ضحايا بلادي

الرابع والثلاثون

ضحايا بلادي
"مجزرة العشاق" اللقاء الأخير 🍃
بقلم يحيى إدريس
البارت الرابع والثلاثون

شهد ، بخت عطر ل امها بدت تفتح ف عيونها
شهد . الحمدلله
بتول . تمسح ف دموعها وهي تشوف ف حالة امها
محمد . خليني نشيلها مستشفى
شهد ، مافيش داعي صارلها هبوط وبعدين من مصايبكم كان تهنوها وماتزعلوهاش را ما يصيرلها شي وطلعت من حذاه بتول لحقت شهد قعد محمد
واقف مكانه عقد حواجبه وطلع من الحوش بكل
خش جمعه صالحه متمدده ع سرير ودوبها فاتحه
عيونها قعمز جمعه مقابلها يشوفلها وهي غيرت وجهها عنه رفع وجهها بيده له هو وقال سامحيني
صالحه . انت شن ذنبك
جمعه . عيالنا طلعو يشبهولي ف كل تصرفاتي
صالحه . زعلت عليا
جمعه  . خفت عليك
صالحه . شافتله خفت عليا نا
جمعه . هز راسه وهو مبتسم
صالحه . ابتسمتله
جمعه . نحبك ياوليه
صالحه . حطت يدها ع فمها وهي تضحك
جمعه . غمزلها وانتي
صالحه . عيب ياجمعه كبرنا ع خبر هذ
جمعه . لا ف عز شبابنا مزال
صالحه .  تحبني زي زمان قبل ماتجوزني
جمعه . تس
صالحه .
جمعه . نحبك اكثر من زمان
ومره يضحكو مره يتنابشو 
.....
هند . ريما بكره جايه
كامله . اها
هند . وست الحسن وجمال وين
كامله . راقده قالت تنزل بعدين
هند . مرقد جدي هيواااه
تقوى . مللل ياريتنا جينا بكرة يمي
كامله . اقعدي باتي تقيوا
تقوى . باه
هند . حتى نا نبات
كامله . لا انتي خوذي حمودي هذ مايبات عندي
هند . خزي عليك ياامي ملائكه
كامله . هذ جن مرسل
تقوى . نفخت اوفف ع كساد مافي حد هنا
خالد . بنمشي نزرد را مع جماعتي طالعين اليوم
منى . تبي تبات
خالد . 3 ايام
منى . معناها شيلني لهلي
خالد . ع راحتك كان ماتبيش نقول لباتي يشيلك لهم بكرة
منى . لا حتى شهد بدري كلمتني وقالت امي مريضه
خالد . تمام مالا وتي روحك
ربع ساعة ونزل خالد سلم ع هند وشرب فنجال قهوة
هند . وين منى ..
خالد . فوق ..
هند . اممم شكلك طالع
خالد . رفع حواجبه
وهي لوت فمها وسكتت ..
تقوى تشقلب ف تليفون بمللل ..
ع نزله منى عبايتها وشاحها وشنطه ف يدها
خالد . هاني عنك خذا منها
هند . كل سنة وانتي طيبه
منى . وانتي طيبه ان شاء الله
تقوى . كل سنة وانتي طيبه
منى . وانتي طيبه
هند . كيف اذا حضرت شياطين ذهبت الملائكة
منى . ضحكت لا مش هك بس خالد زارد بيات عشان هك قلت ياخذني بالمره لهلي ..
هند . اول يوم مفروض هنا
منى . وانت ليش مش عند هل راجلك
هند . كنت عندهم صبح
منى . حتى نا كنت هنا صبح كله وتغديت هنا
هند . شافتلها بتضييقه عيون
منى تليفوني يرن عن اذنكم وطلعت وسيبت هند تاكل ف نفسها ..
