ضحايا بلادي

78

ضحايا بلادي 2
بقلم يحيى ادريس
‏78 part 

بدت تكح حست حاجه تخنق فيها جسمها كله
متكسر دموعها نزلو والم جسدي بدا فيها كأنه
حد يضرب فيها تغمض في عيونها تحساب ان
هك الوجع هيخف بس للاسف زاد الا زياده تأن
..
كامله . كيف قاعده وحدك هنا
منى . معاي عيالي ومعاي الله
كامله . مزلتي صغيره والعيون عليك
منى  . عارفه حدودي متخافيش منيش متزوجه
كامله . مش هكي يابنتي بس
منى . عمتي بيني وبينكم احفادكم بتشوفيهم تنوري
كامله . انا مش قصدي
منى . عارفه قصدك لذلك نختصر عليك اللي بتقولي
انا ارمله خالد وهنموت ارملته ونوعدك مش هنفكر
ولا هيبقى في راجل كيفه مش تقولي خفت منك لو
نبي نتزوج طول بس نا متأكده مش هنلقى حد كيفه
عمري لعيالي ولشغلي ورزقهم وبس ..
كامله . ابتسمت وعيونها مليانات دموع ولدي عرف يختار صح كنت ظالمتك ..
منى . ابتسمت
كامله. الله يرحمه وبدت تبكي
منى . صبت جابتلها كبايه اميه
كامله . تأخرت لازم نمشي
منى . ابتسمت خليك باتي معانا
كامله . جديات نبات معاكم تبيني نبات
منى . خالد كان موتيلك دار
كامله . مالا نقول لوليد يروح يرجى برا
منى . الاء وعموري هيفرحو وين يشوفوك
كامله . ابتسمت نجيهم ياربي
...
نعيمه . متقولش وراها عيال ماشيه تجري للمرض
اسلام . امي كنك انتي
نعيمه . نا ماعنديش جهد للعيال ماصدقت كبرتكم
اروى . ماسكه جوري وتشوفلهم وامتى تطلع
اسلام . مش عارف
عبد الله . انت كيف سيبت مرتك وحدها
اسلام . يابوي مشت لخوها وخطيبته فيهم كورونا
تبيني نخاطر ب حياة عيالي ..
عبدالله . هلها عندهم علم
اسلام . عندهم علم انها مشت لخوها
عبدالله . انك حطيتها ف الحجر يعرفو
اسلام . هز راسه بالنفي
عبدالله . شن تبي تقول لبوها ولخوتها
اسلام . هنشوف هنشوف متضغطوش علي
نعيمه . الحق هي غلطت يا عبدالله صدق يخاف عليهم عويلته
...
جمعه . كيف يحطها ف الحجر بس
محمد . توا نمشي نجيبها
زياد . ايش فيها ما فارس وخطيبته ف الحجر
محمد . هذي اختك يابهيم
صالحه بختها عطيب يابنتي خذاته مطلق وقليل اصل
زياد . مكبرين مواضيع ماهو فارس ورحمه لهم فترة ف الحجر مادورتوهمش ..
صالحه . فارس كويس بعدين هو اللي اختار يقعد مع رحمه لكن شهد ..
جمعه . نمشي نجيبها ..
زياد . انت صحتك بالهون تجيبلك مرض اطيح علينا
صالحه . كنك بارد هك انت
زياد . كلا من جولاطي وماردش عليهم
..
المريضه هذ من اول جيتها ما حطت لقمه ف فمها
التعب متمكن فيها قالو انتقللها عن طريق خوها
وصحبتها ..
لا حول ولا قوة الا بالله هذ الاستهتار شن جابها هنا
مشكله عندها عيال جت مع راجلها عليك طرف
خزي عزقها وطلع ..
هك رجاله كلهم شن متوقعه منهم ..
يامينتي راجل خاف
تلقيه يحسب كان هذي ماتت يتزوج ثانية
انتن مش عارفات انها حامل ..
طاح سعدها وجاية هنا ..
للاسف هذ هتموت هي وجنين ..
حرام مزالت صغيره ..
...
جمعه . بنشوف بنتي
ممنوع ياحاج ..
صالحه بنتي وولدي هنا الله يربحك تشوفوهم
حتى من بعيد ..
محمد . خليهم يشوفو البنت اقل شي
جا اسلام ..
الدكتور . المريضه شهد عندكم علم انها حامل
كلهم . شافوله بصدمه
الڤيروس يأثر عليها وعلى جنين واثنينهم ف خطر
اكثر من الانسان العادي ..
