ضحايا بلادي

الخامس والعشرون

ضحايا بلادي
بقلم يحيى إدريس
البارت الخامس والعشرون
احداث رواية تبدا من 2013 وتنتهي ف زمن الحالي
تظهر المعادن للناس وقت الشدة
كثير من الناس يرتدون الأقنعة، فهناك منهم يرتدون قناع الحب والصداقة ويحملون في أنفسهم الكثير من البغضاء والكراهية، ومنهم من يرتدي قناع الإيمان وهم بعيدين عن الإيمان. وقت الضيق هو الوقت الحقيقي الذي تنكشف فيه أرواح الأصدقاء وتكشف حقيقتهم.
❄️❄️❄️❄️❄️❄️❄️❄️❄️❄️❄️
يقولو الخوت سند وسنشد عضدك بأخيك
بس اللي حاليا تشوف فيه صالحه خوتها
كسرو ضلوعها وضهرها وماخلو شي للأخوة
طلعت صالحه وبناتها وعيالها وهما شايلين دبشهم
لمكان مزال مش معروف وين رحلته بتاخذهم ..
صالحه . حابسه دموعها متبيش تنهار قدام عويلها
اما شهد كملتها تتحسب عليهم وتبكي طول طريق
.خزي عليهم خزي يقولو الخال الوالد خلخل انيابهم
زياد . ع اساس والدنا كويس حتى هو عزقنا
صالحه تضحك . اهو رد عليك العيل الصغير
محمد يسوق وملامح العصبيه ع وجهه ..
صالحه . محمد وين ماشي تعرف مكان انت
محمد . نعرف وين ماشيين
صالحه . شافت الشارع تعرفه كويس دب ف قلبها الخوف لا يامحمد رد فكنا منهم فكنا
محمد . ياامي نعرف نتصرف قتلك هي انزلو
بتول . هذ حوش منو
شهد . نزلت ودموعها نزلو وهي تذكر زمان
محمد . بدا ينزل ف دبش وانفتحت بوابه الحوش
طلع منه حاج كبير ف العمر منتصف ثمانينات عمره
محمد .قرب للحاج وكب ع راسه كيف حالك ياجدي
الحاج عبد الرحمن . بخير وشاف لصالحه
صالحه . سلمت عليه وبعدين بنات وزياد قربو
الحاج . تفضلو
ومحمد وزياد ينزلو ف دبش خشت صالحه
شافت الحاجه عتيقه مقعمزه قدامها عداله شاهي
محمد . حني
عتيقه . يامرحبا يامرحبا
محمد . باس راسها كيف حالك
عتيقه . الحمدلله ورمقت صالحه بنظره حاده متبيش تسلمي ولا شنو
صالحه . حشا وقربت كبت ع راسها
عتيقه . مش قتلك ولدي مافيش امان مايصلحلكش
صالحه . طبست راسها
وقربت لصغار سلمو على عتيقه خوفا منها بس ميعرفوهاش عكس شهد اللي تعرفها كويس سلمت بدون نيه وقعمزت حذا امها وعتيقه تلقم ف شاهي
عتيقه . على خاطر لصغار بنستقبلوك
منيره بمكر. جوزتي بنتك وماعزمتيناش
صالحه . دزيتلكم مع جمعه
منيره . وهو وينه جمعه نشوفو فيه من اصله
صالحه . طبست راسها
عتيقه . ان شاء الله بنتك تطلع بنت اصل مع عربها
منيره . لمن بتطلع ل امها مثلا اللي قلبت جمعة عليك
صالحه . واللهي العظيم جمعة بروحه هو اللي
عتيقه رفعت يدها . بس خلاص مرت ع القصة 14سنة كان تبي تبرري راك من زمان مافيش داعي
صالحه . ياعمتي انا مظلومه
منيره . عوجت فمها
شهد . عيونها امتليو دموع
عتيقه . امشو مع منيره توريكم المكان اللي تقعدو فيه
طلعن صالحه وبناتها اما زياد ومحمد مسكتهم عتيقه
منيره . فتحت باب فاصل عن حوشهم نظام ملحق
شافتله صالحه كان مليان قربج واكلته رطوبه
بتول بدت تكح من الغبره اللي في المكان ..
