ضحايا بلادي

الأربعون

ضحايا بلادي
بقلم يحيى إدريس

فتحت القفص وحطتله اميه وغيرتله لوكال وهي مبتسمه صكرت القفص سمعت باب خارجي يطق مشت تفتح الباب طلعو قدامها منى وخالد وخرت عن الباب ومنى قالت مافيش حمدلله ع سلامه ياقرده وفتحت يديها شهدحضنتها
منى . مبتسمه خش ياخالد هه متحشم خالد
شهد . توا نخش نا ومشت تجري وبعدين تنحنح
ومنى . خشت سلمت ع امها وبوها وخوها
صالحه. احلى مفاجأة درتوها والله
منى . وين عموري
طلعت شهد بيه ومنى وخالد اول ماشافوه ابتسمو
منى .حبيبي رايفتلك خذاته من شهد بدت تبوس فيه
واعمر . يبرم ف راسه يبحت ف شهد مايبيش منى
منى . بحت هنا انا امك عموري
خالد. حي عليك يامنى العيل معش يقبلك
منى . شافت ل اعمر وقعدت تلاعبه وتحاول تضحكه بس منجحتش كان يبي يجي لشهد
منى . والله مانك ماشيلها هي
كلهم ضحكو كيف منى متعصبه من اعمر
خالد . تعال بابا تعال
اعمر . ضحك ونغا بالصوت
خالد . يشيرله بيديه بمعنى تعال
اعمر ، دار نفس صوت بضحكه
منى . عطاته لخالد
خالد . مجرد ماخذاه الولد متنح يضحكله
وخالد مش عارف عليش يضحك يشوف فيا مهرج
صالحه . حتى شهد كانت هك مع بوها زمان
منى . هذ عيل يمي مش بنت
شهد . تبي تغطسي حتى ف مشاعر طفل
واعمر يضحك لخالد وخالد يلاعب فيه ويضحكله
كان منظر جميل بالمره وخالد طلع وقال توا نرد عليك بعدين ومنى جاوبت بالموافقه ..
خشت بتول سلمت عليه بالكلام وهو طلع
منى . وينك ياهرابه تعالي سلمي
بتول . حمدلله ع سلامتك
منى . الله يسلمك
صالحه. وين تطويل هذا كله ع اساس ساعة عشية
بتول . ماحسيتش بالوقت
شهد . نمشي نشوف الببغاء
بتول . نمشي نقرا استاذ الكيمياء بكرة يسأل
منى . لحقت شهد بعيونها لعند اختفت من قدامها
صالحه . تلاعب في خالد وتقلد ف صوته
منى . شخبارها شهد
صالحه . على حطة يدك لا يوم ريتها تبكي ولا دارت ف روحها حاجه
منى . معناها اطمني شكلها متحبش
صالحه .صراحه مش راضيه عليه من الأول غير مانبيش نكسر فرحتها
منى . ولد خالة خالد يمي راجل مهندس وماشاء الله عليه لطت عليه
صالحه . وكنك ماقلتيلي يامنجوهه
منى . نسألها هي قبل خفت نقولك انتي توافقي وهي ترفض نتحشم مع العرب ..
صالحه . البنت هذي بنعرف شن تبي بس
منى .كان غير ربي ماعطاها لو خذاته يدلعها ويستتها
صالحه . بنتي فقريه تحب الفقر
بتول . تربعت فوق سريرها وطلعت تليفون من جيب المخده وبدت تكتب ف رقم وترن ..
الحسن . حبيبتي
بتول . اكتسى وجهها بلون الاحمر
الحسن . الو اقعدي ف تغطيه
بتول . نسمع فيك
الحسن . نجك لي ياللي تسمع في يوماتي نحكيلك وتسمعلي مانخلي والي غيرك يسمعلي ..
بتول  . ضحكت
الحسن . احكي خيرك تبكشتي
بتول . ماهو مش عارفه شن نقول
الحسن . قولي ياعمر الحسن ياقلب الحسن
بتول زادت ضحكت انت من امتى تحبني يعني كيف .
الحسن . من زمان من اول ماريتك ذهبتي العقل يابنت
بتول   . يعني هك ذكرني ب أول موقف
الحسن . زمان بكل نشوف فيك بنت صغيره تقول سمحه وكنتي تنزمطي زمط نحب نحكي معاك ونلعبك بس بعدها بديتي تكبري ولسانك يطول حسيت شورك حاجات غريبه كل مانشوفك قلبي
يلهفلك ندير روحي معصب ونا عجبتني شخصيتك
عيونك بروحهن خذني يابنت وذهبنلي شيرتي ...
