ضحايا بلادي

التاسع والثلاثون

ضحايا بلادي 
بقلم يحيى إدريس

حطت يدها ع قلبها وتمشي فيه بحركه دائريه
قعمزت جنبها منى عرفتي اهو خطب وماصدق
شهد . تستغفر ف سرها وتسبح بحمده وعظمته
منى . هو فرحان وخطب وانتي هنا ابكي ع اطلاله
شهد . شافتلها من قالك نبكي بالعكس نا فرحانه
منى . رفعت حاجبها بتحدي
شهد . رسمت ابتسامه ع وجهها انا اللي سيبته
منى . عليش سيبتي باهي
شهد . ماتفهامناش وسيبته يبيني نقعد ف الحوش
منى . ميلت راسها
شهد . متبحتيش فيا هك انا سيبته خلاص خبطت يديها ف بعض
منى . تنهدت باهي عليش ما توافقي على العريس
شهد . شحت ماليتها مانبيش حد ف حياتي انتهى
منى . تبعتها بعيونها كيف شهد خشت معصبه
...
فتحت باب دار ياهلا بالناجحين
بتول . ناضت وحضنتها مبروك واخيرا
ارويدا . هاي هاي ثانوية باي باي اعدادية
بتول . باي باي يا اعدادية جبت الشهادة في يديا
ارويدا . كبرنا
بتول . تس شن جبتي معاك هدية نا مجبتلكش شي
ارويدا . نجيب لعينك هذ من الحسن
بتول . ابتسمت الحسن
ارويدا . هزت راسها
بتول .فتحت العلبه ايفون 6 عيونها توسعو بصدمه
ارويدا . شفتي مش ساهل خويا
بتول . شن ندير كيف نقوللهم مش هيصدقو انتي جبتيه لي
ارويدا . لو عندك دلاله مع اختك قولي ان منها هي
بتول . هزت راسها ابتسمت مش مصدقه هذ غالي
ارويدا . مايغلاش عليك مرت خويا العزيزه
بتول انحمر وجها . كيف
ارويدا . مانستعبطوش ع بعضنا انتي عارفه ان يحبك
بتول . تشوفلها وماقدرتش ترد
ارويدا . من انتو وصغار
بتول .
ارويدا . مش بس هكي انتي تحبيه واضحه فيكم
بتول . خلاص عاد سمطتيها
ارويدا . لو ماتبيش هاتي تليفون
بتول . عينك
وضحكن اثنينهن ..
بتول حضنت مخده هو يحبني قصدك
ارويدا . لا يضحك لو مايحبكش ليش يركب ع روحه دين عشان يجيبلك تليفون اخر موديل ..
بتول.هو مننكرش انه ينحب هو بطلي من نا وصغيرة
ارويدا. مالا احكو وتفاهمو بينكم
بتول . مش عارفه شن نحكي
ارويدا . تعلمي على حالك
...
صالحه . خليكي يابنتي تعشي معانا
ارويدا . الحسن برا يرجى فيا
صالحه . سلمي على امك واجد
ارويدا . يوصل
شهد . مقعمزه تفرج ع ستار اكاديمي قناة 24 ساعة
منى .قعمزت جنبها شافتلها كانت شهد تفرج وتضحك
صالحه . هي عشاء
شهد . ناضت وقعمزت تاكل
وعيون منى تراقب فيها ..
وبعدها روحت منى وشهد تضحك وتحكي عادي
كانت احكي بتليفون ف كوجينه حوشها ادير رضاعه
لولدها اها وضعها بكل يمي تخيلي انها ولا كأنها تعرفي مشكوك ف الأمر انها تحبه البنت تضحك
وتاكل وتفرج حالتين يااما مصدومه يااما مزالت
واخذه وضع صدمه وتحاول تهرب من الواقع ..
صالحه . شخشبتيني يابنتي اكثر مانا متشخشبه
منى . ديري طله عليها كل شوي تخافي دير ف روحها حاجه
صالحه . يانهاري لمغبر شن قصدك دير
منى . شعرفني تنتحر ولا حاجه
صالحه . لا توا نشوفها هي صكري
منى . اوكي وتحط مقدار الحليب ف رضاعه
صالحه . فتحت باب دار نومها زرقت راسها وتمشي
ع روس صوابعها فتحت باب دار البنات بتول ف يدها تليفون سرعه ماحطاته تحت مخده شن في
صالحه . لمحت سرير شهد فاضي وين اختك
بتول . شوفيها ف المربوعه مزال ماخشت
صالحه حي عليا وطلعت تجري تنقذ بنتها شافتها
تصلي ف قيام الليل ف صاله لضيوف حطت صالحه يدها ع صدرها وهي مخلوعه فجأة برمت شهد كنك
ماما ..
