ضحايا بلادي

الثامن والعشرين

تشويق ...
مقعمز يشوف دمار مدينته ومسيب حبيبة قلبه
وصغاره الاثنين ولا لقى حبيبته ولا لقى صغاره
ولا لقى الشقه اللي عايشين فيها اخر مره شافها
كان مزعلها وعايرها ندم اشد الندم  يبكي زي صبايا وجثث يمرو من قدام عيونه
جا خوها يجري وين هي ...
عيونه امتليو دموع مش عارف وانهار بكاء
بوها عيونه دمعو وقعمز بهده ع الحيطه ويتفرج ع الكارثه تمناها ف روحه ولا فيها ياربي انا عشت حياتي كنت خديتني نا وخليتها يابنتي ياحبيبتي يابنتي ويعيط زي المجانين ..

ضحايا بلادي
بقلم يحيى إدريس
البارت الثامن والعشرين

"كما تدين تدان "

عيسى . مقعمز في المربوعه ف يده البوم الصور
اسماء طلعت من دارها شافت ضي مربوعه والع
استغربت خشت شافت بوها قالت بويا شن ادير
عيسى ابتسم . تعالي بنيتي تعالي
اسماء قعمزت حذاه شن في
عيسى . نتفرج ع صور زمان
اسماء . من سمحه هذ
عيسى . عمتك صالحه
اسماء . الله كانت سمحه زمان
عيسى . مزالت سمحه غير وخذتها لجمعه بهدلتها
اسماء . خسارتها فيه
عيسى . قلب صور
اسماء . هذول خوتي صح ههه منظر ايمن
عيسى . ابتسم بحزن الله يهديه
اسماء . هذي امي تشبهلي كانت
عيسى . شكل بس لكن الطبع انا انا
اسماء . ضحكت بصوت عالي وبوها ضحك معاها
وكملو باقي ليلتهم يتفرجو ع صور  ...

في حوش اعمر كانو الاحفاد في المربوعه
مؤيد . انا بايت اليوم
وليد . شرب من شاهي كساد يراجل هنا ديما نت ضعيف
مؤيد.احسن حاجه جو كله ف قعده مع خوالي وجدي
وليد . كلي انت ممل
تقوى . كانت واقفه ورا الباب سمعتهم خشت تجري
هند . تلبس ف وشاحها تبي شي ياامي
تقوى. قعمزت حذا كامله اجديده قولي ل امي نبات
كامله . وباتي
تقوى . لا متخلينيش بس انتي قولي نبيها تساعدني
كامله . خلن البنات يباتن
ريما . سامحيني ف ابتسام منقدرش بلاها وين ماانا وين ماهي
حنان . ندى تباتي
ندى ، كان وحده منهن باتت نبات
تقوى . انا بايته
ابتسام . لبست وطلعت ورا امها ..
هند . مع سلامه يام
وطلعن ثلاثه مع بعضهن ومعاهن ابتسام
وليد . وين تقوى
مؤيد . وندى
بايتات هنا
وليد مالا حتى نا بايت
هند . ومن بيوصلنا نا وخالاتك
مؤيد عيونه قلوب . انا وشاف ابتسام طبست راسها
وليد . انت مش بايت
مؤيد . نحطهم ونرد
وطلعن كلهن
ومؤيد يحاول يبصر ويفتح مواضيع بيلفت انتباها
رفعت عيونها جت ف عيونه لانه هي راكبه من النص
ابتسم وهي غيرت وجهها جهة ثانية ..
كامله . ناضت هي تصبحو ع خير ..
تقوى . تلقي الخير اجديده
كامله . بيش تفرشن الفراشات ف مخزن وبطاطين
في دولاب كبير والامخاد جنب دولاب راكن تقربن ل امخاد الجدد
ندى . حاضر

في الملحق
تشوف ايدها لمجبسه كان خليتيني نشكي فيه بس راهو محبوس فتكينا من خلقته
صالحه. وبعدين يطلع ويفش غله فيك يابنيتي خايفه عليك
شهد . قلبت وجهها جهه ثانيه سجلت ف دورة كنت بنتعلم تورتات وتزيين  ..
صالحه . شهر جاي معلش يابنتي
شهد . معلش يدي تنكسر وقولولي معلش
صالحه فنصت فيها شهد خلاص عاد المسامح كريم
شهد . الله لا يسامحه الله يكسر يديه ويوجعه ع اعز مايملك
صالحه . شهد هذ بوك مهما كان
شهد . عيطت بغيظ ومشت رقدت
❄️❄️❄️❄️❄️❄️❄️❄️❄️❄️❄️❄️❄️