بتول تمروح ع وجهها ومش قادره قريب تزغرت
الحسن . الو تسمعي فيا ..
بتول   . نسمع فيك اها
الحسن . شكلك مش فاضيه
بتول  . لا فاضيه بس خايفه حد يسمعني ويخش
الحسن . لا تخافي انا عشان مزلتي ف ثانوي مبيش نعطي فيك كلمه بس صراحه حال الغايه اليوم قبل
بكرة نريدك مرتي وام صغاري ...
وبتول تسمع وعيونها قلوب وقلبها يدلف ..
شهد . تلاعب ف الببغاء
منى . عليك قرف ياشهد سادك
شهد . شدخلك انتي بعدين هو مش عندك كيف تعاملي معاه
منى . لااااع بينه بين خالد مستحيل نقربه انا
شهد ، حرام عليك حد يكره الكائنات جميلة هذ
منى . في انا
شقلبت شهد عيونها ..
صالحه . حلو البالطو بتاعك شريتيه جديد
منى . كله خذيته من موسكو لبس طلوع لبس حوش
صالحه . اكيد دارك مغرقه دبشها لفمها ..
منى . اها خلاص نلبس الحاجه مره اثنين ونحرقها
صالحه . عليش يابنتي
منى . لو عزقتها او عطيتها يديرو فيها سحر ولا حاجه
صالحه . اهن خيانة بذات شهد جامعة ماعندها غير بالطو واحد من 3 سنين تلبس فيه عطيها مسيكينه
منى . جبتلها بالطو خذيته سنه اللي فاتت عجبها عليا حطاته ع طاوله شهوده تعالي جربي ..
شهد . عيونها لمعو بدموع انا منشحتش مانبي شي
صالحه . هذ من اختك مش شحته
منى . شفتي كل حاجه نديرها تنفهم غلط
صالحه . خلك منها توا تاخذه بتول ..
منى هزت راسها
وشهد خشت فتحت باب دار بقوة بتول نزلت تليفون من ع وذنها بسم الله كنك تقول جارده
في اختراع اسمه طق تخيلي عريانه ولا حاجه
شهد خشت سريرها وغمت روحها بالبطانيه
بتول . بهمس عيوني
الحسن . ياقلب عيونك
بتول . بنصكر نا اختي خشت
الحسن . عينك من روحك
بتول . حتى انت هي باي
الحسن . اوكي وانتهت مكالمة
..
هند . على جثتي تاخذها على جثتي
وليد . نبيها ونحبها تبو ولا ماتبو
هند . كلمه وقلتها تبيني نغضب عليك خوذها والله ماتربح
وليد . تمام يمي تمام وطلع
هند . ريت الفرخ مزال ماطلع من دحيه ويبي يجوز
كامله . طيح سعده
ريما . عليش طيحوله ف سعده ولدك يبي الحلال وافقي
هند . كذا اسكتي انتي ولدي مزال صغير ومضحكه
كامله . مش عارفه عليش ميتين عليهن بنات ** ذكرت اسم الحي بتاعهم ..
...
خالد . بكرة نمشو ل امي تمام
منى . هزت براسها بضيق
خالد . كنك صاير معاك حاجه
منى . لا
خالد . طلع الببغاء من القفص وحطه ع كتفه
خالد . يامنى يامنمن
الببغاء . منى يامنمن
منى . لا ياخالد لا وراسك لا
وخالد . يضحك ويجري وراها
وهي تعيط والببغاء يقول خالد ياخالد
لعند حلفاته بالله ..
خالد . رد الببغاء ف القفص وقعمز حذاها كنك خوافه
منى . منحبهنش نتقرف من طيور والحيوانات وكل حاجه
خالد . حتى نا
منى . مستحيل وقربت عليه خالد تحبني
خالد . نموت فيك
منى . بيع الببغاء
خالد. قعد ساكت وعقد حواجبه
منى . حطت يدها ع خده كنك حبيبي
خالد . شي تصبحي ع خير خذا مخده وبطانيه وطلع
منى . هذا كنه
ثاني يوم صبح ..
