ضحايا بلادي

السادس وستون "66"

ضحايا بلادي "
بقلم يحيى ادريس
البارت السادس وستون  "66"

فتحت عيونها شافته راقد جنبها ابتسمت هو فتح
عيونه شافلها ابتسم ابتسمت بخجل وغطت وجها
بالورغان وهي متحشمه "خجوله" حول الورغان
ضحك وغطاهم الاثنين نخلو العرسان ف حالهم  ..

ماجده وصالحه يغسلن ف الفرش عشان ايام الفرح اللي خش بكنادره واللي انكب مشروب وحلويات ..
ومنى تضم ف الحوش تكنييس وتسييق ..
وبتول تمسح ف سيسان واسماء بعد ضمت دار اللي رقدن فيها طلعت لكوجينه ضمتها وبدت ادير في
الفطور ع خشة عموري زيعااان ..
ضحكت اسماء هي شوية ونحط الفطور ..
عموري قعمز ع الكرسي انتي سمحه واموااح ..
ضحكت اسماء من قلبها خشت منى تضحك وهي مش فاهمه كنك شن في ..
اسماء . ولدك خطير يامنى نادره ..
منى  . شن دار ..
عموري رفع يديه مادرت حازه ..
اسماء . حطت يدها ع جنبها وهي تضحك ..
منى . شن درتلها تأسف ..
عموري . اثف ..
اسماء . تضحك بدموعها قالي انتي سمحه اموااح
منى  . ياربي هذي اخرة خلطته ب محمد ..
اسماء . اختفت ابتسامتها وكملت شغلها ..
منى . قعمزت جنب عموري وتفهم فيه ان عيب كلام هذا ..
طلع محمد وفارس وزياد نشرو الفرش وخشن صبايا يفطرن بعد عيطتلهن اسماء صفره عليها منى وعيالها
وصفره الاخرى حطتها اسماء قدام عمتها وامها وهي وبتول اللي خشت من برا
صالحه . كلهم فطرو ..
بتول.بابًا بس قاعد مقعمز ف الحاجر وميبيش يفطر
تنهدت منى بضيق وهي توكل ف بنتها ..
بتول قعمزت جنب اسماء تفطر وناضت صالحه
طلعت شافاته مقعمز وشمس جايه على على وجهه
صالحه . جمعه خش تجيك ضربة شمس ..
جمعه  . جو سمح
صالحه . باهي افطر خش
جمعه . ماعندي نيه الوكال
صالحه.لهدرجه فاقدها قاعد كيف العيل اللي بلا امه
جمعه . وهي امي
صالحه . دمعو عيونها الحوش بلاها شين صدقت
جمعه . شين وبس مغموم من طلعتها والحوش مغموم
صالحه . ربي يسعدها ان شاء الله ويبعتلها ايام حلوه زيها ..
جمعه . والله كان نعرف ماخليتها تكبر را ولا تطلع تبقى معانا ديما
صالحه . هذا حال دنيا  ..
جمعه . هنفقدها واجد وحط يديه ع عيونه
قدمت صالحه حضناته ويبكو مع بعضهم ..
اسماء . لهدرجه متعلق بيها ...
بتول  . شهد هي اول من وقفت معاه وقعدت جنبه
منى . حتى وهي صغيره رغم ان منحبوش بس يحب شهد ويلعب معاها اكثر حد وحتى هيا كانت تحبه
لعند سن المراهقة تغيرت وردت من جديد بعد
تسقم حاله ...
ماجده . هاكي عطيهم فطورهم يابنتي
بتول . خذت صفره فطور وطلعت بيها لهلها
حطت ع طاوله قدامهم هي تفضلو يالعشاق ..
صالحه . امشي ياتافهه
ضحكت بتول وخشت وسيبتهم
صالحه . هي تعال افطر معاي را ع لحم بطني من امس هي سايرني
ضحك جمعه وبدا يفطر معاها ...

