلادي عن قصة حقيقية
بقلم يحيى ادريس
‏83 part 
3/9/2023
طلعت شهد من العيادة ركبت ف سيارة ..
سندس . شن قالك دكتور
شهد . ما قالي شي ..
ايناس . ها مالا تأمل ف خلقتك وطلعتي
شهد . اه قالي ياام عيون زرق طالب شوفتك
سندس . نهارك ازرق
شهد . زي عيوني وضحكت
سندس . تحركت بسيارة
شهد .تصفق وتقول ايوا سندس ايوا سيوااقه اييييه
سندس . اموسخه هازيه
شهد ضحكت مش هازيه يييه يا بي بنتشقلبو
...
صالحه . صح الكلام هذ
زياد . انت تصدقي ف عيالك يكذبو عليا وتصدقي فيهم
صالحه . لالا مش مصدقتهم انا بس بنتريح
زياد . انا مانديرهاش
صالحه . دموعها نزلو الله يربحك ياولدي خليك ف الحوش متطلعش
زياد . شن شايفتني بنيه نتكرس ف الحوش والله ما صارت ولا تنكتب عليا ..
صالحه . حشاك بس
زياد . حولي ياامي
صالحه . مسكت ف كرعيه حمبيك ماتطلعش وغلاتي عندك
زياد . تبيني نقعد ف الفقر هنا انتو حتى مصروف متعطوش فيا حولي ياامي
صالحه . نلم ففرح خوتك
زياد . عليك سريب هو فرح خوتي من اول ماوعيت ع دنيا وديون افراح بناتك وتسلفو وافراح عيالك وبناء انا نبي نعيش حياتي كيفي كيف اللي ف سني
صالحه . طايحه ع الارض وتبكي
زياد . طلع وسيبها
..
شهد . ها يارحمه وين
رحمه . بوتيك الاميرة
شهد . خشت شافت بتول ومنى مقعمزات سلمت عليهن وتطلع رحمه بتول تحط صوابعها ففمها وتصفر
وشهد تصور ف رحمه تهبلي تهبلي
منى . من صبح تلففف فينا محلات فيلوات
شهد . توا غير وصلت حطيت لعيال عند امي وجيت
بتول . حكتلك
شهد . ع شنو
بتول . ع زياد
شهد . لا كنه
بتول . نحكو بعدين
منى . انا لازم نمشي جامعة
رحمه . مع سلامه
...
فارس ومحمد ف بنغازي
يختارو ف دبش والهدايا وبدالي العرسان
وكان محمد كل مايمشي مكان يصور لخطيبته
اللي مايعجبها العجب ولا صيام ف رجب ..
..
كان احمد مروح للحوش خطم على حوش جيرانه
مافيش سيارة قدامه قعد يبحت هك وهك مافي
حد خشش سيارته ف قراجه وف الليل دار شاهي
وطلع يبحت كان حوش منى مظلم مشا يشوف
كان مصكر ومافيش سيارة لها ولا صوت استغرب
وقعد يبرم ع الحوش
منى مقعمزه ف صاله حوش هلها لابسه قفطان اخضر قصير بكمام فيه ريش وتشوف لتليفونها
عن طريق كاميرا مراقبه حوالين حوش كيف هو
يبرم ع الحوش ضحكت وقالت لخواتها تعالن
شافنه شهد وبتول وقعدن يضاحكن عليه هو وخر شاف كاميرا تحرك ضحك ..
شهد . منى ليش ماتعطيه فرصه حرام يحبك
منى . سكتت واختفت ابتسامتها
بتول . لعند امتى بتقعدي هك مزلتي صغيرة
منى . حتى الاء يومتا جتني وقالت صحباتي ابهاتهن يروحو بيهن لكن نا ماعنديش اب وبدت تبكي وجعتني مع اني انا مش مقصره معاهم كل حاجه يبوها نعطي فيها لهم
شهد . لازم اب ف حياتهم
منى .مش قادره نتقبل وجود راجل ف حياتي غير خالد
شهد . بس واضح انك معجبه فيه ودليل كنتي تضحكي وعاجبك كيف يلحق فيك
منى . مرات نحس ف روحي خاينه خالد ميستاهلش هكي ..
شهد وبتول شافنلها بحزن ..
..
سياق محمد وفارس
بوكسات الخضرة والفواكه ب انواعهم الحليب تن وجبنه المربى والحوالى والمشروب وكل شي شتن
عليهم وبعدين جا المصور صور السياق وطلعو
محمد طلع بالبدله العربية الغرباوية مع جرد
وفارس طلع بدله عربية سوريه وسروال زرقاء
والمصورين في كل مكان وجمل واحصنه ومورتوات وفجاعي وسيارات البساط تيوتا وكان سياق فخم
شالوه لحوش خالة رحمه بعدين لحوش خطيبة
محمد وخذو مثروده ولبن وروحو ..
ع العشاء رز بالتقليه ع لحم من تشاركيه
عبد الرحمن يشرب ف مشروب شاني انكب ع بدلته العربية البيضاء خذا اسلام بيخششه ل امه