وعيت شافت اعمر واعي ف سرير يحرك ف كرعيه
ابتسمت وتحكي بصوت طفولي تبي رضاعه حبيبي
انت ياقرد تبي رضاعه فشش خلي بوك وشهد يديرولك واعمر ابتسم ابتسمت هابا عليك عشان
مصلحتك شافت خالد وعا
منى . برمت عليه صباح الخير
خالد . ماردش عليها وخش يغسل ف وجه
منى . مشت دير ف فطور شافاته مقعمز ف صاله
ع تليفونه هيا تعال افطر ع ماوكلت عموري مارد
منى . مشت وكلت ولدها ورقداته ونزلت شافاته
مقعمز يتفرج ع تلفزيون قعمزت جنبه تفرج سمح
المسلسل هذا
خالد غير القناة ..
منى . كنك ماتحكي معاي
خالد . غمض عيونه بنفاذ صبر كان تبي هلي هي نشيلك توا
منى . لازم نفهم كنك شن في
خالد . ما كني شي وهي
منى . ناضت لبست ولدها ولبست هي وطلعت
وهو يسوق ومعصب لعند وصلو عند هله قال انزلي
نزلت وهو طلع يجري بسيارة خشت لحوش وطلقت سلام كامله وهي مطبقه يديها ع صدرها وعليكم سلام
منى. نحنا جينا ياجديده ..
كامله . ابتسمت وخذت منها العيل
منى . شخباركم
كامله . كان يهمك را اول ما روحتو جيتونا هنا
منى . حاولت اتمالك اعصابها متبيش دير مشكله
كامله . قالبه ولدي علي اول حاجه طلعتكم من الحوش وخليتيه ياخذلك قصر بروحك وجبدتي
كراعك عنا وبعدين حتى هو خذيتيه معاك نشوفوه
بعد وين وين وتسافرون بدون ماتقولو ولما تروحو
تمشي تاخذيه لهلك وماتقوليله هي لهلك حتى لما
جيتو جيتي بروحك مكرهتيه فيا الله يكرهك ف عيشتك
منى . منصدمه ولدك بروحه هكي مش نا
كامله . اسكتي ولا كلمه يالفعه عرفتك انتي تفتني فيه علينا لكن ياويلك من ربك اهو عندك اوليد
وربي يردها لكي فيه كي مانشوف فيك توا بكرة
يجوز ويعزقك هنك كيف ما درتيلي هيصيرلك
منى . ناضت وعيونها مدمعات طلعت من حذاها
وكامله شافت لحفيدها ابتسمت وتقوله كوتي كوتي
وحفيدها ابتسملها وبدت تبوس فيه نجك ليًا نجك
منى . طلعت ف الحاجر حطت يدها ع رقبتها بتبكي
اعمر . مرحبا ببنيتي نورتينا
منى . رسمت ابتسامه اهلين عمو
اعمر . قعمزي قعمزي
كان 4 كراسي سعف وطاوله قعمزت ع واحد منهن
وهو قعمز خذاها كنك مضايقه حد ضايقك ..
منى . مش عارفه
اعمر . كيف مش عارفه
منى . انا نكره حاجه اسمها حيوانات وطيور
اعمر . وباهي
منى . خالد جاب ببغاء من فترة طويله
اعمر ابتسم وباهي ..
منى . انا ننقرف منه نخليه فيه هو يوكله ويشربه وحتى لما سافرنا حطيته عند هلي مع عموري اهتمو بيه مهم اما روحنا طلعه من قفص ونا عيطت وعصبت وقتله بيعه زعل مني وقلب وجهه عني
وحتى خير ربي مايقول فيها حطني هنا وما قال شي
نا غلطت ياعمو قول صح منحبش وهو يلعب بيهن
ويبيني كيفه معاه ولما قتله بيع معش كلمني ..
اعمر . ضحك ياوالله عليك خالد
منى مسحت دموعها شن في ...
اعمر . ياستي زمان بكل جبت عصفور لخالد وين خالد عند العصفور وين العصفور مع خالد لعند عمر 7 سنين مره سيبنا العصفور يتشمس وطلعنا
لبحر ونسيناه بكل اما روح خالد لهى عنه ورقد ثاني
يوم لقاه ميت الولد جاته صدمه لا حكي لا كلى لا شرب لعند ماجبتله ببغاء تعلق بيه وبدا يحبه ...
ورد خالد زي زمان لعند ما مره سقط عاقبته وقتله
معش قعد لك هذ بتاعي تجننن خالد وكان ديما يشوف فيه ب سر ويهتم فيه لعند ماتزوجك وخذاه
من وراي كنت عارف انه هو اللي واخذه ويقولي شريته من المحل قتله متكذبش اعترف انه خذاه
تخيلي راجل طول بعرض زي خالد يدير هكي ..
