ضحايا بلادي

السابع والخمسون

ضحايا بلادي
"مجزرة العشاق"
بقلم يحيى إدريس
البارت السابع والخمسون "57"

نار تاكل ف الحوش وجارات يتفرجن واللي فازع ب اميه يطفي ف نار واللي يدور ع حد ينقذه ..
رقيه . بناتي حي عليا بناتي ينعلي ياربي تلطف بينا
جت صالحه تجري جايبه معاها محرمه وبطانيه
غطت بيهن رقيه اللي كانت تعيط وصالحه حضنتها
ورقيه تبكي ..
طلع الحسن وهو يكح سيارة الاسعاف وشارع
انقلب حزن ..
ودعاء لبنات رقيه ..
خشت صالحه وجهها حزين ..
بتول . طلعت من دار قالت ل امها كنك
صالحه . حوش عمتك رقيه ولعت فيه نار
حطت بتول يدها ع فمها من صدمه ..
صالحه . الحوش عدا فيها ويستر الله ع البنات
بتول . قعدت واقفه جامده ف مكانها لعند ماامها خشت لدار وصكر باب مشت حتى هي خشت لدار
خذت تليفونها بترن على ارويدا تذكرت انهن متعاركات بعدين الحسن واذكرت انه متزوج دموعها
نزلو وقالت استغفر الله ياربي متاخذش بدعائي لحظة غضب يارب انا مسامحتهم مسامحتهم ..
..
منى حطت يدها ف يد خالد وهي مبتسمه ..
وكانت هتمشي معاه بس عيطه اعمر قال ماما ..
والاء تبكي ..
منى . شافت لعيالها بعدين شافت ليد خالد كيف رخت يدها لا ماتسيبنيش خالد ..
خالد لازم واحد فينا يقعد معاهم عيالنا محتاجينلك
منى . وانا محتاجتلك لا ماتمشيش خالد
عموري . ماما ماما
منى .خالد وين ماشي متسيبنيش بروحي خالد خاالد
تنطرت مع اخر صدمة كهرپائية ورد جهاز القلب يعطي ف انذار طبيعي غمض دكتور عيونه براحه
والممرضات قالن الحمدلله ..
جمعه يبكي ويقول شن في كنها بنتي ..
شهد . دموعها نزلو ها كنكم شن صار
اطمنو المريضه قويه ومزالت بتعيش شكلها ..
شهد قعمزت وحطت يديها ع وجهها ..
وجمعه قال الحمدلله ياربي ..
...
محطوطه بنتها ف تابوت وباين وجهها ..
هند .  مزلتي صغيره ع الموت شن شفتي بيش ديري هكي ياعمري ياكبدي انتي يابنتي كنت بنلبسك فيلوك وطرحه بتاعك ياماما بنشوفك بالفيلو الابيض
مش بكفنك حطت راسها ع وجه بنتها وانهارت بكاء
وكامله وراها حاطه الوشاح ع فمها وتبكي وحنان وريما يتباكن وابتسام كانت تبكي من جدها ع كلام
خالتها ..
هند . هكي ديري هك هكي هكي تموتي  ليش ليش ليششش ليش وبدت تخبط على وجهها وتعيط خش راجلها ولدها يسكتو  فيها وهي ولا قالت نهدا كملتها عياط ونديب ..
بنتي بنتي اول ماشافتهم صكرو عليها تابوت وخذوها
قعدت تعيط للاااه بنتيييي متاخذوهش بنتي ياربيييي
يايمييي ...
..
طلع الحسن وهو كله سواد من كثر دخان ..
شافتله رقيه بلهفه شن قال دكتور بناتي كويسات
صح مانحرقنش ماتقولش انحرقن تشمت في صالحه وبناتها ماتقولهاش هذين بنات يقعدنلي ف رقبه
ارويدا . اهدي ياماما بعدين ف عمليات تجميل وهك
وسن . اهم حاجه صحتهن كويسه اعميمه الباقي ساهل مقدور عليه
رقيه . صدقتن صدقتن انت عدي غير دبشك وتريح سلم اوليدي خليني نشوف خياتك
الحسن يشوف لأمه وقعمز ع الارض بهده
رقيه . بسم الله كنك
الحسن وهو يرتعد ماتن رغد ورهف ماتن يامي ماتن
رقيه . لااااااااه بناتي صغار ع الموت لاااااه 
ارويدا تبكي ورقيه تقول لا لا اكيد مشبهين عليهن
امس كانن حذايا ويحكنلي بنياتي وناساتي بنياتي
لا ياربي كنت تاخذ وحده وتسيبلي وحده الاثنين
ياربي الاثنين وكانت تحكي وهي تعيط الاثنين عليش
عليش بناتي هااه  آااااااااااااه
وانقلب المستشفى عياط وبكاء
وارويدا تمسك في امها اللي معش عندها صبر
تبي تفر فر ..
