ضحايا بلادي

الثاني والعشرين

#ضحايا_بلادي
بقلم يحيى إدريس
البارت الثاني والعشرون
كانت طايحه ع الأرض فجأة سمعت باب شقة انفتح
غمضت عيونها زين وهي ترجف هو وصل لدار
نظراته حاده حواجبه المعقودات قرب منه ضربها
بكندرته العسكريه ع جنبها طلعت صوت بكل الم فتحت عيونها تشوفله بكل خوف وترقب لكن عيونه كانو رعب بنسبه لها اليوم كان اسوء يوم يمر عليها في للي شافاته
خالد . تحكيلي كل شي من البداية فزي قتلك
منى . قعمزت وبدت تحكيله كل شي من زمان قبل مانعرفك محد يصرف عليا حتى محمد خوي اصغر مني كان مايشتغلش مالقيتش حد يحن عليا ديما ضرب واهانات وبوي بخيل وامي تصرف ع الحوش
ايمن الوحيد كان يجيبلي في اللي نبيها ونا غبيه
خالد . وجهه يصب عرق
منى . بعدها جابلي تليفون وحكينا مع بعضنا وهك وصور كان يزعل مني ويقاطعني ونا ع خاطر رصيد
ول كم لبسه يجيبلي فيهم كنت نراضي فيه بصوره
نحسبش واطي وحقير كنت صغيره وغبيه منفهمش
خالد . غمض عيونه بنفاذ صبر كملي
منى . هذ حدها هو فاتني معش دورني لان بديت نقول لا يطلب مني حاجات ثانيه خشيت جامعة ونسيته ونساني
خالد . في حاجه منعرفهش
منى . لاااا لا
خالد . طلع سلاح من خصره وسحبه
انحشرت ف زاوية وحطت يديها عوجها لا بالله عليك لا
خالد . تكلمي ينعن******* ولا نفضيه فيك
منى . حاضر خلاص خشيت جامعة بدت تبكي
خالد . تكلمي
منى . تعرفت ع واحد ف جامعة كان معبي ويلحق فيا وعدني بزواج وانا صدقته زي الهبله ولما بوي
قال تقدملك عريس قلتله وقالي تهربي معاي طلعت
معاه بس عرفت نيته مش كويسه ومايبيش يجوزني
هربت منه قبل مايصير شي وافقت عليك انت
خالد.يابنت الكلب شن هذ نا شن داير بيش نتورط فيك
منى . والله كلام قديم وانتهى هذ بس اللي درته ماكذبتش ف حرف
خالد . هي لهلك توا
منى . صبت تهرول وصلت عنده لالالا يرحم بيك نبوس كرعيك لا متقوللهمش لا نعيش خدامه عندك
خالد . شافلها بحقد وضربها ع فمها ب كندرته العسكريه
لعند طاحت وفمها ينزف
خالد ب إزدراء . ان شاء الله تموتي جيفه حقيرة
منى .حرام عليك كل بنات يديرن هك شمعنى نا حظي
خالد . صكري فمك مزال عندك وجه تكلمي حقيره
منى . انهارت بكاء
خالد . ضربها ع جنابها هي فزي ياكلبه وراي
منى . تشوفله وهو يمشي وهي خايفه وقفت ولحقاته
خالد . فتح باب دار هي عمرها ما خشتلها لانه مصكرها منى تشوفله بعدم فهم التفت وفنص فيها
طبست راسها مش قادره تشوفله
خالد . هي خشي
خشت كانت مش مزوقه مزالت مليسه وروشن بتاعها ع المنور يعني ماتشوفش شمس وفيها فراش قديم وبطانيه وباقي حاجات قديمه عاطله كلها عجاج دار حتى تلفزيون مافيها ....
خالد . من يوم غادي هذ مكانك
منى . كيف
خالد . صكر باب دار من برا وقفله
منى . غمضت عيونها بدت تبكي وجعتها روحها
خالد.حول كندرته وتمدد ع سرير حط ذراعه عوجهه

ماجده مزالت مقعمزه ف صاله وتبكي
ينعلي ولدي شصاير فيك ومن اللي خذوك هذول
ينعلي زعمك جيعان ولا عطشان زعمك حي ولا ميت
صالحه.قولي خير ياماجده بالك اصحابه يبصرو معاه
ماجده . اصحاب شنو اصحاب ولدي ديما ف مربوعه ماعنده حد حي علي نا نبي ولدي نبي ولدي
اسماء واقفه في كوجينه تسمع ف امها وتبكي ..
شهد تشوفلها بحزن معرفتش كيف تواسيها حضنتها
اسماء . خايفه ع امي يصيرلها شي
شهد . متخافيش حبيبتي بكرة يرد كويس مافيه شي
اسماء . يارب
محمد . خش
ماجده تمسح فدموعها. محمد شن صار حصلت خالد
محمد . لا بس كلمت منى قالت ف شغل يروح تحكيله
ماجده . بدت تبكي
محمد . وسعي بالك عمتي ماجده
ماجده . ولدي ولدي
محمد . خش لكوجينه شاف اسماء تبكي
اسماء . مسحت دموعها لا
شهد . شن تبي
محمد . 4 قهوة
شهد . شنو وسط ولا ساده
محمد . وسط وحده سكر زياده
اسماء تمسح ف دموعها . مافيش سكر
محمد . حطي صبعك فيها تبقى سكر
شهد .فنصت ورفعت حواجبها انني انسحب وطلعت من جنبهم
اسماء . ضحكت من وسط دموعها
محمد . ايوا هكي اضحكي مابيلبقلك البكي
اسماء . خايفه
محمد . متخافيش طول مانا معاك
اسماء . وخوي وينه
محمد . نوعدك هيجي بس امسحي دموعك خليكي قوية ع خاطر امك
اسماء . مسحت دموعها تمام
محمد . دار حركه بخشمه
وهي ارتسمت ع وجهها ابتسامه تبعاته بعيونها
على خشة شهد مشى خلاص راه
اسماء . حقيره هكي تسيبينا
شهد . نفهم ف جو لو قعدت مستحيل يقولك كلمة
اسماء . ياخيتي نجيها
شهد . بيش تعرفي قيمتي بس