ضحايا بلادي

السادس والثلاثون

ضحايا بلادي
"مجزرة العشاق"
بقلم يحيى إدريس
احداث الرواية 2013 .. 2023 ..
الضي طافي ومولعات لامبه شحن ..
ماجده . رد بالك خوتك يعرفو خذيتلك نقال
اسماء . اللي يسمعك تقول واخذتيه لي جديد شحال ماباعاته لك جارتنا وطايح سعده وهي تكشط
ف الكرت فتحت نت ابتسمت وتشوف صفحة مدرسة مدرستها نزلت تعازي لكادر المدرسة المعلمين وزملاء الطالبه حنان ابراهيم *** توفاها الله انصدمت اسماء مزالت مش مصدقه خشت على وحده من بنات دفعتها ع الماسنجر والبنت
اروت ل اسماء قصة حنان بالكامل كيف ماتت بين يدين بوها اسماء دموعها نزلو وقالت ياحبيبتي  ماتت زي اختها نفس نهاية اختها ياحنان ياصاحبتي
ماجده . كنك بسم الله
واسماء ناضت تندب وماجده تحضن فيها واسماء تبكي بالصوت اصواتهم مش مسموعه من ضجيج
المحركات سكان اللي فوقهم واللي تحتهم ...
وسهرت ماجده الليل بطوله لعند مارقدت اسماء
بس ف سهره غير كل سهرات تشوف ف راجلها
راقد وهي تبرم قدام سرير وتمشي لها ساعتين
توجع ومش قادره تكلم اختفى الوجع جت بترقد
خشت لسريرها رد عليها الالم قعدت قريب تبكي
وخالد مايجيب ع دنيا علم ف سابع حلامه ...
منى . غمضت عيونها وردت وقفت من جديد
رنت على امها ..
صالحه . الو
منى . تعبانه بكلل
صالحه . اسمعي وتي ساكوك تحسبا لأي امر طارئ
منى . تمام
صالحه . وادعي يامنى
منى . حاضر
وقفت صالحه فتح جمعه عيونه وقال من
صالحه . شكله منى بتجيب
جمعه . وين ماشيه
صالحه . نصلي قيام الليل
جمعه . هز راسه ورد رقد
صالحه طلعت تدعي لعيالها ف صلاتها  ..
بعد ربع ساعة فتحت عيونها اوفف ياربي ماصدقت رقدت ونسيت الم ناضت قعمزت ع سرير شافت ساعة 3 الفجر شافت خالد راقد يعوينك متريح
ورد عليها الوجع خالد صبيي وخالد ماحس بيها
عيطت عليه خالدددددد وتهز فيه بقوة فتح عيونه
خالد . كنك بسم الله
منى . شيلني لمستشفى
خالد . عليش شن في
منى . نبي ننفخ شواربي
خالد . كيف
منى . عيطت ولدك يبي يجيي هييي
خالد . حي علما وصبا نبو نجيبو يعني
منى . انا انا مش انت
خالد .. شن ندير باه
منى . دير بطاطا
خالد . شنو
منى . جيب صاكو العيل والعبايه بسرعه
خالد . مشا يجري خذا الصاكو والعبايه والوشاح
وسيبها وطلع يجري من شقه ومنى تعيطله هو
ركب سيارة ولعها وعزق حاجات ع كرسي اللي
جنبه بعدين تذكر خبط يده ع وجه ورد رقا يجري
منى . وين العبايه
خالد . نزل لسيارة خذا عبايه وشاح ولبسها وهي تعيط وتهزب ونزل يجري وهي تمشي ع مهلها وهي تبكي طلعت كامله خير شن في كنكم ..
خالد . نا ومنى بنجيبو
كامله . كيف
خالد . منى بتجيب
منى . هي بسرعه سقد مش وقت حكايات
كامله . ارجوني وخذت جلباب ومحرمه طلعت معاهم
ومنى طول طريق تصرخ وكامله تقوللها استغفري
منى . وقت استغفار هو
خالد . شاف لمنى كيف معصبه مباش يقوللها شي
وصلو لمستشفى وخششوها لنساء ..
وخالد متوتر وكامله تهدي فيه ..
جمعه . شاف صالحه مقعمزه ف صاله ..