...
كانت هند ف المستشفى كل ماتوعى تعيط وتصرخ
يعطوها مهدئات ترقد والعزاء ..
كل ناس تحكي وتتهامس ...
ماانتحرت الا حاجه كبيرة صايرتلها ..
اكيد دايره علاقه وحبيبها سببها طالعه موضه توا اللي يسيبها صاحبها تمشي تنتحر ..
ييييه عليك بنات اخر وقت طاح سعدهن والله ماننتحر عشان راجل ان شاء الله يقعد جورج كلوني
لا كان جورج كلوني ننتحر وضحكت هي واللي حذاها
وكامله مش عاجبها ضحك وسهوكه ورقيتلها ..
واللي تجي تبكي وتنشد عن هند ..
وين مراتٍ ولدهم يييه هذي الاخرى قالو خواتها
الاثنين توفن
يامينتي صغيرات من شن ..
اها رقدن وضي طافي لما جا ضي كان قوي ودفايه والعه شاطت فيهن نار
يانعلي سملا ع امهن ..
اي والله سملا ع الام ربي مايذوقها لصاحب ..
امين ..
..
كانت رقيه مربعه فوق صالون وسط المعزيات
العزاء كان ف حوش جيران اللي حذاهم طول
فتحولهم حوشهم يديرو فيه العزاء ..
رقيه بناتي بناتي عندي 3 بنات ارويدا ورهف ورغد
هذي ارويدا هذي متزوجة ورهف ورغد قاعدات يكتبن ف واجبهن توا يجن رهف ورغد يارهف يارغد
هي نمشو لحوشنا ..
خشت بتول كل الحاضرات منصدمات ..
يعني صالحه ف صبح وتوا بتول بعد كلام اللي تقول
فيه رقيه عليهن قدمت بتول عزت ارويدا ..
بتول . عظم الله اجرك
ارويدا . اجرك واجرنا على الله
بتول . وقفت عند رقيه ربي يصبرك ياعمتي الله يرحمهن عظم الله اجرك ..
رقيه . جايه شامته في شامته صح
بتول .. شافت نظرات ناس كلها لها جت بتطلع
لحقنها ارويدا مسكتها من معصم يدها ..
ارويدا . بتول سامحيني
بتول . الله يسامحك
ارويدا . رهف ورغد يابتول خياتي لصغار
بتول . الله يرحمهن ويسامحهن انا بنمشي
ارويدا . بتول
بتول . شافتلها
ارويدا حضنتها وانهارت بكاء انا اسفه اسفه اسفه
بتول . ساكته وخلاص دوب ماطبطبت ع ارويدا ..
...
مدلها شيشه اميه
شافتله شهد خذت شيشة اميه وبدت تشرب ..
غيث . سادك ياشهد قعدتك هنا مش ه دير حل ..
شهد . مانقدرش نسيبها
غيث . معاها الله وثم دكاتره وممنوع انك تقعدي معاها انتي شوفي مكملتها ع كرسي ولا مصبيه متجيش ..
شهد فنصت فيه . اختي هذ ..
غيث ابتسم لو صارلي شي هتقعدي معاي هك ..
شهد . ارمقاته بنظره حاده وشافت لقدامها
غيث . شن في لك فترة تجاهلي فيا وتصدي
شهد . مافي شي انت شايف ظروف بروحك
غيث . من قبل قصة اختك ياشهد انا مش عاجبك
شهد . بلعت ريقها وقعدت ساكته
غيث . ابتسم وقال متخافيش قولي
شهد . فركت يديها ف بعض انا مش عارفه حاجه
غيث . تبيني ولا
شهد . رفعت حواجبها وقالت نستاذن منك وناضت
غيث . ابتسم ع جنب وضيق عيونه وهو يشوفلها
طلعت برا المستشفى حطت يدها رقبتها غمضت
عيونها وتقول يارب فكني من ه المصيبه ..
...
فارس . عظم الله اجرك
الحسن مقعمز دموعه ينزلو وهو يشوف قدامه
جمعه  . ان شاء الله في جنه مثواهن
الحسن . غمض عيونه ودموعه ينزلو لا إرادي منه
مايتذكر كان ف اصواتهن ...
الحسن جيبلي ميلكا لا جيب كندر ..
الحسن ارويدا ضربتني عشان كسرت شحنها ..
الحسن نبي بيتزا لا همبرغر ..
الحسن لا هذي لاهذي فزي ياارويدا ديريلنا دحي
اوف منك يالحسن اوف ..
الحسن . يشوف لحواليه ناض من حذاهم خش
لحوشهم كان كله عباره سواد من الحرق كل مايخش بمكان يسمع اصواتهن شاف امه مربعه
ف صاله قال امي شن اديري هنا ..
