ضحايا بلادي
"مجزرة العشاق"
بقلم يحيى ادريس
البارت الثاني وستون "62"
خشت منى معصبه لدارها
وجمعه قعمز ف صاله جنب مرته وبناته ..
جمعه . عزمو علينا حتى نحنا ..
صالحه . مانقدر اول حاجه عيب ونحنا معيدين عندهم ثاني شي اسماء وماجده معيدين عندنا
ماعندهم وين يمشو ..
جمعه .حتى نا قلت هك لكن هو اصر ع منى والعيال
شهد . ناضت من جنبهم خشت ع منى
لقتها تحول ف ملايه صلاة وتحط فيها ع سرير ..
شهد . فوتيهم مش ضروري تمشي ..
منى . تحشمت من عمي بس لكن نا عارفه نية عمتي كويس وراها حاجه هي ولدها ..
شهد . مقدرتش تتكلم فضلت سكوت
منى . الله يرحمك ياخالد سيبتني لهذول ال***
شهد . انتي ماعليكش فيهم هو يوم يمشي كيف مايمشي ..
مسحت منى يدها ع وجها بعصبيه وحطتها ع خدها
شهد . امتى ماشيه ..
منى . بوي بياخذني توا هم خذو لعيال ..
وبناخذلهم دبش ..
شهد . زي ماقتلك خليك طبيعية بس ..
ثاني يوم ..
اسماء . عشان نحنا جينا هو مشا ..
شهد . وهي طلع ف طراريح لا والله مش هكي ..
اسماء . لا هكي ميبيش يشوف وجهي مزال زعلان..
شهد . هو يحب يقعد عند عيت جدي خصوصا حني وحدها وشباب كلهم ينسجم غادي اكثر من هنا ..
اسماء . ماينشدش عني حتى بالكذب ..
شهد . متبيش تعطيها امل لأنه محمد نفسيته تاعبه
هي ساعديني بلا كثره دوه خير ما عمتك تفصل علينا
طلعن كان فارس يسن ف الامواس وبتول ف يدها
الكاميرا تصور فيه وهي تقول هذا ليس تمساحا عاديا
فارس طلع سنونه الفوقيات ودار حوله بعيونه ..
ضحكت بتول وضحك هو شهد تفرش طراريح ..
ماجده وهي تحط سكر ف بكرج القهوة كلمك زياد
هزت صالحه راسها بالنفي لولا ما شهد هي تتصل
عليه مايدورني هي ترن عليه وتجيبلي تليفون يكلمني فوق من نفسه ..
ماجده . ربي يهديه مزال صغير واخذته دنيا ..
صالحه . تشوف لقدامها بضيق ..
بتول تصور ف بوها وفارس وهما يذبحو الحولي ..
...
انس . قصدك هارب من غادي عشان هي قاعده ..
محمد . فوتني ياانس ماتزيدهاش علي ..
انس . محمد بلا جو كله شوية حرق بسيط بعدين دنيًا اطورت ف عمليات ومش حرام لانك انت متغيرش ف خلقة ربي تبي وجهك طبيعي هذا حقك
محمد . وعيال منى انا كل مانتذكر انه خوها هذك ال
انس. مدخلش خوها فيها هيا كل حد مسؤول عن نفسه متظلمهاش وتظلم نفسك
محمد . مش قادر ..
انس . مش قتلي علاقتها بمنى كويسه وعادي تجيكم
محمد . هز راسه
انس . انت طارت نيتك منها مش موضوع منى ولا موضوع وجهك ..
عتيقه . شايله صونيه دواره قولي يامحمد هلك كنهم ماجو
محمد . جاييتنا مرت خالي ماعندها وين تعيد وتحشمو يجو
هزت عتيقه راسها ..
رنده . خير ياحميدا شن حال امك ..
محمد . الحمدلله كويسه ..
رنده . وخوتك وحياتك كويسين
محمد . الحمدلله
شيماء . ف يدها سياقه مطبسه راسها ومبتسمه
محمد . رن تليفونه طلعه من جيبه رد
فارس . هلا بالهارب تي وينك سيبتني نعاني بروحي
محمد . ضحك لعند راسه وخر
فارس . نقانك الا كلب "حشاكم"
محمد . رقص حواجبه جو سمح هنا عباره عن نشوي وناكل بس
فارس . اخس اخس اخس ...
اسماء . مش شوري بيكم نا نبي عرم كبده ايوا وضحكت ..
محمد . سمع صوتها قلبه رفرف ويدلف بكل قوته
شهد . انتي قريب تاكليني حتى نا ..
اسماء . اوصصص ..
بتول . وهي تاكل ف لحم مش مدورتهم بكلل ..
وكان جو جميل واريحي ...
...
وفي مزرعة الحاج اعمر ..
اسماعيل عرض نفسه بما فيه الكفاية وكل محاولاته
باءت بالفشل ومزال مستمر ف العرض بتاعه ..
جاب دواوير وحطهم قدام منى اعانك الله ..
منى . خذت صونيه وماردتش بحرف ..
كامله . انساعدك والله مانخلي كنينتي تغسل بروحها
منى . تشوفلها باستغراب ..
ورد بيها زمان لأول عيد لها معاهم ..
أنت تقرأ
ضحايا بلادي
Romanceتضحيات الحب الحرب المرض اليأس كل سنة معينة لها ابطالها تتكلم عن جمعة اب بخيل ظالم وعن عائلته وكيف هتكون حياتهم ومواجهتهم مع ظروف الحياة القاسية من 2013 الى 2023
