ضحايا بلادي

الحاديه والسبعون "71"

ضحايا بلادي "مجزرة العشاق"
بقلم يحيى ادريس

درست عند الڤيلا اللي كانت ساكنه فيها هي وخالد
نزلت فتحت باب الحوش تمشي ببطئ وتشوف
لذكرياتها تسمع ف صوته عيونها غرقو بالدموع
حست بالخنقه فكت الوشاح شافت صورته لمن
خليتني عليش مشيت وسيبتني بلاك مش قادره
نتأقلم كان بتموت عليش خذيتني عليش خليتني
نحبك ونتعلق فيك عليش عليش مسحت دموعها
انا اسفه ياحبيبي كنت متمنيه تكون اول حد عرفته
ف حياتي انا قبلك كنت غارقه ف الوحل وانت نقذتني تعبت بدونك والله تعبت تعبت غمضت
عيونها عشان ماينزلوش دموعها وفشلت حست
بنار ف صدرها طلعت للحديقه حست بصقع
ودنيا تمطر بقوة حضنت نفسها وهي ترجف
ياريتك فاهمني بجد زي ما بفهمك
وتقرى اللي جواية أما عيني تبصلك ...
يا حلمي اللي متأجل وأنا حاموت وحلمك ..
يا عمري اللي ناقص عمر نفسي أكملك ..
يا كل الكلام اللي بشفايفي بهمسوا
يا أملي اللي بتمنى أطولوا أو ألمسوا
يا هوا من زمان عايشة عشان بتنفسوا
يا ريت أبقى آخرك في الحياة دي وأولك
لو أختار ما بين نفسي وما بينك أعترف
بإن إنت أغلى وأولى وكمان أولاً
بحبك سنين في السر وما حدش عرف
وأنا أدفع سنين تانيين وأحبك في العلن
عينيك ألف رحلة وفيها خدت على السفر
يا ليل قد عمري نفسي يطول وأسهروا
يا ذنب في حياتي الليلة وبكرة أتغفر
بقية حياتي حاعيد وأفضل أكرروا
لو أختار ما بين نفسي وما بينك أعترف
بإن إنت أغلى وأولى وكمان أولاً
دموعها مع الاغنية معش تحملت آااااااه ..
..
اما عند اختها لابسه قفطان صيفي وتحدد ف دبش
وتغني وتهز مع الاغنية ..
كلام عينيه في الغرام أحلى من الأغاني
من كلمتين من سلام ببقى حد تاني
لما يميل قلبي أنا وياه يميل
تفديه عيوني وعمري كله مش قليل
ليلي
يا ليل يا ليلي
يا ليل يا ليلي من غرامه ليلي طال
حبيب سنيني
بينه وبيني
يا قبلي خطوة واحدة يعني مش خيال
ليلي
يا ليل يا ليلي
يا ليل يا ليلي من غرامه ليلي طال
حبيب سنيني
بينه وبيني
يا قبلي خطوة واحدة يعني مش خيال
يا روحي روحي معاه وفي جماله ضيعي
طمع في سحر الحياة حسنه مش طبيعي
ده اللي القمر من عينيه والله غار
دي الإبتسامة شمس طالعة بالنهار
قرب حضنها من الخلف وباسها في خدها تي انتي اللي روحي وليلي ونهاري وحبي وقلبي وكبدي وكلاوي
شهد . ابتسمت امتى جيت ..
اسلام . توا توا بنة حاجه سمحه شن ديرتلنا
شهد . دونات
قرص خشمها دونات داير دونات
قالت بصوت مخنوق لانه ماسك خشمها
سيب خسمي
ضحك اسلام وخذاها ف حضنه يانعليا منك انتي
شهد . ومنك
اسلام . ورا دونات هذ اكيد في طلب 
شهد داون ب اصبعها طلب زغنون
اسلام ، أأمري
شهد . دورلي ع زياد بنعرف اخباره
اسلام . قعد ساكت
شهد . عشان خاطري
اسلام . صعب ياشهد تطلبي في حاجه مستحيله نا اكرم شوفي له كم هارب وما حاولتش نعرف عنه شي مانبيش نتورط ف المشاكل
شهد . دمعو عيونها بس متأكده خويا بريئ مايديرهاش
اسلام . حط يديه ع خدودها ياحبي متزعليش روحك مش كويس عليك زعل
شهد . انهارت بكاء مرايفه عليه
خذاها ف حضنه ويطبطب عليها ...
