ضحايا بلادي

الخامس والأربعون

ضحايا بلادي
"مجزرة العشاق"
بقلم يحيى إدريس
البارت "الخامس والأربعون"

هبطت طيارة ع الأراضي ليبية ..
طرابلس ..
لابس نظاراته الشمسيه لونهم عسلي  وقميص اخضر فاتح ع سروال ازرق فاتح وكويش ابيض
مرر نظره قدام سواق جا يجري خذا منه شنطته
وطارق يشوف لقدام بتكبر افتح الباب سواق فتح
الباب وركب طارق من الخلف وصكر باب تحركت
سيارة وهو في يده الايباد يصفح ع اخباره اللي ف تونس كيف كان خاربها ابتسم بهزوه لعند وصل ..
الڤيلا الخاصه فيهم نزل سواق فتحله الباب نزل
طارق ويشوف الفيلا طلعت امه ...
قال بصوت عالي مرحبا اني جيت ..
لميس . طارق وليدي
ابتسم طارق انحنى وباس يدها جميلتي ستاحشتك
لميس . اني اكثر
طارق . حضنها وبدا يبرم بيها وهو يضحك
وهي تقوله نزلني يابهلول نزلني ..
طارق . موليه فيله ..
لميس . فيله عينك ..
طارق . وزنك زاد ..
لميس . فنصت فيه وكشخت ..
طارق . وين بوي ..
لميس . قاعد ماجاش ..
طارق ابتسم متكنطيه مني مزلتي ..
لميس . خشت وسيباته وهو يغنيلها
والله مانك خير من امي يالفعه ياعدوه امي
ولميس تضحك عليه ..
شاف وحده قدامه وقال من هادي ..
لميس . هادي ريماس مرت خوك ..
طارق . مرحبا اني طارق وانتي ..
ريماس . واني ريماس ..
طارق . ريماس قنين والسين فيه يعني سلاطه ..
ضحكت ريماس ولميس تقوللها فوتيه ..
طارق . اني جيعان مافيش حاجه تتاكل ..
ويسمع اسمه بصوت عالي من بوه اللي خش توا ..
طارق . ابتسم ابتسامه عريضه قلب الاب ..
لميس . حطت يدها ع قلبها ياساتر ياربي ..
الخدامات يراقبن طارق جا وجاب معاه المشاكل ..
زينب . يامحلاهن من مشاكل ..
طارق . بويا حبيبي
ويجيه كف من بوه ياللي ماتحشمش ياضال ...
لميس . مش هك يالمهدي ..
المهدي . فضايحه ف كل مكان ولدك لزوه من نيو نيورك مشا يضيع في تونس مع نساوين استغفر الله
طارق . غمزله اقل شي اني عازب مش كيفك من مرا لمرا واني متزوج ب احفادي ..
المهدي . ياوسخ ياحيوان برا من وجهي ياتافه ...
طارق . وهو مبتسم ريلاكس ياحاج يجيك ضغط ولا سكر خبط ع وجهه نسيت انه الزوز عندك انتبه من القلب وشاف ل أمه خاطرني ف مكرونه تكون مش
باسله تكون مالحه وعصير مانجا مليان سكر منحبش المر وركب ع دروج وهو يغني ..
الدنيا حلوة واحلى سنين ...
المهدي . تعصب وخبط الفازا ع الارض جابها عرم
وطارق بعد سمع صوت وقف رفع حواجبه ودار
حركه بقبضه يده بمعنى خشييييي يسسس ابتسم
وفتح باب داره وهو يضحك مش عم تزبط معي .

وقفت التاكسي قدام المستشفى نزل من قدام
جمعه وانفتح الباب خلفي منه نزلت صالحه
جمعه مد لفلوس لتاكسي وخش يجري وراها
شافو فارس مقعمز ويشوف لقدام ..
صالحه . وينه وين خوك
فارس  . اشر بصبعه ع احدى الغرف
جمعه  . هيا ياصالحه
خشو وانصدمو باللي شافوه ..
لعند خداهم دكتور يشرحلهم عن الوضع ..
انقذنا حياته بصعوبه كان بينه وبين الموت شعره
بس مع الاسف اللي صار معاه تسببله شلل نصفي
وفي بعض حروق ع وجهه غمضت صالحه عيونها
بألم وفارس دموعه ينزلو يمسح فيهم بكمه ...
جمعه  . مافيش علاج يادكتور ..
الدكتور . هنا صعب والعمليه تكلف واجد ..
جمعه . مشكور
وصالحه طلعت وهي تبكي فارس يحضن فيها ...