ضحايا بلادي

الثالث والخمسون

ضحايا بلادي
مجزرة العشاق
بقلم يحيى إدريس
البارت الثالث والخمسون "53"

فبراير 2017 ..

انفتح باب سيارة نزلت منها شهد كانت في غاية الاناقة وجمال ومن جنبها نزلت منى كانت عكسها
تمام رغم جمال منى بس كانت ذابله كان جسمها
ضعيف ولابسه جلباب رصاصي ساده وشاربه سودا كبيرة بدون اي رسمات او زخرفه حتى من كندرتها
سودا ولابسه القفازات ف يديها خشت وتشوف
ب استغراب زحمه الطلبه وطالبات ..
شهد . متخافيش هي امشي وارفعي راسك
منى . وهي تمشي تحس ناس كلها تشوفلها
لعند ماسمعت صوت يناديلهن منى يامنى ..
وقفت شهد ومعاها منى اللي حاضنه دفتر بتاعها
ابتسام . خير شخباركن
شهد . تمام وانتي تقري هنا
ابتسام . اها سنة اولى اتجاه عام
شهد . موفقه ان شاء الله
ابتسام . ان شاء الله شافت لمنى شخبار عموري والاء
منى . الحمدلله شخبار هلك
ابتسام . كويسين انا من فترة عرفت ان خالي مسيبلك وصية لكن استلمتها حني ومبتش تعطيها
لذلك سرقتها سرقه بدون ماتفطنلي
منى كانت يدها ترجف مش قادره تمدها ..
خذتها منها شهد وشكرتها ومنى ساكته ودموع ف عيونها ..
مشت ابتسام وهي واجعها حال منى ..
شهد . خليها تقريها بعدين ..
منى . هاتيها انتي امشي محاضرتك بدت
شهد . مانسيبكش بروحك
منى . خذت الظرف من اختها وقالت معاي الغالي امشي
شهد شافتلها بحزن ومشت لمحاضرتها ..
ومنى دورت ع مكان فاضي من ناس قعمزت ع كرسي وفتحت الظرف الورقة مطبقه طلعتها
وهي تفتح فيها شافت للخط مميز حتى ف خطه
كان مكتوب ياام عمر ياحب حياتي ياعمري لو تقري
ف رساله هذ معناها انا قابلت وجه كريم واكيد اني
شهيد لما قلتيلي حامل فرحت ودعيت تكون بنيه
تشبهلك سميها الاء الاسم هذ نحبه من سورة الرحمن عينك منهم حافظي ع روحك ياوردتي ..
عيشي حياتك ومتزعليش انا ف جنه عارف روحي
وضامن مكاني منحبش نشوفك زعلانه خليكي ديما تضحكي وعيالنا نبيهم فرفوشين زيك انا نحمد ربي
اني عرفتك يااول واخر حب ف حياتي عموري خليه
راجل يعتمد ع روحه والله الله ف روحك وصحتك
وكان ربي كتبلي عمر نكمل عمري معاكم بس نا فداء للوطن ولكم ومش تقولي يحب وطنه خير مني لا انتي وطني ولانك وطني خفت عليك تصيرلك حاجه عينك من روحك ياغلانا وف الجنه يكون ملقانا ..
دموعها نزلو ع الورقه حطت يدها ع فمها شمس جت ع وجهها رؤية بدت ضبابيه حطت ذراعها ع وجهها وتمسح دموعها بكمها مستحيل نعيش بعدك انا متت متت معاك وانت اخر حب ف حياتي نحبك لاخر نفس فيا ياعمري ياروحي الله يرحمك ويسامحك ويجعل مئواك الجنه يارب ..
..
وسن . اطبق ف دبش
خش الحسن للدار ابتسمتله ..
