ضحايا بلادي

السادس والخمسون

ضحايا بلادي
"مجزرة العشاق"
بقلم يحيى إدريس
السادس والخمسون "56"

في مستوصف ..
ع القول ارمله وعندها اوليد وبنيه ،.
الدكتورة مزال صغيره مسكينه ..
كأنها ناقصها تشوف هكي منظر ..
فرخات يديرن البدعه وينتحرن وماشافتها غير ه راقده ريح ..
استغفري ربك هذك ماتت ماتجوز عليها الا رحمه
طلع دكتور وقال هذي مش واعيه لروحها تحتاج
لمستشفى مش هنا بكل ..

..
مقعمزين قدام مطعم ع البحر ..
ينقي ف شوك من سمك ويحط فيه ع جنب ومد
يده هاك كولي ..
هي تشوفله بخوف لا شكرا ناكل بروحي ..
اضايق من تصرفها وكمل يقول شن صار ف مشروع تخرج ..
شهد ابتسمت بضيق . قاعده ندير فيه
غيث غمزلها تبي اي مساعده انا موجود
شهد . لا شكرا
غيث . مافيش شكر هنبقى راجلك لو تبي نديره نا كله وتاخذي درجة نهائية
شهد . لا منحبش هك نحب نتعب ف حاجتي
ضحك غيث وقال هذ اللي عاجبني فيك ..
شهد . شن هو
غيث . في شبه بينا حتى نا نحب نتعب عشان ناخذ حاجتي ..
هزت شهد راسها وهو ضحك وقاللها كنك ماتضحكي دمي ثقيل لهدرجة مع ان كل
من يشوفني يقول عني خفيف دم ..
ضحكت شهد وهو ضحك وقال ايوا هك
اشربي سڤن يمسح لدهان ..
خذت شهد السڤن تشرب فيها ..
وهو يقول سڤن آب يالذيذ يارايق
ضحكت شهد وهو ضحك معاها
ونار والعه ف اسلام راكب ف سيارة ويشوف فيهم كيف يضحكو ومنسجمين ضغط ع ستريسو بكل
قوة بعدين عض يده بقهر ..
شهد . سمعت صوت تليفونها يرن مسحت يديها
وردت الو شنو ..
غيث يشوفلها ويرجى فيها تقوله ..
شهد . خوذوها لمستشفى ف شن ترجو تموت يعني
غيث . شن في كنك
شهد . حي عليا اختي اختي وخذت شنطتها
وغيث . وراها كنها
شهد . طاحت عليهم ف جامعة
غيث لحقها يجري وتحركو للمستشفى ..
..
خش اسلام شاف امه مقعمزه ..
اسلام . يمي انخطبت
نعيمه . نصيبها
اسلام . نحبها يمي
نعيمه . الله غالب ياوليدي
اسلام . شن ذنبي نا ندفع ثمن غلط غيري
نعيمه . انت الكبير
اسلام قال بصوت يرجف  . نحبها يمي نبيها يمي نبيها دموعه نزلو وحضن امه اللي كانت تبكي معاه
واسلام يبكي بالعبره ع حب عمره اللي خسره قبل
مايبدا ..

الدكتور للاسف ماتبيش تستجيب جسديا مافيها شي نفسيا رافضه انها تتعايش العامل نفسي مهم هي متعرضه لشي خطير حتى وصلت للمرحله هذ ..
شهد شافت لدكتورة ف قسم وحكتلها اللي صار
حطت شهد يدها ع فمها وغيث حاول يهديها
بس شهد بدت تبكي مزالت صغيره حبيبتي ع
اللي قاعد يصير معاها واجد عليها واجد واجد حرام
هكي ..
غيث . شهد انتي مؤمنه بالله منعرفكش هكي
وكان بيحط يده ع كتفها حولت يده وناضت
من حذاه تمسح ف دموعها ..

