ضحايا بلادي

80

ضحايا بلادي 2
بقلم يحيى ادريس
‏80 part

بعد دفنوه وحطوه تحت لتراب كان اسلام يبكي
انا الكبير انا اناني مقدرتش نحمي خوتي مذبوح
لو تشوفه واضح تعذب واجد مقدرتش ندير شي
انا سبب انا
..
صالحه لفراق مش ساهل اسملا عليها عمتك
منى عليك ميته ماتها تقهر بكلل ..
اسماء حاضنه اروى وتبكي معاها ...
اروى . خويا دفع ثمن اخطائي وتهوراتي عمري مانسامح نفسي ..
شهد . هذ حد عمره يااروى ربي يغفرله ويسامحه ان شاء الله
نعيمه . انتي بذات صكري فمك ياوج الشوم طلعتي ف حياتنا من جديد دمرتيها كان ولدي متريح وثاني
متزوج صح لكن حمى خوه لكن انتي تربشي وديري لعند انتقمو وخذو ثارهم كله منك اطلعي برا برا
شهد . دموعها نزلو
صالحه . هي شهد نمشو من هنا
منى . ناضت وقالت انا عندي جامعة لازم نروح
صالحه . توا نروحو مع بعضنا وطلعو كلهم
وشهد . روحت لشقتها
في الليل
خش اسلام وجهه حزين واصفر شاف شهد
مقعمزه ف صاله حط راسه ع فخدتها ..
انا سبب لو حميته وكملت مع ياسمين ماكان صار هك ..
شهد . دموعها نزلو وساكته قلبها ينعصر عصر
اسلام . انا فكرت ف نفسي بس فكرت ف حبي لك وكيف نرضيك وماكملتش ف تضحيتي وحماية خوتي
شهد . اسلام انت متحسف انك خذيتني
اسلام . شافلها وقعد ساكت
شهد . انا مش هناقشك لانك فاقد جديد
اسلام . مسح دموعه وقعد ساكت
شهد . نحطلك عشاء
اسلام . مانبيش
شهد . بترقد هنا
اسلام . قعد ساكت
شهد .خشت لدارها وحاسه ب روحها نعسانه رقدت
...
بتول لابسه جاكه جلد سوداء ومكيجه وكانت طالعه
من كلية طب فرحانه لانها جاوبت ف الامتحان من
بعيد كان جاي طارق شافها كيف فرحانه ابتسم ..
لابس جاكه امريكيه زرقاء تحت منها هودي اسود
وف يده باقة ورد ..
بتول ابتسمت هو ابتسم اخرى وكان هيجيها بس
وقف لما شاف واحد واقف عليها عقد حواجبه ..
بتول . استاذ لؤي
لؤي . مبتسم شن الاخبار
بتول . شن ادير هنا
لؤي . جاي نشوف حبيبتي سريه
بتول . طبست راسها وهي مبتسمه
لؤي .عشان لو حد يفكر يضايقها ننفيه من وجه الارض
بتول . انت ف العياده تعامل فيا بشكل وهنا بشكل
لؤي . ماهو مانبيش نفتح لعيون علينا
بتول . ضحكت وقالت تمام اسمع انا مزلت ما اطلقت رسمي ف المحكمه مع انه لي سنة ومعاها ماشفته
لؤي . يطلق غصبا عنه
بتول . صارن معانا عرم حاجات كل مانبي نطلق غيابي ننسى ونلهو ف حاجات اخرى
لؤي . معش تنسي لأني بنخطبك طول
بتول حركت اصبع وهي تقول مستعجل عارفه
روحي جمالي وخفة دمي لا يقاومو وضحكت ..
ولؤي ضحك ..
طارق . طاحت منه باقة الورد يذرف ف دموع طبس راسه ومشا
..
منى . شافت احمد مبتسم طبست راسها وطلعت
احمد . تبعها بعيونه ولحقها وركب سيارته
وهي تمشي ف طريق خطمت ع مول وع كم حاجه
خذتهن وهو وراها اخر شي ركبت سيارة شافت اكياس استغربت فتحت شافت فيهن غداء من
مطعم من جيتك لجامعة لعند توا ماحطيتي لقمه
ففمك صحتين وعافيه خذت ورقة وكتبت فيها
منحبش شاورما خصوصا لمدهنه بتاع المطاعم
نزلت وخذت كيس وعزقاته ف لكناسه ..
ونفضت يديها ادور بعيونها عليه لمحت سيارته
ركبت سيارتها وتحركت هو وقف قدام مكب لكناسه
طلع الكيس شاف ورقة قراها ضحك وهو مصدوم
شكلها بتعبني واجد
خلاص يابورفيق مامليتش 3 سنين ف جرتها
احمد .الحاجه كان ماجريتش عليها تضيع من بين يديك
لا صح صدقت ...
...
شهد ناضت من النوم ..
طلعت شافت اسلام عيونه مورمات قالت صباح الخير
