ضحايا بلادي

الثاني والخمسون "52"

تشويق 2022
ايش صار فيك انت تزوجت ..
لا والله مازلت ..
احمد ربك يرا والله انتو يالعزاب ف نعمه ياريتني
ماتزوجت الوليه كل سنة جايبه خايفتني نجوز عليها
تحسب بتربطني بالعيال نا تعبت مسؤوليهومصاريف
قطن حليب كذا لنقني تعبت يرا وندمت زواج موضوع فاشل رد بالك تزوج ..
"رد بالك تزوج"
احفظو جملة هذي كويس هي بسم الله ..
ضحايا بلادي "مجزرة العشاق"
بقلم يحيى إدريس
البارت الثاني والخمسون "52"

روحت ارويدا شافت الحوش كيف معلق فيه زينة
الفرح اضاءات ولمبات ومش بس هكي اول ماخشت شتاوي واغاني وعياط
مش بس فرح ارويدا كان معاها الحسن ..
..
منى . تشوف للكرت ماطه شفافها للاسفل
شهد . بشر غريب خوها ماصكرش 7 شهور متوفي مطلعه فرح ولدها
صالحه . ماني عارفه ليش مستعجله مزال صغير
منى . على كيفهم
شهد . زعما كامله بتحضر
صالحه. ولدها المتوفي را جنينها
انفتح الباب وخشت بتول معصبه خبطت باب بقوة ..
صالحه . بشويش
ماردتش بتول ولا قالت خير مشت لدارها تمشي بعصبيه
ناضت شهد وقالت نمشي نشوفها ..
فتحت دار شافت بتول راقده ع بطنها وتبكي ..
شهد . بتول كنك
بتول . طردوني من من المدرسة طردوني
شهد . حضنتها وقعدت تمسح ع ذراعها
...
حنان . تحني ف شعر كامله
تقوى . مقعمزه تاكل ف زبادي
وهند وريما يفتلن ف كسكسو ..
هند . اكيد هيجن فرصة مستحيل يهلبنها ...
ريما . منى مالهاش واجد غير طلعت من عدتها ..
هند  . زعمتك يهمها هي تلقاها دور ف عريس ..
كامله . ادور ف عريس ناخذو العويل ..
ريما . الستر ماانتي ياست هند دايره فرح لولدك اللي اصلا مزال عمره 19 سنة بس انتي عناد وتبي
فشاكه ومظاهر حتى بوك مااحترمتيه
هند . وعليش جايه اها قولي منقهره عشان مخليتش ولدي ياخذ بنتك
ريما . اولا مكنتش نعلم انكم دايرين فرح والا والله ماسقطت المكان انتي كل حاجاتك سكرت وبنتي مش زايده عليا بيش نعطيها ولا ندلل بيها ياست
هند وع كلامك هذ حوشك ماعد نسقطه لو ف اكبر كبيرة وعيطت ل ابتسام وطلعت ..
هند اخر همي وشافت لاامها شن تبي تلبسي  ..
كامله. حجزتلي تقوى من ع نت شن صار معاك يابت
تقوى . اهو قالك يومين ويوصل
كامله خذت تليفون من يد حفيدتها سمح ..
..
اسلام . بنروح
ياسمين . باه
اسلام . غريبه ما عارضتيش
ياسمين . انت مجبور ع زواج مني
اسلام . وجهه تغير وارتبك شن تقولي انتي ضمي دبشك
ياسمين . نحكي معاك شن تصرفات هذين
اسلام . مضغوط شويه
ياسمين ، اسلام نحنا متزوجين قولي لو عندك مشكله عندك تمشي ل احسن دكاتره يعالجوك
هو معش شاف قدامه انتي شن قصدك بكلامك
هذ وحط يده ع رقبتها يخنق فيها تكلمي شن قصدك اني مش راجل صح تكلمي ويزيد وهي
تفرفش بين يديه ..
شن جاه وتخيل صوتها  ..
نكره الراجل اللي يمد ع بنت اصلا يبقى مش راجل ..
