ضحايا بلادي

81

ضحايا بلادي 2
بقلم يحيى ادريس
‏81 part

اسلام . ايش صار فيك انت تزوجت ..
محمود . لا والله مازلت ..
اسلام . احمد ربك يرا والله انتو يالعزاب ف نعمه ياريتني ماتزوجت الوليه كل سنة جايبه خايفتني نجوز عليها تحسب بتربطني بالعيال نا تعبت مسؤوليه ومصاريف قطن حليب كذا لنقني تعبت يرا وندمت زواج موضوع فاشل رد بالك تزوج ..
"رد بالك تزوج"
محمود . ضحك واو مش كان ماخذيتها راك شبت
اسلام . غمض عيونه ودخن من سبسيه
...
جلسة الخوات لصغار كانو راقدين ف دار بتول
بتول . شكلي زي ماتقولو وقعت ف الحب
شهد . حطت يدها ع راسها وتسمع فيهم ومبتسمه
منى . صفقت ايوااه شن شكله
بتول . مديري
منى . كذا ورينا
بتول . اهو
منى . طرف يابنت
بتول . قلبت تليفون وخلت شهد تشوفه
شهد . مش مهم الشكل
منى . المهم الحب
بتول . حتى الحب مش مهم مع الوقت يتبدد الحب
منى . ها ايش اللي مهم لا شكل لا حب شنو يعني
شهد . المهم الاحترام تكون العلاقة من البداية مبنية
ع الاحترام المتبادل توافق الافكار لكن الحب بدون
احترام تحسي روحك خاشه ف قاع البحر وتغرقي
م تفطنيش لروحك الا خلاص بعد الموج خذاتك
منى . الفيلسوفه شهد
بتول . تس مش عارفه كيف بس نسمع صوته قلبي يدق
منى . نعليا يرن عليكي
بتول . مش واجد مره مره ذويق يقولي ف الليل ازعاج الاتصال ويقولي مراتٍ تبقي راقده مره مره
منى تغني ماعندكش مشكله رن عليا رن
شهد . ماعندكش مشكله حتى نص الليل
منى . غير عليا رن .. ماعندكش مشكلة ..
مشت شهد جابت طنجرة وبدت دربك عليها
امتى تبي رن .. ماعندكش مشكلة ..
حتى في نص الليل ماعندكش مشكلة
وعيني من النوم ماعندكش مشكله
وصبت الاء من نوم ترقص ومعاها
بتول وشهد دربك ع طنجرة وتغني ومنى ترد وراها
مافيهاش احراج ماعندكش مشكلة
انا بصوتك محتاج يامن صوتك مانمل
رن ولا تهتم .. ماعندكش مشكلة ..
كلمنى كلم .. ماعندكش مشكلة ..
بالرنة نفهم .. ماعندكش مشكلة ..
كان رصيدك تم .. ماعندكش مشكلة ..
نبعتلك رصيد .. ماعندكش مشكلة ..
كانك تبي نزيد .. ماعندكش مشكلة ..
كلمنى ياريد .. ماعندكش مشكلة ..
ياغير تكلم .. ماعندكش مشكلة ..
صالحه كانت ماشيه تشرب اميه شافتهن كيف
فرحانات يغننن ويرقصن ابتسمت وخشت كوجينه
..
اسماء . انتهى يامحمد خلاص بيش تفهم
محمد . اسماء مديريش فيا هك
اسماء . قتلك عيب تسهوك مع البنات وحب وتمعشق انا انقرفت منك مانبيش نعيش عمري
مع واحد نسونجي
محمد . بس نا
اسماء . انا نختصر عليك معش نبيك انساني
محمد . مش بجوك ي اسماء
اسماء. لا بجوي يامحمد وصكرت عليه
محمد . اوففف اوففف
اسماء . صكرت المكالمه وشقلبت عيونها
...
بتول . بنقوللكم ع الحاجه
شهد . امم
بتول . اسماء خانت محمد من زمان
منى . كيف
بتول . ايام محمد متشوه وفاتها دارت علاقه مع واحد يقري عليها
شهد . بتول كيف تحكي ع بنت خالك هك اسماء كيف اختنا ونعرف كيف تحب محمد
بتول . انا قبل مش حاكيه شي بس بعد ماهزبت وفسخت خطبة وطروح قلت نحكيلكن
شهد . بتول فكينا يرحم والدايك ماتقولي شي
منى . اها استغفر الله بعدين هي كانت مسيبه محمد
بتول . حتى وكان
شهد . بتول صكري ع موضوع بكل
بتول . شفتهم ب عيوني اللي هياكلهم دود وحتى بنات قسم قالن نجحها بسبب العلاقه اللي بينهم
ويعطي فيها ملخصات وحركات
منى . بتول خلاص
..
اسماء . جت منك ياجامع سيبنا اصلا
اسر . ابتسم اليوم العشيه نجيب هلي
اسماء . ابتسمت جديات
اسر . طلع خاتم ذهب هذ لك
اسماء . اول مره ف حياتي تجيني هدية عليها القيمة
محمد . كان مصبي يشوفلهم ودم يغلي ف عروقه
مشا يجري وخبط اسر ببوني واسر طاح ع الارض
ومحمد يرد يضربه واسماء تعيط وجا امن جامعة
يحز
محمد . هذ اللي بعتيني عشانه
اسماء . تبكي
محمد . تفل عليها والامن يكرو فيه
اسماء .انت كويس
اسر . ولد الكلب هذ كان ماربيته مانبقى اسر
اسماء . فوته
...
صالحه . مقعمزه وتبكي وشهد تسكت فيها