طلع من الحمام ينشف ف شعره شافها مقعمزه
ع الكرسي لابسه قميص ابيض لعند ركبه بدون سروال وشعرها طويل العسلي مفتوح ع ضهرها
بنعومته وبياضها وهي تفطر ف يدها الفراوله وتغني
ياي سحر عيونه ونظراته أول ما اِتلاقينا عين بعين
ياي شو مهضومة كلماته دبت في كلمة كيف لو كانوا إتنين؟
كلمة وصار قلبى بكلمة نار على نار بسمة ع بسمة
قلبى اِحتار نساني إسمي ما أدري كيف ووين
كلمة وصار قلبى بكلمة نار على نار بسمة ع بسمة
قلبى اِحتار نساني إسمي
ما أدري كيف ووين
ما أدري كيف ووين
ما أدري كيف غيرلي أمري وحسيت بأمان
عمري اللي كان قاسي بعمري صار بلحظة كان
كلمة وصار قلبى بكلمة
نار على نار بسمة ع بسمة
قلبى اِحتار نساني إسمي
ما أدري كيف ووين
ما أدري كيف ووين
ما أدري كيف ووين
ما أدري كيف ووين
حب جنون أنا قلبي حبه ودوبني الغرام
وهو داب سلملي قلبه وضحكتلي الأيام
كلمة وصار قلبى بكلمة
نار على نار بسمة ع بسمة
قلبى اِحتار نساني إسمي
ما أدري كيف ووين
كلمة وصار قلبى بكلمة
نار على نار بسمة ع بسمة
قلبى اِحتار نساني إسمي
ما أدري كيف ووين
وهي تغني تهز بجسمها ودير حركات بيديها وكتوفها
قرب باسها خطف وهو يقول "عسلل"
ابتسمت بخجل وهي تقول نحسبك مزلت تدوش
غمزلها وهو يضحك لا من بدري طلعت ياشهد عجرم
شهد فنصت فيه بضحكه سامط راك ..
اسلام شافلها وهو حاط يديه ع طاوله وقال
يااول شي يخطر وين نوعى
ي اخر شي يخطر قبل نومتي
حلم وعلم ننظر فيك لوعه
حد عزاي نقول يانا ياعزومي
شهد صفقتله وهي تقول اسلمت اسلمت ..
ابتسم وهو يقول فطرينا حاجه من يديك ..
دهنتله توست بالمربى ومدتله هز راسه بالنفي
وكليني وكيف جت مدت يدها خذاها وشالها بين
يديه وهي تعيط لا يااسلام واسلام يضحك ...
...
بتول . مزال 4 ايام ع العيد
اسماء . شهد العيد سنه مع اسلام من زيها
منى . لكن مافيش صيام السنة عندها 😂
اسماء . خزي ياصايعه
ضحكت منى ومعاها بتول ..
اسماء . منحرفه يابت راكي ...
منى . حلالها عادي 😂عقبال ماتصيميش مع محمد
اسماء فنصت فيها منى ..
ومنى الاخرى تضحك ..
اسماء ضحكت وتحرك ف راسها يمين يسار
بتول وهي تضحك لكن جت معانا تقعدو عندنا الاسبوع كله ..
اسماء بعدها تبدا جامعة 😣
منى متذكرينيش بيها ارجوك بعدك امتحاناتي بعد العيد طول ..
اسماء ربي يعينك نا فاضيه ونفكر فيها ما بالك ب عيالك ..
منى . طموح طموح فيها خيره ..
ماجده  هي الغداء يابنات ..
طلعت بتول تجري الاخير هو لحمار "حشاكم"
طلعت اسماء تجري وراها وقعدت منى مقعمزه
تشوف لرقم اللي يتصل بيها ردت بحده "نعم "
المتصل ساكت ..
تعصبت اكثر شن تفاهه هذ لهدرجة فاضي ترن لك اسبوع ماسكها وراي اتصالات اتصالات لا مليت لا تعبت وياريت لما نرد تجاوب تبقى ساكت مريض
اسماعيل ابتسم صوتها حتى وهي معصبه سمح
قال شن جو ..
منى ضيقت عيونها وهي تميز ف صوت وتكذب احساسها من انت ..
اسماعيل ..
غمضت عيونها بنفاذ صبر شن تفاهه وحركات مراهقين هذين انت ب شن تفهم واللهي لو ماتخليني ف حالي نقولها لخوتي يعرفو كيف يتصرفو معاك ..
نقوللهم نبيها ام عيال خوي مايربيهمش براني وهم يعطوك لي نفس ماعاطوك زمان لخوي مايصدقو
صدقيني نسعدك ونعيشك ملكة زمانك ولا نبي منك فلوس لا شي نبيك انتي بس ..
منى . حلم ابليس ف جنه امشي ياتافه يامريض نا غاليه عند هلي مايعطونيش لك ولو عطوني لخالد
بموافقتي ورضاي وتعرف لو تكون روحي ف ايدك
نموت ولا نرضى بيك صكرت الخط ف وجههه وهي معصبه وملامحها مايبشروش بالخير ..
اما هو تعصب اكثر وعزق تليفون ف ساس ع خشة كامله كنك شن في ..
اسماعيل . شافلها من فوق لتحت ليش ماخطبتيهاش لي نا من البدايه هو مات وشبع موت اهو نا قاعد نا اولى بيها ليش وطلع يعيط ويهزب