سيبها وقعمز وحط يديه ع شعره شافلها كيف انحشرت ف زاوية ناض وطلع وسيبها وهو يلوم
ف نفسه كيف دار هك ..
..
بعد طلعت من دوش خذت من كريم شعر وبدت دير فيه وبخت شعرها ب عطر خاص لشعر شافتلها
منى ابتسمتلها . شعرك طاول شهوده ..
شهد  . شرايك بس
بتول . سمحه من يومك
شهد . عيونك سمحات ياقلبي وبعتتلها بوسه وناضت طلعت من دار ..
منى . تحسيها فرحانه مع غيث جابلها حاجات العنايه بالبشره ودايره خدود ولبس جديد ..
بتول . شهد من يومها تحب تهتم بروحها غير الوضع مادي وزيديها قصة اسلام 
منى . افتكت منه كرهته
بتول . حتى نا كرهته وقبل كانت هتقول ع موقف محكمه بس تذكرت وعدها لشهد انها متقولش ..
خشت شهد كوجينة شافت محمد واقف يدير ف دحي بالتمر عقدت حواجبها مبتسمه محمد ف كوجينه كبيرة هذ ..
محمد . دحي بالتمر من عين عينه كولي وادعيلي ..
شهد لا ياباتي عندي نظام غذائي معين ..
محمد . شن هو ..
شهد . بعد ساعة 6 معش ناكل الا زبادي بس ..
محمد . خبر خبر خبر را تموتي
شهد . لا مانموتش طلعت علبه زبادي وهي تاكل
محمد . يغمس ف دحي ويقول امممم
شهد . تاكل ف زبادي ودايره روحها مش مركزه عليه
محمد . تعالي كولي
شهد . لا شكرا
وبعد كمل محمد سيب شوي وناض يصب عصير
التفت شهد ع سريع خذت كسره خبزة كبيرة غمست منها وكلت عجبتها التفت لقت محمد
لاهي بتليفون ردت اخرى خذت كسرة اخرى ومن
كسرة لكسرة وفمها مليان جا محمد بكبايه العصير
شاف تبسي فاضي وشاف لشهد فمها مليان ابتسمتله وهو ضحك ع منظرها وهي ضحكت معاه لعند شرقت من ضحك ..
...
واقفه ف بلكوني تشجنجت رقبتها دارتلهن تمارين
ركزت ع حد يشوفلها فطنت لروحها بدون وشاح
خشت تجري صكرت ع روحها وتقول حي عليا يحسبوني مش كويسه وبتاع وجيج ...
رن تليفونها شهوده ابتسمت وردت الو ..
شهد . شن جو وين مختفيه لا تنشدي لا شي ..
اسماء . والله ننشد ع اللي ينشد ..
شهد . جالطه شخبار خالتي ماجده ..
اسماء . كويسه شخباركم انتو وعمتي والبنات ..
شهد . نحنا بس ..
اسماء . شقلبت عيونها شهد
شهد . اسماء ماااء
اسماء . شن جو الحواله هذ انتي ماكلمتي الا وراك حاجه
شهد . نبي ندحنس عليكم ونجي نغير جو نا وبتول
اسماء . مرحبتين ياحنه حوش حوشكن
شهد . قولي ل امك قبل
اسماء . شقلبت عيونها وجهك بنصكر
شهد . اوكي
اسماء . ابتسمت وحطت ع صورة تجمعها هي ومحمد ابتسمت وبدت تذكر ف قصتهم كيف
بدت وكيف انتهت حطت يدها ع وجهًا بدت تبكي
بالعبره ...
...
حوش الجيران رابخ اغاني وشتاوي صوتهم واصل لمسامع بتول  ..
ارويدا مش حاسبه حساب شي ترقص وفرحانه مع امها ويغنو ياسيدي اضرب ع الكف ياخلي العقل يرف ..
صوت زغاريت ورصاص ..
كانت يومها زفة الحسن وثاني يوم زفة ارويدا ..