منى . ركبت ف سيارة
خالد . كنك طولتي جوا
منى . نهدرز مع هند انت ماحسيتش بيك انك طلعت
خالد . بديتن تسلمن طلعت عارف سلامكن مايفض
منى  . ضحكت ولع تكييف
خالد . نعلي ياتكييف انتي ودرس ع محل ع جنب
منى . شافتله بإستغراب وهو نزل
سندت راسها ع روشن روشن ورقدت لعند سمعت
باب سيارة انفتح فتحت عيونها شافت اكياس حطهم ف كرسي الوراني قالتله شنو هذ
خالد . لهلك عيب نمشو فاضيين
منى . نجكًلي الكريم
خالد . ابتسم وتحرك لعند وصلو
منى . خساره فكو زينة رمضان
خالد . كانت دايره جو ف شارع
منى . ابتسمت
ونزلت هي ونزل معاها خالد نزل الحاجات وخشو
خالد خذاه جمعه لمربوعه ومنى جو عيدت ع هلها
منى . ياامي خالد بيعيد عليك
صالحه . مسحت ع شعرها وطلعت خير ياخالد
خالد . ابتسم وصبا كب ع راسها كيف حالك ياعمتي
صالحه . كل عام وانت بخير
خالد . كل سنة وانتي
صالحه . شخبار هلك
خالد . الحمدلله كويسين
صالحه . ابتسمت وخشت داخل
شهد . تصب ف العصير
بتول . شوكولاطه سمحه صح
منى . سمعتها ضحكت امتحاناتك قريب
بتول . شقلبت عيونها ماتذكرينيش
منى . ان شاء الله
بتول . رفعت يديها يارب
شهد . هاكي يامنى شيلي صفره لمربوعه
منى . خذتها وطلعت
شهد . رايحه سمحه صح
بتول . اها بكلل حتى انتي سمحه
شهد . ابتسمتلها هابا عليك انتي
بتول . ضحكت
شهد . نوتي صفره لنا
بتول . تطلعو للحاجر
شهد . اها حتى طاحت شمس وجو قعد اسمح من بدري
وقعدن يديرن وطلعن برا وجت قعدت معاهن منى
منى . ها شن جديدكن
شهد . شي كساد
منى . حطت يدها على يد شهد معلش الغايب عذره معاه
شهد . ابتسمت مجامله وشربت من عصير
منى . شافت لبتول ام شميط شن عندك حاجه تخبرينا
بتول . شن بيكون عندي شي
منى . واللبز اللي ع وجهك وتقولي شي
بتول . عادي نحب الاهتمام بنفس
منى . ايوا يااهتمام انت وضحكت
ع خشة صالحه قعمزت حذاهن وبدن يهدرزن
وكان جو سمح وضحك ومشا اول يوم ف الليل
شهد . وهذ اللي صار مسح بيها الأرض وبوي ضربه كف
منى . رفعت حواجبها جمعه
شهد . هزت راسها بضحكه
منى . يهدي من يشاء
شهد ضحكت. حقيره والله بوي كويس وطيب غير متعرفيش
منى . شقلبت عيونها رايفت على خالد
شهد . ملولبه عاد انتي
منى . شن فيها راجلي تقنعيني مش مرايفه ع حكايات اسلام
شهد . مش غير مرايفه يامنى مرايفه واجددد
منى . اكيد حاجه قوية منعاته عنك
شهد . ان شاء الله خير
سمعن شخير بتول ...
منى ضحكت وشهد ابتسمت تعودت ع صوت
منى . مزالت تعيط وهي راقده
شهد. من يوم شافت موت مروان ورده وهي كل يوم هك
منى . اللي شافاته مش ساهل
شهد . نا خايفه عليها يامنى بدت تكبر
منى . ما حتى نحنا كنا صغار وكبرنا عليش خايفه
شهد . لا يامنى زمان امن وامان انتي مش شايفه شن صاير وضع يخوف دواعش وارهاب ودم وهي تقلد
ف بنات اللي يجن من برا تشوفي مكياجها ولبسها
منى . عادي كيفها كيف اللي ف سنها
شهد . لا مش عادي يامنى
منى . ضحكت شهد راك معقد بكل اللي يشوفك تقول اسلام مش علاقه
شهد . علاقه وخطبني واسلام يجري وراي ولا عمري طلعت شعري ولا مكيجت وتبرجت كيف بتول ..
منى . عارفه بس خليها تعيش حياتها متخليكش معقده
شهد . يعني انا معقده
منى . بدون زعل
شهد . لا عادي
منى . مرات نحس فيك اختنا الكبيرة مرات امنا عاقله ب زياده وحنونه وفيك شويه هبال
شهد . هبال
منى . زي تعاملي ف بوي ولا كأنه كسر يدك ولا لزنا
شهد . بوي يامنى بعدين الحاجات الكويسه نتذكرله نا وصغيره ديما يلعب فينا ايام زمان بكل تذكري ..
منى . مش متذكره الا ضربه ل امي واهانته وبخله وفرض عليا زواج ولزني من
شهد . لزك من وين
منى . شي شي تصبحي ع خير ورقدت
شهد . مطت شواربها ورقدت حتى هي
...
ثاني يوم 6 في المغرب
صالحه دايره عداله شاهي وطلعت شهد ب السفنز
وبتول ب السبول من وراها
منى . ايوا دلعنييي
ع جية جمعه شافهم كيف ياكلو ويضحكو قعمز
حذا صالحه مدتله طاسه شاهي وشافلهم وقال
الخميس فرح عمتكم منيره ف الحوش دايرته
شهد ومنى بحتن ف بعضهن وطربقنها ضحك
صالحه وهي ماسكه ضحكتها ربي يهنيها
بتول . عمتي منيره تلبس فيلو
منى . منظرها يقتل ضحك وهي عروس اكيد
صالحه . خلاص عيب يابنات
شهد . زعمك دير توديع عزوبيه
منى . اكيد ه دير اكبر من يوم زفه لها 50 سنة ف العزوبيه
شهد . ضحكت
ومحمد يضحك معاهن ويهز راسه يمين ويسار
وبعدها صالحه مشت ادير العشاء مكرونه وكل
حد لاهي ف حاجه ...