منيره . الحمدلله اللي ربي وراني فيك يوم ياصالحه
صالحه . خافت من منيره
شهد . كانت هترد وتهجم بس مسكتها صالحه
منيره . توا نجيبلكم مواد تنظيف المكان تبيله
شهد . كان خليتيني نفش غلي فيها
صالحه . نحنا مستحقينلهم توا منبوش نغلطو
بتول . من هذول نحنا وين
صالحه . هذول هل بوك حوش جدك
شهد . خذتها ذاكرة ل 14 سنة ورا
كانو منى وشهد يرسمو ويلونو سمعن صوت منيره وهي تكشخ على امهن
منى . انا لما بنكبر منبيش نبقى كيف ماما خدامه ويضرب فيها بابا
شهد . ولا انا مانبيش نبقى كيفها
منيره . هيييه انتي نظفي مطبخ كويس
صالحه . حاضر ومشت تجري تنظف
عتيقه  . جمعه الوحيد اللي غضيب والدين ف عيالي حصل وليه زي العسل
منيره . عسل قولي بصل هذي اخرتها خدامه
عتيقه . عيب يابنتي
صالحه . جابت حوض فيه اميه عمتي نغسلك كرعيك "حشاكم "
عتيقه فرحت . وباهي
منيره . صالحه بعد تكملي ل امي اغسليلي حتى نا
جمعه فتح عيونه بعد كان راقد طبعا ف الوقت هذ
كان الحاج عبد رحمن وعتيقه يصرفو على جمعه وعياله بس جمعه مش عاجبه لانه يشوف في خوه
بحوشه وسيارته ويبي كيفه بس بدون شغل وطبعا
مرت خوه تجي معززه مكرمه مقعمزه وصالحه هي
الخادمه بتاع الحوش حشا بس همًا شافوها طيبه ومسكينه ومغلوب على امرها كسرو عصاتها ...
شاف بناته يرسمن وحدهن ومحمد مش قاعد
نزل وشاف منظر مرته صالحه وهي تغسل ف كرعين منيره خلاص معش شاف شي هو مش واجعته مرته ولا الاهانه ولا شي بس يبي يدير مشكله
قعد يعارك ويعيط دايرين مرتي خدامه انا دايرين مرتي هك طبعا من جمعه اصلا مايهمكمش من جمعه انتو مش معتبريني بنادم انتو تعاملو في نا ومرتي معامله خدم هي صالحه ارقي فوق ..
عتيقه . صكر فمك
جمعه . مانيش مصكره صالحه ارقي فوق
منيره . مزال ماكملت تطييب الغداء وغسل عوايز
جمعة . ديريهن انتي
منيره . انا ليش شن تحق فيا قدامك
صالحه . بدت تبكي الله يسامحك يامنيره
عتيقه . بلا دموع تماسيح وكذب انتي اللي شحنتيه علينا
صالحه . انا والله لا ماصارت نخدمكم ع قلبي كيف العسل
جمعه بكذب . صالحه مش كل يوم تقوليلي هي نطلعو من هنا مليت نبي حوش بروحي كيف خوتك
عتيقه . صالحه لمًا خطبناك جمعه مكذبناش عليك قلنالك عواطلي وراقد لا خدمه لا قدمه وانتي وافقتي مع ذلك سكنتكم ف شقه فوق مني ونصرف عليكم وعلى عيالكم من وين تاكلو وتشربو كله من خيرنا حللي لقمتك يايام
صالحه . والله ماتكلمت
جمعه . صالحه كان ماتطلعي معاي توا انتي طالق
صالحه . خافت لا طالعه طالعه
عتيقه . الله لاتربحكم معش نبي نشوف وجوهكم هنا
شهد . مقعمزه ع دروج وماسكه ف الحديد وتبكي
الآن
شهد . حسبي الله ونعم الوكيل
صالحه . هي نبدو بسم الله وبدن يضمن
...
