ضحايا بلادي

الحادي والأربعون

ضحايا بلادي
بقلم يحيى إدريس 

حي بسيط من الاطفال يلعبو ب كورة ف عز صقع
ومن جارات اللي يتمشن لوحده من جاراتهن للحلاق
الي ينشر ف المنشف ومحل مواد غذائيه صاحبه
يهزب ع صغار شارع ابتسم ومستغرب ان بوه طالع
من جامع ما دقائق الا وانفتح باب ابتسم وقال امي
نزلو دموعها وقالت . وليدي حضناته بقوة
وهو دفن راسه في رقبتها وهي تبكي وتبوس فيه
صالحه . حمدلله ع سلامتك ياغالي حمدلله
فارس . شن مافيش تفضل
صالحه . يانعلي خش خش
جمعه حط يده ع ضهر ولده حمدلله عسلامه يابطل
فارس . الله يسلمك وسلم عليه وخشو جميع
صالحه . وين زيارة هذي في وراها
فارس . مليت من الغربه يام
صالحه . الغربه مره
جمعه . ناض
صالحه . وين
جمعه . نقرالي جزء من البقرة
صالحه . بروحك
جمعه . لعند ماتجي نسمع عليها خايف تضربني
ابتسمت صالحه وفارس رفع حواجبها لعند مااختفى
بوه من قدامه شاف لأمه بنظره فهماته شن يبي
مسكت ضحكتها وقالت عمايل شهد ..
فارس . وينها القرده رايفتلها
صالحه . شهد بس
فارس .كلكم والله وانتي قرعتك كبيرة بس هي ديما تنشد
صالحه . شوي وتجي مفروض مروحه توا اصلا
فارس . نبي نغير دبشي
صالحه . دار محمد من هنا
فارس . خذا شنطته وخش لدار كانت دار بسيطه
مليانه صور مصارعين ولاعبين كورة سلة ...
صالحه . وين قاعده
شهد . قاعده ف دورة الحلو مراتٍ نطول
صالحه . يعني امتى مروحه
شهد . عليش كنك
فارس اشر لصالحه انها متقولش انه فارس روح
صالحه . هزت راسها وقالت بوك يبيك تسمعيله
شهد . حاضر نروح ونسمع عليه تبي حاجه من برا
صالحه . سلامتك
فارس . شن وينها لتوا
صالحه . سجلت ف دورة حلويات
فارس . ماشاء الله بتقعد طباخه شهد
صالحه . والمهندسة شهد
فارس . قالتها لي ومنى كملت ولا رقدت
صالحه . هذك كان ربي ماعطاها راجل وعز ووز ومخليها تقرا اصلا اللي كيفها تقعد ملكه مقعمزه
معززه مكرمه مالها ومال لقرايه لكن شهد ماتخلي
حد متريح قعدت تفلسف عليها لعند مااختك اقتنعت
فارس . معاها حق الواحد ما يلاه الا شهادته
صالحه . شهادة في نهاية تاخذها ودسها ف دولاب
فارس . يام لفلوس مصيرهن يكملن ف اول غلطه
ماتلقى الا ضهرك قرايتك وشهادتك متحطيش كلام هذ ف عقول لصغار ..
صالحه . كنا ف فيلسوفه صرنا ف اثنين
ضحك فارس وين محمد وبتول وزياد ..
صالحه . محمد يخدم وبتول روحت مدرسة رقدت زياد عند جده
فارس . صاحبتو
صالحه . هزت راسها
...
رقيه . تخيط ف سروال بنتها رهف ع خشة الحسن
الحسن . قعمز حذاها سلام عليكم
رقيه . وعليكم السلام ورحمه
الحسن . ياامي ناوي نخطب
رقيه . ابتسمت هذ اليوم اللي نراجي فيه من من
الحسن . بتول بنت عمتي صالحه وعمي جمعه
رقيه . هذا ما ناقص تاخذ هصايعه من قلة لبنات
الحسن . عيب ياامي ونا عجبتني ورايدها
رقيه . مانقبلها كنه لو تنطبق السما ع الوطا
الحسن . شن ديرتلك البنت بيش كارهتيها
رقيه . انت عارف ليش كارهتها عارف كويس
الحسن . كانت صغيره وماتفهمش