صالحه . لا غير ندور عليك انشغلت كنك تصلي هنا
شهد . كل مره نغير مكان اللي صليت فيه عشان كل مكان يشهد عليا وكل مكان ف الحوش ينور ميبقاش
مغموم تبي حاجه انتي وبدت طبق ف صلايه ..
صالحه ابتسمت . لا سلامتك
شهد . فكت محرمه صلاه ولحقت امها
...
وهي تخض ف رضاعه ولدها
جا من وراها باسها في خدها
خالد . اشتقتلك قد البحر وقد سحاب والمطر
منى . مجنوني وين تعالي بحضني يامجنوني
وخالد حضنها ويبوس فيها ونسيو اعمر ورضاعته
سمعو صوت البكاء خالد وخر وهي خذت رضاعه
وترضع ف ولدها وخالد خش لمكتب بتاعه ...
منى . بس بس حبيبي خلاص هي هو هيي هو
اعمر. يصرخ وهي مايبيش يرضع
منى . فهمني شن ندير باهي وكال وكلتك وتغيير غيرتلك خش خالد قال كنه ..
منى مطت شواربها للاسفل مش عارفه كنه ع صرخه وحده مع انه مش ناقصه شي كل حاجه درتها له ..
خالد . كذا هاتي
منى . خوذ جرب
مجرد ماخذاه خالد ف حضنه العيل سكت وابتسم
ابتسم خالد شفتي يضحكلي
منى . صدفه بس
خالد ، تعالي شوفي
منى . شمعنى يحبك انت مش نا اللي تعبت فيه
خالد . رقص حواجبه ريتي اني محبوب
منى . قعمزت ع سرير بغضب عليك بخت بختي
خالد . تغاري ياهبله بعدين سادني نا نحبك
ضحكت ...
...
فتحت روشن دارها كان جو مشمس ريحه الياسمين
معبيه المكان نفضت الامخاد ولعت المكنسه كهربائيه تبرم ع الحوش كله وخذت ملمع بدت تلمع وبدت تكنس ف الحوش وفتحت بوفيه
تنظم في كبابي والكيسان وتلمع فيهن طلع من محمد داره يحك في عيونه تؤ شنو الازعاج هذ من
عند صبح ..
شهد . اي صبح ساعة 10
محمد . عليش تخبيط توا
شهد . مالا تبي امتى هذ وقت تنظيف
محمد . عليك يوم هو
صالحه . كنكم تعاركو
محمد . بنتك تخبط فوق روسنا
شهد . اللي كيفك يخدمو ع حالهم بدال المرقد
محمد . خطيني ياشهد مصدع را مش راقد كويس
شهد . نعنك مارقدت وقت نظافة نظافة
صالحه . متعدلش عليها ياوليدي مجنونه
محمد . خش لداره خبط باب
شهد . وهي تعصر ف الخيشه بدت تسيق الحوش
كله ودارت طله ع الحاجر وردت خشت طلعت
دبش من الغساله حطاته ف المجفف وبدت
تفتح ف روشن مربوعه وبيبان الحوش عشان يتهوى
صالحه جتها حالتها بدت ف حمله نظافه ..
منى ف يدها مق نسكافي قعمزت ع صالون صاله
وهي تشرب تسمع ف امها ع تليفون باهي كويس
ماانتحرت ولا دارت حاجه ف روحها
صالحه لا حمدلله شكلها لما تزعل تنظف طيبك زعل
منى . ضحكت ورشفت من نسكافي
صالحه . شن تشربي
منى . كابتشينو
صالحه . اممم من امتى واعيه
منى . وعانا عموري من 8 معش رقدنا
صالحه . نجك لي
شهد في الكوجينه بدت تعجن ودير ف بيتزا ..
بتول . شن ديري
شهد . بيتزا
بتول . عادي ديري معاها بطاطا
شهد . هزت براسها ودير وتفرد ف العجينه اتضرب فيها
...
خالد . سنة جديدة قريب ابدا ونبي وندير مفاجأة
مؤيد . مثلا تجيبلها خاتم الماس
خالد . تؤ تعرف خاشين ع سنتين زواج بعد شهر العسل معش طلعتها
مؤيد . مش فاضي ياخال عاد انت
خالد . لازم ما نفضالها
مؤيد . ضحك يعني نحجزلك تذكرتين
خالد . على موسكو
مؤيد . اوباااا رومانسي ياخال
خالد . من يومي رومانسية
حنان . درتلكم بازين ناكلو صوابعكم وراه
خالد . اووو حنونه تفهمي والله
حنان . شخبار اعمر لصغير
خالد . كويس
حنان . كابر
خالد . اووو وسامن
حنان . الله يبارك هي كولو يصقع يسمط
...
