ضحايا بلادي

الرابع والاربعون

ضحايا بلادي
"مجزرة العشاق " "الوردة الذابله🥀"
بقلم يحيى إدريس
البارت الرابع  والأربعون
اول ايام عيد الفطر ..
ناس تمشي تعايد ع احبابها وتصلي صلاة العيد
وناس تمشي للمستشفيات اللي كان مليان بالقتلى والجرحى..
اعمر ..
يقدم بخطوات لين وصل فيه..
حط يده ع الغطا ورفعه لقي وجهه وجسمه ..
غطاه وهو يقول ..
/لالا..اله الا الله الله يرحمك يااسدي الله يرحمك ياولدي ودموعه نزلو !
وسط ريحة الموت والدم كلهم تعاطفو مع اعمر
ندفع عمري كله بيش تعيش حتى عمري شويه عليك بكرت ف رحيل ياخالد بكرت ياولدي بكرت
غارق بدمه وهو فاقد للحياة..
فارس وجمعه خشو لنفس مستشفى يدورو وسط
جثث بس ما كان فيه اي اثر لمحمد وطلعو لمركز
بلغو انه مفقود ...

انتشر الخبر المفجع ونبدو مع اول حوش ..
ريما . بسيمه هي بسرعه بوك ع طريق مروح من جامع نمشو لحوش جدك
وخش راجل ريما شافلها وقال وتو دبشكم
ريما . عليش بنباتو عند هلك
قرب راجلها منها وقال لا لهلك انتي ...
ريما . غريبه من 18 سنة اول مره تقولي اول يوم عيد عند هلي
خذاها راجلها ف حضنه وقال عظم الله اجرك في خوك
ريما . من من
خالد استشهد امس ع المغرب ..
خبطت ريما على وجهها لالا قول كذب خوي خالد مزال مافرح في حياته مزال ماشبع من اوليده مزال
يانعلي ياخالد يانعلي ياصغير يانعلي ياخلودي ...
ابتسام تبكي على خالها كان حنون عليها بكل وتبكي ع ولد خالها اللي تيتم وهو صغير ..

مؤيد . يما يما
حنان . وهي تصب ف قهوة كنك يامؤيد
مؤيد . خالي خالد استشهد ..
حنان . ناضت تبكي وهي تقول ياصغير يالكريم ياحبيبي يالطيب يالزين وبدت تعدد وندى تهدي
ف امها اللي كانت قريب اطير من العياط ونحيب
مؤيد . مافيش وقت لازم نلحقو بسرعه

واما عن هند ..
بلقاسم . بوك مريض لازم نمشوله
هند . حطت يدها ع صدرها قلبي حاسسني
بلقاسم . هي بسرعه ياوليه عيب
تقوى . يعني نباتو غادي
بلقاسم . باتو غيرو جوكم
هند . تمام ومسكت تليفونها وقالت تقوى يابنت تعالي بسرعه وجتها تقوى ها !
هند . خشي ع فيس نبي كلام سمح عن الاب
تقوى . نسخت كلام وعطت تليفون لاامها
هند . عجبها كلام وكتبت دعواتكم لبوي ربي يشفيه الغالي الحنون الحاج اعمر خالد اعمر ربي يعطيه صحته ويعافيه عاجل غير اجل طهورا ياسندي ..
وسمعت عياط بلقاسم خذت شنطتها وطلعت ..

اما عن كامله ياغافل لك الله تمشط ف شعرها ..
وتغني ياليلة العيد انستينا وجددتي الأمل فينا
ياليلة العيد ابتسمت وقالت عسل ياكموله
حطت الفرشه ع زيانه وتبخ ف العطر وطلعت
نزلت من ع دروج تشكشك بذهب وهي نازله من
ع دروج خشت ريما وحنان وراها يتباكن ...
كامله . وهي رافعه طرف جلابيتها شن في كنكن
ريما . شافت لحنان وتوضحت رؤية ان امهن ماعندهاش علم وبدن يمهدنلها ف موضوع ..
كامله . يابنات الكلب تفاولن ع خوكن بعيد سو ..
ان شاء الله في العقرب هذك ولا فيه ان شاء الله في
هذك لفعه ولا فيه هذ وليدي الكبير بعيد سو عليه
غيث ومؤيد وليد ..
شافوا حالة الحاج ..مقعمز ع الأرض ويشوف قدامه وساكت..
قربوله احفاده  ..
مؤيد . جدي
اعمر مات خالكم ياجدي مات ..
وليد عيونه مليانات دموع ..
شفته ..
اعمر بصوت مبحوح..
/وجه نص متجلخ ويده مقطوعه وقعد يبكي بصوت ..
مؤيد نزلو دموعه وبرم وجه ..
/لاحول ولاقوة إلا بالله.. ً
عادل طلع منهار ويمشي بشوي ودموعه ينزلو ..
غيث . عادل انت كويس
عادل . حضن غيث بقوة وقعد يبكي بصوت
وغيث ع رغم قساوته بس تأثر ..
اسماعيل . امي مزالت متعرفش وناس تبدا تجي