ضحايا بلادي

ضحايا بلادي "مجزرة العشاق"

بقلم يحيى إدريس
الحلقة التاسعة

مصبي قدام قفص باب دار ويشوف لمرته مقعمزه
ف صاله وتبحت ف تليفونها هو كان لابس كت ابيض وشورت برمودا بيج ...
خالد . امتى وعيتي
منى . خافت وشافتله هاه بدري شوي
خالد . راسي بينفجر عدي ديريلي قهوة
منى . هزت راسها وخذت معاها تليفونها
وخالد قعمز ف صاله خذا ريموت ولع تلفزيون
منى . ادير ف القهوة سمعت نغمة الماسنجر
ايمن . تشوفي ف رسايلي وماتردي شن ندزهن لخلوده
منى . ترتعد وهيا تكتب خليني ف حالي انت عندك اخت متخافش
ايمن دزلها سمايلات يضاحكن اختي اشرف منك يا**
منى . حسبي الله ونعم الوكيل فيك وحطاته حظر
منى . يارب اكفيني شره يارب وماتفطنش القهوة اللي فاجت ع الغاز الا ف اخر دقيقة طفت عليها مسحت
الغاز وخذت بشكوط وكبايه حطتهم ف صفره مشت لصاله وصلت عند مكانه اللي قاعد فيه
خالد خذا منها صفره . سلم يديك
منى . سلمك وقعمزت حذاه
خالد شرب من القهوة تنزلي لهلي ولا نشيلك لهلك
منى . لا هلي نمشيلهم بكرة
خالد . تمام تنزلي لوطه
منى . تقييد وسريب خليني هنا خير وحتى هما ياخذو راحتهم
خالد . لازم تختلطي بالعيلة تبقى وحده منهم فكي الحشم
منى . مش حشم لكن هك اريح
خالد . باه
منى . حط ع mbc4 شوي يبدا مسلسلي
خالد . خلي ع الاخبار نشوفو لبلاد وين ماشيه
منى .ماشيه لهلها لبلاد معش قعدت شي بلاد خلاص
خالد . قولي خير تفائلو خيرا تجدوه
منى . اين خير بالله عليك والخبر اللي داروه ليبين ف معمر  وترجى في خير
خالد . عناد وتسكير راس شكلك طحلوبه
منى . وافتخر
خالد . لا لا لا وتقولي فيها ب عين قوية
منى . تضحك وخالد ضحك معاها

بعد رتبت مستلزماتها ع الزيانه ورتبت كل شي
شافت تحت السرير شكاره شوكولاطات ضحكت
وطلعت طرف كت كات تاكل وتبتسم وهايمه ف
عالمها الوردي قاطعتها رن تليفونها الووو
شهد . بنفهم حاجه وحده خوك طبيعي
اسماء . قتلهم
شهد . اسماء نا قيلتلك انه نبي واحد عليش ماقلتيلهم
اسماء . قلت ل امي لكن مقدرتش نقول ل ايمن مطرشق يقولها لهلك مرات يزروك عليه
شهد . فكرة كيف جت على باله اصلا
اسماء . اهو
شهد . انا حتى لو مش معجبه بحد ثاني حتى لو انقرضو رجاله العالم كله ومافيش الا ايمن ع الكره
الارضية مستحيل نرضى بيه
اسماء وجعها الكلام مهما كان يبقى خوها
شهد . ياربي لازم رفض يجي من عنده مانبيش ندير مشاكل لا مع خالي عيسى ولا مع عمتي ماجده
اسماء . حتى نا مانبيش لسبب هذ
شهد .ياريت تشوفوله عروس اخرى ربي يسعده معاها
اسماء . تمام
شهد . مع سلامه
اسماء . اوكي
شهد . صكرت الخط تزعل

ثاني يوم ..
صالحه تسيق ف الحوش ..
شهد . صباح الخير
صالحه . خير
شهد . من اللي جاينا
صالحه . اختك هيا تعالي ساعديني بلا كثرة كلام
شهد . غير نفطر قبل
صالحه . هذا فيش فالحه نفطرر
شهد . خشت كوجينة ماردتش ع امها
وصغيرتهم قاعده عند المحل خير ياصاحبي
شريف . خير خير
بتول . حمووو بناخذ شيشة اميه متلجه
الشريف ابتسم . خوذي
بتول . فتحت تلاجة وخذت يلا باي
الشريف . باي
زياد . من من خذيتي فلوس
بتول . عندي ربع دسته من قبل
زياد . امم باه عطيني جغمه عطشان
بتول . نشرب نا قبل
ع طلعة الحسن شافهم عقد حواجبه
رويدا . تشوف لبتول بحزن
بتول . رويدا وين ماشيين
رويدا . لملاهي
بتول . الله نمشي معاكم
رويدا . بياخذنا الحسن
رقيه . خير يابتول شنو حالك
بتول . حمدلله عمتي شخبارك انتي
رويدا . بتول خاطرها تمشي معانا لكن متحشمه
بتول فنصت ف رويدا. شنو متحشم
رقيه . هيا هي اركبي
بتول . لكن الحسن
رقيه . ماعليك فيه يقدر يتكلم معاي هو اصله
ركبو سيارة
والحسن شافلهم هذي ايش ركبها
رقيه . نا اللي قلتلها تمشي معانا
الحسن . يمي فكينا منها البنت هذي
بتول تجمعو دموع ف عيونها خلاص مانبيش نمشي
الحسن . خليك خلاص
بتول . جت بتفتح الباب لقت بطم مسكرات افتح
الحسن . تحرك ب سيارة
بتول نبي نننزل افتح الباب
رقيه . خلاص يابنتي عشان خاطري
بتول . بارددد مريض نفسي
رويدا ، حطت يدها ع فمها من صدمه
بتول . شافت لروشن ان شاء الله يموت يارب