منى ابتسمت بوجع يعني يحبه اكثر مني
اعمر . انتي عاملي الببغاء كويس شوفي كيف يزيد حبه لك
منى . نجربو
اعمر . هي يابنتي بنشوف حفيدي وينه سميتي
منى . ضحكت ولحقاته
...
لابسه بالطو اسود ونازله من دروج جامعه شافها
ابتسم وهي واقفه مع طالبه من طالبات تحكي معاهن
ساره . شن خذيتو دكتور مباش يخششني
وشهد بدت تحكي لصاحبتها وعطتها شيت عشان تصوره وهو معجب بشخصيتها وطريقتها ف كلام
ابتسامتها حركاتها نظرة عيونها شافتله ارمقاته بنظرة حاده ..
خاف منها وخر ورد من وين ماجا ..
لعند رن تليفونه طلع من جيب بالطو بتاعه
رد ع مكالمه الهاتفية ..
الو ياذيب ..
نعم . ياجلال
جلال . ياذيب المحروس اللي طلبته قاعد عندي
الذيب . خليه يوقع ع الاوراق المطلوبه وصفيه
جلال . تم يالذيب
الذيب . حط تليفون ف جيبه
وشاف شهد طالعه بشيتاتها وحاطه يدها ع جبينها
ادور على صحبتها شافتها مشتلها ابتسمت وحضنته
وذيب قال اه ياريتني نا بس ..
شهد . هلباتك المحاضره
رحمه . مشيت سجلت ف دورة الحلويات ه المره انتي معاي
شهد . تمام نطلعو من جامعة نمشو
رحمه . خلاص متحمسه شوفي نفتحو صفحة ع الفيس ونبدو نزلو شغلنا عليه ..
ضحكت شهد . غير يولد ويسموه تخيلي فشلنا
رحمه.مستحيل نحنا قدها وقدود وترقص ف كتوفها
شهد . ضحكت بصوت عالي
وذيب عيونه عليها وع ضحكتها ومبتسم
هي تضحك من قلبها ع كلام رحمه ..
...
فتحت القفص وبدت تحط وكال للببغاء
شافها خالد ابتسم ودار روحه لاهي عنها
منى . بدت تلاعب ف الببغاء وتبصر عليه
وخالد . متجاهل
لعند منى حاولت تمسك الببغاء دار عليها وهي عيطت وخالد قعد يضحك لعند وخر راسه وهو
يتفرج عليها منى شاطر شاطر وقعدت تحاول تلمسه
خالد . شن صاير ف دنيا
منى . عشان رضاك علينا ياغالينا ولافنى ع الببغاء وكل زينه ..
خالد . ابتسم
منى . اسفه ياخالد
خالد . دار روحه مايسمعش
الببغاء . خالد
منى ضحكت . عشانه هو باهي
خالد . تعالي خشت ف حضنه
خالد . قطوسه
منى . ميوووو
خالد . ضحك والببغاء قلد منى ف صوت
..
رحمه . ف واحد يلحق فينا من بدري
شهد ، هي نركبو الحافله انتي تخيلي مجرد ماجت
بتركب التفتت شافاته هو نفسه دكتور اللي عليها
نفسه اللي تلاقت عنده عند منى وانخبطت فيه
شافتله وهي تجمع ف المواقف وهو ابتسم وهي
ركبت ومش عارفه شن صارلها وليش يلحق فيها
رحمه . شهد هذ دكتورنا سنة اللي فاتت شن يبي يلحق فينا
شهد . ساكته وخلاص وتجمع ف مواقف
رحمه . شهد
شهد .

...
الحسن . ياامي ناوي نخطب
رقيه . ابتسمت هذ اليوم اللي نراجي فيه من من
الحسن . بتول بنت عمتي صالحه وعمي جمعه
رقيه .
ومن صاله لدار البنات كانت ارويدا تحكي مع وليد
وليد. شن رايك مانهربو ونحطوهم تحت الامر الواقع
ارويدا . بس
وليد . مابسش اختاري
...
صالحه . فتحت الباب وانصدمت باللي شافاته
فارس . امي
صالحه . دموعها نزلو وليدي و
...
حطت دبشها ف شنطه كبيرة وهي تبكي خشت لدار امها خذت جواز السفر كتيب العيلة وطلعت وهي لابسه الاسدال صكرت الباب وراها ..