ضحايا بلادي

السابع والعشرين

ضحايا بلادي
بقلم يحيى إدريس
البارت السابع والعشرون

طل صبح كانت شهد ادير سندوتش مربى وحطاته ف جيب شنطة بتول على خشة منيره تشوفلها
شهد . شافتلها بحده وقالت لبتول هي
منيره . بنتك قليلة ادب ياصالحه علميها
صالحه . ان شاء الله
منيره . ولا لمن بتطلع اكيد طلعتلك
صالحه. غمضت عيونها بنفاذ صبر وتنهدت
منيره . قلتي حاجه
صالحه . حكت رقبتها نديرلك فطور
منيره . لاااء

شهد وبتول طالعين شافو زياد كان طالع مع محمد
محمد . ابتسم نوصلكم
شهد . شكرا بنمشو ع كرعينا
محمد . بلا حركات وهيا معقوله تمشن وحدكن نا طالع طالع
شهد . نا وبتول ندبرو رواحنا منكسدوش
بتول . شافتلها بنظرة توسل
شهد . هي بتول
محمد . عليش متحكمه فيها بالك بتمشي معاي شن قلتي بتول سيارة فيها تكييف ع ساخن نعطيك 5 جنيه
بتول ابتسمت. خايفه نتأخر ع مدرستي ياشهد
زياد . انا صقعت بنمشي سيارة عطيني مفتاح نفتح سيارة
بتول . فلتت يد شهد ومسكت يد محمد
محمد . بلا تسكير راس وهي معانا يا شهد
شهد . حزت ف نفسها حركة بتول مشت وسيبتهم
بتول . زعلت مني
محمد . لا هي زعلانه مني نا
بتول . حرام شهد كويسه
محمد . نعرف كيف نراضيها

شهد . طول ماهي تمشي حاطه يديها ف جيوب البالطو لعند ماجا قدامها واحد لابس طاقيه صوف
وجاكه امريكيه ياصباح تفاح ياكل مانشوفك نرتاح
شهد . ابتسمت صباح نور سينانو
اسلام . مال الحلو زعلان قولي مالو
شهد . شي
اسلام . اسمعي ومال حبيبي مالو قولولي ويش جرالو البارح كان يبغيني واليوم تغير حالو
شهد . شن واخذ ع صبح انت
اسلام . واخذك انتي شخبارك
شهد . تمام وين سيارتك
اسلام . بعتها
شهد . عليش
اسلام . عشانك
شهد . انت بلعوط كبير
اسلام . ف الورشه سيارتي ديما ف الورشه نا
شهد . اها
اسلام . شهد نقولك ع حاجه
شهد . شنو
اسلام ، باسها من خدها
فنصت وقعدت واقفه مكانها منصدمه
شهد . انت كيف درتها متحشمش
اسلام . خطيبك ياقلبي ولا نسيتي
شهد . اسلام نقولك حاجه مافيش بينا شي رسمي يعني حرام حتى وقفتنا ومكالماتنا ع تليفون
اسلام . تبي فاتحه
شهد . احسن لي ولك
اسلام . الفاتحه تبي مصاريف ياعيوني ونا ماعندي بيش
شهد . هزت راسها وكملو مشي وهما ساكتين

