ضحايا بلادي

الثامن والاربعون

ضحايا بلادي
"مجزرة العشاق"
بقلم يحيى إدريس
البارت الثامن والاربعون

طلعو من الجلسة بعد قدرت محامية شهد ..
انها تأجل جلسه وتأجلت جلسه لما بعد ولادة منى .. والحضانه هتبقى مع كامله ..
طلعت شهد وهي بتنفجر من الغضب شافت اسلام
مشت وقفت قدامه تشوفله بملامح كره ..
وهو يشوفلها ببرود بمعنى كنك ..
شهد . امتى عمرنا طلبنا منك حاجه ..
اسلام . مط شفافه للاسفل ..
شهد . علي ماشفت في حياتي حقاره ونذاله وجساره بس كيفك ماشفت ف حياتي انت احقر وانذل حد ..
اسلام . من بعدك ..
شهد  . تعرف ليش سيبتني او سيبتك على قولتك
عشان اختك والاستاذ بتاعها وقضية خوك انت اخر
حد يحكي عن الاخلاق والمبادئ..
اسلام . انتي كيف عرفتي ..
شهد ابتسمت . البيضاء شارعين ودردوحه وكل حد يعرف حياة ثاني شنو بس نحنا مش اقلال اصل عشان نحكو ف شرف والاخلاق وننكرو العشرة
والعيش والملح انت تعرف درس كبير تعلمته
اني معش نوثق ف حد شكرا لك ..
مشت من قدامه وراها بتول وغيث ..
ركبت شهد سيارتها وحطت يدها ع جبينها راسي
بينفجر غمضت عيونها بقوة وقالت آااااه وتخبط
ع دومان وبتول تبكي فجأة طق روشن شافتله شهد
كان غيث يطق ع قزاز ب مفتاحه فتحت روشن ..
غيث . في حاجه ...
شهد . شكرا بارك الله فيك ..
غيث . روحي ع الحوش تريحي مافيك ما جا ..
شهد . لا هنجي لشغل وتحركت ب سيارة ..
نجلاء . شافت لغيث والله اللي علي درته ..
غيث . هذوما شياطين لعبوها صح ..
نجلاء . ما كان عندي علم انه معاهم شهود ولا يستخدمو حاجات هك حتى انهن ممنوع  ..
غيث . هز براسه مشكوره وان شاء الله حقك يوصلك
نجلاء . مش بيناتنا بس شكلك تحبها لهدرجه مشغول ب امور هك ..
غيث . ابتسم وقال وراك قضايا اخرى صح
ضحكت نجلاء ومشت ركبت سيارتها ..
فيسع ماتلاشت ابتسامه غيث وين شاف اسلام ..
اسلام . انت قايل شهد ع قصتي ..
غيث  . منحبش ندس شي عن مساعدتي ..
اسلام . انت واحد واطي انا صاحبك كيف
غيث . هوب هوب كنا اصحاب وكنت استاذك بس
لعند هنا وستوب بعدين لو نا واطي انت شنو اللي
درته قبل شوي شن تسميه انت اوطى من الوطاءه
اسلام . تصفية حسابات بيني وبينها متدخلش
غيث . انت دخلتني مكنتش نعرف انا وتو بدا امرها يهمني
اسلام تعصب . نجوم سما اقربلك شهد ليا فاهم
غيث هز راسه بنفي . مش فاهم ..
اسلام . غز ع سنونه ورب العزه تقربلها بس نشيلك ورا شمس ..
غيث . متحكيش كلام انت مش قده احسن ما نا ننفيك من ع وجه الارض بذات وانت مزلت بتبقى
عريس خلينا اصحاب غمزله وركب سيارته وبيبله
وتحرك واسلام شاط حجره من ع الارض بكندرته
..
اعمر . قضية ولبز هذا كله وين دفنتيه الحقد هذ كله
كامله . سلحت وشاحها مزال مابديت اصلا
اعمر . تعرفي ان عندك بنات وخبر اللي درتيه كله مردود
هند . حمدلله يابوي متربيات احسن تربيه مناش صايعات كيف هذنك اصلا كيف تقارن بينا
ويضربها اعمر كف صكري فمك ياراس الحربه ياسوسه انتي ..
هند حطت يدها ع خدها تضربني عشانها يابوي
اعمر . خافو الله ياناس خافو الله هذي ام عويلتنا
هذي مرات حياة خالد الله يرحمه مايتحمل فيها شي
كامله طبست راسها
اعمر . شن تبي تقوليله وين تلاقي معاه ياكامله
كامله دموعها ينزلو
اعمر . البنت هذي هتبقى خصيمتك يوم القيامة
كامله . شافتله بنظره حاده مليانه دموع وناري ع ولدي
اعمر . ولدك شهيد الجنه لكن انتي ع خبرك هذ مالك الا نار حرمتي قزون من امه وحكيتو ف خبر
صار وخبر ماصار حتى لو صار حراااام حرام اعراض ناس خافو الله ياقوم خافو خافو قالها بصوت كله
الم ودموع وقهر
اعمر رفع صبعه لو ماتعتذري منها ياكامله معاك ه الاسبوعين تبقي طالق ولا نعرفك وبنتك هذي ماتخشلي حوش ..
هند نزلت تبكي عيونها حمر
شافتها تقوى ماما كنك ..
هند دفتها بقوة وطلعت ركبت وتقوى وراها تحسس ف دفة امها لها ..