ع العصر
منى . قعمزت ف صاله وحطت كبايه كاكو لبتول
بتول . شكرا
منى . كنها ماجت شهد
بتول . عندها امتحانات
منى . وانتي شخبار ثانوي معاك
بتول . سمحه
منى . رفعت حاجبها شن خلاك تكذبي وتقولي منى جابتلي تليفون
بتول . بلعت ريقها
منى . من جابه لك
بتول . مزالت
منى . قولي من ولا نحرش فيك محمد
بتول بصوت واطي . الحسن
منى . في حاجه بينكم شن مقابل عشان جابه لك
بتول . لا والله مافي حاجه هو وعدنا بيه وجابلي
منى . تكذبي على من انتي تحقي ف نمص ف صبعي
بتول . منكذبش
منى . تليفون ب 4000 وكسر يجيبه هك طايح ف رايح
بتول . يحبني والله يحبني وقالي نخطبك
منى . مزلتي صغيرة انتي
بتول . حتى نا لما نشوفه نفرح وقلبي يدق ونرعش
منى . احمدي ربك انك طحتي فيا نا تخيلي لو شهد
بتول . لا فكيني منها متقوليش يامنى وراس اعمر
منى . خلاص خلاص
صالحه . اعمر ف يدها نحنا جينا
منى . وعيتيه يعني وعيتيه
صالحه . باساته بقوة مرايفه عليه
منى . ابتسمت
بتول . امي م قالتلكش
منى . شنو
صالحه . ضحكت وقالت عمتك حامل
منى . شهقت لعند ضحكن بتول وصالحه
...
شهد . الله يبارك على خير وسلامه عمتو
منيره . سلمك حبيبتي عقبال مانفرحو بيك ياعسل
شهد . ابتسمت سلميلي ع اللي عندك
منيره . يوصل
رحمه . شن في
شهد . نبارك لعمتي حامل
رحمه . ضحكت
شهد . كنك تضحكي
رحمه . لا شي
محمد . بت ياشهد ديريلنا قهوة
شهد . شقلبت عيونها
ورحمه حطت وشاح على راسها
محمد. خير شخبارك سامحيني منحسبش عندنا حد
شهد . الله ع الدب معرفتكش
محمد . طلع لمربوعه
ورحمه لحقت شهد هذا خوك
شهد . يس
رحمه . ماشاء الله عائلة تركية انتو
شهد . مزال تشوفي زياد تحلفي عليه مش ليبي بكل
رحمه . كم عمره
شهد . لا صغير ياحنه عمره 12 مزال
رحمه . خساره
شهد . وفي فارس هذ طيار
رحمه . عندك صورته
شهد . توا نطلع تليفون نوريك صور
رحمه . باه فارس كم عمره
شهد . فارس اكبر من منى بسنة فارس مواليد 1986
رحمه . مناسب بكل راك تقولي متزوج
شهد . لا مازال
رحمه . الحمدلله
ضحكت شهد ..
...
23.12.2014
كانت لابسه فرو الاسود وطاقيه صوف سودا ع راسها
وهو يمشي بحداها كبوط رصاصي وسروال اسود وبوت اسود وماسكين ف يدين ف بعض ويدهورو
ف شوارع موسكو ..
منى . انت هدية ربي لي انت احلى ف دنيتي
خالد . وانتي احلى ورطه تورطتها ف عمري
منى . انا ورطه باهي ياخالد باهي ..
خالد . ابتسم قلبي انتي
رن تليفونها مكالمه فيديو
منى . هذي شهد اكيد عموري
خالد . ابتسم
منى . بعد شوي مرات مش حاطه ع راسها
خالد . بعد عنها
شهد . هاي ماما
منى . حبيبي عموري وليدي
اعمر . ابتسم ويشوف ل امه
شهد . حطت طربوش ع راسها خليه بوه يشوفه
منى . وجهت كاميرا لخالد
خالد . شاف ولده ابتسمله
اعمر . لما شاف بوه ابتسامته زادت وقعد يفنص عيونه
منى . قرد هذ يحب بوه اكثر مني
شهد . شخباركم
منى . تمام بحتي جو شوفي
شهد . حي حي ربي يدوم الايام الحلوه
منى . سلمك
شهد . مع سلامه ياحنه خلاص رصيدي
منى . باي حطت تليفون ف شنطتها
خالد . خذا منى تحت ذراعه وقعدو يتمشو ف شوارع موسكو
المصور . هل التقط لكم صورة
كانو قدام البحر شافو لبعضهم
منى . هزت راسها بابتسامه
خالد . اجل
والمصور لقطلهم صورة وقال انتم اروع ثنائي
خالد . شكرا جزيلا مدله فلوس
والمصور . مباش يقبلهن وخذا ايميل خالد عشان يبعتله صورة وف نفس الوقت خالد يطلبه اوقات
مايجي خاطره يصور هو ومنى ...