صالحه . حولي انتي كله منك
شهد . شن دخلني نا
صالحه . انت تخلي ف البنت تبات وتختلط بينا لعند مافتحتي عيونه ع خبر
شهد . ابتسمت بأسف
صالحه . من وراكم خسرتوني خوتي وتوا بنت خويا الحاجه الوحيده اللي قعدتلي
شهد . عيونها دمعو دام نا سبب البلا اني ماشيه يمي
صالحه . ازعلو انتو هذي اللي شاطرين فيها
...
بتول ف دارها مقعمزه رن تليفونها رقم غريب
ردت الو ..
طارق . زوجتي القنينه لازم نهدرزو
بتول . امتى طلعت انت ؟
طارق . نهدرزو توا
بتول . وين انت شنو صوت هذ
طارق . اني ف الحديقه اللي حداكم
بتول نفخت بملل وناضت ..
طلعت ومحد حاس عليها من الفوضى صايره
ف الحوش وكيف كان كئيب طلعت قعمزت
ع طاوله ادور عليه فجأة جا من وراها حط وردة
حمرا ع طاوله قدامها شافتله
بتول . تنهدت بضيق نعم تفضل
طارق . ابتسم مافيش حمدلله ع سلامه
بتول . نفخت بملل طارق اختصر ماعنديش وقت
طارق . اني حاولت ننساك ؟
بتول . احسنلك تعود ع غيابي ! لان معش في انا ف حياتك
طارق . ماحسيتي ب حاجه تجاهي ؟!
بتول . طارق ياريت تغير موضوع مليت
طارق نعرف ..جربت اكتر من مره اني ننساك ونقول خليها ف حالها تمشي ودير ماتبي لكن قلبي ما يقول هكا
بتول طبست راسها وطارق يشوفلها بتول اني نعشقك
بتول شافتله
وهو يشوفلها ب رجاء
بتول جت بتتكلم
طارق . ماتتكلميش وشير بيده ب معنى اسكتي
مافيش داعي ! شافلها بحزن
بتول خذت شنطتها وصبت ...
طارق شافلها كيف تمشي وقال الوداع ياشرقاوية
...
منى تشوف لصورها مع خالد وذكرياتها
هو نفس الشوق في قلبي وبحلاوته وبعذابه
يظهر ان الشوق ياقلبي عمره مايفارق صحابو
والسهر آه من السهر يتعب عيوني عيوني
والاماني والحنين بيجي يزوروني لما سيرتك تيجي
تيجي تصحي فيا كل حاجه كل حاااجه حتى نار
الغيره لسه قايده اهي قايده اهي زي ماهي
في حب تاني حب اقوى من اللي بيحسوه الحبايب
وقت مايتجمعوا يعرفوه بس السهارى والحيارى
اللي سرقت منهم الايام حبايب عمرهم ماهيرجعو يبان في تنهيده وكلام مابيتحكيش وعيون بتسرح
ودموع بتدارى في ضحكة عشان نعيش حضنت
صورة خالد رايفت عليك ياعمري ياعيوني انت ورقدت وهي تبكي وحاضنه صوره ...
...
محمد . نبي اسماء في كلمتين
ماجده . بسم الله كنه وجهك
محمد . كلميلي اسماء
ماجده . بسم الله هذ كنه وخشت شوفي خطيبك
اسماء . طلعت وحطت يديها ع بعض نعم
محمد . نبي نريح ضميري سيبتيني مش عشان خنتك صح
اسماء . شقلبت عيونها
محمد . تكلمي ينعن *** هلك
اسماء . معش تسب واها هو استاذي ف جامعة وعرفته وقت ماانت تشوهت وسيبتني منحسبكش
هترد طبيعي وصار بينا علاقه ..
محمد . حقيرة ونا خاطبك كنتي تحكي معاه
اسماء . ابتسمت
محمد . ونا الغبي
اسماء . نحنا الاثنين تعادل بلا طروح وحركات
محمد . معش بنشوف وجهك وطلع خبط باب
اسماء . انتفضت من الخبطه حست بوجع ف قلبها بس كابرت وقالت اسر احسن منه ف الفلوس وف الاخلاق
...
شهد . مقعمزه تاكل ف فازو نوتيلا بالكاشيك
اسلام . مشيتي لهلك اسبوع روحتي دبه
شهد . شافتله وكملت تاكل
اسلام . خلاص هوي امشي شوفي روحك ف لمرايا
شهد. فهمنا خلاص نشوف مرايا مش غابيه ف روحي
اسلام . وين شهد رشيقه ومهتمه بروحها كذا حي علمك بدا يطلعلك شيب وفيكي تجاعيد اخرى
شهد . شافتله بصدمه
اسلام . الكبر شين
شهد . ع فكرة من نداد بعضنا را والواحد يبقى عنده شوية ذوق
اسلام . بس انتي تباني اكبر من عمرك توا نا يعطوني 29 ولا 30 بس انتي تباني ف الاربعينات
شهد . شافتله بعيون ماليهم لدموع
اسلام . والله ثاريتني اجمل منك
شهد . قلة ذوق هذ اسمها راه خزي
اسلام . كنك زعلتي
شهد . ناضت من حذاه
اسلام . يلعب مع بنته ماما دبه زعلت وبدا يضحك
..
شهد مصبيه قدام لمرايا تشوف ف خصلات شعرها
فيهم شيب ولمست وجها ف علامات تجاعيد خفيفه من بداية ثلاثينات وغير خدودها وجسمها المليان مانبيش نكبر انا ياربي شن صايرلي
للحديث بقيه ...