الحسن . سلح جاكته وقال شنو الغداء
وسن . درتلك رز بالتقليه مصارش
الحسن . سخنيلي ميت من جوعي
طلعت وسن وهي فرحانه ماشيه لكوجينه
رقيه . وسن ديري طاسه خضرا
وسن . حاضر ياعمتي بدت تحط الغداء ف تبسي
بعدين بتفتح ميكرويف
الحسن . انا منحبش تسخين ميكرويف سخنيه ع الغاز
رداته ف طنجرة وتسخن فيه وهي مبتسمه ..
الحسن قعد يبعبش ف تليفونه ..
وسن . قعمزت ع كرسي قدامه الحسن
الحسن . كنك
وسن ضايقت من اسلوبه . بنقولك نمشو نديرو تحاليل
الحسن . عليش
وسن . شكلي وطبست راسها
الحسن . تمام فهمت عليك
خشت رقيه عليهم ومررت نظرها شافت الغاز ماعليش براد لا شي وين شاهي اللي قتلك عليه
وسن . يييه عليك نسوه سامحيني ياعمتي
وناضت دير فيه ..
رقيه . ديريله سلاطه السلاطه بعد اطول تحمض
وسن . حاضر
وطلعت رقيه من كوجينه قعمزت تفرح ع مسلسلها
...
بتول . مدرسة سمحه وكويسه
صالحه . باهي الحمدلله ..
بتول . وين منى
صالحه . اول ماروحت خشت رقدت طول
بتول . شافت لعموري ياكل دارتله حركه بخشمها
وهو ضحك عليها وهي ابتسمت وقالت فارس امتى
مروح ..
صالحه . هانت رايفت ع زياد انا
بتول تنهدت بضيق . حتى انا
جمعه . انا جيت جبتلكم معاي برتقال ..
نزلت شهد تجري حمر حمر حمر
عموري . لا امر نا
محمد . اهي جت الهبله
شهد بدت تفتح البرتقال واللي تلقاها مش حمرا تعطيها ل امها ولا لحد من خوتها اخر وحده خذتها
طلعت حمرا قعدت تضحك هاها ها وبدت تاكل فيه
عموري . تحسب اوحك صعيره
فنصت شهد بضحكه ريت جالط شن قلت ..
وكلهم ضحكو ع كلام اعمر عن شهد ..
جاته شهد دغدغ فيه وهو يضحك وهوب محمد
سرق منها البرتقاله وطلع يجري شهد ياكلب وتجري وراه وكلهم يضحكو بدموعهم من ضحك ..
...
ارويدا .لابسه فستان ودور ع حاجه تلبسها ف دولاب
خشت تقوى وهي تاكل ف تفاح احمر رفعت حاجبها
وقالت اووو صعبة صح لما تبقى فقريه ومره وحده
تخشي ع العز شعور صعب ..
ارويدا . انتي كيف تخشي لداري بدون اذن
تقوى . حوشنا ودبشك وحاجاتك كلهن بفلوسنا
ارويدا تعصبت منها وقالت فوتيني ياتقوى ..
تقوى . بيبي خفت منك ياعصبي وقرست خد ارويدا
ارويدا . معش ديريها لي
زادت ضحكت تقوى ومطت شفافها امي تبيك يا ارويدا وطلعت ..
نزلت ارويدا رسمت ابتسامه مزيفه ع وجهها نعم اعميمه قالو تبيني ..
وطت هند صوت تلفزيون تعالي قعمزي جنبي ..
قعمزت ارويدا جنب هند ..
هند . لك شهر ونص متزوجة واسبوعين عسلتو فيهن برا وحتى بعد روحتي قلت مازالت عروس اول اسبوع خليها متريحه بس حسيتكً خذيتي ع راحه
تطلعي وتخشي وترقدي ..
ارويدا . بارك الله فيك ياعميمه
هند . امك قالت بنتي فالحه تعرف دير كل شي ..
ارويدا . صح
هند . خلاص ورينا فلاحتك اليوم جايتني امي تبي رشده من يديك ع العشاء ..