اسماء . نزلت من سيارة بوها شافت محمد ابتسمت
وسيارة بوها مشت قربت من سيارة محمد ..
اسماء بصوت ناعم . جاي عشاني ولا توصل ف بتول
محمد . نوصل ف بتول عشان نشوفك
اسماء . ابتسمت وطبست راسها
محمد . ريت دايره روحها متحشمه مالا من باسني امس
اسماء . ضحكت برقه ورفعت عيونها
محمد . مدلها انسيال تفضلي
اسماء . شنو
محمد.اول حرف من اسمي واسمك نبيها ديما ف يدك
اسماء . شكرا
محمد . عفوا سمعو صوت جرس سيارة
محمد . باهي
زياد . طولنا
محمد . هي خشي مدرستك انتي
اسماء . شيرتله باي
محمد . باي
اسماء برقة . باي ياروحي
محمد ابتسم ابتسامه عريضه وهايم فيها
كيف تمشي بدلع فاق ع صوت خوه المزعج تي هي
محمد . فنص فيه هي حسستني بتطلع الاول يعني
مع خشة اسماء من بوابة المدرسة سمعت بنتين
البنت1بصوت مسموع . الحمدلله ع تربية هلنا لنا
البنت2 بنفس مستوى صوت . خبرهن شين ياحنه
البنت 1. مواعيد قدام مدرسة ع عينك ياتاجر
البنت 2. لا حشم لا جعره هذين **** بنات***
اسماء . التفتتلهن عن من تحكن
البنت1 . واللهي اللي فيه شوكه تنغزه ياحنه
البنت 2 صاحب العله ينغزنه مرافقه
اسماء مسكت البنتين وخبطت روسهن ف بعضهن
وبدت تكر ف شعرهن والبنات عياطهن قالب المدرسة
جت اروى مسكت اسماء تحز عليها ...
اسماء بصوت عالي  . اطلقيني عليها يااروى
البنت . كسره ف يديك ان شاء الله
اسماء ادف اروى بكل قوة وتمشي عند بنت تعضعضها وتضربها ب ركبتها ع بطن بنت
رويدا . هذي مش قريبتك
بتول . اها هيا
تقوى ماسكه تليفون وتصور تكت عركه بين اثنين واحد دب واحد شين في مربوعه عيت حسين حي حي
ابتسام عيب ياتقوى
تقوى ماردتش عليها وتصور وتضحك
اسماء ترقع ف البنت لعند ماجن الابلات والمديره
المديره . شنو هذ تحسابيها غابه هنا هذي مؤسسة تعليميه محترمه ردي يااسماء
اسماء . تشقلب في عيونها
الاستاذه . نحكي معاك
اسماء . نا مادرت شي
مالا من اللي دار انتي كان مش غناء وعياط مشاكل
وعرايك الزمي حدك ولمي لسانك ي اسماء خلي
سنة تعدي على خير
اسماء . ان شاء الله
المديره . هي ع فصلك
نائبه اول مره نشوفك خايفه
المديره . البنت هذي لسانها اعوذ بالله غير انها تخوف تعرفي ممكن تخربلي عيشتي وتبلى عليا
كيف سلام عليكم مش ساهله ابدا مرت خوها
تحكيلي ف خبر يشيب شعر راس البنت وامها
يالطيف ربي يستر ...
...
منى وعيت من النوم شافت خالد يدير ففطور
ابتسمت صباح الخير ..
خالد . صباح نور قعمزي قعمزي درتلك فول
منى . عكرشت ملامح وجهها فول
خالد . ومعاه دحي مطبوخ عمرك ماتذوقيهم ف حياتك
منى . خالد كبدي درهت مش من جدك
خالد . شن تبي باه
منى .بان كيك كورن فليكس عصير طبيعي مش فول ودحي
خالد . لحظه لحظه نطلب دليفري
منى . خلاص خلاص حي علينا
خالد . حي علينا كنك شن في بسم الله
منى . خالد انت شن درت
خالد . فطور
منى . عارفه فطور هذ شنو تشير ع الحوض والغاز ودولاب كان فيه حكه فول وقشور دحي
خالد ابتسم . عوايز وحاجات امس
منى . منظر كوجينه ياخالد معقوله هك
خالد . الحق عليا نساعد فيك
منى . انت معش تساعد بكل قالتها بضحكه
خالد . معمريش خشيت كوجينة عشانك بس
منى . عارفه وين خدامه اللي قال بوك عليها
خالد . انتي تريحي توا نغسل عنك
منى . مشت وقعمزت ع طاوله وحطت يدها ع خدها تفرج عليه
خالد . منظري سمح
منى . اصبر نصورك
خالد . ابتسم
ومنى . صورته فيديو وهيا تعلق كيف يغسل ف عوايز
ويديرلها ففطور