بتول . تاكل ف مندلين وقعمزت ورفعت كرعيها فوق صالون ثانيه ركابها
شهد . توكل ف ولد منى سيريلاك
جمعه . اووو حبيب جده ياكل البطل
شهد . كبر بسرعه ماشاء الله
جمعه . حتى انتو كبرتو بسرعه
صالحه . اس المسلسل بدا
بتول وصالحه عيونهن ع mbc1 كان وقتها زهرة القصر
صالحه . يامنيتي وتبكي على بطلة مسلسل
وبتول متأثره
شهد مطت شواربها للاسفل بملل وكملت تلعب ف ولد اختها وتوكل فيه وهو منسجم مع شهد ..
...
بداية سنة 1.1.2015
شهد . شاده عموري وتوكل فيه ف بطاطا مهروسه
هي هممم هي هممم حبيب خويله ..
الباب يطق ويفتح محمد رحمه ف وجه
ابتسمت وقالت شهد نبي شهد
محمد . وسعلها وقال خشي
خشت رحمه سلحت بوتها وقالت ياهل الحوش
شهد . تحكي بصوت طفولي اهلين خويله رحمه
رحمه . اهلين وسهلين ياعيونها
صالحه . خير يابنتي شن حالك وحال هلك
رحمه . الحمدلله كويسين وين بتول راقده
شهد . لا عند بنت جيرانا
رحمه . اها
..
كوجينه حوش رقيه
ارويدا . نحس في روحي مزلت صغيره ع الخطوبه
بتول . وهي ادير ف كيكه برتقال عادي مش خير من علاقه
ارويدا . صح خايفه من امه ترفض
بتول . شعليك من امه المهم هو يبيك لو يحبك يتحدى العالم ع قول صابر الرباعي بتحدى العالم
ارويدا . ابتسمت
وبتول وهي ادير في كيكه برتقال تغني
"وأنا بين إديك، تهت في مكاني ونسيت معاك، عمري وزماني والوقت فات، وياك ثواني قربني ليك سبني أعيش إحساسي بيك
بتحدى العالم كله وأنا وياك وبقول للدنيا بحالها إن أنا بهواك وإن إنت حبيبي وقلبي وروحي معاك
قربني ليك سبني أعيش إحساس هواك
وبدت ترقص وتصفق ب يديها ع وهي تخيل ف موسيقى الاغنية وكملت معاها ارويدا
بتحدى العالم كله وأنا وياك
وبقول للدنيا بحالها إن أنا بهواك
وإن إنت حبيبي وقلبي وروحي معاك
قربني ليك سبني أعيش إحساس هواك
وهن الاثنين بصوت ويديرن ف حركات مع الاغنية يعبرن عن مشاعرهن ..
أنا عشقي ليك عشق القمر
للنجمة والليل والسهر
والشوق إليك فوق الخيال
فوق إحتمال كل البشر اتحدى العالم كلو انا وياك
الحسن . ابتسم وقعد مربع يديه ويشوفلهن
وبتول . تغني بصوت عالي وحطت يدها ع صدرها وهي متفاعله مع كلمات الاغنية شافت الحسن
واقف ومبتسم انحرجت وسكتت وجهها انحمر
ارويدا . كنك سكتي كملي
الحسن.الله ع المواهب معك تلاته نعم وقعد يصفق
ارويدا . ضحكت
بتول . تمنت الارض تنشق وتبلعها
ارويدا . السكر كمل نمشي نجيب من جيزان وطلعت
الحسن . ابتسم وقرب منها وين موهبه المدفونه
بتول . ادير ف كيكه وحطتها ف كوشه وقلبها يدلف
الحسن . يابنت ناس من الاخير انا رايدك
بتول . فنصت عيونها وساكته
الحسن . نحبك ورايدك بالحلال ونيه صافيه لو ماعندك مانع وتبيني نبقى اسعد واحد ف العالم
ولو رفضتي وقلتي هذ شيحسب روحه حتى شهاده
ماعنده وكبير معاك حق ومنزعلش منك ومعش نضايقك
بتول . مش قادره نتنفس
الحسن . مدلها كباية اميه اشربي
بتول . تشرب وهي ترجف حي الكيكه طلعتها من كوشه حرق يدها طاجين قعدت تنقز وتعيط
الحسن بسم الله بسم الله عليك وحط يدها تحت
اميه مصقعه وهي تبكي شافلها يرحم بيك ماعد تبكي مش متحمل نا بروحي
بتول . نحبك
الحسن . شافلها
للحديث بقيه ..