رقيه . نشوف خياتك
الحسن ، هي نوضي معاي
رقيه . كانن هنا مرقدات انا سيبتهن بروحهن ياريتني رقدت معاهن ومتت معاهن انا قلتلهن رقدن اااه
يابناتي اااه ياحبيباتي صغيرات ع الموت صغيرات
الحسن حضن امه وهو يبكي وهي تعيط بكل الم
...
خشت شهد شافت عموري قاعد ع تليفون
وفاتح يوتيوب يتفرج ع اغنية
انتي الامان
انتي الحنان
من تحت قدميكي لنا الجنان
عندما تضحكين تضحك الحياة
تزهر الآمال طريقنا نحس بالامان
امي امي امي نبض قلبي نبع الحنان
انتي الامان
انتي الحنان
من تحت قدميكي لنا الجنان
من عطائكي تخجلي ،ابدا لم تتململي
ياشمعة دربي يا بلسم الزماااااااااااااااان
امي امي امي نبض قلبي نبع الحنان
شهد . قعمزت ع روس صوابعها عموري شن دير
اعمر . مش قلتيلي مله نكتب حاجه نبيها تطلع هنا
شافتله وقالت اها اي حاجه تبيها ابحث عنها ..
اعمر . قت نبي امي جتني اغنيه هادي
شهد ابتسمت بألم . تعرف تكتب انت
اعمر . لا صوت اهو توفي
شهد قربت باساته توا تجي ياحبيبي خلاص ..
اعمر . خوديني لها توا لايفت عليها
شهد . حاضر ياعمري حاضر وحضناته وهي تبكي
ورقدو هما الاثنين وعيت ع صوت ضحك وزغاريت
طلعت من دار وهي تقول شن في بتول وصالحه
وفارس مصبيين حذا الكوجينه ..
صالحه . باهي الحمدلله نحنا جايين شوي بس
محمد . اوكي
صالحه . زغرتو منى وعيت
شهد ابتسمت بفرحه حتى من عيونها ضحكو وقالت الحمدلله ..
صالحه والله لولا صوتي مبحوح راني زغرتت ..
فارس حط يده فوق فمه وزغرت ضحكت شهد
ومعاها بتول شاركاته ف زغريت ...
بتول . حي فارس يزغرت احسن مني
شهد . فارس سيب طيران وخش ع الفرق وزمزمات يكسبن را تطلع ف الافراح وتقول هي هو اشطحن يابنات فارس سلح اللي ف كراعه ويجري وراها وهي
تضحك ..
...
منى . عيالي عموري والاء شن صار فيهم ..
محمد . كويسين قاعدين مافيهم شي ..
منى . مش مصدقه معقوله رقدت 4 ايام هنا ..
جمعه . حمدلله تنذكر وماتنعاد ..
منى . ابتسمت لبوها
وهو ابتسملها ..
محمد شفشفلها شعرها تقيسي في غلاك ..
منى . بيش خير مني بتول حتى نا نبي شوكولاطات
ضحك محمد وضحكت معاه منى اما جمعه ماكانش فاهم شي ..
...
مؤيد دموعه نزلو وين يتذكر كيف كان يعامل فيها
ندم وياريتني مادرت هكي ودرت هكي وحمل نفسه
ذنب
ابتسام .اخر مره هزبتها وين نخطم مانسلمش عليها
ندى . الله يرحمها بس اكيد مالهاش علاقه بيك
ابتسام . حاسه روحي حقيره وانا سبب ف هذ كله
ندى . ماتقوليش هكي مالكش ذنب هي كانت مستفزه الله يرحمها استغفر الله وخلاص ..
خشت رحاب
ابتسام . كيف حالها خالتي
رحاب . اتكت ع المصطبى توعى تصرخ وتعيط يعطوها ابره مهدئ ترقد اخرى معش قدرت نتحمل نفسيتي تعبت غادي خليت ريما تمشي مكاني
ابتسام . حي هيا وماما متعاركات اصلا
رحاب . خوات وكان مالقتها ف الوقت هذا امتى يتلقاها
ابتسام . دموعها نزلو ياريت ناس تتعظ وتخاف بدون ماتخسر حد عزيز عليها ..
رحاب . بنمشي نرقد نا راسي بينفجر
مؤيد . كان يمشي شاف وليد يبكي ف تركينه بروحه
قعمز حذاه وحط يده ع. كتفه ..
وليد يمسح ف دموعه عمري ماحنيت عليها ..
طول وقت جافي معاها واناني مانفكر غير ف روحي
هيا مالقتش مني اهتمام عمري ماقلتلها هي نطلعك
ولا جبتلها حاجه تفرحها مرات نخطم عليها حتى خبر مانقول فيها نبقو متعاركين ومتقاطعين بالشهور ياريتها ترد وعمري مانزعلها عمري ..
حضنه مؤيد وليد يبكي من جد جده ..