..
اما صالحه تبكي وتدعي لربي ينجيه ولا ينمسك ولا حد يعرف مكانه خشت منى تقاطر اميه شافتها صالحه كنك يابنتي شن صاير معاك ..
منى . شييي من جاب عموري من روضه
صالحه . كيف طولتي دزيت محمد جابه
هزت منى راسها وخشت لدارها تغير
فتح ولدها الباب وملامح زعل ع وجه
منى . كنه البطل زعلان ..
عموري . سيبتيني بروحي
منى حضناته حبيبي انت مش راجل
عموري هز راسه بنفي لا صغير
منى ضحكت مش كنت بتزوز
عموري لا بنقعد معاك
منى نجكليا حبيبي باساته تعرف بابا حكا معاي فرحان انك مشيت مدرسة تقرا وقالي ولدي بطل
عموري بفرحه . صح يعني كان قريت يقعد عندي بابا ويجيني كيف جمعه وكيف معاي ف مدرسة اليوم خذاهم باتهم لكن حتى نا كذبت عليهم وقتلهم ع خالو محمد بابا ..
وجعها منى ولدها وقلبها انعصر ع الاخير حضناته
وبكت ع حالهم اللي يرثى له ..
..
بتول . انت شتحسب روحك شايب ماتحشمش ع وجهك انا مانبيكش بالعربي مانبيك ولا طايقتك
طارق . تؤتؤ ماحبيتها منك بصوت باب الحاره😂
بتول . تحشم ع وجهك نا مانبيكش كبير راك
طارق . مش هاداك الفرق اني 87 وانتي 99 12 سنة
بتول . تافه وحقير
طارق . عيب المرا المقومه ماتغلط ف راجلها
بتول . عيطت بغيظ وسيباته
ابتسام . قصدك 1987 والله ماعطيته يبان 1997 هك
بتول . ان شاء الله يقعد 2000 مانبيه
ابتسام . حلو يابتول
بتول . مانبيش نا مانبيش اوف
ابتسام .شافتلها بوجع
بتول . ياريتني ماكبرت وحطت راسها ع كتف ابتسام
ابتسام . صح والله
بتول . مسحت دموعها شن دايره مع مؤيد
ابتسام . عرايك يغار لين بس
بتول . اهي جت ندى
ندى . سلمت وشافت ل ابتسام كنك مزعله خويا
ابتسام . خوك هو بارد ينابش
ندى . امشي شوفيه
بتول . شافت كيف واقف حرام شوفيه كيف يبحتلك
ناضت ابتسام حطت يديها ع بعض شن تبي !
مؤيد . الفرح 19.9.2019
ابتسام شهقت . نعم نعم اسبوع
مؤيد . تهيالي كان هك تاريخ متفق عليه
ابتسام . بعدين غيرنا راي
مؤيد . ابتسام هذ اللي عندي اختاري
تمام
ابتسم مؤيد وهي ابتسمت
وجت حكتلهن ..
ندى . ييي انتي بتتزوجي وبتول حتى هي مزال كم شهر ونقعد بروحي
ابتسام . ياغبيه مرت خوك ديما معاك
بتول . انا حتى هلي هننحرم من شوفتهم
ندى ، اهربي
ابتسام . طاح سعدك مالقيتي ماتنصحي
بتول . نا منقدرش نديرها
شافنلها بوجع ..
واكتفن بمواساتها ب طبطبه
..
في الليل شهد مقعمزه تتفرج ع فيلم اجنبي حزين
البطل صار معاه حادث قعد مقعد وهي الممرضه
بتاعه تساعد فيه حباته وحبها وف نهاية الفيلم
مات وسيبلها املاك يخلنها تعيش حياتها ب رفاهيه وانتهى الفيلم وهي مخلصه له دموعها نزلو صاله
مظلمه وتاكل ف جولاطي وتبكي اسلام شافلها
بعدين شاف للفيلم مط شفايفه للاسفل ..
شهد بدت كئيبه ومغير تبكي ع ابسط شي ..
..