خالد . مشا بعيد عن مكان اللي فيه اصحابه
ورفع تليفون وضرب ع رقم
منى . شافت تليفونها يرن ردت ومشت بعيد عن هلها الو ..
خالد . ابتسم شخبار سمح
منى . تمام
خالد. كنك تحكي برسميه
منى . هلي كانو حذاي
خالد . ضحكت بصوت عالي تقول علاقه يابنت
منى . نتحشم
خالد . نعلي وخلاص
منى . رايفت عليك حبيبي
خالد . بكرة مروح
منى . نجكًلي
خالد . ناقصك شي
منى . شوفتك
خالد . احح ياقلبي شكلي بنروح اليوم
منى . كنك راجل ديرها
خالد . ضحك
منى . شقلبت عيونها بضحكه
خالد . خلاص ياقلبي هذ هو قلت نطمن عليك
منى . سلمك
خالد . عينك من روحك ومن وليدنا
منى . حاضر حتى انت عينك من روحك ياسمح
خالد . عيونك سمحات
منى . باي
خالد . اوكي صكر الخط
دارو العشاء ومحمد طلع وجمعه خش رقد
وقعدن صالحه والبنات تحت العريشه قدامهم
تبسي عنب ويعلقن ع زواج منيره ...
بتول . قصدك بتمشي
صالحه . نمشووو
بتول . لا مانبيش
شهد . حتى نا ماعنديش نيه
صالحه . كلنا نمشو حتى منى لو تحبوني
منى . حاضر يمي شوي رن تليفونها الو
خالد . برا
منى . كيف مش ع اساس 3 ايام 
خالد . مش قلتيلي كنك راجل ديرها
منى . ضحكت
خالد . هي
منى . تمام اوكي
صالحه . شن في
منى . بنروح
شهد . مش ع اساس بايته
منى . مصارش روحو وهو قاعد برا
بتول . ثقيله يامنى لنقنك ثقيله باتي
منى . انتي وشخيرك هذ
بتول . على اساس جديد عليكي
منى . توا عندي شفتي ورقصت حواجبها بضحكه
لبست وخذت شنطتها وقالت مع سلامه سلمت
عليهم وطلعت ركبت سيارة
منى . حمدلله ع سلامتك
خالد . الله يسلمك وضحك
منى . تشوفله كل شوي وتبتسم
خالد . كنك تبحتي في را نقلب سيارة
منى . مش مصدقه روحت عشاني نا
خالد ، وكان ما روحت عشانك عشان من بنروح
منى . خالد عاد
خالد . خلينا نوصلو وساهل الكلام وهي ضحكت معاه
...
ثاني يوم  ساعة 10 صبح
كان اسلام ماشي لحوشهم وف يده شكاره خبزة
خو رؤوف كمال .  اسمع انت لو ماتنتلفو من مدينه هذ نلحقوك بخوك لجهنم الحمرا
اسلام . نزل شكاره الخبزه وبيده مسك وجه راجل وخر لعند لصقه ع ساس وقال بغضب من انت يافرخ الل
كمال . انا اللي خوك قتل خوي
اسلام . وخوي انعدم شن تبي خلاص فضت
كمال . لا مفضتش تطلعو من هنا لا انت هلك تقعدو هنا
اسلام . مش شورك
كمال . بس امك شورنا لو صارتلها حاجه ماتلوم الا روحك
اسلام . قعد ساكت ويشوف لكمال
...
ساعة 7 ف المغرب
منى مقعمزه قدام زيانه لابسه قفطان مغربي ومكيجه وطالقه شعرها وتبوس ف روحها من لمرايا
خالد . هي ياقلبي
منى . هي جايه
خالد . شن سماحه هذ شن اناقه شن جمال هذ
منى . ضحكت من بعدك ياقلبي
خالد . ابتسم هي هي خير مايصيرش من مشيتك لفرح
منى . بعدك على سبله انا
وخشن شهد وصالحه وبتول ...
وكل وحده اسمح من الاخرى ك شكل وك لبس
وكل معازيم عندهم فضول من هذول ..
وعتيقه اطنش عليهم ..