منى كانت ف عالم غير العالم هذ ..
ف مكان اشبه بالجنه مقعمزه هي وياه ..
وجنبهم عموري يلعب والاء ابتسمت منى
وقالتله شفت بنيتك ابتسم خالد وقال تشبهلك
منى  . وتشبهلك
خالد . اميراتي سمحات انتن ..
منى   . معش تسيبنا اخييي بلاك ..
خالد  . باس راسها ويغنيلها
آه أحبك، أحبك، أحبك وأموت من كلمة أحبك
إنت الهوى وانت الحياة عيشني ليلة بقلبك
مجنوني وينك تعال بحضني يا مجنوني
مجنوني وينك تعال بحضني يا مجنوني
وينك حبيبي يا وفي أشتعل بيك وأنطفي
وينك حبيبي يا وفي أشتعل بيك وأنطفي
إنت الهوى وانت الحياة عيشني ليلة بقلبك
يا من هواك في دمي يسري في دمي يسري
مالي سواك والله يا عمري والله يا عمري
يا من هواك في دمي يسري
في دمي يسري
مالي سواك والله يا عمري
والله يا عمري
مشتاق لك قد المطر
ورمل الصحاري والبحر
بس لو يجي منك خبر
أفرش قليبي بدربك
مشتاق لك قد المطر
ورمل الصحاري والبحر
بس لو يجي منك خبر
أفرش قليبي بدربك
يا عيوني يا أغلى من
وحتى من عيوني
وينك حبيبي يا وفي
أشتعل بيك وأنطفي
وينك حبيبي يا وفي
أشتعل بيك وأنطفي
إنت الهوى وانت الحياة
عيشني ليلة بحبك
ضحكت منى وهو باس راسها وخذاها لحضنه
ايوا ديما اضحكي ..
لما تبقى انت معاي نضحك ..
اعمر . بابًا توف
خالد اصطنع ملامح صدمه. وقال ماشاء الله ع البطل
منى . اسد طالع لبوه
ابتسم خالد وخذا الاء يبوس فيها
ومنى تشوفله بعيون يلمعو بحب وانا ..
خالد . تغاري من بنتك يالهبله ..
منى . نغار عليك من كل شي ..
وخالد يضحك
..
صالحه وهي تطلى ف العوايز طاحت منها كباية
تكسرت جرحت يديها مصت صبعها وقالت ياساتر
بتول . البنات طولن صح ..
صالحه . من بدري رنيت ع منى وقالت جايات
بتول . غريبه عمرهن ما دارنها
عموري . ليب
بتول . هذ شنو العيل مايشبع بكل
خذاته صالحه ف حضنها مادخلكش فيه
وحطت شاهي ع نار شوي ونصبلك حليب
قعمز هنا ..
بتول عليك دلع مدلعه الفرخ ..
اعمر . بتول اخخخي ..
ضحكت صالحه وبتول قالتله انت اللي اخيي وشين
اعمر . عقد حواجبه وهو يشوف لقدام
بتول . نمشي نقرا خيرلي نا
صالحه . امشي امشي ..
صبتله كبايه حليب وشاهي فكت تليفونها من شحن
ترن على منى مقفل رنت على شهد يضرب ومافيش رد ..
.،
شهد . حي عليا شن بنقوللها امي تريح فيها
غيث . اهدي وقوليلها شوي شوي
شهد . امي ماتحمل في منى حتى بزة شوكه
غيث . قوس شواربه بضيق
شهد . مسحت يدها ع جبينها
ويرن عليها جمعه ردت الو بابا ..
جمعه . وينك وين اختك ..
شهد . بدت تبكي وتحكيله
وجمعه انصدم
وانتشر الخبر ف العائلة ..
صالحه قريب عدت فيها وف قولة شيلوني لبنتي
بعد 3 ايام ..
خشت تقوى .. للحمام وطفت الاضويه
تربعت ع الارض حطت الاقلام وبدت تقول
ف التعويذه اللي تقول فيها لعبه "تشارلي"
وتحرك القلم بروحه ..
ابتسمت تقوى وقالت عليك كذب ماصارلي شي ..
...
اعمر . ابي ماما
