#ضحايا_بلادي "مجزرة العشاق"
البارت الثالث عشر
بقلم يحيى إدريس
تخلط ف الكاكو بيش ادير كيكه شوكولاطة عشان حفلة صحباتها ...
ماجده . ماشاء الله تبي اديريلنا كيكه مع القهوة
اسماء . قهوة شنو هذي كيكه عشان حفلة بكرة
ماجده . لقاقه طبعا توا تنفعك المدرسة هذ
اسماء . رفعت حواجبها وكملت ادير ف الكيكه
نفس الوقت
محمد درس سيارته قدام حوشهم كان خوه وجماعة
الحي مزالو بلبس المدرسة ويلعبو ف كورة
محمد . خذا الكورة ويلعب ويوري فيهم فنيات
طلع احمد الحلاق وقعد يتفرج عليهم
وصاحب القهوة يتفرج ويضحك ..
ومحمد فرحان لغرض ما هنعرفو ان شاء الله
شهد . هذ اللي صار
بلقيس . والله نسيبنا دمه خفيف ومعاه حق
شهد . اسكتي كذا يلحق في لعند وصلت الحوش
بلقيس . خايف عليك
شهد . اممم
اسلام . درس قدام البحر وحط راسه ع ستيرسو
ويفكر في اللي يصير معاه ..
رن تليفونه رد الو ها سند والله عند شط كنك مافيش برانيه
سند . سيارة طفت عليا
اسلام . تمام اني جايك
وصلت عند سند لقيته يعاني
اسلام . نبي نعرف لو نا مش ف حياتك شن كنت ه ادير
سند . نمشي كعابي
اسلام . هيا اركب يافقري
سند . باتك
اسلام . ايش
سند . قتلك سلم باتك اللي رباك طلعت راجل فزاع
اسلام . اها اها هي باه
منى . جت تهدد وتعزق ف ادواس لكن كان ماوريتها
شهد . خلك منها فوتيها اهم حاجه راجلك
منى. كنك انتي كلام امي بزبط
شهد . شن بنقولك منى ابعدي عن مشاكل واكسبي راحتك
منى . والله نا كنت ف حالي هيا اللي ادور ف الحس معاي
شهد . ربي يهديها ان شاء الله
منى . قوليلي امي حكتلي انك رفضتي ايمن
شهد . اها تعقدت قصة بين امي وخالتي ماجده
منى . تمشي اطربق ياترضى بولدها الحشاش ياتزعل
شهد . نسيت نقولك ع بتول
منى . كنها
شهد . ياحنه يومها خشيت كوجينه لقيتها ادير ف اندومي وبدت تشرح لمنى ف القصة
منى . هيييي طيح سعدها البقرة
شهد . مقلتش ل امي كذبت عليها قلتلها انه بنت من شارع اخرى
منى . باهي بتول مزالت بنت ولا خلاص
شهد . لا مزالت بنت اها مش قاربها رسمي
منى . عليك قصة وفضيحة لو يسمعها خالد يطلقني
شهد . انتي متقوليش لحد تمام حتى لهلي ديري روحك مش عارفة
منى . ماعليك اوكي خالد جا
شهد . سلامات صكرت تليفون وطلعت من دار
لكوجينه شافت محمد مصبي ياكل ف تفاحة
صالحه . درت الغداء طاجين ورز ب شعيريه
محمد . اووو الحاجه طاربه اليوم
صالحه . تعرفو قيمتي بس
محمد . شهوده
شهد . ابتسمت شنجو
محمد . تمام وانتي
شهد . تمام
محمد . يالباير امشي ساعدي امك
شهد . بدون قولتك طلعت سلطت وتغسل ف الورق
محمد . عندي لكم خبر
صالحه . قول
محمد . قررت نخطب
صالحه . من من
محمد . اسماء بنت خالي عيسى
صالحه وجهها انصفر وسكتت
محمد . كنك ياامي حسيتكً مش عاجبك موضوع
صالحه . لا مزلت صغير بس عليش مستعجل
محمد . صغير شن 22 سنة وتقولي صغير
صالحه . انعم اذا كان بنت و22 مزال بدري
شهد . محمد صح كلام امي مزال عليش مستعجل
محمد . انتي من خذا رأيك اسكتي
شهد . شافتله ب إزدراء
محمد . يمي كنك عليش
صالحه . هك مزال بدري وخلاص انهي موضوع
محمد يعني تبيني نركب لخوك قرون وندير معاها علاقه ياامي كيف مافهمتش ..
صالحه . احترم نفسك شنو كلام هذ وفكوني من خوي والاقارب لا علاقة لا زواج وانتهى الموضوع
محمد . ايييه عاد نا معمريش ادخلت ف حياة حد وانتو تدخلو نا نبيها البنت
صالحه . استغفر الله العظيم
محمد . طلع برا الحوش وخبط باب
صالحه . يامحمد اوففف
شهد . فوتيه يمي توا يرضى بروحه
صالحه خزرت فيها كلك منك اصلا لو حركاتك كنت مشيت طلبتها منهم لكن انتي بعد حركتك لهم مستحيل يعطوني بنتهم الله اعلم خوي يبحت
ف وجهي اصلا ولا
شهد . شن دخلني انا لو قامت ثورة تقولو مني انا كلكم تسيبو كل حاجه وتحطو الحق عليا نا
صالحه . ازعلي حتى انتي وخبطي الباب
شهد . طلعت من حذا امها
أنت تقرأ
ضحايا بلادي
Romanceتضحيات الحب الحرب المرض اليأس كل سنة معينة لها ابطالها تتكلم عن جمعة اب بخيل ظالم وعن عائلته وكيف هتكون حياتهم ومواجهتهم مع ظروف الحياة القاسية من 2013 الى 2023