ارويدا حاضر من عيوني
هند . سلم عيونك كنينتي سمحه
قعمزت تقوى جنب امها وف يدها ريموت سندت راسها ع صالون وقالت رودي جيبلي معاك اميه
ارويدا بتنفجر من الغضب ..
وتقوى مبتسمه وتشوف لتلفزيون وهند تفرج
صبت ارويدا كبايه ومدتها لتقوى شربت منها شوي
وقالت حطيها ع طاوله وارويدا تحاول تمالك اعصابها ..
...
فتحت منى عيونها شافت الاء راقده جنبها ..
قعمزت بتعب حست حرق ف رقبتها بدت تردد
ف صلاة الابراهيمية بعدين صلت ع رسول 1000 مره واستغفرت شافت لبنتها انكتب عليك انتي
وخيك تيتمو ياعمري انتو ان شاء الله نقدر ندير اللي
عليا ونأدي امانتي ونربيكم احسن تربية يارب باست
بنتها فتحت عيونها شافت امها البنت دارت صوت
ضحكت منى وعيونها مليانه دموع وبدت تلعب فيها
كانت الاء وقتها بعمر 3 شهور ..
وتبتسم ل امها ومنى وقتها حست انها هملت عيالها ف فترة حزنها ولازم تبقى قوية بيهم عشان تقدر تعيش ..
مقعمزين ف المربوعه ..
جايب العاب اشكال والوان لعيال منى ..
شهد . عليش هذ كله
غيث . عيال خالد كأنهم عيالي
اعمر يلعب ب سيارة عنعن
ضحكت شهد وغيث يشوف لضحكتها
هي فرحانه لعيال اختها بس فنفس الوقت شعور سلبي مجرد ماتبقى مع غيث تحس بريبه ...
جمعه . بارك الله فيك ولدي كثر خيرك بس نحنا مزالنا عايشين نجيبولهم
غيث . مش قصدي حاجه لكن المرحوم ولد خالتي وكان زي خوي واكثر وبعدين خلي عنك موضوع هذ
اللي يقرب لشهد ولا يعز على شهد يعز عليا حتى نا
جمعه . انتي محظوظه يابنت حافظي عليه
شهد . ابتسمت مجامله
وغيث فرحان انه قدر يكسبهم لذلك مشا بمثل دق الحديد وهو حامي وقال والله نا اموري تمام ولنقني
نبي الفرح حال الغايه قبل رمضان ..
شهد . لا مازال بعدين نا عندي بحث تخرج وهك مانقدرش سنة السنة لا
غيث ابتسم . انا نساعدك فيه
شهد . غيث منحبش حاجه شك شلبك هذ زواج مش لعب شك شلبك نطلعو فرح انا مش مستعده
سنه لا ماديا ولا نفسيا ..
غيث . لو ع خالد اذا كان هله طلعو فرح
شهد . الله يرحمه يعز عليا وعشان اختي وهذ كله نحطوه ع جنب انا ماعنديش نيه سنة نتزوج ..
غيث . ابتسم غير فكري
جمعه . ماتضغطش عليها بنتي راسها يابس خليها ع راحتها احسن ماتفوت موضوع بكل تعلق كم سنة قالها بطريقه مضحكه ..
خلا غيث يبتسم مجامله وقال نستاذنكم عندي شغل
جمعه . خليك تعشى معانا
غيث . الله يسلمك مره اخرى وطلع ركب ف سيارة
معصب قرن حواجبه وتحرك بسيارة ..
....
ياسمين . وهمتيني انه يحبني ومافيش غيري وانه خطيبته تتلصق عليه وهو طلع يحبها وحافظ صورها
عنده مزالن صورها ف داري
اروى . وطي صوتك حد يسمعك
ياسمين . خليهم يسمعو طز انت جنيتي ع مستقبلي
4 شهور زواج ماقرب مني غير مره او مرتين ونا نطلب فيه تعرفي اهانه ف حقي هذا فوق من نفسه
اروى . تحشمي مواضيعك تافهه خلاص اجوزتيه ومحد ماعندش ماضي
ياسمين . شن رايك مانقوله كذبه اني معمريش شفتها خطيبته هذي لا ضربتني ولا هزبتني ..