اسلام . وين نوم هذ كله رقدتي قبلنا وتوا غير وعيتي
شهد . مش عارفه كني شكلي بنمرض
اسلام . روحتي ثاني يوم العزاء وبعدها معش مشيتي خوي اللي ميت مش قطوس
شهد . غمضت عيونها بنفاذ صبر اسلام صبح راه
اسلام . كان حد من هلك مرض من اول دقيقه تخليني ناخدك وتقعدي شهر تي فرح اختك بتول
قعدتي شهر غادي وبعد الفرح قلتيلي نساعد ف امي
شهد . امك طردتني
اسلام . تحمليها فاقده ولدها
شهد . شن نتحملها طردتني قدام دنيا كلها وتقولي نا سبب ف موت ولدها وانت جيت عقاب الليل تقول
ياريت كملت مع ياسمين وماني عارفه شنو انا بني ادمه عندي كرامه وعندي مشاعر ماضربتكمش ع يديكم وقلتلكم تعالو خوذوني ولا قتلك طلقها مراتك الاولى ولا ضربت خوك ع يده وقتله امشي
اقتل ولا قلت لاختك ديري علاقه ودزي صورك لرا
اسلام . صكري فمك
شهد . معجبكش كلام صح ماتعلقوش اخطائكم ع شماعه غيركم انتو كلكم غلطتو انا ماليش ذنب وعارفه نفسي واثقه من روحي انتو مش عاجبكم
اهي شقتي وقاعده فيها وانت اطلع من هنا عادي
اسلام . هذي اللي دوري فيها انتي
شهد . انت اللي مش عاجبك شي
اسلام . لهدرجة مكنتش نعرفك نا تزوجت وحده ولقيت وحده اخرى معاي ..
شهد . صح مزبوط صدقت
اسلام . متستفزينيش
شهد . انا مستفزه ابدا
اسلام . طلع وسيبلها الحوش
شهد . خشت كوجينه شافت تلاجه فاضيه صكرتها
...
كانت اسماء جاية تبشر محمد انها حصلت شغلها
ف روضة نزلت من تاكسي وخشت مكان لعمل الخاص ب محمد وهي مبتسمه تدور عليه
رنيم . حمادي هاك قهوة
محمد . خذا من الفنجال شكرا
رنيم . لكن قهوتي مره ضروري معاها حلو
محمد . يكفي حطيتي صبعك فيها قعدت حلوه
رنيم ضحكت بصوت عالي ..
ع خشة اسماء تشوفلهم بصدمه قدمت وحطت
طبق الحلو ع طاوله عليش تحط اصبعها جبتلكم
حلو نا وشافت لمحمد وحولت محبسها حطاته
جنب فنجال قهوة ..
محمد صبا وراها اسماء اسماء
اسماء برمت وشافتله بحقد رفعت يدها وقالت
اصحك تفكر تلحقني امشي من وجهي يامحمد
وطلعت وهي تبكي ومقهوره من اللي شافاته
...
منى وصلت للحوش تفتح ف الباب
شافاته جا حتى هو شيرلها خير ياجارتنا
شقلبت عيونها وصكرت باب بقوة اوفففف
حولت جاكتها وشاحها وخشت ادير ف غداء
رنت عليها شهد ..
منى . ايوا
شهد . وين قاعده
منى . ف الحوش
شهد . مضايقه يامنى تعبانه ..
منى . كنك بسم الله
شهد . مش عارفه كني
منى . شن رايك مانمشو نغيرو جو عند هلي
شهد . هنشوف ونرد عليكم
منى . تمام
صكرت منها وشهد قعدت تفرج ع تلفزيون
خش اسلام ..
شهد . بنحكي معاك ف حاجه
اسلام . كنك شن تبي
شهد . الحوش فاضي يصفر
اسلام . نقبض ونجيبو حاجات
شهد . اسلام
اسلام . قعمز وحط يده ع راسه
شهد ، بنمشي لهلي
اسلام . تبي تطلقي ولا كيف
شهد . بنغير جو كارهه الشقة مش طايقتها
اسلام . ضيق عيونه وصبا من مكانه وقف قدامها كارهه الحوش را تقعدي حامل ..
شهد . شكلي
اسلام . كيف شكلك ليش ماخذيتي حبوب مانع
شهد . تشوفله انت متبيش عيال
اسلام . مش وقتهم مش وقتهم شايفه الحاله زفت بروحك
شهد . العيل يجي رزقه معاه
اسلام . نشحت بيش نوكل ونشرب اللي عندي هذول ومش قادر نصرف عليهم ..
شهد . نشتغل انا ونصرف
اسلام . خرف بيش تفهمي انتي بيش بأي لغه
شهد . نا حره مش ساد حارمني من شغل نبي عيال
اسلام . لا حول ولا قوة الا بالله والي عندك شنو حيوانات
شهد . خلاص خلاص قاعد نكدد راك ودرااه كبد شن هذ
اسلام .

للحديث بقيه