اسلام . يعني هتعيش ولا
الدكتور . مش هنقدرو نديرو اجهاض الا بموافقه
اسلام . عليش اجهاض يمكن يجي سليم
محمد . قرب ضربه بوني
وصالحه محمد خلاص عيب
والامن جا يحزو
محمد .انت كيف تحطها هنا كيف تجيبها من اساس
والدنيا خشت ف بعضها ..
صالحه تستفسر من دكتور
الصراحه مش هنخبي عليكم الڤيروس خطير ع شخص العادي فما بالك بالمرآة الحامل والڤيروس
قوي ه المره جاي بنتكم مناعتها ضعيفه هيسبب
تشوه لجنين وفقدان حياة الام وممكن تعرضها الامراض ف المستقبل هذ ملف في تحاليل بنتكم
صالحه . دموعها نزلو
جمعه . ساكت وعيونه مليانات دموع
...
اعمر . اجديده جاها يجري
هي فتحت يديها بفرحه نجك ليا حبيبي
اعمر . وينك معش تجينا
كامله . تبوس فيه من مفروض يجي لاخر كبير ولا صغير
اعمر . ماعنديش سيارة نا
كامله . توا نديرلك سيارة
اعمر . مانعرفش نسوق
كامله . توا نعلمك سيارة امك لكن
اعمر . باهي
..
منى . الاء حبيبتي لولي صبي عندنا عرب تحت
الاء . من
منى . مفاجأة
الاء . ياسلام نحب مفاجأت وطلعت تجري
منى . اصبري نغسلو ونغيرو دبشنا
الاء . صح
منى . بيش يقولو عليك بنت سمحه ونظيفه
شوي نزلت الاء شافت كامله ابتسمت وقالت ديدا
كامله . خير خير ياسمحه وباستها نجك لي عليك سماحه وبنيه كيف تفاحه من دارلك قرون هذينا
الاء . ماما
كامله . دغدغ فيها
والاء واعمر يضحكو
منى . توتي ف الفطور طلعت للحاجر تقطع نعناع
شافت احمد كان ف دور ثاني من حوشه يدير
ف تمارين ف غرفه خاصه بتمارين رياضية شقلبت
عيونها وخشت حطت فطور وقعمزو يفطرو بشكل
جماعي
...
لجين . امس ما حطت لقمه ف فمها
زينب ، تصخف
اي قداشها مسكينه
خشت عليهم بتول صباح الخير ..
زينب . صباح النور نحطلك فطور
بتول . شكرا صبت كبايه عصير
لجين . خليه اني نصب
بتول . لا نعرف بروحي
زينب . نقدرو نساعدوك ف حاجه بنتي
بتول . ابتسمت بعدين قالت تليفون
لجين وزينب شافن لبعضهن بخوف
بتول . بنمشي لهلي انا مش قادره نتحمل هنا خايفه
زينب . سامحيني بنتي ماتقدرو
بتول . ارجوكم
زينب . هزت راسها بالنفي
بتول حطت كبايه عصير وطلعت
ريماس. تحبي تتصلي بحد
بتول . شافتلها بكره وسيبتها
ريماس . ضحكت ب استفزاز
بتول . حطت يديها ع بعض وتشوف من عند روشن
المهدي واقف وماسك سلاح ف يده ويضرب ف سما
بتول .. هذ كيف يدير هك ف اشهر حرم
بتول . ياربي هم تجار وغاطسين ف الحرام ماتفرق معاهم
طارق . بوي جلال مداير قصة لفلوس مزورين
ضحك المهدي يستاهل مغفل ..
طارق . اتخيل دار حاجه
مهدي . يبي يبلغ الحكومه يبلغ وضحك
طارق . انت كيف تعطي فلوس مزورات هدا مايخاف
احتمال يموتنا كلنا اهني ..
مهدي . متخافش ماتصيرش حاجه واني موجود وضحك
..
بعد مرور يوم ..
خشت للكافي لابسه اڤرول لونه درجه من درجات
البرتقالي والجوري حولت نظارتها البرتقاليات 
شافت حطو ع الرخامه تبسي فيه بان كيك بالفراولة ونوتيلا قالت شكرا ياصلاح سمعت كلامي طول جت
بتاخذه بس قال للاسف مش لك شافت تبسي وين
ماشي بيه ..