جمعه . كنك قاعده هنا
صالحه . نفكر ف منى نرن عليها ماتردش
جمعه . جربي رقم خالد
صالحه . متحشمه مرات يبقى راقد
جمعه . تو نرن نا وجهي صحيح وجهي صحيح
ضحكت صالحه جمعه اهو يرن ..
كامله.حطت يدها ع كتف خالد اللي حط يده ع وجه
خالد . خايف عليها يمي تصيرلها حاجه ماشفتيش
كامله . متخافش ياباتي صبايا كلهن يعيطن مالا تحسب جنه تحت اقدامنا بلاش
خالد . يعني مايصيرلها شي
كامله . مايصيرلها سو لا تخاف ياباتي رد ع تليفونك
طلع تليفون من جيبه هذ بوها هاه ياعمي ..
جمعه . شن حالك ولدي وشحال هلك
خالد مسح على وجه  . الحمدلله
جمعه . شحال منى كويسه غير امها مشغوله عليها
خالد . ف المستشفى ولي العهد يبي يشرف
جمعه . مبروك مبروك ان شاء الله يتربى ف عزكم
خالد . سلمك
جمعه . اي مستشفى
خالد . ****
جمعه . تمام توصي علي شي
خالد . سلامتك عمي حط تليفون ف جيبه
جمعه . بنتك تولد
صالحه . نمشولها
جمعه . البسي على ماسخنت سيارة
عياط منى قالب المستشفى خالد يسمع فيها
ومتألم ع حالها لعند ماسمع صوت بيبي عيونه دمعو
نفس لحظة منى غمضت عيونها بتعب وجهًا العارق
حطولها البيبي ف حضنها قالت بسم الله ابتسمت
بتعب وحضناته بتملك وباساته حبيبي انت دمعتها نزلت مع ابتسامه وحضناته كأنها ملكت العالم كله
لعند خذو منها وطلعو بيه مع خشة جمعه وصالحه
خالد . ناض
الممرضه . حمدلله ع سلامته وهذ وليدك
خالد . ابتسم ودمعته نزلت عادي ناخذه
اها تفضل قعد يشوفله ويزازي بيه شافوه صالحه وجمعه اللي مشا لدكتور وقال بنتي كيف حالها
الدكتور . كويسه الحمدلله شوي ونطلعوها ع غرفة وحدها تشوفوها
جمعه . بارك الله فيك
صالحه . شن حالك ياكامله
كامله . سلمت عليها الحمدلله شحال بنياتك
صالحه . كويسات مبروك علينا المزيود ان شاء الله
كامله . الله يبارك فيك
ثاني يوم صبح ...
خالد . صباح الخير حبيبتي
منى . ابتسمت بتعب صباح نور
خالد . شوفي من جبت معاي بتفطر
منى . خذاته منه وتبوس فيه
خالد . عمتي قالت يشبهلك
منى فنصت بفرحه . امي جت
خالد . حتى بوك شافوكي راقده وروحو بيردو شوي اخرى
منى . عمتي وين
خالد . مشت لحوش ورانا عشاء
منى . من اول يوم
خالد . هذ عشاء سلامتك اليوم وعشاء الكبير بعد الاربعين
ابتسمت منى ربي يخليك لنا ..
خالد . باس راسها حمدلله ع سلامتك ياعمري
منى . الله يسلمك شوف يشبهلي بكلل
خالد . ضحك وهو يشوفلهم
مع جية صالحه ومعاها جمعه ومحمد
عادي نخشو ..
خالد . طبعا تفضلو
صالحه . حطت طنجره ع طاوله حذا منى وحضنتها حمدلله ع سلامتك يمي
منى . الله يسلمك
جمعه . مبارك ماجد عليكم
منى . سلمك
محمد.يشوف فيها ف يدين خالد اووو منى لصغيره
وقعدو يعلقو على منى ويضاحكو ..
...
من الاجواء هذ عند شهد
كانت ف حاجر حوش جدها ع طاوله الفطور
فيها خيرات الله وجدها يحكيلها ع ايام زمان
وهي تسمع ومبتسمه ..
ومره يتنابش مع عتيقه وهذ هو
رن تليفون شهد الو ..