اسماء . انتي صح كنتي وراها
ماجده . ونا شدخلني تقوم القيامه تحطوها فيا
اسماء . متأكده انتي وراها لان شمعنى عمامي الوقت هذ كله ساكتين ولما مشيتي امس لعم سعد  جو يجرو طردو عمتي مش حرام عليكم طلعت دمعتها ع خدها  ماعندها وين تمشي ..
ماجده . صكري فمك يالقاقه امشي اقلبي خلقتك
اسماء .ياداير يالاقي اللي درتوه في عمتي هيرد عليكم
ماجده . امشي ياكلبه ينعنبو فيتك "حشاكم "
اسماء . خشت خبطت باب دار راقيلها
ايمن . هذي كنها صوتها عالي الفرخه
ماجده . مطرشقه ماعلينا انت وين ماشي
ايمن . طالع نصلي العصر جماعه تبي حاجه
ماجده . ربي يحفظك ياغالي ويثبتك ويتقبل منك
ايمن . اللهم امين وطلع
ماجده . الحمدلله واحد من عيالي طلع عاقل ويخاف الله نمشي نصلي حتى نا
عيسى . ايمن على وين
ايمن . طالع جامع نبي نصلي العصر تمشي يابوي
عيسى . لا نصلي في الحوش ماعندي جهد
ايمن . ربي يهديك ومشا وسيبه
عيسى . منصدم ف ولده وبعدين خش الحوش صكر باب
....
ف حوش جمعه اللي كانو يتغدو ومعاهم ام ورده
ورده . حطت يدها ع خدها قتلك 100 مره نبي سياره
جمعه . تحسبيها ساهله راهي ب 20 الف تبيلها
ورده . امتى تجي
جمعه . تبيلها اسبوع اثنين راهي سياره سياره ب 20 الف ويضخم ف صوته
ورده بدلع . وكنك تقول فيها هك خساره فيا يعني
جمعه . لا مش خساره فيك انت تأمر ياجميل قالها بالمصري
ام ورده ابتسمت وهي تاكل تعيش وتجيبلها ..
ورده . حبيبي شفت مفاجأة روز
روز . نعم ماما
جمعة انصدم وقعد يبرم يمين ويسار جبتو خدامه
ورده . من وين ياحسره هذ خدامه ماجده تجيها كل اسبوع تنظف عندها ماشاء الله حتى لوكال هي اللي دايرته
جمعه . ماجده مرت خو صالحه اللي هي مرت عيسى
ورده . اها جتني تبارك ودلتني ع خدامه هذ تنظف كل اسبوع
جمعه . فيها الخير
ورده . لكن خساره الخدامه تجي كل اسبوع بس مش على طول شفت لوكال انت
جمعه . هي اللي دايره هذ كله
ورده . اممم
ام ورده . ماشاء الله اشطر من مية سوايه ليبية
ورده . روز ماجده كم تعطي فيك
روز . 500
ورده . ولو عطيتك 3000
روز . مافي مشكلة باي ماما ماجده
ورده . ضحكت شن رايك حبيبي
جمعه . 3000 واجد واجد
ورده . عشان خاطري ومدت شواربها بيبييي
جمعه . ابتسم خلاص عشانك عشانك
ورده . نجكليا
ام ورده .ربي يخليكم لبعضكم ومايحرمكم من بعض
...
منى مقعمزه تمكيج وبخت من عطرها سمعت صوته ضحكت وطلعت تجري
منى . واخيرا جيت
خالد . ابتسم شن سماحه هذ ورفع يدها يبرم بيها
منى . ابتسمت
خالد . سامحيني ياحبي شغل فوق راسي
منى . غير على ماحطيت الغداء
خالد . ابتسم وخش لداره
منى . فتحت كوشه طلعت طاجين بشاميل وحطت شربه عدس ف تباسي وحطتهم ع طاوله شوي هك
وطق باب ...