اروى اسكتي خلاص
ياسمين ونقول كله من تحت تخطيطك انتي وانه هلي ماتكلموش ومايبو يأذو حد الا اكرم ف عوده يبوه ينحبس وكله تلفيق منك انتي ..
اروى انصدمت وقعدت ساكته
ياسمين . برمت وشافت اسلام واقف مربع يديه ويشوفلهن ب اشمئزاز ..
ياسمين . اسلام انت
اسلام . انتي طالق ولف وطلع
انصدمت ياسمين .
اروى . عضت شفتها سفليه
...
عصام . قطعه ارض 10 هكتار ف سيدي رافع
وعندك فيلا ع البحر ف راس لهلال وشاليه ف سوسه ومزرعة في الوسيطه الارض والحوش اللي
فيها بااسمك و 3 محلات ملابس لكم بعد اخر شي
الحوش اللي قاعده فيه هذا يورث منه الحاج اعمر يعني لو فكرتي تبيعي ..
اعمر . حصتي متنازل عنها مانبيش منها شي
ابتسمت منى وكامله تفنص ف راجلها
جمعه . اللهم صلي وبارك ..
منى  . قطعه الارض نقدر نبني فيها ..
عصام . تقدري طبعا
منى . بنبني فيها جامع
ابتسمت شهد وهي تسمع ف اختها ..
والمحامي قال تقدري تستثمري فيها ..
ومنى صكرت راسها ..
كامله . انتي بعقلك قطعه ارض هك كبرها تبي ديريها جامع ..
منى . صدقه ع روح خالد ..
اعمر . ابتسم وعيونه دمعو
كامله . ولدي مهبول اللي سجل كل املاكه بااسمك من توا بدت طرطش وطلعت معصبه
اعمر . سامحونا ياجماعه نستاذنوكم
شهد . مش طبيعية بدال ماتفرح ب ديري صدقه ع روح ولدها رقيتلها
صالحه . عشان كل حاجه بااسم منى الحمدلله ربي خذا حقك تعرفي لو بأسمه هو كلهم يورثو معاك
منى . قعدت تفكر بخوف ف اللي جاي
جمعه . لازم تحطي حد يأمن ع رزقك
صالحه . خوتك شاطرين
شهد . لا يمي تصير حاجه يخسرو ولا موقفهم بايخ
صالحه . اسكتي انتي
بتول ضحكت ع امها كيف تقنع منى تشغل خوتها
..
كامله . كل حاجه كل حاجه بأسم منى
هند . كتبتله اكيد كتبتله بيش نقوللكم مديورله كتيبه تصدقوني مامات الا من وراها
كامله . وين لفعه اللي عندك
هند . دير ف العشاء
كامله . طالقه فرخة صغيره ديرلنا عشاء شن مرطزه
هند . لا متخافيش تهني شاطره
كامله . مالا انزلي عليها غداء عشاء
هند . صبح عندها مدرسة تروح ظهر ترقد
كامله . اللي تبي تقرا تقعد عند هلها
ضحكت تقوى وهي تصفح ع الفيس وقالت واللهي
شوي وطلعت ارويدا حطت صفره لرجاله وفتلكت
طاوله لهن هنا سلاطات كل حاجه تمام قعمزن
بدن ف العشاء
بعد مسحن صواني ..
كامله مغير من جوع والا واللهي تقول محطوطه ف الغساله ..
هند بضحكه خبيثه . هذا غش مفرود نردوك لهلك قالولنا تعرفي ديري كل حاجه
تقوى مبتسمه بتهكم وتشوفلها ..
ارويدا شربت من مشروب وتسب وتلعن فيهم ف سرها ..
ارويدا . الحمدلله وناضت عمتي نستاذنكم نا بكرة عندي امتحان والله او ماعندي كنت قعدت معاكم
وساعدتكم شاهي ع نار قاعد وفواكه ع طاوله العوايز تقوى حطيهن ف غساله واللي ماتخشش خليها نغسلها نا بكرة ..