احمد مقعمز ع طاوله مع صاحبه ولابس طاقيه
ويقول تعال تعال الله عليك هذ هو اللي نبوه ويشوف لمنى ومبتسم كلى منه وغمض عيونه
ويهز في راسه ويقول واحد يبي ياهو ويوري فيهم
تبسي كلهم قالو لا صحه وهو حط يده ع صدره
يقول واللهي ..
هزت راسها وبرمت مشت لبست نظاراتها معصبه
احمد ياكل وهو فرحان ..
اسماء . واضح غاوي فيك
منى . فكينا من كلام هذ شخبار هلي
اسماء . ماقتلكش
منى . شن في
اسماء . شهد جتها كورونا وضعها خطير
منى . شنووو
...
طارق .خيرك من اول ما روحنا من المزرعه متكنطيه
بتول . نتصل ع شهد ماترد علي اول مره ديرها
طارق . تنهد
بتول . انا بنمشي لهلي شوف والله مانقول حاجه
طارق . اشششش بتول اللي فيني كافيني
بتول . هذا ظلم يرضي من ياناس اللي يصير في
طارق ، يرضيني
بتول . انت مريض
طارق . مريض فيكي
بتول . اطلع من اهني اطلع
طارق . ابتسم وطلع
بتول . عيطت وخبطت حاجات ع طاوله
طارق ، غمض عيونه وقال ان شاء الله مش ريحه ماخدها جديد بعدها
...
ارويدا وعيت تحك ف شعرها لابسه توته
شورت وكت امي وينك مافيش صوت فتحت
تلاجه شربت عصير خذت تليفونها واتصلت
تليفون امها ع طاوله استغربت حطت كبايه
عصير وباب يطق مشت تجري فتحت باب كنك مسيبه تليفونك ..
وليد . اي تليفون
ارويدا . شن ادير هنا اطلع برا دف فيه بس هو بكل قوته دفها جوا وصكر باب
ارويدا . نلم عليك ناس وليد امشي من هنا
وليد . مزلتي مرتي مزلتي ع ذمتي
ارويدا . رفعت فيك دعوة طلاق
وليد . ناخذ حقي بعدين نطلقك
ارويدا . شافت لبستها وشافت لنظراته طول مشت تركب من ع لدروج وهو يجري وراها طاحت يكر فيها من كرعيها خبطاته ع وجه تزحلق ركبت وهي
خايفه وتدعي لدارها ركب وراها افتحي ارويدا ارويدا
ورا الباب تقفل فيه طاح مفتاح ع الارض وهو هبك الباب توخر لعند ماهو خلاص قرب منها وخذا منها
بالقوة وتعيط ومحد يسمع فيها ولا يجيب عنها علم
اما عن رقيه ف هي عند جارتها تشرب ف قهوة
ريتي البنت لصغيرة زوزوها فيسع فيسع بيش يفتكو اكيد لقيوها معاه لعند صبح اليوم ماجتهم والكبيرة خذت عويلتها ومشت لحوشها
رقيه . تسكن وحدها هيييه
ولا العيل لصغير متفرعن وحيه وحيه بنت خالهم هذي قالو محمد عينه منها و24 ساعة عندهم
وشهد مختفيه
سادك غير خذاته متجوز من قبل انظر شن دايره مع خطيبها اللي خذاته مطلق
رقيه . شدخلنا بيهم كل واحد يشقى ب هم اللي عنده
اي والله ربي يستر عليهن وعلينا
رقيه . امين
..
ارويدا تشهق ع سرير وعيونها ف سقف
وهو لبس سوريته وسرواله بعدين لبسها
عبايه وشاح وهي دايخه مش قادره تحرك
خذالها كم لبسه وتليفونها ركبها سيارة وتحرك
وهو يقول جيبها ياسيد جياب جيبها من غير حجاب
وضحك وهو يغني ..
..
مانبيش حد حي انهيهم كلهم اقضي ع سلالتهم
سيارات مصفحه نزلو ملثمين وبدا طلق ع الحرس
زينب حي علينا
لجين . فتحت دولاب وطمرت فيه
زينب اطلعي ي مهبوله
ريماس ولميس طلعو من باب الخلفي مع جبران
والمهدي وراهم لجين وزينب ركبو ف سيارة مع سواق
وصلو في مكان ثاني
طارق . وين بتول
زينب . راقده
طارق . شني كيف تخلوها
ريماس . شني دخلنا فيها تموت ونتفكو
طارق . ركب سيارته
لميس . طارق وين ماشي تعال اهني طارق
طارق . ركب سيارته وعيونه مليانات دموع لا لا