بتول . عندك علم منى جابت بيبي
شهد . قولي والله
بتول . وحق المصحف هلي مشولها غير نا عندي مدرسة عشان هك مامشيتش
شهد . باهي الحمدلله وانتي كيف ف مدرسة وتحكي
بتول . استراحه فطور
شهد . اها هي مع سلامه را حد يفطنلك
بتول . اذنك معاك
...
عتيقه . خير ان شاء الله
شهد . منى جد عليها مولود
عتيقه . حمدلله مبارك مبارك
عبدالرحمن . من حمله كتاب الله
شهد . ان شاء الله
عبد الرحمن . نمشو نحمدولها ع سلامه
عتيقه . خليها غير تطلع قبل
عبد الرحمن . صدقتي
عبد الرحمن . شهوده ديريلينا سفنز من يديك سمحات
شهد . حاضر ياجدي وناضت
عتيقه . حمدلله التم شملنا ندمت ع الايام اللي خليتهم ف الملحق
عبد الرحمن . اللي فات مات
..
شهد . وهي ادير ف العجينه كملت وفردتها فتحت شيشمه مصمصت يديها ومسحتهم خذت تليفون
دزت تهنئه لمنى ع الواتس خشت رنده من باب كوجينه شهد حطت تليفونها ف جيب سروالها
رنده تمشي ببطيء وجهها اشهب قالتلها خير
شهد . اهلين
رنده . كان يحبك ياشهد يحبك قالي اخطبيهالي امي
شهد . طبست راسها
رنده . كنت نقول ولدي عجباته البنت ماحتى حبها ف يوم ولا يومين بس فتحت داره لقيت هذين
كان مجموعه صور له هو وشهد ف عمر ال 5 سنوات و 6 وسنة اولى ابتدائي لقيتهم تحت مخدته
شهد . دمعو عيونها
رنده . حضنتها انا نحب الي يحبه ولدي وبدت تبكي
شهد . غصبا عنها دموعها نزلو مع انها تحاول متبكيش بس تأثرت من كلام رنده ..
رنده . مسحت دموعها سامحيني نكدت عليك
شهد . مسحت عينها لا عادي
رنده . ربي يسعدك ويبعتلك الايام الحلوه
شهد . تسلمي
طلعت رنده وشهد تبع فيها بنظرات حزن ..

ومن الحزن للفرح
طلعو بمنى منى المستشفى وخطم محمد خذا بتول من المدرسة ومشو لحوش هل خالد عشان معزومين غداء وعشاء عندهم هل خالد ..
درست سيارة خالد قدام الحوش وشاف عويل خواته وخوته وبوه وجايبين غيطه قالبين شارع ع راسه ..
وبوه ذبح 4 شواهي ومنى تفرج عليهم ف سيارة وف يدها ولدها وهي مبتسمه ...
وخالد نزل وقعدو يرقصو فيه وشباب يفرغو بعدين بدو يساعدو ف الحاج اعمر ونزلت منى بمساعده
امها وبتول خشن من باب جانبي بعيد عن الزحمه
ومحمد وجمعه فرشولهم ف الحاجر مركبين ارواق
فيه وبعد كمل الحاج اعمر قعد معاهم ..
وخشو منى وهلها استقبلتهم ريما وبعدين لقت
كامله وهند وحنان ورحاب وبنات خوات خالد يشتو ويصفقو قربت هند خذت منها العيل تبوس فيها
ومنى مبتسمه قربن يباركنلها ويحمدنلها ع سلامه
وهي فرحانه وخذتها كامله وريما وابتسام لدار خالد
قبل مايتزوج نفس ماهي تمددت ع سرير وحطو جنبها ولدها
كامله . خالد خايف عليك ميبيش تركبي لدروج وتتعبي
منى . ابتسمت سلمتي عميمه
صالحه . بارك الله فيكم
كامله . هذي بنتي في عيونا ماتتخمييش تعالي انتي معاي ياصلوحه طلعت صالحه مع كامله وبتول وابتسام يلاعبن ف ولد منى لعند مارقد ومنى رقدت
طلعن
في كوجينه البرانيه مدولهم صواني بدن يغسلن ف دواوير كامله وصالحه وهند وريما وحنان يقرضن خضره وابتسام تبرم ع الحوش تنظف فيه هي ورحاب وقعدن تقوى وبتول يتفرجن ع مسلسل
زهرة القصر ..
