ضحايا بلادي

التاسع والاربعون

ضحايا بلادي
"مجزرة العشاق"  "صحبة عمري"
بقلم يحيى إدريس
البارت التاسع والاربعون  "49"

أجدع صحاب، صحابي من صغري
دول اللي يمشوا معايا دوغري
دول أغلى ناس، هما الأساس، وأقولكوا إيه
قضينا أجمل وقت في حياتنا
دايبين في بعض بحكياتنا
وفرحتنا بلمتنا، نروح ليه؟

فتحت روشن دارها رتبت اقلامها ف كوب خاص فيها وشافت بنظرة عابره لرسمتها لحبيبها خذتها
وحطتها ف دولابها وطلعت صكرت باب دار شافت
امها توتي ف الفطور قالت اوووو شن الفطور طيب هذا ..
ابتسمت ماجده من يوم مافقدت ولادها واحفادها
قليلة كلام قليلة ضحك قليلة ف كل شي هذ وين
بدت تأقلم مع حياتها وترضى بالمكتوب مهما كانو
مهما دارو ف نهاية ولادها دمها ولحمها ..
اسماء . قعمزت تفطر شوي رن تليفونها
ماجده قعمزت تفطر ف صمت ..
اسماء . اهلين ريوي ..
اروى . صباحو ..
اسماء . صباحيتو رايق والاجواء شتويه جميلة ..
اروى . تطلعي نكسدرو ف الاجواء شتويه ..
اسماء . ف ه صقع
اروى . هذ هو جوه نطلعو لسوق بعدين منها لل كافي او مطعم
اسماء . تمام نشوف امي ونرد عليك
اروى . هي باي
اسماء . ماما
ماجده . نعم
اسماء . اروى اتصلت بيا تبينا نطلعو ندهورو بتاخذ حاجات لها وبعدين احتمال نتغدو برا ..
ماجده . باه عينكم من روحكم كان ماهذا البسي خمار
اسماء . نحنا ف البيضاء يمي مش درنه
ماجده . نخاف هذول مدسوسين ف كل مكان
اسماء . متخافيش علي ومشت تلبس ..
...
طرابلس ..
رن المنبه
طفا بيده وحط المخده ع راسه ..
خشت امه لدار فتحت ستائر ..
طارق هي نوض حبيبي متأخر ..
طارق . امي نعسان ..
لميس . هي ياولد نوض نسيت انك وعدت بوك
طارق ولا اهتم بكلام امه ...
ضخمت لميس صوتها وهي تقلد ف المهدي
انت فاشل انت ماتنفع لشي مهمل مستهتر
غبو ..
ناض طارق فتح عين وحده وهو مبتسم لهدرجه
قالقكم قعادي ف الحوش ..
لميس هزت راسها بايجاب ..
ناض طارق وباس امه من خدها بقوه وهو يقول
أمي كم أهواها أشتاق لمرآها وأحن لألقاها وأقبل يمناها أمي هي نبع حنان أمي هبة الرحمن والروح كما الريحان أتعطر بشذاها أمي كم أهواها أشتاق لمرآها وأحن لألقاها وأقبل يمناها
طارق يغني ويتنطر برجل وحده من قوة صقع
ولميس تضحك وتقول ربي يهديك ياولدي وتضم
ف رغانه ..
...
صالحه . باهي مطوليش مع سلامه مع سلامه
كان عموري يلعب بالقطار وسط صاله ..
وبتول مقعمزه حذاه ومنى ف حضنها بنتها شافت ل امها قالت كنها شهوده ..
صالحه . بتتغدى مع غيث تخبر فيا ..
منى . ان شاء الله يبقى من نصيبها ..
صالحه . يارب
اعمر . آاان "جيعان"
كلهم ضحكو ومنى ابتسمت ابتسامه باهته ..
صالحه . نمشي نحط الغداء بسرعه ..
بتول . ولدك منطلق يامنى تقول مش عمره سنتين
منى . عيونها دمعو وهي تشوف لولدها
لما جاهم مفطوم عن رضاعه كان ..
منى . الحسن شخباره ..
بتول . فكيني منه ولد امه هذا ..
منى . متبقيش غبيه وتحطي روحك ف مقارنات سخيفه امه هذي مهما كان يابتول
بتول . منى قاعده ثقيله راك
منى . قرنت حواجبها ولهت ببنتها ..
...