خالد . من اللي جاي
منى . ثواني خشت كوجينة وطلعت بصفره
خالد . يشوفلها ب استغراب
منى . لتحت وهي تفتح باب شقه كان وليد
منى . اهلا
وليد . مرحبا شكرا
منى . عفوا وصكرت باب شقه
خالد . من وشن عطيتيهم
منى . دزيت لهلك من غدانا
خالد ابتسم . من جا خداه
منى . ولد هند
خالد. نعم شنووو طلعتي عليه هك
منى . ابتسمت شن فيها
خالد . ياما فيها كيف تطلعي عليه هك
منى . اوڤر ياخالد حسستني طلعت عليه عريانه
خالد . وليد راجل تعرفي شن يعني راجل
منى . ع فكره وليد صغير يعني يعتبر بنسبة لي كيف زيزو
خالد . لا مش كيف زيزو زيزو خوك هذ لا
منى . تبدلت ابتسامتها خالد افطن لكلامك
خالد . ياريت يامنى تحطي حدود مع خوتي ومع عيال خواتي مرطزه ف وجهك مانبيش لبس ضيق
لا وحجابك ع راسك يفضل
منى . شقلبت عيونها بنرفزه وتاكل
خالد . شن تبربري
منى . لمًا طلعت من يلاك بصفره متكلمتش
خالد . مش خاطره عليا يبقى وليد قلت امي رحاب بالكثير تقوى لكن مره وحده وليد
منى . خلاص تمام ياخالد
خالد . اخرى مش عاجبك عزق كاشيك ومشا لدار
منى . اوففف ع نكددد
هند . تشوف لصفره اصحى حد يمد يده اكيد ديرتلنا سحر
كامله . سلاما قولا ربا رحيم اعوذ بالله
تقوى . المنظر يسهف
هند . محد يقرب
اعمر . استغفري ربك يابنتي كثر خيرها تذكرنا بارك الله فيها
كامله شيرت اصبعها بنفي . اني قلقه مش ببلاش
هند . تقوى شيلي صفره واعزقي حاجات ف كناسه
تقوى . خذت صفره
هند . ذوقو فاصوليتي بس عليها ميه طعمه
وليد . نشرب اميه وجاي خاش ورا تقوى لاقها تاكل ف بشاميل صبا حذاها وخذا كاشيك وياكل وبعدين
انضملهم عادل بعد ماعرف انه اخته هي دايره الغداء شوي شوي وجا الحاج اعمر وكلو جميع
...
منى . غسلت كبابي ضروري نتنكد حتى ندير حاجه كويسه ينكد بدت تفكر شافت لشكاره فيها برتقال
دارت كيكه برتقال وقعدت لاهيه فيها وخالد غاطس
ف نوم وعا ع ريحه البرتقال فايح ف شقه ناض من
نوم شافها ف كوجينه منظرها حلو وهي دير فيها
ابتسم ع جنب وقرب حضنها من خلف ولائها وقال بهمس نحبك ،.
ابتسمت . حتى نا بس كان تبطل غيره
خالد . حط يده ع شعرها مانبي حد يشوفك غيري نا
منى . ابتسمت
خالد. انتي قلبي وعيوني
منى . ضحكت
خالد . رايفت عليك
منى . زادت ضحكت
خالد يضحك. كنك
منى . شي بس كيف رايفت عليا ونا معاك
خالد. هذ سر فيك انتي
منى . درت كاكو وكيكه تشرب وتاكل
خالد . لا بنصور معاهم
منى . هاهاها
خالد . هي هي نرجى فيك ف صاله
منى . باه وجت بصفره قعمزت حذاه
خششها ف بطانيه وكان تمطر برا خيط ع روشن
صاله وهما يتفرجو ع مسلسل تركي رومانسي
...