حضناته بتول وهي تقول توا تجي ف جامعة
اعمر . تولت ماما
بتول دمعو عيونها خلاص معش طول ..
اعمر . اوفف
بتول . كنك
اعمر . ابي ماما نا كل يوم بكلا بكلا بكلا
بتول . بكرة تجيك
اعمر . وعد
بتول . وعد
بس عن اي بكرة تحكي يابتول الله اعلم يمكن مافيش بكره ويمكن بكرة اسود من اليوم ..
...
كانو كل يوم ف مستشفى صالحه بدت تتعب
وكملتها بكاء روحوها ع الحوش مكملتها نوم
لا تاكل كويس لا تشرب كويس وشهد اللي كانت
مع اختها كل يوم هي وبوها ..
خش جمعه عليها يشوف فيها راقده ع سرير وقف
حذاها تذكر كيف كان قاسي معاها هي بذات دون
عن خوتها وخواتها يضرب فيها ويهزب فيها وهي كانت لسانها سليط ماتريحش روحها سامحيني
يابنتي سامحيني نوضي ه المره مش عشاني ولا عشان حد عشان عويلتك يابنتي ف حاجتك خليك
منى اللي نعرفها البنت القوية اللي بمية راجل هي ياباتي صبي دموعه غلبوه وطلع برا شافاته شهد ..
جمعه . مافي يدي شي مش قادر ننقذ بنتي طاح
ع الارض وهو يبكي وشهد قعمزت حدا بوها تبكي
معاه ..
...
وسن . نا ماشيه لهلي تبي شي يااعميمه
شافتلها رقيه باإزدراء وطلعت وسن مع الحسن
حطها عند هلها وهو مشا لشغله ..
اما رقيه قالت ولد العازه شوي طفا ضي قالت ييييه
علينا موال ها الضي ولعت دفاية القاز وضي استمر
انقطاعه من 6 مساءا وحاليا ساعة 12 ليلًا..
رقيه شكله مش جاي الليلة هي رقدن وراكن مدرسة
وشهر 3 وقتها قرة العنز وتمطر بقوة هذك اليوم نتذكر هذك مطر حتى ف الشتاء ما مطرتها  ..
حطت فراشات ف صاله و6 بطاطين  ورقدن ..
...
كامله . كان تموت هلها يورثو كل حاجه
اعمر . ياوليه كنك انتي بدال ماتقولي بعيد سو ربي يحفظها لعويلها تفكري ف الورث
كامله . نفكر ف تعب ولدي وشقااه عدا ع الابيض
هند . ماهو حضرة جنابه سجللها كل حاجه باسمها
اعمر . بالك تبيه يسجله باسمك
هند . اخته اولى من الغريب
اعمر . ربي يهديكم وناض من جنبهم
كامله . لازم نجيب ورق غار نبخر بيه الحوش كله هذي دايره سحر قوي ..
هند . اي والله ه سحارات هذين طرطش ملمهن اصلا مصايب ينزلن عليهم من افعالهم غضب ربي هذا صايعات ..
..
ارويدا . امي قالت طافي عليهم من المغرب
وليد . ماعندهمش محرك
ارويدا . مايعرفنش يولعنه الحسن مش قاعد
وليد. باسها نعلي منك انتي
ضحكت ارويدا
ومشو ف عالم اخر ..
..
بنت عمتك شن صار فيها ..
اسماء . مزالت ف غيبوبه
ماجده . مسيكينه
اسماء غريبه مش حاقده عليها يمي بعد اخر موقف
ماجده . معاها حق مع انه ولدي بس اللي شافوه مش ساهل اللي داره فيهم مش شوي
اسماء دموعها نزلو دمرنا كلنا الله لا يسامحه
ماجده . مسكت يد بنتها قولي استغفر الله
اسماء . خايفه عليه ياامي بعد اللي داره فينا وف بوي وعمتي
ماجده . وليدي يااسماء ساد ماخسرت خوتك وعويلتهم وليدي مهما يدير ربي يهديه يارب ..
اسماء . شافت لاامها بحزن
ماجده . تبكي
اسماء حضنتها وبدن يتباكن ..

