ضحايا بلادي

البارت 12

#ضحايا_بلادي "مجزرة العشاق"
البارت الثاني عشر
بقلم يحيى إدريس
شهد . الشريف صاحب المحل
صالحه خبطت يدها ع صدرها مات
شهد . ياريت طلع مش كويس
صالحه . ونحنا شدخلنا
شهد . بتول شافاته مع بنت ف المحل يديرو
صالحه . واللي يبي يدير يخلي ناس تفرج
بتول . اا البنت خشت محل وهو باسها وصكر قراج
وبعدها طلعت ب شكاره فيها حاجات
صالحه . بنت من
بتول . منعرفش شكلها تسكن بعيد
صالحه مشت من حذاهن وقعمزت ع صالون صاله
طيرتو النوم من عيوني ..
شهد . الدنيا تخوف مش كي قبل
صالحه . را يبقى ماسكك انتي يابتول
بتول . لالا نا شفته هربت نجري
صالحه . معش ف طلوع بكل
بتول . باه
صالحه . ربي يستر الله يرحمك يامعمر

🌊🌊🌊🌊🌊🌊🌊
مقعمزه ف صاله وتهز ف كراعها صوت باب شقة انفتح
خالد خش يسلس شافها واقفه نص صاله ومربعه يديها وتشوفله
منى . ما مازال بدري يااستاذ
ضحك حبيبتي مرايف عليك كنت ندعي طول طريق
نقول يارب تبقى واعيه
منى . واللهي
خالد . وغلاوتك عندي
منى . انا القاضيه نحرق ف دمي ونرجى فيك طيبت وتعبت وانت متقولش في كلبه ترجى في
خالد . سامحيني ياحبيبتي تعالي تو نتعشو مع بعضنا
منى . خلاص طارت النيه جايني ساعة 12 اكيد انت متعشي والكلبه تنحرق ف 60 داهيه
خالد . ياكلبه قصدي ياروحي ماشفتش مكالماتك
منى . بعد رابع اتصال شفت رقمك مشغول تكذب على من
خالد . نكد نكد ماتشبعيش نكد
منى . صح معاك حق نا نكد مشت خشت لدار
خالد . اوففف ياااه
هند مطبسه وعازقه وذنها عند باب شقه وتضحك
كامله . انزلي انزلي
هند . شويه بس سكتو ياخساره ياريتهم تضاربو
كامله . مسكين ولدي مزال عريس ما تهنى
هند . كان قلتولي عندي بنيه صاحبتي اتهبل له من غادي
كامله . الشرع محلل اربعه شوفيها لو تجي على ضره
هند . مرات هو بروحه يطلق منى ويقول نبي عروس
كامله . لا خراب بيوت مانبيش
هند . لوت فمها
🌊🌊🌊🌊🌊🌊🌊🌊🌊🌊