رقيه . حطت سماعه تليفون الارضي وفتحت دار ع بنتها ..
ارويدا . ف اختراع اسمه دق ع الباب
رقيه . كانت معاي هند ام خطيبك
ارويدا . تربعت ع سرير وقالت كنها شن في ..
رقيه . قالتلي ان بتول ومنى تصاحبو مع كامله
ويفتننن ف كامله عليك يقولن ارويدا مش كويسه
وارويدا مش لكم ويرطبو ف الإجواء يبو بتول لوليد
ارويدا . مستحيل ..
رقيه . قالتلي ان بتول متعاركه معاك ومعش تشرف بصحبتك
ارويدا . بتول ونعرفها ياامي حركاتك مش عليا
رقيه. حطت يديها ع وجهها وضغطت ع خدود بنتها
... اسمعي تنفذي كلامي بالحرف والا هند تفسخ الخطبه ..
ارويدا . مش بمزاجها المهم عندي وليد
رقيه . غبيه امه هي اهم حد ف حياته وهي تحكم
ارويدا . مانبيش
رقيه . معناها تنسي وليد تنسي كل حاجه
ارويدا . امي منقدرش بتول صاحبتي
رقيه  . صاحبتك ولا وليد
ارويدا . تبكي لا ياامي لا
رقيه . مافيش قدامك اختيار من الاثنين
اسلام طول طريق وهو يسوق يفنص ف عيونه
منعا ان دموعه ينزلو بس فشل ودموعه نزلو
ويمسح فيهم بيد واليد ثانيه شاد بيها دومان
قعد يصرخ بصوت عالي آاااااااه ويخبط ع دومان
بقهر غبيه غبيه غبيه غبيه غبيه عبيه غبيه رن تليفونه كان مسجل بأسم الهم الاحرف قلب تليفون ع وجه
وخطيبته ترن مشغول بالها عليه ومش عارفه ليش
مايرد ..
وهو كل فكره ان مستحيل شهد تكون لغيره ..
لكن هو امر واقع ايام معدوده ويكون متزوج لا
محاله لا مفر الفرح تحدد ومش لعبه ولا فترة
خطوبه عشان تقدر تهرب بطريقه هذ لا هنا ف عقد
قرآن ومعازيم جايين من اخر دنيا بيش يحضرو ه المناسبه وكل تجهيزات نفس ما كانت اخته مع صحبتها ف سوق ..
اسماء واروى ..
كانت اروى تشوف ف اغلى وافخم الفساتين ..
واسماء مش مركزه ع اللي يشوفولها ..
وليد . ماتبقى الا فلسطينية ولا سورية
ضحك مؤيد ليش مش تركية ولا اجنبية ..
وليد . كنك انت شوف الحجاب بعدين تركية والاجنبية يسيبن بلادهن ويجن هنا ..
مؤيد . ضحك بياس انت مش خاطب عيب تشوف لبنات ..
وليد . خلينا نملو عيونا من الحلويات نحقو ومانطقو
مؤيد . ربي يهديك ..
مع خشة ابتسام وريما ..
مؤيد شافلها والقلب دلف بقوة ينبض بقو قوته ..
ريما سلام عليكم ..
ابتسام اول ماشافت اسماء واروى عرفتهن وقالت بنات ..
شافنلها اسماء ابتسمت اروى تشوفلها ..
ابتسام . حضنت اسماء شنجو
البنات تمام وانتن ..
وليد . العب يعرفن بنت خالتي
ريما . سلمت ع بنات بعدين مشت لشباب خير شحالكم
واثنينهم سلمو عليها ..
اروى . ب شن تعرفو اصحاب محل
ابتسام . لولد خالتي يشتغل فيه شخبار منى
اسماء بألم . صلاتها وقرأنها وعيالها ..
ابتسام . كان خاطري نشوفها بس سنة شهاده قرايه
اروى .شهاده بس ع منى لكن ع سوق عادي وضحكت
ابتسام انصدمت . لا سوق ع سريع بناخذ جاكه ونروح لكن نمشي العرب وهك هيطولو خصوصا نافس
اسماء . هي اروى خوذي اللي تبيه
اروى بصوت مسموع . ماعجبني شي كله اععع
واستفزت وليد يمكن . لانك انتي اللي اععع
اروى ب إزدراء عليك اسلوب اشبع بيه محلك وطلعت وراها اسماء عيب اللي درتيه هذا ..
اروى . كذا فوتيني يااسماء ..
...