وبعدها خشت منى وكل ناس تنشد عنها من هذ
وقعدت حذا هلها ونزلت منيره اللي شهد ومنى يتهامسن ويضاحكن عليها وهي قعمزت ع كرسي
اطنش عليهن عزمتهن مش غلا ف وجوهن بتقهرهن
ومنيره ناضت ب الفيلو ترقص بيديها ندير ف حركات تبان عبيطه او مجنونه هي من فرحتها مش مركزه ف روحها وعتيقه منحرجه من تصرفات بنتها
ومنى ماسكه ضحكتها بالغصب وشهد تضحك بدموعها ...
شهد . ضحك ضحك يوم ماينتساش
منى . تعرفي ع قد مانضحك على عباطتها وهبالها بس فرحت انها تجوزت
شهد . مع اني مانقبلهاش بس واعره قاعده بروحها
منى . ان شاء الله ربي يبعدها ويسعدها
شهد . خلاص انا بنصكر نمشي نصلي قيام الليل
منى . تمسح ف مكياجها
خالد . خليه سمح
منى . جاته انت سمح ياسمح وعضت ع شفتها سفليه
خالد . يضحك باقي منحرفه
منى . تعلمت منك
خالد . ضحك
...
بتول . ضحك يارويدا وقعدت ترقص وتحرك ف يديها
ارويدا . خساره ياريتك صورتيها
بتول . مخطرتش عليا
ارويدا . باهي العريس شن شكله
بتول . شينننننن
ارويدا . ضحكت عطك الخير
بتول . هي كبيرة وهبله بس سمحه
ارويدا . حي هذ وليد خش ف الانتظار
بتول . هي وجك بنرقد نا
ارويد ا . تصبحي ع خير
بتول . باي
ارويدا . حبي
وليد . مع من مشغول عقاب الليل
ارويدا . بتول
وليد . فرق بيني وبينها
ارويدا . حرام عليك
وليد . ها ياحبي شن ديري
ارويدا . كساد احكيلي ع فرح عمتها
وليد . فكيني منها احكيلي عنك انتي
وكملو عاد هدرزتهم ..
شهد بعد صلت قيام الليل وقرت ورد من القرآن الكريم بعد كملت خشت لدار شافت بتول تشخر
ابتسمت فكت تليفونها من ع شحن دير منبه ع خاطر جامعه شافت رساله من ارنوبي ابتسمت
قعمزت ع سرير وهي ترجف فتحت وكان محتواها
ارجيني ف المكان اللي ديما نتلاقو فيه ساعة 9 صبح
ابتسمت وكانت هتتصل بيه الرقم المطلوب مقفل
تكدرت بس تذكرت لما صلت ودعت ربي يعطيها
اشاره ويريح بالها ابتسمت انها بكرة بتشوفه وقعدت متحمسه اتقلب يمين ويسار عشان يجي بكرة لهفتها ناضت صبح بدري قبل حتى من المنبه
من حماسها تدوشت وتعطرت وطلعت احلى لبسه
شافتها بتول
بتول . شن سر فرحه هذ
شهد . قعمزت ع سرير اسلام دزلي امس ف الليل وقالي بكرة بنشوفك ع اليوم ساعة ونشوفه
بتول . ابتسمت ربي يعطيك مافي بالك
شهد . امين يارب ناضت تلبس وطلعت تجري
بتول . خشت لحمام
شهد . واقفه وترجى فيه بعد سمعت صوته قال لوز
شهد برمت وكانت بتعاتبه بس نظراته منعوها
اسلام . شن حالك يالوز
شهد . ماتنشدني عن حالي وانت غايب ياغالي وينك وين انا تعبانه ياسينانو ..
اسلام . لو تشوفي حالي مستحيل تلوميني
شهد . كنك
اسلام . انا تعبان يالوز تعبان
شهد . انا جنبك ياسينانو نحلو اي شي مضايقك بس ونا معاك
اسلام . مسح دمعته انا مش قادر نكمل معاك
شهد . ابتسمت كيف يعني
اسلام . انتي مش مناسبه انا وياك نفس العمر ومعروف المرا تكبر قبل راجل
شهد . تبصر صح مسمطك
اسلام . لا مانبصرش
شهد . ضحكت كيف يعني انت من الاول عارف اننا من نداد بعضنا شن درتلك نا ؟
شن درتلك غير اني حبيتك وثقت فيك
ليش ليش نذاله والحقاره توصل بيك هك عقلي مش مستوعب اللي درته فيا قول حاجه !؟
اسلام . انا اسف
شهد . اسف دمعتها ف محجر عينها قالت بصوت مخنوق امشي الله لا يربحك ان شاء الله ماتفرح دقيقه ف حياتك ياارب امشي امشي معش بنشوف وجهك اسلام عطاها ب ضهره وبدا يمشي
شهد . انت اللي كسرت اللوز انت

لم يعد سكر لطيفا معي !
أظنه التقى ب لوز اخرى !