تزوجو مؤيد وابتسام
مشت بتول ومعاها منى ..
شافو ارويدا كانت تشوفلهن بحزن مش قادره تمشيلهن اما عن كامله ترحب وتهلهل بمنى
وريما تبكي ع بنتها ..
ابتسام جمالها طفولي مخليها حلوه ب زياده
رقا مؤيد ع المسرح رفع طرحه وباسها ع راسها
واخيرا
وهي فرحت من قلبها وطلعت معاه وريما تبكي
وخلاص وجت حنان تهدي فيها
حنان . جت عند خالتها مش براني ياريما متخافيش
منى بضحكه . الحق هك بذات مفروض تخاف
وكلهم ضحكو
وركبو سيارة تحركت بيهم ..
زفة والفرحه والقلب زي دق طبول ..
...
شهد راكبه ف سيارة اتصرخ وووووه
اسلام مش عارف يخاف عليها ولا يضحك ع منظرها
شهد خذت يده وتعض فيها وجهها عارق كله منكك
اسلام يامكلوب ويسوق ريحينا نديرو حادث
شهد . ياربي
وصلو مستشفى نزل يجري فتحلها باب وحول حزام الامان ومدلها يده نزلها ومشا بيها وهي تصرخ
وطلعت صالحه حي حي شهد تجيب مشو يجرو يلمو ف دبشهم وتحركو لدرنة طول ..
اول ماوصلو شافو اسلام ومعاه نعيمه برا
الدكتورة مبروك اوليد وبنيه كيف العسل
هو مسك الولد وجمعه مسك البنت قال شهد لصغيره
كلهم فرحانين بيهم
اسلام . بابًا يابابا انت باسه
اما شهد عطوها مهدئ ماوعت الا ثاني يوم بعد العصر فوق راسها كلهم في جناح خاص بيها
جمعه حمدلله ع سلامتك بنتي
مبروك مبروك كلهم يباركو ويعيطو
وشهد مبتسمه
اسلام باس راسها مبروك علينا
وجابو الاطفال خذتهم شهد كل واحد ف يد
نعيمه . شن بتسموهم
شهد . شافت ل اسلام
اسلام . البنت شورك والولد شوري
في نفس لحظة جوري عبد الرحمن ..
فارس . شهد كبرت وقعدت ام
محمد . ها شن تبيها تقعد اب
فارس . قصدي كبرت بسرعه مفروض نحنا اكبر منها
شهد . شد حيلك واجوز بسرعه را اطير منك رحمه
فارس . بعدها نطير راسها
طلعو كلهم قعدو غير اسلام وشهد واطفالهم ..
اسلام . قرب قعمز جنبها
شهد . بصوت طفولي ثوفنا بابابا عويلتك نحنا
ضحك اسلام احلى عويله حط جبينه ع جبينها
ويده ماسك بيها يدين صغار وخشت عليهم بتول تشيززز صورتهم واسلام فنص وشهد تضحك ..
...
بعد مرور اشهر ..
لا جديد يذكر
غير الحسن اللي مضايق من وسن ومن امه واخته
اللي قاطعهم نهائيا ..
ومش قادر يرن ع بتول
شاف ولده جابله لعبه بابا ..
الحسن دفه كذا خطا وجهي
العيل منصدم والحسن طلع معصب
وسن مسكت ولدها تهدي فيه معلش معلش
العيل بابًا شين
وسن دمعه في عينها لأنها تعرف سبب تغير راجلها
الحسن طلع قدام الباب غمض عيونه بشده
في لسنين الاخيرة الايام بسرعة مايجرن
ومرور عام ع قضية زياد وقصي اللي مات
والقضية معلقه هك ..
خش لحوش صدفه سمع ارويدا تقول
ارويدا . حي يمي كان يعلم انها اليوم بتتزوج
الحسن . من اللي بتتزوج
ارويدا . ساكته
الحسن . تكلمي من اللي بتتزوج
ارويدا بصوت مخنوق بتول
الحسن رفع حواجبه بصدمه

2.2.2020
شافت النتيجة معلقه هي عارفه انها راسبه في مادته لانها محضرتلش وحتى اما تشوفه تعلق ف خشمها
بس باقي المواد شافت روحها ناجحه في مادته كيف
هك صفيتها نا
هناء . كنك مش فرحانه اهو نجحتي ولا تعبتي ولا حضرتي ..