...
انفتح الباب ..
كانت شهد تلعب مع عموري ف لعبة تركيب
وسط صاله والاء ف كرسي الهزاز تلعب فيها بتول
مع خشة جمعه ومعاه منى ابتسمت وقالت عموري
اعمر برم ولما شافها قال ماما صبا يجري حضنها
من كرعيها طبستله حضناته بقوة تبوس فيه ..
رايفت عليك ياعيوني ياعمري انت وهو حاضنها
بكل قوة خايف منها معش يشوفها اخرى وهي قالتله خليني نشوف خيتك مشتلها وباستها ..
جنها بتول وشهد هييه حتى نحنا خواتك حضننها
وهي تضحك دفتهن صالحه ويومها دارو ..
عشاء جت في عتيقه ورنده ومنيره ببنتها وماجده واسماء ..
اسماء . سمعو بحوش عمي سعد
شهد . كنهم
اسماء . قصفوه عدا فيها بالكامل
شهد . نحنا نت رايح عندنا ومافيش تواصل
اسماء . يعني عمتي معندهاش علم
هزت شهد راسها بنفي
منى. الله يرحمهم ويسامحهم
بتول  . عزيتو انتو
اسماء . لالا اصلا مصكرين درنة حتى فاطمة بتمشي لهلها ماخلوهاش ممنوع
شهد . من فاطمة
اسماء . العرب اللي قعدت عندهم
..
ماجده . الله غالب هذ حد عمرهم
صالحه . تبكي ف الكوجينه يانعلي ياهلي ياللي ماقعد منهم حد يانعلي ياخوتي وعويلتهم ..
ماجده . ادعيلهم يرحمه
صالحه . ربي يرحمهم ويسامحهم وهي تذرف ف دموعها ..
...
بعد تحمدولها بسلامه روحو كلهم بعد العشاء
وحتى اسماء حلفولها بس ماقدرت ..
جمعة . منى عطيني جوازك
شافتله شهد وبتول ..
ناضت منى وهي تقول شن تبي فيه ..
جمعه . ندير اجراءات طالع انا وامك وبناخذك معانا للعمره ..
ابتسمت منى ومعاها شهد قالت فيها حق ..
ضحك جمعه وضحكت شهد ..
منى مدتله جواز سفر ..
منى . ربي يحفظك لنا ويطول بعمرك وباست راسه
طلع جمعه وصكر باب وراه ..
بتول . اسملا علينا
شهد . مدرعن من هلنا نحنا وقعدن يضاحكن ..
..
الطالبة شهد جمعة عبد الرحمن الترتيب الاول ..
طلعت شهد الاولى ع دفعتها وفرحة بوها وامها
وخوتها حتى من فارس حط صوابعه ففمه وصفرلها
وبتول تزغرتلها ومنى تضفقلها وهي مبتسمه ..
عيون غيث يلمعو بفرح وحب ..
واسلام اللي قاعد ف اخر كرسي يشوفلها ..
واقفه واثقه من نفسها ابتسامه بسيطه ع وجهها ..
انا ماوصلتش هنا بساهل في ناس واجد تعبو معاي
ماما حبيبتي كانت معاي خطوه بخطوه هي وبابا ربي
يحفظهم ليًا ويطول بعمرهم ..
واحد من شباب صفقه لبابا وقعدو يسفترو ..
تغاضت عنهم شهد وكملت خوتي وخواتي ..
واخيرا للانسان اللي ياما دعمني وقف ف ضهري ..
غيث مبتسم ..
واسلام عيونه يلمعو بدموع ..
شهد طبست راسها وقالت لولاهم ما كنتش وصلت هنا شكرا وسلمت ع اعضاء هيئة تدريس وعميد الكلية ومشرفه اللي عليها بعد خذت نتيجتها ..
كملتها تصوير وهي كل مره حركه ..
فجأة بدون ماتحس شافت اسلام ..
اسلام . مبروك ..
شهد . الله يبارك فيك جت بتمشي ..
اسلام . اخر حد شكرتيه نا صح كنتي تعرفي ان موجود
شهد . من قال اني نتكلم عنك ..
اسلام . صدقيني هذا ماينفعلكش ياشهد ..
شهد . من ينفعني انت
اسلام . مستعد نضحي بعمري عشانك ..
شهد. خلي عمرك لك وخليني في حالي بالله عليك ..
اسلام . نحبك ياشهد ..
شهد . شافتله وقعدت ساكته ..
غيث . شهد
هي برمت شافت لغيث وراها قعدت منصدمه
وقعدت ف نص بين غيث واسلام ..
غيث . يشوفلها بنظره كلها توعد وشر ..
واسلام . يشوفلها بنظرات ترجي وحب وندم ..
وع قولة شيرين يابتفكر يابتحس مافيك توقف بنص ..
للحديث بقيه ..