ضحايا بلادي

البارت الثالث والعشرون

ضحايا بلادي
بقلم يحيى إدريس
البارت الثالث والعشرون

صالحه . بناخذ دبشي قبل
وردة . دبشكم كله ف الحاجر اهو شوفو تحسبيني بنخش ع اثاث قديم وبدت تضحك بصوت عالي
صالحه . مشت شافت دار نومها المكسره وصورها
ودبشها وعوايزها بدت تلم وتطلب من ربي مينزلش دموعها شافت لعيالها تعالو ساعدوني بدو بالواحد
يساعدو فيها ومحمد اتصل ب صاحبه يجيب سيارة
عشان ياخذ حاجتهم زي الاثاث وكهربائيات بعد نقلو كل حاجه ف سيارة صاحب محمد
صاحب محمد . على وين
محمد . شاف ل أمه
صالحه . على حوش هلي
شهد . بس قديم يمي ويخوف وصغير
صالحه.عندك مكان اخرى يا شهد
شهد . سكتت
صالحه . هي اطلعو ونا لحقتكم عندي كلمتين بنقولهم لبوكم
طلعو بتول وزياد بس شهد ومحمد قعدو واقفين مع امهم صالحه قدمت لجمعه اللي كان مبتسم ب استفزاز وقفت قدامه ولأول مره عيونها ف عيونه
وبكل جرأة قالت . تحملتك وتحملت بخلك وقرفك
ونذالتك ونقول توا يتعدل بكرة يتعدل بعد سنة بعد
سنتين اشتغلت الف شغله ف شغله وانت راقد نتحشم نقولك صبي اشتغل نتحشم نقول عليك جاهل مكملش تعليمه عشان منجرحكش كنت نمد
يدي للي يسوى واللي مايسوى ع خاطر نوكلك وبعد
مابديت تشتغل فرحت حتى لو عامل نظافه فرحتلك
بس شنو عادتك الوسخه البخل مابطلتهش وجيت
على نفسي وقلت اهون من رقدته حذا وجهي تحملت ريحتك نتنه تحملتك بكل عيوبك وصبرت
ع خاطر عيالي ببببڤففف تجمع ع خاطر تتزوج علي
وحده من انداد عيالك ياللي ماتحشم ياقليل الخير
جمعة . هي برا ياعجوز ياخارف
صالحه . ولدي ماخليتش يمد يده عليك عشان انت بوه مانبيش يتحاسب عند رب العالمين عشان وسخ
كيفك بس نا منتحاسبش ومدت يدها كرت شعره
لمشتشت بكل قوة وجمعة يعيط خشو زياد وبتول
فاتحين فمهم اول مره يشوفو امهم هك ..
صالحه . يامنحط يابخيل ياجلده تجوز عليا وتعزقني ف شارع وبدت تعض فيه
ورده . تعيط
شهد . مشت لورده وبدت تضرب فيها
محمد . يتفرج ومبتسم
زياد . نا نشجع امي وانتي
بتول . نشجع ف شهد
زياد . نقول امي تفوز ع باتي
بتول . لا بوي اقوى
جمعة . حولي ياخرا ودفها بكل قوة يامتوحشه يامسترجله وزعلانه عشان تجوزت عليك باهي امشي وانتي طالق بثلاثه
صالحه . عيونها دمعو وزغرتت هذ اليوم اللي نرجى فيه الحمدلله الحمدلله افتكيت منك تحساب روحك
راجل نا درتك انت ماتسوى قشرة بصلة ياعره رجاله
تفو "حشاكم" عليك وبدت تسب فيه ومحمد ياخذ
ف امه
صالحه.حسبي الله ونعم الوكيل فيك يارب خوذلي حقي
جمعة شافهم لين طلعو كلهم ومشو مجنونه وصكر باب خش يجري حبيبتي انتي كويسه صارتلك حاجه
ورده . امشي غادي انت مخذيتليش حقي
جمعة . ايش تبي بعد طردتهم
ورده . بنتك ضربتني وانت تفرج دور مع من تبات
جمعة . لا ياقلبي خليك وين ماشيه
ورده . ومن قالك ماشيه ان شاء الله انت اللي هتمشي هي اطلع منبيش نشوف وجهك هي برا
جمعة ربي يثبت علينا العقل ودين لبس جاكته وطلع

منى . فتحت عيونها شافات روحها ف دارها ع سريرها حطت يدها ع راسها وبدت تذكر
خالد . وعيتي بنحكي معاك
منى . راسي يوجع في شن صار معاي
خالد . اللي ف بطنك هذ مني ولا من واحد اخر
منى . شن تقول انت
خالد . مش عارفه روحك انتي حامل يامدام
منى . شن تقول انت
خالد . بنفهم حاجه وحده حد غيري لمسك
منى . حولت الورغان من ع جسمها وقفت قربت منه انت شن تحسب روحك انا قبلت كل انواع الاهانه ضربك وسبك لي ورضيت نرقد ف مكان
حتى قطوس مايرقد فيه انا بيني وبين الموت شعره
وتحملت وقلت نستاهل لاني غلطت بس لحد هنا
وخلاص انت شنو يااخي ماعندكش ضمير لدرجة هذ
انا لما بديت ع ذمتك عيني مرفعتهاش ف راجل غيرك والكلام اللي قتلك عليه كله قبل زواج بس لعند هنا وخلاص كل اللي صار في كوم وانك تشكك
ف شرفي واخلاقي كوم ثاني مستحيل نسمح لحد
يشوه سمعتي نحنا وصلنا طريق مسدود كل حد
يمشي ف حاله وصدقني اول مايجي ه العيل نعزقه لك لاني مانبيش منك شي تعبت وقرفت خلاص انت من من تحسب روحك سادك ظلم وقهر تعبت لو
كان حجر كان حن عليا منك ومشت تضم ف دبشها
خالد . تحسبيني باكي عليك الباب يفوت جمل