كامله واقفه ف مكانها الولد انكلب حي عليا ...
...
بتول . موني كنك راقيلك ..
منى  . شي وتحط تباسي ف الشباك بعصبيه ..
اسماء . نحنا منقدروش نعيدو هنا ..
بتول . عليش ..
اسماء . سنة اللي فاتت محمد عيد عند عيت جده لكن سنة كلهم ف الحج لذلك نحنا نعيدو ف شقتنا
منى . بتذبحي انتي يعني
اسماء . نشيلوه للمجزرة
بتول . بلا حركات بعدين تقنعيني انك متحشمه من محمد ..
اسماء . خوك هو اللي ميبيش خلقتنا
منى . فوتيه ديري روحك ماتشوفيش فيه
اسماء . قعمزت ع كرسي وحطت يدها ع وجهها منقدرش شافتلها منى بحزن وبتول حطت يدها ع كتف اسماء تهدي فيها وقاعد حالها شر من حال اسماء ..
خشت صالحه قتلكم توا كلمونا هل اسلام ..
بتول ومنى شافن لامهم ..
صالحه . دايرين صباحية هي البسن ..
بتول . بنمشو لعند درنة مافيش وقت
صالحه . لا في هيا بس
اسماء . تمسح ف دموعها مفروض قالوها امس
منى  . ممكن نسو هي نلبسو
اسماء . نحنا شن نبو منظرنا بايخ
بتول . هي بلا طروح ..
..
ماسك خصلات شعرها يشم فيهم ومغمض عيونه
شهد . خلاص طيرته راك ..
اسلام . مرتي سمحه من حقي نتأمل في كل شي ..
شهد . وقت ع هلك مش نبو نزوروهم ..
اسلام . نسيت بكل هي البسي بيش نمشو ..
ناضت شهد وطلعت معاه ..
في طريق
اسلام هذا جامع الصحابه وهذي قهوة حامد الحاسي كان جارنا هنا وهو يمشي وهي تسمع
بكل حب ..
مشو لشلال ..
وكل البط وحتى هيي حطت من الاكل لهم ف البحر
وهي تضحك كيف يتجمعو ياكلو سمحين بكللل .
اسلام قرب باسها انتي سمحه بكلل ..
شهد . اسلام
اسلام حطها تحت ذراعه . يملحو مراتي حلالي
شهد . تضحك ب احراج
بعدين ركبو خذالها كريب ونسكافي من اول كافي
شهد تقول . عيب تأخرنا ع هلك
اسلام . عادي عادي
ع ساعة 5 ونص وصلو ل امبخ
شهد . الله يااسلام الڤيلا اطل ع البحر ..
اسلام . يتسقم الحال ناخذلك خير منها ..
نزلت شهد ومعاها اسلام ماسك يدها ..
خشو من هنا زغاريت وعياط وشتاوي
جت اروى تجري طولتو بكل هي خذتها ومشو لدار
لفت فيها كوافيرة لبستها ودارتلها كل حاجه ..
وطلعت شهد سمحه ..
اروى . اللهم صل ع نبي سبحان من خلقك ..
ابتسمت شهد عقبالك ياعمري ..
اروى رفعت يديها وقالت امين يارب ..
اسلام طلع من دار اللي كانت له لابس بدله عربية
..
ف طريق
محمد يسوق جنب منه جمعه ومن الخلف
صالحه وماجده وبتول واسماء ومنى وعيالها
سيارة كبيرة كانت بتاع منى بس يسوق فيها محمد
منى شافت لافته مكتوب درنة زاهرة ضحكت عرب
درنة غالي عليهم لفشاكه مغرورين درنة زاهرة برمت صالحه فنصت فيها كنك ياحنه مش عاجبينك
منى . لا عاجبيني ماشاء الله عليكم
ماجده . طقيتي عاد ف مسقط رأسها استلمي
منى . ياكلمتي رديلي
بتول . امي لعند توا خاطرها تعيش ف درنة
صالحه . اي والله احسن ايام عشتهم فيها طفولتي وشبابي ..
ماجده . فعلا بس ريت فيها ايام سود لسنين اللي فاتو
وصلو عند حوش هل اسلام وردولهم الهدايا ..
الرجاله ف جناح خاص جنب الحوش استقبلو
جمعه ومحمد ..
وصبايا خشن دايرين خيمه ف الحاجر قدام حوش
وطاوله وكراسي ..
استقبلوهم نعيمه وعمة اسلام وخالته احسن استقبال ..بعدين قعمزو ..
خشت شهد ع اغنية سماحه سماحه من القدم
لسالف ..
شهد كانت متوتره وخايفه وين شافت امها وخواتها
ابتسمتلهم والفرحه تنط من عيونها ..
اسماء مقعمزه جنب اروى يحكن مع بعضهن ..
وصورو معاها وخش اسلام صور معاها وتعشو
بتول وهي طالعه من الحمام خبطت ف وحده ..
لميس . معليشي يابنتي ..
بتول . لا ولا يهمك ..
لميس تبعتها بعيونها قنينه ..
نعيمه . حتى نا طول فكرت فيها لطارق ..
لميس . بالحق يانعيمه تعرفيها ..
نعيمه . هادي اخت كنتي لكن صغيره ..
لميس . شني اسمها ..
نعيمه . بتول ..
لميس . بتول ..