شهد . حرام عليك يامنى عرفتك تسمعي فيا عموري يامنى كل يوم يسأل عنك يبي يشوفك والاء مكملتها
عياط مش قادره تتقبل حليب صناعي تبيك انتي امها صبي يامنى انتي قويه مش ضعيفه بش تستسلمي هي نوضي ع خاطرهم باهي انا محتاجتك بنشكيلك مش ديما بتسمعيني انا يامنى طايحه ف كارثه مايعلم بيها غير الله انا طحت ف عصابه ..
مجرمين تعرفي ان غيث هذا مجرم طلع نبيك تساعديني وتعطيني حل نفتك منه تعرفي انه اسلام
يبي يردلي وطلق مراته مسحت دموعها يحسبني
ب ساهل نسامحه يحلم هي يامنى صبي بنفخرو
بيك نتخرجو مع بعضنا ونبقو مهندسات وبأسمنا
اخرى ونقولو نحنا بنات صالحه نهضنا بروحنا ..
مازال بدري ياخيتي ع رقدتك هذي حطت يدها
ع فمها بعدين مسكت يد منى صبي هاه نرجو فيك
عارفينك مش هتخذلينا وتمشي ..
منى كانت ف عالم غير ه العالم ..
منى . وين ماشي
خالد . مليت عيوني بيكم
منى . مدت يدها خوذني معاك
خالد . شاف لعياله وعموري والاء
منى. خليتهم لخالتهم انا نمشي معاك منقدرش بلاك
ابتسم مد يدها وشبكت اصابعها ف اصابعه ..
...
بتول مقعمزه تحكي مع صحبتها  ع الماسنجر ..
بتول . مزالت والله
مريم . ربي يشفيها يارب وترد لعويلتها
بتول . اللهم امين يارب ..
مريم . اي حاجه خذيناها ندزها لك متخافيش
ابتسمت بتول وقالت نجكليا ..
عموري كان مقعمز ف يده تليفون امه ..
يشوف لصورتها هي وياه حاضنته ومبتسمه ..
وجهه احمر ودموعه ينزلو
عموري . نبي ماما نبي ماما ..
حضناته بتول توا تجي حبيبي توا تجي ..
اعمر . تولت ادت ما بابًا ثح
بتول . لالا بعيد سو بعيد سو عليها
اعمر . يبكي ف حضن خالته
...
راقده ف امان الله ناضت تشم ف ريحه حرق فتحت
بدت تستوعب فتحت عيونها ع الاخر ضي والع ...
ناضت تجري فتحت باب دارها طلعت لصاله ..
شافت نار بدت تعيط ع طول حسها بناتي لااا
بناتي لاااااااا ..
ع جية الحسن شاف نار كامره ف الحوش
وناس برا تفرج خش يجري وسن منصدمه
الحسن امي وهو يكح من قوة الدخان ...
ونار واكله كل حاجه سمع عياطها مشالها يجري
غطاها بجاكه وهي تعيط بناتي بناتي الحسن طلع
بيها برا وهي تعيط ع طول رقبتها خش يجري وجيران يساعدو فيه تطفاي نار يدور ع خواته ..
ورقيه منهاره ف حضن وسن ...
صالحه تتفرج من عند روشن تشوفلهم ..
عيونها مدمعات ..
الحسن وهو يكح رهف رغد ..
يدور عليهن وناس تحاول اطفئ نار بس كانت قويه
...
بعد ماصلت الفجر ماشيه توعي بنتها بيش تجهز روحها لان الحافله تجي بدري فتحت باب دار وقالت
تقوى مش باينه عليها ف دار فتحت باب الحمام كان مسكر طق عليها تقوى هي وقت ع الحافله ..
لا رد
هند زادت دقت ع الباب يابنت تسمعي فيا
اكيد منجوهه حاطه سماعات صلت الفجر
وردت اخرى مافيش صوت طق ع الباب لا رد
بدت تفتح ف الباب مباش ينفتح عيطت لراجلها
بلقاسم . كنك ياوليه شن صايرلك
هند . بنتك لها اكثر من ساعه مصكره ع روحها صبي شوفها
بلقاسم . ناض يجري ويدعي تكون مش دايره اللي ف عقله مشا يجري يدف ف الباب بكتفه بكل قوته
يبعد ومره وحده يهجم وانعتل الباب وشافو بنتهم
معلقه ف الهواء عند لامبه الحمام مشنقه روحها
شهقت هند وبلقاسم يشوفلها بصدمه ..
...
جهاز انذار القلب يدير ف صوت
وشهد تعيط لا يامنى لا لا
طلعوها الدكاترة والممرضات ..
وشهد تبكي حطت يدها ع فمها
وبدو يديرولها ف صدمات كهربائية ..
وشهد تشوف لجهاز القلب بخوف وعيونها مليانات دموع ..
الممرضه دكتور مافيش استجابه
الدكتور اخر مره 123...
وجهاز دار صوت صفاره
شهد عيطت لااااااااااه

للحديث بقيه ..