كامله . يلعن جد وحده متزوجة وتمشي مدرسة
ارويدا . مزلت انا عمري 16 سنة را
كامله بهزوه . حد ضربك ع يدك وقالك تزوجي ..
هند . نا وخواتي ع ال 15 وال 14 اجوزنا لا قلنا قرايه لا قلنا صغيرات ...
ارويدا . زمان يفرق عن توا ..
كامله . لا ياهند كنتك جالطه عيب يابنتي تعلمي الادب هذي اللي مايبقاش فوق راسها اب احترمي
كبير
هند . شن يطلع منها بنت وذكرت اسم حي هل ارويدا
وضحكن كامله وتقوى ..
ارويدا عيونها دموع ونزلت شفافها للاسفل ..
كامله بضحكه . تبي تبكي نبصرو معاك ياعروسه
تقوى . حني وامي هك بصارتهن
ارويدا ضحكت مجامله وركبت تجري لدارها ..
بعد نص الليل
وليد يسلح ف البوت بتاعه ..
بكرة وعيني 8:30 عندي محاضره ..
ارويدا . بس نا عندي مدرسة ..
وليد يسلح ف ساعته حطها ع كوميدينو . مش ضروري تمشي بعدين تعالي مرايف عليك
ارويدا . نا عندي امتحان
وليد . امتحانك معاي كان نجحتي نعطيك ممتاز
ضحكت ارويدا
ومشو ف عالم اخر ..
...
ثاني يوم
وقفت قدامه
حطت يديها نعم شن تبي تفضل
كانت وهي تحكي فمها يطلع ف بخار من شده صقع
ابتسملها
عقدت حواجبها وهي تقول شن موضوع مهم اللي
تبيني فيه ..
اسلام . غيث مش كويس را
ضحكت شهد انت مزلت ف اسطوانه هذي يااخي
اعتقني لوجه الله تعالى فوتني لهدرجه هو قاهرك
منقهر منه صح احسن منك واغنى منك واكبر منك
سنا ومقاما ..
اسلام . هذ مش كويس مايغركش مهندس والبدله هذ مجرم يهرب ف الاسلحه ويبيع هذ يتاجر ف البشر هذ مليشاوي ..
شهد . مزلت تكذب انت نكره راجل كذاب منحبش
اسلام . عشان خاطري متاخذيش عشان تقهريني
شهد . انت من عشان نقهرك مانشوفش فيك من اصل انت ولا شي كلك ع بعضك مش شايفتك
اسلام . كذابه عيونك يقولو غير هك
شهد . حطت طرف شال ع كتفها ورفعت يدها شوف محبس من ف ف يدي هاه انا خطيبه غيث
قلبه انعصر . وحق الله وحق قسما بالله العظيم مش انا اللي ضربته ولا درتله حاجه مع انه هو خلاهم يطردوني من شغلي بس والله ما درتله
حاجه وهو يشوف جماعه لللي يشتغل معاهم بدال
مايرمي بلاه عليا وانا جيت ننصحك لاني خايف عليك ونبي مصلحتك لو قعدتي مع راجل هذ تنتهي
شهد . ابتسمت وقالت مدخلكش انا حره عاجبني يقعد يهرب في سلاح ومجرم ولا يقعد كيفك بياع عشره خوان حقير مش راجل تافه يتبلى ويكذب ويحكي ف اعراض ناس انت ولا حاجه انت حقير
وكلب وتافه ومتدخلش ف حياتي خطاني تشوفني
ننحرق قدامك بنار امشي ولا كأنك تعرفني انا نكرهك
فوق الكره اخرى نكرهكككك ياااسلااام نكرهههككك
وان شاء الله تعيش اللي عشته نا واللي ذقته نا كله
دفاته بكل قوتها ومشت وسيباته وهو واقف منصدم
للحديث بقيه ..