منى . عقدت حواجبها شن قصدك
هناء. رقصت حواجبها في بينك وبينه حاجه
منى ارمقتها بنظره حاده احترمي نفسك واعرفي شن يطلع من فمك مشت وسيبتها وهي معصبه
هناء شن قلت نا شن فيها يعني
منى مشت القسم شافت مكتب بتاعه دفت الباب
شافاته مقعمز رفع حواجبه وابتسم وهو يتحرك
بالكرسي
منى . انت شن تبي مني هاه ليش دير هكي حاطني ف راسك
احمد . شن درت نجحتك
منى . تبي ناس تحكي عني صح وتقول عني انظر شن دايره بيش نجحتني لهدرجه مريض انت
احمد . تؤتؤ شن فيها كانت نجحت طالبتي المميزه
منى . كيف نجحت ونا منحضرلكش
احمد . انا مانعك من الحضور وكان ع نجاح جاوبتي ع اسئلة الامتحان
منى. تضحك على من انت نا عارفه روحي ماجاوبتش
احمد . مش ممكن نكون نحبك وجاوبت ع ورقتك
منى . خبطت ع طاوله انا ارمله الشهيد خالد وهنبقى ارملته طول عمري ولا نبحت ف وجهك
وكان تفكر تلعب معش نبي ننجح ولا نقرا خليها عندك طلعت معصبه وهو اضايق وعقد حواجبه
..
اسماء تكنس ف صاله
شهد . ف يدها بنتها شوفي خويله اسماء شوفي درنا حنه
اسماء . باست يد جوري نجكليا تهبل
شهد . سمعت عياط ولدها ييي العياط الاخر وعا نشوفه خشت لدار حطت بنتها ع سرير وتشوف لولدها ..
اسماء وهي تحط ف مكنسه ف تركينه شافت محمد شايل اللحم ..
حط ف كوجينه وكلهم لاهيين قرب منها
اسماء . محمد امي ف دار اللي حذانا
محمد . افتحي يدك
اسماء فتحت يدها
شاف حنه ف يدها بدون رسمه قرب باسها ف يدها
اسماء وجهها انحمر طلع قرطاس دخان من جيبه
حط سبسي ف فمه وقال تبي ..
اسماء . ضيقت عيونها سامط راك
ضحك محمد وقال احلى ايام
اسماء بضحكه ياربي انت  سامط بكلل
محمد يضحك اسماء دخان
واسماء تضحك معاه ..
في دار اللي فيها شهد ..
الاء . ثمحه البيبي
شهد ابتسمت . حتى انتي ثمحه
الاء . حتى نحنا نبو بيبي كان ماما تثريلنا بيبي
شهد ضحكت مع خشة منى معصبه
شهد . اسمعي بنتك شن تقول
منى تفك ف شاربتها شن تقول
شهد . قالت كان ماما تشريلنا بيبي
منى . ابتسمت هذا ماناقص فرخه تحشمي
الاء . عاتي نبي اخت نا
شهد . وجوري خيتك يالولي صح
الاء . ثح
شهد . شافت لمنى شن صار فيكي
منى  . نجحت
شهد . وكنك متعقده
منى . شي هك نسبتي معجبتنيش
هزت شهد راسها تعوضيها السيم جاي
في الليل ..
بتول مقعمزه ف دارها ..
برا صوت غناء ودرابيك ..
رن تليفونها ردت الو
الحسن . بالله عليك قولي كذب
بتول . الحسن
الحسن . سامحيني غلطت فيك نا غالط نعترف اسف اسف مايديرهاش فيا يابتول نحبك انا
بتول . ومراتك
تسمع ف صوت زغاريت وتبكي
وهو يعض ف يده بكل قوة عيونه حمر من لبكاء
واقسم لك بالله مستعد نطلقها وناخذك نهربو بعيد
ردت عليه تأخرت واااجد سمعت صوت اختها تعيطلها
شهد . بتول هيا تعالي
قال بصوت خانقته العبره بالله عليك ماتصكري
صكرت تليفون ودفنت راسها ف المخده وهي تبكي

للحديث بقيه
..