بتول فمها يرجف وبدت تبكي بالعبره حضنتها شهد
وتمسح ع ضهرها خلاص خلاص وبتول تبكي وتقول
خذا غيري خذا غيري وشهد انهارت معاها بكاء ..
... كيف ف ناس تفرح لما تفرق اثنين يعني انتو فرحانين لولدكم اللي جوزتوه هذا وبنت ناس اللي
كسرتو قلبها نسيتوها يعني ف نماذج غريبه لا دين لا مله  ...

....
يوم فرح ارويدا كان ثاني يوم طول
اثار جدل الفرح هذ ..
المكياج والحنه وفرح مطنطن 4 فرق وعشاء كبير وحفلات دارو خبر ولا كأنه عندهم ميت من كم شهر
ولا كأنه الميت هذ ولدهم ولا العذر يقولو شهيد ..
والحزن ف القلب والحزن 3 ايام ..
نقولو الحزن 3 والحزن ف القلب بس انا مش متقبل فكرة انك تفرح ودير مناسبة وخوك ولا ولدك متوفي
حتى سنة ماطقها هذي قناعتي انا ومش عارف هل في من يوافقني الرأي ولا ..
كان الفرح عباره عن عرض الثراء الفاحش من اغلى قفطان وفرح هند لوكال اللي فيه ما ندارش في فرح
والمنسق فلان والمصور علان ..
وكامله مانزلت من ع المسرح بكل ..
طلع وليد ع المسرح باسها ع راسها وباس يديها
وهي تضحك وشاركها ف رقص سلو وكان رومانسي وكل البنات عيونهن قلوب عليه وع رومانسيته ..
اللي ماحضروش الفرح كانت ريما وعيالها ومنى وعيالها ..
ريما كانت تبكي ف حوشها وجنبها ابتسام تهدي فيها ..
ومنى كانت تقرا ف قرآن من بعد لعشاء لعند 2 في الليل تصلي قيام الليل وبعدها الفجر وهكذا ..
كانت منى متقربه من الله زي ما محمد متقرب من الله وشهد فرحانه انهم سمعو بنصيحتها وبعدين
خشت لدارهن شافت لبتول تصلي ف قيام الليل
ابتسمت وحست روحها تحصلت ع مليون دولار ..
لانهم سمعو نصيحتها ومشت هي تصلي وتدعيلهم
وامهم تدعيلهم كلهم واحد واحد منهم ..
بس الابن الاصغر بينما تدعيله بالهداية
هو قاعد حاليا ف تونس يعتبر طفل ماتعداش ال 15 عام قاعد ف ديسكو ولاهي ف الحضاره وتفتح ع قولته هو وميبيش الناس القدماء اللي زي هله ع قولته هو ..
..
انتهت 2016..
ونبدو ف الاول من يناير 2017
طلع من الحمام ينشف ف شعره
شاف مرته واقفه وماسكه صورة ف يدها
عيونها مليانات دموع قالت بنبره حاده من هذي ..
اسلام . شافلها
ياسمين . جاوبني توا من هذي اللي معاك ف صورة
اسلام . حبيبتي
ياسمين .
...
منى . انا بنبدا ف قرايتي
ابتسمت بتول ومعاها شهد
واثنينهم حضننها بقوة وهي وسطهن تضحك ..
..
ودعو وليد وارويدا عوائلهم وسافرو ع كندا ..
وسن متخافيش عميمه ف عيوني ..
ابتسمت ارويدا وطلعت ركبت مع راجلها وشيرتلهم
وتحركت سيارة منها للمطار ..
عشان قضاء شهر العسل ..
..
كانت تقوى مقعمزه وتهز برجلها اللي كانت وحده فوق ثانيه جاها مسج شافتله ضيقت عيونها كان
الكلام خربشه مادورتش واجد جاها رابط عبارة
عن رسمه فيها قلمين ع هيئة زائد وجنبها مكتوب
Yes وتحت منها No
ومن جهة ثانية العكس No فوق ولل Yes تحت استغربت تقوى وجاها فضول تخش ع رابط وتشوف قصة موضوع هذ
للحديث بقيه ...