رقيه .مادخلني انت ناخذلك الحاجه الباهيه مش هذ
الحسن . ونا مانبي فات هذي
ومن صاله لدار البنات كانت ارويدا تحكي مع وليد
وليد. شن رايك مانهربو ونحطوهم تحت الامر الواقع
ارويدا . بس
وليد . مابسش اختاري
ارويدا . اسفه بس منقدرش انا ندير هك
وليد . تبيعيني ياارويدا
ارويدا . نبيعك احسن مانبيع هلي
وليد . شن الغلط اهو نا مابنسيب هلي
ارويدا . نا وياك مش واحد فرق انت شاب ف نهاية يقولو راجل مايعيبه شي بس نغطس راس خوي ف
الوطا وامي اللي ضحت وتعبت علينا انا اسفه جدا
وليد . انتي اللي ضحيتي بحبنا ياارويدا
ارويدا . ساكته وتسمع فيه
وليد . تمام تمام بكل وصكر تليفون
وهي قعمزت ع سرير وحطت يديها ع وجهها تبكي
...
ايمن . وينها بنتك وينها ويفتح ف بيبان يدور عليها
ماجده . مش عارفه مش عارفه
ايمن. قرب على امه وبدا يخنق فيها انتي عارفه قولي
ماجده . لالا مش عارفه
ايمن . لو نلقاها نذبحها ونشرب من دمها الفاجره
ابتهاج . انظر وين هربت
سليمه . يمكن مع ولد عمتها خذاها حتى جواز واخذته
ايمن . حتى الكتيب واخذته
ماجده . شفت معقوله بنخليها تمشي انا بيهم
ايمن . الله يلعنكم ياربي ماهذا الابتلاء عائلة توطي راس
ابتهاج بصوت هامس . عيلة دردنو
ضحكت سليمه وماجده تشوفلهم بحده
اما عويلها ماخلو وين مافتشو يطقو ع جيران وينشدو وجيران مجرد مايشوفوهم يخافو ويخليهم
يفتشو ..
طقو ع شقه فتحتلهم مرا ف بداية الخمسين
نعم تفضلو ..
ايمن . منزل راسه وقال سلام عليكم ندور ع اختي
المرا واختك شن تبي ادير عندي ..
طاهر معلش تخلينا نفتشو مرات تبقى عندك
المرا . تحشمو ع وجوهكم صبايا وحدنا قاعدات
ارمله ونعاني ف ف 5 بنات قزونات شن تبي ناس
تقول وانتو خاشين عندي ثلاثه وخرو وطلعو ...
صكرت باب وبنتها الكبيرة ابتسمت ايوا هك
يافويزه ياجامد وفايزه ضحكت ومشن فتحن دولاب
المهنى اسماء غمضت عيونها وحطت يديها ع وجها
اثنينهن ضحكن ونزلت يديها مع فتحة عيونها شافتلهن وابتسمت شن في قالتلها اطلعي وطلعت
قعمزت معاهن ..
فاطمة . احكيلنا شن الموضوع اللي خلاك تنطمري عندنا وتهربي من هلك
فايزه . فنصت ف بنتها
اسماء . هلي بيزوجوني لداعشي وبدت تبكي
فاطمه . خبطت يديها ع خدودها طاح سعدهم
فايزه . لا حول ولا قوة الا بالله وين بوك وامك
اسماء بنبره باكيه.بوي متوفي وامي تخاف من خوتي
فايزه . لو مسكوك عندي كانو دارونا قديد
اسماء . سامحوني انا جيت ودرتلكم وجت بتطلع
فايزه . على جثتي تطلعي من هنا
ايناس . خليكي نحنا مكسدات
سندس. خليكي توا نديرو سبول
وكلهن ضحكن ع طريقة سندس ف الاقناع ..
فاطمه ، اختي هبله خلك منها انا فاطمه مواليد 97
اسماء . حي نا وياك من انداد
فاطمه . احلى جيل وهذي ايناس
ايناس . نقرا ثانيه اعدادي
سندس. اخر عنقود سكر معقود طبعا في اثنين غيرنا
بس عند اقاربنا ف البيضاء وبنغازي وعندنا 3 خوت
راقدين صغار مواليد الفينات
اسماء . مش انتي اخر عنقود
سندس . اخر عنقود ف بنات بس اكبر من عويل
ضحكت اسماء عليها