بين امها وخواتها اللي ماتو من البرد ف الملحق
من قوة صقع كانت صالحه حاضنه بناتها بكل قوة
ومحمد مش عارف انه امه وخواته ف ملحق لاهي
بعمته من سوق لسوق وزياد راقد ف حضن جدته
عتيقه
عتيقه . هذ جمعه قليل خير من يومه
عبد رحمن.بس واجعتني البنات قعدتهم ف الملحق
عتيقه . ماتهيسهنش
كانت بتول ترجف رجف ف حضن امها وصالحه تبكي وخلاص لعند ما شهد فاقت وحطت كمادات لاختها
صالحه بروحها راقده وهي مقعمزه وشهد راجت لعند صبح الصبح شافت منيره خاشه عليهم كانت
شهد تلبس ف بالطوها الاسود شافتلها منيره
منيره ب إستهزاء . على وين
شهد . لجامعه
منيره . حيالله بنات صالحه عرفن جامعه
شهد . عقدت حواجبها وماردتش
صالحه . نعم يامنيره
منيره . تعالي انتي وبنتك ديرن الفطور ونظفن
شهد . انا عندي جامعه باي
منيره . مافيش طلوع قبل ماديري اللي قتلك عليه
شهد . مانيش دايره وطلعت وسيبتها
صالحه . ماعليك فيها انا ندير كل حاجه
منيره . كيدك على جنبك
شهد . وهي طالعه فتحت الباب شافها
مروان ولد عمها .. على وين ان شاء الله
شهد شافتله من فوق لتحت وطلعت وسيباته
مروان . نحكي انا على وين
شهد . وانت شن دخلك
مروان . لما تبقي طالعه من حوشنا يبقى دخلني
شهد . مش حوشك حوش جدي
مروان . عشان خلاكم ف الملحق
شهد شافتله من فوق لتحت وطلعت وسيباته
نزل انس من سور عجباتك شكله
مروان . الحق طرف بنت عمنا
انس . سمعت امي قالت مخطوبه
مروان . وسمعت امي قالت مش رسمي
انس . على ايش ناوي
مروان . ولد عمها ويبيها ودام قاعدين عندنا يسمعو كلامنا
انس . كيف
مروان . قصدي القريب اولى من الغريب
انس . وبوك يخليك تاخذها
مروان . محد له دخل البنت عجبتني وخشت راسي
انس . ان شاء الله خير
شهد .خشت جامعه واضح ع ملامح وجهها المتجهمه ان ف شي صاير معاها
اسلام . لوز يالوز
شهد . بنفاذ صبر نعم
اسلام . شن اللي معصبك يالوز
شهد . مضايقه وتعبانه عزقت شنطه ع كرسي وقعمزت وتشوف قدامها كانت ع وشك البكاء
اسلام . بس بس متعود عليك قوية انا عليش بكاء
شهد . خوالي طلعونا من الحوش بحجه انه واحد يبي يعالج وثاني يبي يجوز ولده توا غير خطر عليهم
بس نا عليش نلوم ع خوالي اذا كان بوي طردنا تخيل نا وجعتني منهم يرد عليا خوي لصغير يقول بوي
مش احسن منهم حتى هو طردنا
اسلام . وسعي بالك ياقلبي باهي انتو وين قاعدين توا
شهد . ف حوش جدي هل بابًا عند اعمامي
اسلام ابتسم . باهي كويس
شهد.شن اللي كويس عازقينه كيف لكلاب ف ملحق
اسلام تبدلت ملامح وجهه للألم
شهد . وطبعا امي عشان رضاهم تخدم فيهم خدامه
اسلام . تهون ياقلبي وحط يده ع يدها قولي يارب
شهد . غمضت عيونها وتنهدت  يارب
اسلام . فطرتي
شهد . هزت راسها بالنفي
اسلام . ناض يجري جابلها فطور