ضحايا بلادي

الثالث والأربعون

ضحايا بلادي
" مجزرة العشاق "
بقلم يحيى إدريس
البارت الثالث والأربعون
احداث الرواية 2013 _ 2023..
احداث لم تذكر ..
ف الماضي  ..
خشت سيارة بساط وسط صحراء ..
نزل منها خالد وقال حي الله بالرجال ضحكو شباب ..
محمد .وهو يغسل ف يديه شاف خالد عقد حواجبه
خالد . مرحبا بالهارب
محمد . كيف عرفت مكاني انت
خالد . صار يونان وكورة سلة
محمد . خالد رد بالك تقول حاجه
خالد . عيب عليك سرك ف بير
علاء . هي ياشباب درتلكم شرموله من عينها
قعمزو وبدو ياكلو ويضحكو ..

شهد . وين الببغاء
منى . دموعها نزلو مات
شهد . شافتلها بحزن وقالت ياروحيي
منى . نحنا مجرمين ياشهد كله منا
بتول . تلاعب ف اعمر
منى  . حاسه صدري مطبق
صالحه . وقت الحرب وهو عنده عيل
شهد   . فنصت ف امها شغلته يام هذ
جمعه . ربي ينصرهم يارب
منى   . بنرقد شوي
شهد . تبعتها بعيونها لعند اختفت من قدامها
...
فارس يشرب ف فنجال قهوة مع الحسن ف احدى مقاهي شارع ..
الحسن . والله معاه ماني عارف كيف دارها
فارس . مشكله هلي مايعلموش وهو حلفني ان منقولش تخيل يعني يدي مربطات ..
الحسن . ربي يهديه ان شاء الله وينصرهم ويروحو طيبين ان شاء الله
فارس  . امين يارب وشرب من قهوة
مع تدريسة سيارة نزلت منها رحمه وطق ع باب
وفارس عيونه معاها والحسن كان يحكي لفارس
لاحظ شروده وكيف انه يبحت جهة حوشهم
فجأة انفتح الباب كانت بتول ابتسم الحسن ..
وبدت تسلم ع رحمه وصكرت الباب وخشت .
الحسن . احمم فارس
فارس . انعم
الحسن. وينك ياراجل من بدري نحكيلك وانت مش مش معانا
فارس . نفكر ف محمد
الحسن. خوك راجل يروح طيب ان شاء الله..
وتذكر اخر مره شاف فيها محمد ..
محمد . نزلني هنا
فارس . وين هنا يرا بتمشي لمطار ع كرعيك
محمد . انا مش ماشي مسافر ليونان
فارس . ها مالا
محمد . بنخش للحرب
فارس شد فرينو لعند سيارة دارت صوت شن تقول
محمد . ماتقاطعنيش انا لو قلتلهم عارف امي مش هتخليني ف حالي
فارس . باك تحسب انا نخليك
محمد . فارس انا مقدرتش نكون اخ كويس لخواتي ولا ولد كويس ل امي وباتي ولا حبيب لحبيبتي لا شاطر ف شغلي وقرايتي انا كل حاجه تضيع مني
ونفشل بندير حاجه وحده ف حياتي عليها القيمه
فارس . تضحي بروحك
محمد . بيش خير منا اللي ماتو ف 2011 ولا ف الحرب هذ ريت ه العيشه اللي تزهي ف ليبيا نحنا
كلنا قاعدين نموتو ومش حاسين بروحنا ننهشو ف بعض ونتعاركو ع اتفه الاسباب واحد متخرج وتاعب
ف حياته وقرايته ميحصلش وظيفه بمرتب ولد مسؤول مش معاه شهادة ابتدائيه تلقاه راكب سيارة اخر موديل وعايش حياته انا تعبت يافارس وشفت واجد واللي كيفي لو مات شهيد خير بألف مره ..
نزل محمد وفارس لحقه وين ماشي يامحمد
محمد . زي ماقتلك بلادي مش هنخليها هك خبط ع صدره نموت ومانخلي شوية كلاب جهله يلعبو ببلادنا ويضحكو ع صغارنا ع اساس هذ دين وهذ صح
فارس ابتسم بألم . كبرت يامحمد
محمد . مسح دمعته بالكم بتاعه
فارس . وامي
محمد . معاهم الله ثم انت
فارس . لو تعرف مش هيصير فيها خير
محمد . ع اساس مسافر ليونان رد بالك يافارس تقول حاجه اوعدني
فارس . وعد
محمد . تعال
وحضنو بعض حضن اخوي وفارس خبط بيده ع ضهر محمد عينك من روحك ..
محمد . انت عينك من روحك
ضحك فارس ومشا محمد ركب فارس ف سيارته
..
ف حوش هله ..
شهد . ماحوتها رقدت وهي تفكر فيه
رحمه . حرام ربي يرده طيب
شهد . يارب
رحمه . رقد ولد اختك نجك لي
شهد . ابتسمت غطاته وطلعت ورا رحمه
رحمه . نبدو توا
شهد . تمام وخشن كوجينه
ورحمه تفتح ف شكاير اللي معاها من مكونات
الكيكه وبدن يجهزن فيها بحماس  طلبيه زبونه ..
وكان فارس خدمه توصيل ..
...
كامله . يانعلي وليدي مشا يحارب ينعلي
اعمر  . استهدي بالله ياوليه افخري ولدك راجل
كامله . عرفته وسيدهم اخرى بس شن يريد ماشي للموت بكرعيه بس .
اعمر . هذ حال بلادنا وهذ خدمه ولدك اللي فرحانه بيها مافيش حاجه بلاش
كامله . ربي يرده طيب يارب ماتقهرني ف كبدي خوذني نا وهو خليه ..
هند . لا حول الله مش عارفه خوتي شن يفكرو بس
حنان . ما وجعني الا ولده مزال صغير
هند . يستر الله خليني نزل ع فيس منشور نشكر فيه خالد ونقول خويا يحارب وهك
حنان . ربي يعينك على عقلك ياهند ياخيتي
هند . صكري صكري وصكرت مكالمه من هنا خشت ع صفحة خالد وخذت صورة هو دايرها
شخصية حفظت صورة وطلعت من صفحة المتصفح مكتوب هل تفكر في شيئا بدت تكتب هند
وحطت صورة خالد وقالت ربي ينصرك ويردك طيب خيي الغالي وتراكمن عليها تفاعلات من كل مكان وهند فرحانه بعد الاعجابات وتعليقات اللي
حصلتهم مش هامها خوها بل همها تفاعل ..
...
كرامه كرامه ...
كان انصار شر او شريعه محتلين ف كل مكان ومزروعين في كل مكان ...