بتول . تشبهلك ياتقوى
تقوى . اها كلهم يقولو فيها لي
ساعة 6 ف العشيه ..
فتحت عيونها شافت خالد يبوس ف ولدها قعمزت وابتسمت امتى جيت ..
خالد . لي نص ساعه هنا
منى . سمحه دارك
خالد . سمح ايامك خطرها كلمت عيت جدك اليوم
منى .  اها باه
خالد . قلتلهم يجو العشاء هنا
منى . كويس
خالد . ابتسم رايفت عليك
منى . ضحكت
قرب باسها ..
فتحت الباب كامله ف يدها صفره برودو ودجاجه
محمره وجهها انسلخ حطت صفره وقالت كملو
كملو وطلعت هاربه ومنى عضت ع فمها ب احراج
خالد وجهه انحمر وفطس من ضحك ..
...
وصلت سيارة الحاج عبد الرحمن نزلت عتيقه
وراها شهد كانو شباب مصبيين فم باب
مجرد شافها ضيق عيونه بعدين ابتسم وهو يشوفلها من اول مره شافها خطفت قلبه وتوا بدت تنزرع فيه
خبطه عادل زنقيره وقال عيونك ولد خالته ضحك ..
ومشا ف جرة عادل بيرده ضربه خالد يدخن وجنبه
اسماعيل شافو لولد خالتهم وخوهم
خالد . مباش يكبر بكل
اسماعيل . نايضين
خالد . غريبه ماجوزش لعند توا
اسماعيل . عندي احساس بوه جايبله عقده
خالد . تنهد بحزن
شاف الحاج عبد الرحمن ناضله وسلم عليه
وتقول قلب الام حس عيونها مع البنت اللي انعجب
بيها ولدها تشوفلها للاعجاب كيف تضحك وتلعب
ف ولد اختها ..
منى . يشبهلي صح
شهد . نسختك بكل
بتول . مزال صغير
كامله . يشبه بوه
سميره . كان جا لبوه سمح وكان جا ل امه سمح
منى . سلمك خويله
شهد . من هذي
منى . هذي خالة خالد
شهد . شهقت اخت عمتك هذي
منى . هزت راسها بضحكه وقالت وطي صوتك
شهد . عليك جمال وعليك راقيه
منى . راجلها وزير سابق وعندهم شركة معماريه
شهد . على هك شغلك واتي
منى . ضحكت خالد قالي نقرا بس بعدها نقعد
شهد . غبيه هذ حلمك متوقفيش تقري 5 سنين عشان بعدها ترقدي ف الحوش
منى . مش منقص عليا شي وبعدين اهو خذيت شهادة
شهد . عشان راجل تضيعي حلمك
منى . ريت ه الحلم وانا ف ليبيا
شهد . رفعت حاجبها وتنهدت
سميره . ماشاء الله عليها اخت مرت ولدك
كامله . اها كويسه
سميره . ابتسمتلها وشهد ردت الابتسامه
شهد . شكلهم يقرمو فينا عيونهم هنا
منى . يملحن
وحطو العشاء رز بالخلطه وعصبان وسلايط
وكانو كلهم فرحانين وبعدين طلعو عيلة منى بعد
وصت عليها صالحه لين بطلت ..
وهما ف قولة ف عيونا ماتخمميش ..
صالحه . حمادي يرن هي مع سلامه
وطلعت شهد مع امها صالحه كانت مستعجله
بس شهد تلبس ف كندرتها وبتلحق امها مزال
مالبست الفرده ثانيه كويس وهي تلبس فيها
مطبسه وتمشي وتخشش ف كراعها وتأفف
ما حستش الا خبطت ف صدر واحد طول ف عرض
انفجعت وخرت وهو ابتسم قالت اسفه مشقصدي
وطلعت تجري وهو مبتسم وهايم فيها التفتت بيش تصكر باب الخارجي شاف لعيونها وهي نظراتها حاده صكرت باب وهو ابتسم وقال مايهمكً شي ..
خالد . ولد خالتي تعال ساعدني ف هذين
ولد خالته مشاله وعقله مع اللي سكنت قلبه ..
للحديث بقيه ..