الحلقة السابعة
بقلم يحيى إدريس
الحياة تمشي عادي واللي يقرا ف المدرسة يقرا
واللي بادي يوتي روحه لجامعة واللي بيرد لبلاده
بعد شهر عسل طويل ...
كانو منى وخالد مروحين ومعاهم عرم شناطي
يرجى فيهم عادل خو خالد ...
خالد . عدول
عادل . حمدلله ع سلامه
خالد ابتسم . الله يسلمك شفتي هذ عادل اصغر مني لكن عقله اكبر مني
منى . خير شخبارك
عادل . الحمدلله بخير حمدلله ع سلامتكم
منى . الله يسلمك
عادل . هيا نمشو
خالد . اكيد امي نايضه من صبح
عادل . من الفجر
خالد . والله وشاف لمنى امي هذ ديما هك وين مانروح من اي سفريه حتى من زردة عاديه توعى من
صبح وديرلنا اللي نحبوها
منى ابتسمت مجامله . يخليها لكم
خالد . ابتسم وهز راسه وكملو مشي
وف حوش هل منى
طالعه بتول انا ماشيه
شهد . ارجي فتحت جيب شنطتها وحطتلها شكاره فيها سندوتش
بتول . شنو
شهد . تن ب زيت زيتون
بتول . اوفففف نكرهههه
شهد فنصت فيها . كولي وانتي ساكته
بتول طلعت وهيا تهزب شافت الحسن واقف قدام حوشه قلبت عيونها ورفعت خشمها وتمشي ب شموخ
الحسن ضحك . عليك مريضه ربي يشفي ان شاء الله
بتول . الكلاب تنبح والقافله تسير
الحسن . قلة ادب تمشي ع الوطا
بتول . هو انت
رويدا . بتول
الحسن . رويدا تعالي هنا مترافقيش الاشكال هذ
بتول شافتلهم بكره وكملت طريقها
رويدا . حرام بتول كويسه معاي
الحسن . اني قتلك بتختاريها معش نقعد خوكي
رويدا . باهي
شهد . على وين ان شاء الله
محمد . الجامعة
شهد . مش تخرجت انت
محمد. سمعت انه يقدمو على ماجستير نبي نكمل
شهد ابتسمت . ماشاء الله موفق ان شاء الله
محمد . ان شاء الله هيا تمشي معاي
شهد . محاظراتي من 12 ونص نا
محمد . تمام هيا تبي شي
شهد . سلامتك لكن وين طالع طرف
محمد . والله جد
شهد . والله طرحه جديده
محمد . خذيتها من شهرين لكن معلقه ف دولاب مالبستش غير توا
شهد . مميزه انت شن ماتلبس يطلع حلو عليك
محمد . حرجتيني يلعن شكلك وطلع
شهد . الشاهي حي علي وطفت ع الغاز
صالحه . سقدتي بتول
شهد . ييي بعد نفخت راسي ع زيت زيتون
صالحه . ماتقبلش بكل البنت هذي ماني عارفه لمنو طالعه مافي حد فيكم تعبني كيفها
شهد . عناد وتصكير راس
صالحه . خطرها ع تصكير راس توا رنت علي منى
شهد . تركيا نفس توقيتنا ولا
صالحه . لا هي ف ليبيا روحت
شهد . امتى
صالحه . توا غير وصلو قاعدين ف طريق
شهد . الحمدلله رايفت عليها
صالحه . حتى نا وبدت تبكي
شهد . عليش تبكي بس
صالحه . مكانها فاضي
شهد . زعما لو تزوجت نا تبكي علي
صالحه . بلا قطاف زايد وحطي فطور
شهد . هذ حالي امتى يجي صاحب صوبي وتبدي تبكي علي
صالحه . كان ماتسكتي نضربك ب ه سباط
شهد . تضحك
اسلام خذا صفرة الفطور ونعيمه تمشي وراه شايله
المفرش فرشو تحت العريشه وبدو يفطرو ...
اسلام . اكرم واروى ف المدرسة
نعيمه . تهز ف راسها يمشو
اسلام . اكرم سنة شهادة خليه يقرا يمي ولو مقراش قوليلي
نعيمه . من اول مايروح وهو راسه ف كتابات
اسلام . يمي متستريش عليه لو مايقرا قوليلي
نعيمه . لا ماعندي عليش نستر
اسلام . تنقصهم حاجه قولي وانتي تبي اي حاجه بس قولي نبي كذا
نعيمه . الله يربحك ويصلح حالك ويرزقك من اوسع ابوابه
اسلام . امين يام امين
نعيمه . بتمشي شغل
اسلام . لا نمشي جامعة نسلم البحث مزال محاظراتي من 12 ونص
نعيمه . الله يوفقك وينجحك ونشوفك مهندس كبير
اسلام . من ناحية مهندس كبير ف كبير ف العمر
نعيمه . قصدي تقعد مهندس مشهور
اسلام . ان شاء الله اوكي
نعيمه . مع سلامه
أنت تقرأ
ضحايا بلادي
Romanceتضحيات الحب الحرب المرض اليأس كل سنة معينة لها ابطالها تتكلم عن جمعة اب بخيل ظالم وعن عائلته وكيف هتكون حياتهم ومواجهتهم مع ظروف الحياة القاسية من 2013 الى 2023