ثاني يوم طلعت اسماء من الحوش فتحت الباب شافت محمد ابتسمت وركبت سيارة بوها ....
ومحمد لحقهم
بتول . عليش جيت من هنا
محمد . قبل نحساب خالي راقد ولا مش قاعد قلت ناخذوها
بتول . اممم
زياد .ياريت جت معانا بيش محمد يجيب شوكولاطات
محمد . ياوسخ انا ديما تجيبلكم
زياد . لكن اما اسماء تبقى معانا تجيب عرم
محمد. انزلو انزلو
ف سيارة خالهم
اسماء . اها بابًا نبي فلوس
عيسى . كم تبي
اسماء . اللي يطلع منك
عيسى . 20 كويس
اسماء . كويس بكل يلا باي
عيسى . موفقه
اسماء . ابتسمت وصكرت باب وشيرتله
وتحركت سيارة عيسى ...
اسماء . شافت سيارة محمد
محمد . ابتسم ورفع يده شيرلها
اسماء . ابتسمت
زياد . طلع راسه من روشن وشيرلها
اسماء . خير شخباركم
زياد مبتسم . شخبارك انتي
اسماء . تمام
زياد . رايحه سامنه
اسماء . اءءء قصدك شينه
زياد . لا سمحه
محمد . ضحك
بتول . خير
اسماء . اهلين بتول
بتول . ابلة حاكمه تشوفلنا هيا نمشو
اسماء . سلمولي على عمتي صالحه وشهد
محمد . يوصل وتحرك ب سيارة
اسماء . شخبارك
بتول . تمام
وخشت كل وحده لصفها
اروى . اسمعو النكته هذ
اسماء . همم
اروى . مره ف دكتور بارد جاه واحد قاله وذني اسكرت قاله إن شاء الله غير العقد باسمك
اسماء . هاه ههه معش تعوديها
حنان . مافيهش جو
اروى . انتن ثقيلات دم ونفسيات شن فهمكن ف الحناطه بس
اسماء . سيبنالك خفة الدم
اروى . غصبا عنكم انا دمي خفيف
اسماء . عليك ثقه
حنان . جبتن اللم
اسماء . فتحت جيب شنطتها هاك
حنان . وانتي يااروى 
اروى. تو نجي انا طلعت من الفصل شافت نهاية الممر يد مسكتها وخشتها الفصل فاضي
رؤوف . هلا بعمري وحشرها ف زاوية بدا يبوس فيها
اروى . اصحى حد يشوفنا
رؤوف . متخافيش مافيش حد يجي هنا
اروى . حطت يديها ع رقبته بيبي
رؤوف . همم ويبوس فيها
اروى . نبي فلوس البنات كلهم لمو حق الحفلة الا نا عنديش
رؤوف . طلع من جيبه 50 هكي كويس
اروى . قلبي يخليك لي هي لازم نمشي
رؤوف . وين ماشيه عندكم عربي توا
اروى . اها
رؤوف . غايبه
اروى . احلف
رؤوف . والله
اروى . باسته من خده يلا باي
رؤوف . صكر بطم سوريته وطلع
اروى . خشت الفصل قبل زحلقت طاحت يابنات يابنات البشاره
اسماء . شن في
اروى . تصفق الابله غايبه والدحيه طايبه
حنان . كذابه
اروى . وحق المصحف غايبه
حنان . ايوا ايوا صكرن الباب
اسماء . تضحك
صكرن الباب بالادراج
اروى . ماشاء الله علينا اللي نبوه يجينا
حنان . واللي مايبينا يحرق روحه بنزينا
اروى .ربطت محرمه ف وسطها وترقص
حي حي حي حي واسماء تضحك عليهن
🌊🌊🌊🌊🌊🌊🌊
مقعمزه ع مقعد من مقاعد حديقة جامعة وتفرج ع شجره متضايقه من اللي عرفاته من اختها امس
طول الليل مارقدتش وهي تفكر ...
اتصلت ع صديقتها المقربه الو بلقيس وينك 
بلقيس بصوت ناعس مريضه مش قادره نتحرك
شهد . ليش ماقلتيلي كان هك را حتى نا غبت
بلقيس . راحت عليا نومه
شهد . لاباس عليك
بلقيس . مانشوفي باس
شهد . يلا باي صكرت حطت تليفونها  ف شنطة وتنهدت بصوت عالي سمعت صوت
سلامتك من الآه
شهد . بسم الله الكريم انت من وين تطلع بس
اسلام . من حوشنا
شهد . هاها ها
اسلام . كنك مارنيتي على امس قلتيلي نعاود عليك بعدين نسهر اليوم كله ماترنيش وانا رنيت عليك مارديتيش علي
شهد . نسيتك بكل
اسلام . معقوله تنسيني انا مارحتيش عن بالي ولا دقيقه
شهد . شكلك مكسد
اسلام . انتي مفروض تصلي قيام الليل اللي واحد كيفي يجري وراك
شهد . براد بيت وانا منعلمش
اسلام . انا احلى واحنط منه
شهد . امممم
اسلام . وانتي كئيبه وديما قارنه حجاجاتك نحسابهم ملصقات من كثر ماتقرني ف حواجبك وبشرتك هاملتها يلا مش مهم اللي يحب يتحمل عيوب حبيبه
شهد . عيوب جمل ماشافش عوج رقبته
اسلام. هذ مدح ولا ذم
شهد . انت بحت لروحك قبل
اسلام . كني ايش ناقصني وسيم وجذاب وانيق وحانط حطي تحت حانط الف خط ف ه زمان نادرا ماتلقى حد كامل الاوصاف زيي
شهد طلعت سنونها الفوقيات. وسنونك طالعات
اسلام رفع صبعه . هذ اسمه تنمر تعرفي نقدر نشكي فيك
شهد . اجري اجري ارفع في قضية
اسلام خبط ع قلبه بس هو الحب شن ندير
شهد . شقلبت عيونها
اسلام . هذ اللي مش عاجبك فيا ساهل نديرو تقويم
شهد شيرت عليه . ادير ادير لروحك معش تقول نديرو
اسلام . نديرو انتي هتبقي مرتي
شهد . احلم احلم الحلم بلاش
اسلام . ربي يجمع شخشيري وشخشيرك ف غسالة وحده اللهم امين يارب العالمين
شهد . رومانسية مقرفه انا اصلا كني نتناقش معاك وجت بتصبي
اسلام . وين ماشيه خليك
شهد . بنمشي لجهنم الحمرا
اسلام . يضحك ويلحق فيها وهي رقيتلها